- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 1 - ءماجىلىسى جابىلاردا سويلەنگەن ءسوز
نۇرلان ءابىلماجىن ۇلى
2013.02.05 16:52 كەلۋ قاينارى : ءتاڭىرتاۋ تورابى
مۇشەلەر، جولداستار:
جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 11 - كەزەكتى كوميتەتىنىڭ 1 - ءماجىلىسى كەڭەستىك تارتىپتەرىن ءساتتى ورىنداپ، بۇگىن جابىلۋ الدىندا تۇر. الگىندە ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جولداس اسا ماڭىزدى ءسوز سويلەپ، اۆتونوميالى رايوندىق ساياسي كەڭەستىڭ ەكونوميكا مەن قوعامنىڭ دامۋىن جەبەۋدەگى ماڭىزدى ۇلەسىن جوعارى باعالادى ءارى جۇڭگوشا سوتسياليزم تۋىن باستان - اياق بيىك ۇستاپ، كوممۋنيستىك پارتيانىڭ باسشىلىعىنا بۇلجىماي تاباندى بولىپ، جۇڭگوشا سوتسياليستىك ساياسي دامۋ جولىمەن اۋىتقىماي ءجۇرۋ؛ دارىندىلار، اقىل - پاراسات جاعىنداعى باسىمدىعىن ساۋلەلەندىرىپ، شينجياڭنىڭ عىلمي قارىشتاپ دامۋىن، توپ جارىپ، توپتان وزۋىن قۇلشىنا ىلگەرىلەتۋگە جاڭا ۇلەستەر قوسۋ؛ شينجياڭداعى ءار ۇلت حالقىن ءسۇيىپ، ادامدى نەگىز ەتىپ، حالىق تىلەگىن جۇمىلدىرىپ، پارتكومنىڭ بۇقارا مەيىلىنشە نازار اۋدارىپ وتىرعان، ەڭ تىكە مۇددە ماسەلەلەرىن شەشۋىنە كومەكتەسۋ؛ ۇلتتىق بولشەكتەۋشىلىككە قارسى تۇرۋ، وتاننىڭ تۇتاستىعىن، ۇلتتاردىڭ ىنتىماعىن قورعاۋ، قوعامنىڭ جاراسىمدىلىعى مەن ورنىقتىلىعىن جەبەۋ جاقتارىندا ايقىن تالاپتار قويىپ، شىنايى ءۇمىت ارتتى. جاڭ چۇنشيان شۋجيدىڭ ماڭىزدى ءسوزىنىڭ ءمانى تەرەڭ، ماڭىزى زور، ول − كەزەكتە جانە مۇنان بىلايعى مەزگىلدە اۆتونوميالى رايوندىق ساياسي كەڭەستىڭ قىزمەتىن جاقسى ىستەۋدىڭ ارەكەت قىبلاناماسى. بۇكىل شينجياڭداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرى ءسوزدى مۇقيات ۇيرەنىپ، ماعىناسىن تەرەڭ ۇعىنىپ، جان - جاقتى يگەرىپ، فۋنكتسيانى اتقارۋ قىزمەتتەرىندە بۇلجىماي دايەكتى تياناقتاندىرۋى كەرەك.
بۇل جولعى ءماجىلىس − بۇكىل رايونىمىز بويىنشا پارتيا 18 - قۇرىلتايىنىڭ رۋحىن جانە ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ج ك پ اۆتونوميالى رايوندىق 8 - قۇرىلتايىنىڭ، ج ك پ اۆتونوميالى رايوندىق 8 - كەزەكتى كوميتەتى ءتورتىنشى جالپى (كەڭەيتىلگەن) ءماجىلىسىنىڭ شەشىمدەرى مەن ورنالاستىرۋلارىنا ساي، شينجياڭنىڭ قارىشتاپ دامۋى مەن باياندى تىنىشتىعىنىڭ جاعدايىن اشۋ جولىندا قۇلشىنا ۇمتىلىس جاساعان جاعدايدا اشىلعان اسا ماڭىزدى ءماجىلىس. ءماجىلىس كەزىندە ساياسي كەڭەستىڭ تيانشاننىڭ تۇستىگى مەن تەرىستىگىنەن كەلگەن ءار ۇلت، ءار سالا مۇشەلەرى ەرەكشە ىستىق ىنتا، وسكەلەڭ جاۋاپكەرلىك تانىتا وتىرىپ، ساياسي كەڭەستىڭ اۆتونوميالى رايوندىق 10 - كەزەكتى كوميتەتىنىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايى جونىندەگى باياندامانى تىڭدادى ءارى قاراپ ماقۇلدادى؛ اۆتونوميالى رايوندىق 12 - كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناسىپ، ۇكىمەت قىزمەتىنەن جاسالعان باياندامانى، سونداي - اق باسقا دا ماڭىزدى باياندامالاردى تىڭدادى جانە تالقىلادى؛ اۆتونوميالى رايوننىڭ ەكونوميكالىق قۇرىلىسى، ساياسي قۇرىلىسى، مادەنيەت قۇرىلىسى، قوعامدىق قۇرىلىسى جانە ەكولوگيالىق وركەنيەت قۇرىلىسى توڭىرەگىندە مۇقيات تالقى جۇرگىزىپ، بەلسەندى ۇسىنىستار قويىپ، اقىل - كەڭەستەر بەردى، كوپتەگەن ورەلى پىكىر - ۇسىنىستاردى ورتاعا سالدى. ءماجىلىس اسا تابىستى اشىلدى. ءماجىلىس ستيلى جاقسى، مول تابىستى، دەموكراتيالى، ناقتى، بەرەكەلى، اسەرلى ءماجىلىس، بۇرىنعىعا مۇراگەر، كەيىنگىگە بۇيداگەر بولعان، الدىڭعىلاردىڭ جولىمەن كەيىنگىگە جول اشقان ءماجىلىس بولدى. ول بۇكىل شينجياڭداعى ءار ۇلت حالقىن جۇدىرىقتاي جۇمىلۋعا ىنتىماقتاستىرىپ، كوپ بولىپ اقىل قوسىپ، شينجياڭنىڭ رەفورما جاساۋ، ەسىك اشۋ جانە وسىزامانداندىرۋ قۇرىلىسى ىستەرىنىڭ جاڭا پاراعىن بىرگە اشۋدا اسا كەلەلى ءمان الادى.
اۆتونوميالى رايوندىق پارتكوم ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 1 - ءماجىلىسىنىڭ ويداعىداي اشىلۋىنا ەرەكشە باسا ءمان بەرىپ، ماجىلىسكە دايىندىق كورۋ جانە ونى ويداعىداي اشۋ تۋرالى جان - جاقتى، قاپىسىز ورنالاستىرۋلار جاساپ، ءماجىلىستىڭ ءساتتى اشىلۋىنا تاماشا شارت - جاعداي ازىرلەدى. ءماجىلىس كەزىندە ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جولداس، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر جولداس باستاعان اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە ءوندىرىس - قۇرىلىس بيڭتۋانىنىڭ باسشىلارى قاتىستى ماڭىزدى قيمىلدارعا قاتىناستى، ماجىلىستەردە سويلەنگەن سوزدەردى ەستىپ، سالالاردىڭ بىرىككەن گرۋپپا تالقىسىنا قاتىناسىپ، ساياسي كەڭەس مۇشەلەرىمەن اڭگىمەلەستى، ماڭىزدى ءسوز سويلەدى، بۇل كۇشتى اڭىس تۋدىرىپ، اۆتونوميالى رايوندىق پارتكومنىڭ، ۇكىمەتتىڭ ساياسي كەڭەس قىزمەتىنە ەرەكشە ءمان بەرگەنىن جانە ساياسي كەڭەس مۇشەلەرىنە كامىل سەنىم ارتقانىن تولىق ايگىلەدى، بۇدان ءار ۇلت، ءار سالاداعى ساياسي كەڭەس مۇشەلەرى ەرەكشە شابىت الىپ، قاتتى اسەرلەندى.
اۆتونوميالى رايوندىق ساياسي كەڭەستىڭ بۇرىنعى كەزەكتەردەگى كوميتەتتەرى جاڭا كەزەكتى كوميتەتتىڭ قىزمەت ىستەۋىنە قۇندى تاجىريبەلەر قالدىرىپ، اسا تاماشا نەگىز قالادى. وتكەن 5 جىلدا ساياسي كەڭەس اۆتونوميالى رايوندىق 10 - كەزەكتى كوميتەتى اۆتونوميالى رايوندىق پارتكومنىڭ باسشىلىعىندا، اۆتونوميالى رايوننىڭ ەكونوميكالىق، قوعامدىق دامۋىن تەزدەتۋگە، قوعام ورنىقتىلىعى جالپى جاعدايىن قورعاۋعا، ۇلتتار ىنتىماعىن كۇشەيتۋگە، حالىق تۇرمىسىنىڭ جاقسارۋىن جەبەۋگە، ءتۇرلى ىستەردىڭ جان - جاقتى العا باسۋىنا ماڭىزدى ۇلەستەر قوستى. اسىرەسە، ءتوراعا اسحات كەرىمباي ۇلى سياقتى ساقا باسشىلاردىڭ تانىتقان بەرىك ساياسي مايدانى، كورنەكتى قىزمەت دارىنى، تاماشا قىزمەت ستيلى جاڭا كەزەكتى ساياسي كەڭەس كوميتەتىنە ۇيرەنۋ ۇلگىسىن ورناتتى. بۇل جولى جاس سەبەبىنەن ءتوراعا اسحات كەرىمباي ۇلى، ورىنباسار ءتوراعالار حۋاڭ چاڭيۋان، ۋاڭ ۋي، قىزايجان سەيىلقوجا ۇلى، ايۇپ تەيىپ اۆتونوميالى رايوندىق ساياسي كەڭەستىڭ باسشىلىق مىندەتىن ەندىگارى وتەمەيتىن بولدى، 10 - كەزەكتى كوميتەتتىڭ تۇراقتى مۇشەلەرىنىڭ، مۇشەلەرىنىڭ اراسىندا ءبىرسىپىرا جولداستار تۇراقتى مۇشەلىك، مۇشەلىك مىندەتتى ەندىگارى وتەمەيتىن بولدى. وسى ارادا ساياسي كەڭەس اۆتونوميالى رايوندىق 10 - كەزەكتى كوميتەتىنىڭ ءتوراعاسى اسحات كەرىمباي ۇلىنا، ورىنباسار ءتوراعالارىنا، تۇراقتى مۇشەلەرىنە جانە جالپى مۇشەلەرىنە وسكەلەڭ قۇرمەت بىلدىرەمىز!
بۇل جولعى ماجىلىستە تولىق اقىلداسۋ، مۇقيات كەڭەسۋ نەگىزىندە ساياسي كەڭەس اۆتونوميالى رايوندىق 11 - كەزەكتى كوميتەتىنىڭ ءتوراعاسى، ورىنباسار ءتوراعالارى، باس حاتشىسى جانە تۇراقتى مۇشەلەرى، مۇشەلەرى سايلاندى. بۇل − اۆتونوميالى رايوندىق پارتكومنىڭ جانە ءار ۇلت حالقىنىڭ بىزگە ارتقان وسكەلەڭ سەنىمى. مەن جاڭادان سايلانعان جولداستار اتىنان كوپشىلىككە شىنايى العىس ايتامىن! ءبىز اۆتونوميالى رايوندىق پارتكومنىڭ جانە بارلىق ساياسي كەڭەس مۇشەلەرىنىڭ ءۇمىتى مەن ماڭىزدى تاپسىرماسىن استە جەردە قالدىرمايمىز، بۇرىنعى كەزەكتەردەگى ساياسي كەڭەس كوميتەتتەرىنىڭ تاماشا داستۇرىنە، ءسوز جوق، مۇراگەرلىك ەتىپ جانە ونى ساۋلەلەندىرىپ، وسى جولعى ءماجىلىستىڭ ساياسي قاۋلىسىن مۇقيات دايەكتىلەندىرىپ، ساياسي كەڭەس 10 - كەزەكتى كوميتەتى العا قويعان قىزمەت ۇسىنىستارىن جاپپاي تياناقتاندىرامىز، رەفورما، وزگەرىس جاساۋدى، جاۋاپكەرلىكتى باتىل ارقالاۋدى، شىندىققا جۇگىنىپ، ناقتى ونىمدىلىككە ۇمتىلۋدى ساياسي كەڭەس قىزمەتىنىڭ جەتەكشى اۋەنى ەتىپ، اۆتونوميالى رايوندىق ساياسي كەڭەس قىزمەتىنىڭ تىڭ ساتىعا كوتەرىلۋىن قۇلشىنا جەبەپ، تىڭ ۇلەستەر قوسامىز.
ساياسي كەڭەس اۆتونوميالى رايوندىق 11 - كەزەكتى كوميتەتى مىندەت وتەيتىن 5 جىل − شينجياڭنىڭ پارتيا 18 - قۇرىلتايىنىڭ رۋحىن جان - جاقتى دايەكتى تياناقتاندىرىپ، ستراتەگيالىق تالعامدى ىشكەرىلەي اتقارىپ، عىلمي قارىشتاپ دامىپ، توپ جارىپ، توپتان وزىپ، جاپپاي دوڭگەلەك داۋلەتتى قوعامدى بۇكىل ەلمەن بىرگە قۇرۋىنداعى شەشۋشى مەزگىل. ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭ ەكونوميكالىق، قوعامدىق دامۋدىڭ ەڭ تاماشا مەزگىلىنە، قالا مەن اۋىلدىڭ بەت - بەينەسىندە ەرەكشە زور وزگەرىستەر جارىققا شىققان مەزگىلگە، قوعام ءتىپتى جاراسىمدى، ورنىقتى بولا تۇسك−ەن م−ەزگىلگە، شينجياڭداعى ءار ۇلت بۇقاراسى ەڭ كوپ يگىلىككە كەنەلگەن مەزگىلگە قادام تاستادى. ءار ۇلت حالقى كوركەم شينجياڭ قۇرۋعا كامىل سەنىم ارتىپ، ۇلكەن ءۇمىت كۇتىپ وتىر. ج ك پ اۆتونوميالى رايوندىق 8 - كەزەكتى كوميتەتىنىڭ ءتورتىنشى جالپى (كەڭەيتىلگەن) ماجىلىسىندە بىلاي دەپ ايقىن العا قويىلدى: 2015 - جىلعا دەيىن شينجياڭنىڭ، وتە - موتە، وڭتۇستىك شينجياڭنىڭ ەكونوميكالىق دامۋىن كورنەكتى تۇردە تەزەتىپ، ءار ۇلت بۇقاراسىنىڭ تۇرمىسىن كورنەكتى تۇردە جاقسارتىپ، قالا، اۋىلداردىڭ بەت - بەينەسىن كورنەكتى تۇردە وزگەرتىپ، الەۋمەتتىك قىزمەت وتەۋ دەڭگەيىن كورنەكتى تۇردە جوعارىلاتىپ، نەگىزگى ساتى ۇيىمدىق قۇرىلىسىن كورنەكتى تۇردە كۇشەيتىپ، 2020 - جىلعا دەيىن ءوندىرىس جالپى ءونىم قۇنىن 2010 - جىلداعىدان ءبىر جارىمنىڭ ۇستىندە، قالا، اۋىل تۇرعىندارىنىڭ جان باسىندىق ورتاشا كىرىسىن ءبىر جارىم شاماسىندا قاتتاپ، جاپپاي دوڭگەلەك داۋلەتتى قوعام قۇرۋ نىساناسىن بۇكىل ەلمەن بىرگە جۇزەگە اسىرۋعا كەپىلدىك ەتۋ كەرەك. جاڭا مەزگىل، جاڭا كەزەڭ ساياسي كەڭەس قىزمەتىنە كەڭ ءورىس ازىرلەدى. ءبىز كەزەكتەگى اسا تاماشا جاعدايدى جانە تاپتىرماس ورايدى بارىنشا قاستەرلەپ، ءار ۇلت حالقىنىڭ تاماشا ءومىر كەشىرۋ تىلەگىنە سايكەسىپ، سەنىمدى بەكەمدەپ، قايراتتانا ۇمتىلىپ، بورىشتى ادا ەتۋىمىز كەرەك. بۇقارانى ءبىرىنشى ورىنعا قويۋ، حالىق تۇرمىسىن الدىمەن ەسكەرۋ، نەگىزگى ساتىنى ماڭىزدى ساناۋ كوزقاراسىن مىقتاپ ورناتىپ، قۇلشىنعاندا عانا وزگەرىس بولادى، قۇلشىنساق بولعانى وزگەرتە الامىز دەگەن باعىتتان جازباي، بۇكىل ىنتا - پەيىلىمىزبەن شىنايى دا ۇتىمدى ىستەپ، جاڭا كەلبەتتى ايگىلەپ، جاڭا وبراز سومداپ، جاڭا كەزەكتى ساياسي كەڭەس كوميتەتىنىڭ فۋنكتسيانى اتقارۋداعى ءتۇرلى قىزمەتتەرىن كۇش سالا جاقسى ىستەۋىمىز كەرەك. پارتيانىڭ باسشىلىعىنا، ءسوز جوق، تاباندى بولىپ، ساياسي كەڭەس قىزمەتىنىڭ دۇرىس ساياسي باعىتىن باستان - اياق قامتاماسىز ەتۋىمىز كەرەك. پارتيانىڭ باسشىلىعىنا تاباندى بولۋ −− حالىقتىق ساياسي كەڭەس قىزمەتىن جاقسى ىستەۋدىڭ ءتۇبىرلى كەپىلى. ءبىز جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، كەڭەسۋ دەموكراتياسىن ىلگەرىلەتۋدىڭ ۇتىمدى تاسىلدەرى ۇستىندە بەلسەنە ىزدەنىس جاساپ، اۆتونوميالى رايوندىق پارتكومنىڭ بەدەلىن سانالى تۇردە قورعاپ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن بۇلجىتپاي دايەكتى اتقارىپ، ءار ۇلت بۇقاراسىنىڭ ەركىن بەينەلەپ، عىلمي شەشىم جاساۋعا، دەموكراتيالىق شەشىم جاساۋعا اقىلشى قولعانات بولىپ، اۆتونوميالى رايوندىق پارتكوممەن باستان - اياق يدەيالىق جاقتا ني−ەت−تەس، نىسانا جاعىندا باعىتتاس، قىزمەت جاعىندا ارىپتەس بولۋىمىز كەرەك.
ءبىز وزەكتى ارقاۋ ەتۋ، جالپى جاعدايعا قىزمەت ەتۋ پرينسيبىنە ءسوز جوق، تاباندى بولىپ، قارىشتاپ دامۋعا بەلسەنە دەم بەرۋىمىز كەرەك. ساياسي كەڭەستىڭ قامتۋ اۋماعى، بايلانىس اياسى كەڭ بولۋداي ەرەكشەلىگى مەن باسىمدىلىعى بار، وعان ءار سالا ۋاكىلدەرى، ءار سالا ەگەيلەرى جينالعان، پارتكومنىڭ دارىندىلار قويماسى، اقىلشىلار قوسىنى. ءبىز عىلمي دامۋدى ىلگەرىلەتۋدى فۋنكتسيانى اتقارۋداعى ماڭداي الدى مىندەت ەتۋدەن جازباي، اۆتونوميالى رايوننىڭ وزەكتى قىزمەتتەرىنىڭ، پارتكوم مەن ۇكىمەتتىڭ شەشىمدەرىنىڭ، ورنالاستىرۋلارىنىڭ توڭىرەگىندە، فۋنكتسيانى اتقارۋدىڭ ۇشتاسۋ ءتۇيىنى مەن ءداپ باسار ءتۇيىنىن ءدال تاۋىپ، ناقتى تەكسەرۋلەر جۇرگىزىپ، دامۋ جوسپارلارىن كوبىرەك جاساپ، ناقتى شارالاردى كوپ ويلاپ، ۇكىمەت ءىسىن كەڭەسۋ قيمىلدارىن بەلسەنە ورىستەتىپ، ۇكىمەت ىسىنە بەرىلگەن ۇسىنىس پىكىرلەردىڭ ساپاسىن جوعارىلاتىپ، قوعامدىق قىزمەت ەتۋدىڭ ونىمدىلىگىن كورنەكتىلەندىرىپ، پارتيا مەن ءار ۇلت حالقىنا جاۋاپتى بولا الاتىن ناعىز ساياسي كەڭەس مۇشەسى بولۋىمىز، وزگەرىس، رەفورما جاساۋدىڭ اتقارۋشىسى، جاۋاپكەرلىكتى باتىل ارقالايتىن ساياسي كەڭەس مۇشەسى بولۋعا قۇلشىنىپ، «جاعىمدى رايدى» شوعىرلاندىرىپ، «جاعىمسىز رايدى» ازايتىپ، عىلمي قارىشتاپ دامۋعا، توپ جارىپ، توپتان وزۋعا ءىس جۇزىندىك ارەكەتىمىزبەن ۇلەس قوسۋىمىز كەرەك.
ءبىز، ءسوز جوق، ءوز باسىمدىلىعىمىزدى ساۋلەلەندىرۋدەن جازباي، قوعام ورنىقتىلىعىن كۇش سالا قورعاۋىمىز كەرەك. ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرى − قوعام ورنىقتىلىعىن قورعايتىن ماڭىزدى كۇش. ءبىز ورنىقتىلىقتى قورعاۋداي كەلەلى بورىشتى باستان - اياق ەستەن شىعارماي، وي - سانامىزدى سەرگەك ۇستاپ، شينجياڭنىڭ ورنىقتىلىعىن قورعاۋدىڭ كەلەلى ستراتەگيالىق ماڭىزىن جەتە تانۋىمىز، ساياسي كەڭەستىڭ قوعام ورنىقتىلىعىن قورعاۋ جاعىنداعى ەرەكشە ماڭىزدى رولىن تولىق ساۋلەلەندىرۋىمىز، ورتالىق پەن اۆتونوميالى رايوندىق پارتكومنىڭ شينجياڭنىڭ ورنىقتىلىعىن قورعاۋ جونىندەگى ءبىرقىدىرۋ كەلەلى شەشىمدەرىن، ورنالاستىرۋلارىن ىشكەرىلەي دايەكتى تياناقتاندىرۋىمىز، «زورلىقتى كۇشكە قارسى تۇرۋدان، زاڭدى دارىپتەۋدەن، ءتارتىپتى دارىپتەۋدەن» جازباي، بولشەكتەۋشىلىككە قارسى كۇرەستىڭ الدىڭعى شەبىندە ءجۇرىپ، وتاننىڭ تۇتاستىعىن، قوعامنىڭ ورنىقتىلىعىن تاباندىلىقپەن قورعاۋىمىز كەرەك. ءبىز ۇلتتار ىنتىماعى ۇلى تۋىن ءتىپتى بيىك ۇستاپ، ۇلتتار ىنتىماعىن كوزىمىزدىڭ قاراشىعىنداي قورعاپ، ۇلتتار ىنتىماعىن كۇشەيتۋ جاعىنداعى ىستەردى، كۇدىك - كۇماننان ارىلتۋ قىزمەتىن كوبىرەك ىستەپ، ۇلتتار اراسىنداعى باۋىرلاستىق سۇيىسپەنشىلىكتى ۇزدىكسىز كۇشەيتىپ، شينجياڭنىڭ باياندى تىنىشتىعىن ساقتاۋعا ءتيىستى ۇلەس قوسۋىمىز كەرەك.
ءبىز وسى زامانعى مادەنيەت ارقىلى جەتەكشىلىك ەتۋگە، ءسوز جوق، تاباندى بولىپ، قوعامنىڭ جاراسىمدىلىعىن بەلسەندى تۇردە جەبەۋىمىز كەرەك. دەموكراتيالىق كەڭەسۋ، ىستەردى تەڭ تۇرعىدا كەڭەسۋ، پارىقتاردى ساقتاپ ورتاقتىققا ۇمتىلۋ، كەشىرىمدى، كەڭ پەيىل بولۋ پرينسيبىنە باستان - اياق تاباندى بولىپ، ءار ۇلتتىڭ، ءار سالانىڭ ىنتىماعى مەن سەلبەستىگىن شىن مانىندە نىعايتىپ جانە دامىتىپ، دەموكراتيالىق پارتيا - توپتاردىڭ، ۇيىمداردىڭ، ۇلتتاردىڭ، جىكتەردىڭ، ءار سالاداعى قايراتكەرلەردىڭ ۇلى ىنتىماعىن، ۇلى بىرلىگىن ۇزدىكسىز جەبەپ، ءبىر تۇلعالى كوپ نەگىزدى، توعىسپالى، باۋىرمال، شينجياڭدىق ەرەكشەلىككە يە وسى زامانعى مادەنيەتتى كۇش سالا دامىتىپ، پارىقتارعا قۇرمەت ەتىپ، كوپ تۇرلىلىككە قۇشاق اشقان مادەنيەت كوزقاراسىن كەڭ كولەمدە دارىپتەپ، بۇكىل قوعامدا وتاندى، شينجياڭدى ءسۇيۋ، ىنتىماقتاسا ۇلەس قوسۋ، ەڭبەكشىل، قايىرىمدى بولۋ، اشىق ويلى العاباسار بولۋدىڭ شىنايى رايىن قالىپتاستىرىپ، جاراسىمدى مادەنيەتتى ۇزدىكسىز اسقاقتاتىپ، جاراسىمدىلىق كوزقاراسىن دارىپتەپ، جاراسىمدىلىق رۋحىن جەتىلدىرىپ، ءار ۇلت، ءار سالانىڭ تاتۋلىعى مەن جاراسىمدىلىعىن، سەلبەستىگىن، جاراسىمدى دامۋىن جەبەۋىمىز كەرەك.
ءبىز، ءسوز جوق، داۋىرمەن بىرگە العا باسىپ، جاڭا ءداۋىردىڭ، جاڭا كەزەڭنىڭ ساياسي كەڭەس قىزمەتىنە قويعان جاڭا تالاپتارىنا قۇلشىنا ۇيلەسۋىمىز كەرەك. شينجياڭدا كەڭ كولەمدە قۇرىلىس جۇرگىزىلىپ، جاپپاي ەسىك اشىلىپ، قاۋىرت دامۋ، ۇلى ىنتىماق ىسكە اسىرىلىپ وتىرعان اسا تاماشا جاعدايدا، ساياسي كەڭەس قىزمەتى جاڭا مىندەت پەن جاڭا تالاپقا ءدوپ كەلىپ وتىر. جاڭا جاعدايدى زەرتتەپ، جاڭا ماسەلەنى شەشىپ، بەلسەنە ىزدەنىپ، جۇرەكتىلىكپەن جاڭالىق اشىپ، حالىقتىق ساياسي كەڭەس قىزمەتىنىڭ ەرەكشەلىگى مەن زاڭدىلىعىن ۇزدىكسىز تانىپ جانە يگەرىپ، دەموكراتيالىق پارتيا - توپتاردىڭ ۇكىمەت ىسىنە ارالاسۋ رولىن، ساياسي كەڭەس مۇشەلەرىنىڭ نەگىزگى تۇلعالىق رولىن، ساياسي كەڭەس ءار سالاداعى مۇشەلەرىنىڭ ۋاكىلدىك رولىن، ارناۋلى كوميتتەتتەردىڭ نەگىزدىك رولىن ساۋلەلەندىرۋگە باسا ءمان بەرىپ، ساياسي كەڭەس ورگانىنىڭ قۇرىلىسىن شىن مانىندە كۇشەيتىپ، قىزمەت ستيلىن جاقسارتىپ، بۇقارامەن تىعىز بايلانىس جاساپ، ساياسي كەڭەس قىزمەتىنىڭ داۋىرلىك سيپاتىن، زاڭدىلىقتى يگەرۋ سيپاتىن، باي جاسامپازدىق سيپاتىن شىن مانىندە ايگىلەۋىنە مۇمكىندىك جاساپ، قاتىناستاردى سايكەستىرۋ، كۇش - قۋاتتى ۇيىستىرۋ، ۇسىنىس قويىپ، اقىل - كەڭەس بەرۋ، جالپى جاعدايعا قىزمەت ەتۋ سىندى ماڭىزدى رولىن شىن مانىندە ساۋلەلەندىرۋىمىز كەرەك.
مۇشەلەر، جولداستار، پارتيانىڭ 18 - قۇرىلتايى الداعى دامۋدىڭ ۇلى جوباسىن جاسادى. شينجياڭنىڭ قارىشتاپ دامۋى مەن باياندى تىنىشتىعىن ىلگەرىلەتۋدىڭ ۇلى جورىعىندا اۆتونوميالى رايوندىق ساياسي كەڭەس ماڭىزدى تاپسىرما ارقالاپ، ۇلكەن ۇمىتتەر كۇتتىرىپ وتىر. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك كوتەرىپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق حالىق ۇكىمەتىنىڭ كۇش سالا قولداۋىندا، ءبىر نيەت، ءبىر تىلەكتە بولىپ، ىنتىماقتاسا العا ىلگەرىلەپ، شينجياڭنىڭ ەكونوميكالىق، قوعامدىق دامۋىن ىلگەرىلەتۋ، مۇنان دا كوركەيىپ - گۇلدەنگەن، باي، جاراسىمدى، ورنىقتى كوركەم شينجياڭ قۇرۋعا ەسە قوسىپ، ءداۋىر ءۇمىتىن اقتايتىن قىزمەت ناتيجەلەرىنە قول جەتكىزىپ، پارتيا مەن حالىقتىڭ بىزگە ارتقان سەنىمى مەن ماڭىزدى تاپسىرماسىن ورىندايىق! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
