- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بايىرعى جىبەك جولىنداعى تەز قارقىندى تاس جولدار
2013.04.16 15:53 كەلۋ قاينارى : شينجياڭ حالىق راديو ستانسياسى تورابى
كوكتەم كەلىسىمەن، شينجياڭنىڭ جەر-جەرىندەگى تاس جول قۇرىلىستارى جابال سالىنا باستادى، مۇندا، قۇرىلىس جۇمسى ەڭ الدىمەن باستالعان وڭتۇستىك شينجياڭدا جيىنى 7 ميلليارد 600 ميلليون يۋان قارجى قوسىلاتىن مەكىت ــ قاشقار تەز قارقىندى تاس جولى جەدەل سالىنۋدا، بيىل جىل سوڭىنان بۇرىن سالىنىپ بولاتىندىعى مەجەلەنىپ وتىر. مەكىت-قاشقار تەز قارقىندى تاس جولى 2-رەتكى توقتام بولەگى نىسانىنىڭ مەڭگەرۋشىسى جاۋ يۋچۋان بىلاي دەدى: وتكەن جىلى قىستان بيىل كوكتەمگە دەيىن جول بەتىنە پايدالانىلاتىن ماتەريالدار دايىندالدى، قازىر، كۇنىنە ءبىر كيلومەتر جول سالىنۋدا، ەگەر، وسى اياق الىس بويىنشا سالىناتىن بولسا، بيىل تۇتاس لەنيادا اۆتوموبيل قاتىناۋدان ءۇمىت بار.
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرگى 3 جىلدا، شينجياڭنىڭ تاس جول قاتىناس قۇرىلىسى جەدەل دامىدى، 2010-جىلى قاتىناس قۇرىلىسىنا 24 ميلليارد 800 ميلليون يۋان قارجى قوسىلدى، بۇل 11-بەسجىلدىق جوسپار كەزىندەگى تاس جولعا قوسىلعان جالپى قارجىنىڭ %30 ىن ۇستادى. وسىدان سوڭ، رايونىمىزدىڭ تاس جول قۇرىلىسىنا قوسقان قارجى كولەمى ۇزبەي كەڭەيدى، 2011-جىلدان باستاپ، ءار جىلى 35 ميلليار يۋاننان ارتىق قارجى قوسىلدى. سايرامنان كەڭسايعا، كۇيتۇننەن قارامايلىعا، داحۋاڭشاننان شونجىعا، شياۋساۋحۋدان حوشۇتقا، كورلادان كۇشارعا دەيىنگى تەز قارقىندى تاس جولدار سالىنىپ، رايونىمىزدىڭ مەملەكەتتىك جانە ولكەلىك تاس جول توراپتارى ۇزدىكسىز كەمەلدەنىپ، شينجياڭنىڭ سەكىرمەلى دامۋىنا بەرىك نەگىز قالادى. 2011-جىلى 30-قىركۇيەكتە، شينجياڭداعى تۇڭعىش رەتكى تاۋلى رايون تەز قارقىندى تاس جولى ــ سايرام كولىنەن كەڭسايعا دەيىنگى تەز قارقىندى تاس جول سالىنىپ اۆتوموبيل قاتىنادى، سونىمەن، كەزىندە شوفەرلەردىڭ بارلىعى اۆتوموبيل ايداپ وتۋدەن قورقاتىن كەڭسەي قازىر داڭعىل جولعا اينالدى، ىلە جولىندا ۇزاق جىل جۇرگەن جۇك اۆتوموبيلىنىڭ شوفەرى ديڭ يۇيلياڭ ەرەكشە قۋانىشتى بەينەدە: بۇرىن كەڭسايدان 2 جارىم ساعاتتا وتەتىنبىز، قازىر، ءبىر ساعاتتا وتەتىن بولدىق، قازىر اۆتوموبيلدى الاڭسىز ايدايمىز، بۇرىن قار جاۋسا جول توسىلىپ بىرنەشە ساعات تۇرىپ قالاتىنبىز. قازىر، ەمىن-ەركىن جۇرەتىن بولدىق،-دەدى.
سونىمەن بىرگە، رايونىمىز تاعى ءبىر توپ اۋىل-قىستاق تاس جولىن، اۋدان-اۋىل تاس جولىن، بايلىق تاس جولىن، ساياحات تاس جولىن سالۋدى تەزدەتىپ، بۇقاراعا باقىت جاراتىپ، رايون ەكونوميكاسىنىڭ دامۋىن جەبەپ، بۇقارانىڭ ساپارلاۋىنا قولايلىلىق جاسادى. وتكەن جىلى 24-قازاندا، حالىق تۇرمىسىنا قاتىستى 15 تاس جول ءبىتىپ اۆتومبويل قاتىنادى. شونجى اۋداندىق پارتكومنىڭ شۋجيى ۋاڭ بيڭجۇي بىلاي دەدى: نەشە جىلدا بىرنەشە تاس جول سالىندى، بۇل شونجى ەكونوميكاسىنىڭ قارىشتاپ دامۋىنا تۇرتكى بولدى. بۇرىن شونجى اۋدانىنىڭ قاتىناسى قولايسىز بولعاندىقتان، زات اينالىمىنا، قارجى اينالىمىنا، بۇقارانىڭ ساپارلاۋىنا زور دارەجەدە بۇعاۋ بولىپ كەلدى. قازىر داحۋاڭشان-شونجى تەز قارقىندى تاس جولى، شىعىس جۇڭعار تاس جولى سالىندى، 3 جىلعا تاياۋ ۋاقىتتا شونجى اۋدانىندا ءبىر مىڭ 200 كيلومەترلىك ءتۇرلى قاتىناس نەگىزگى جولدارى سالىنىپ، حالىق بۇقاراسى مۇنىڭ يگىلىگىن كوردى ءارى كاسىپورىندارعا دا ءتيىمدى بولدى.ب
يىل رايونىمىزدىڭ تاس جول قاتىناس-تاسىمال كاسىبى 3 جىلدا قامال الۋ، 5 جىلدا سەكىرمەلى دامۋ جوسپارىن اتقاراتىن جىل، تۇتاس جىلدا 35 ميلليارد يۋاننان 40 ميلليارد يۋانعا دەيىن قارجى قوسىپ، اقسۋ ـ قاشقار، ۋسايۋان-داحۋاڭشان، ميڭشۋي-قۇمىل، قارامايلى-شاۋەشەك تاس جولى سىندى 11 تەز قارقىندى تاس جول سالۋ نىسانىن جۇزەگە اسىرۋدى جوسپارلاپ وتىر. شينجياڭنىڭ تەز قارقىندى تاس جولى 2010-جىلداعىدان 5 ەسەنىڭ ۇستىندە ۇزارىپ، نەگىزىنەن رايونىمىزدىڭ ەكونوميكاسى مەن قوعامىن دامىتۋ قاجەتىنەن شىعا باستادى. اۆتونوميالى رايوندىق پارتكوم 5 تە 10 جىل ىشىندە جۇڭگونىڭ باتىس بولەگىندە تەز قارقىندى جول مەن قاتىناس تورابى ورتالىعىن سالۋعا كۇش سالۋدى العا قويدى.2010-جىلى شينجياڭدا تەز قارقىندى تاس جول جاعىندا ەلىمىز بويىنشا 27 ورىندى؛ دارەجەلى تاس جول بويىنشا 28-ورىندى ۇستاعان. «شينجياڭنىڭ 12-بەسجىلدىق تاس جول ىستەرىن دامىتۋ »جوسپارىندا مىنالار بەلگىلەندى: شينجياڭ 5 جىل ىشىندە 150 ميلليارد يۋاننان ا 200 ميلليارد يۋانعا دەيىن قارجى قوسىپ، 4 مىڭ 500 كيلومەترلىك تەز قارقىندى تاس جول سالۋ، 75 مىڭ دا 80 مىڭ كيلومەترلىك تاس جولدى جاڭادان جانە وزگەرتىپ سالۋ، جوعارى دارەجەلى تاس جول تورابىن سالۋ، مەملەكەت دارەجەلى 7 ۇلكەن تاس جول تاسىمال تورابىن، باتىسقا قاتىنايتىن 8 حالىقارالىق تاس جولدى سالۋ مىندەتىن ورىندايدى، سول ۋاقىتتا، شينجياڭنىڭ تەز قارقىندى تاس جولى جانە مەملەكەتتىك، ولكەلىك نەگىزگى جولدار، اۋىل-قىستاق تاس جولدارى ەلىمىز بويىنشا ورتاشادان جوعارى ورىنعا كوتەرىلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
