- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وقۋشى قابىلداۋ كەڭسەسىنىڭ قىزمەتكەرى بولىپ العان ەر ادامدى كۇنەس اۋداندىق قوعام حاۋىپسىزدىگى مەكەمەسى قولعا ءتۇسىردى
2014.07.07 14:12 كەلۋ قاينارى : شينجياڭ حالىق راديو ستانسياسى تورابى
بيىل جاي جوعارى مەكتەپتەرگە توراپتا وقۋشى قابىلداۋ قىزمەتى 3-شىلدەدەن باستالىپ، ءار ءبىر وتباسى ەمتيحان بەرگەن وقۋشىلاردىڭ قابىلدانۋ ناتيجەسىن تورت كوزبەن كۇتۋدە. ءار جىلى وسى ۋاقىتتا، زاڭسىز ەلەمەنتتەر ءتۇرلى جەلەۋلەرمەن ەمتيحان بەرگەن وقۋشىلار مەن ولاردىڭ اتا-اناسىن الدايدى، كۇنەس اۋدانىنداعى ءبىر ەر ادام ءوزىن اۆتونوميالى رايوندىق وقۋ-اعارتۋ مەڭگەرمەسى وقۋشى قابىلداۋ كەڭسەسىنىڭ قىزمەتكەرىمىن، مەملەكەت ءبىر تۇتاس تاراتاتىن ۋنيۆەرسيتەت ءبىتىرۋ كۋالىگىن بىتىرەمىن دەپ كوپتەگەن اتا-انالاردى الداپ، 20 مىڭ يۋاننان ارتىق اقشانى الداپ العان. 2-شىلدەدە، وقۋشى قابىلداۋ كەڭسەسىنىڭ قىزمەتكەرى بولىپ العان وسى ەر ادامدى كۇنەس اۋداندىق قوعام حاۋىپسىزدىگى مەكەمەسى قولعا ءتۇسىردى.
2008-جىلى تامىز بەن قاراشا ارالىعىندا، قىلمىس كۇماندىسى ب xx كۇنەس اۋدانىنىڭ تۇرعىنى ر xx-تىڭ وتباسىنا بارىپ قوناق بولادى، اڭگىمە بارىسىندا ب xx ءوزىنىڭ اۆتونوميالى رايوندىق وقۋ-اعارتۋ مەڭگەرمەسى وقۋشى قابىلداۋ كەڭسەسىنىڭ قىزمەتكەرى ەكەنىن، ۋنيۆەرسيتەت ءبىتىرۋ كۋالىگىن بىتىرە الاتىندىعىن، ءارى كۋالىك ينفورماتسياسىن توراپتان تەكسەرۋگە بولاتىندىعىن ايتادى. كوپ وتپەي، ر xx سياقتى 4 ادام ب xx-كە كۋالىك ءبىتىرۋ اقىسى ءۇشىن 26 مىڭ يۋان اقى بەرەدى، 2009-جىلى ولار ب xx بىتىرگەن شينجياڭ ۋنيۆەرسيتەتىنىڭ ارناۋلى كۋرس كۋالىگىنەن ەكەۋىن جانە شينجياڭ پەداگوگيكا ۋنيۆەرسيتەتىنىڭ تولىق كۋرس كۋالىگىنەن ەكەۋىن الادى، ءارى كۋالىكتەگى توراپ ءادىرىسى ارقىلى راس-جالعانىن تەكسەرىپ كورگەندە جەكەنىڭ ارحيۆ ينفورماتسياسى دۇرىس شىعادى. الايدا، 2012-جىلى زيانكەستىككە ۇشىراۋشى كۋالىك تەكسەرۋ تورابىنا تاعى شىعادى، ءبىراق، توراپ ءادىرىسى تابىلماي، مۇنى دەرەۋ ساقشىعا مالىمدەيدى. ساقشى تەكسەرۋ ارقىلى 2-شىلدەدە قىلمىس كۇماندىسى ب xx-تى قولعا الادى. كۇنەس اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر ۇلكەن اترەتى 1-ورتا اترەتىنىڭ باستىعى باقنۇر بىلاي دەدى: زيانكەستىككە ۇشىراعانداردىڭ ارناۋلى كۋرس ءبىتىرۋ كۋالىگىن العان ەكەۋى ۇستەمەلەپ وقىپ، تولىق كۋرستىڭ كۋالىگىن الۋ ءۇشىن ۇرىمجىدەگى وقۋ-اعارتۋ ينستيتۋتىنا بارىپ ەكى جىل وقىعان، ونان سوڭ مەكتەپ بىتىرگەندە ولاردىڭ بۇرىنعى مەكتەپ ءبىتىرۋ كۋالىگى تەكسەرۋدەن وتپەي، تولىق كۋرس ءبىتىرۋ كۋالىگىن الا الماعان، 2013-جىلى مەملەكەتتىك ۇكىمەت قىزمەتكەرى ەمتيحانىنان وتكەن تاعى بىرەۋى وبلىستىڭ تولىمدىلىق تەكسەرۋىنەن وتپەگەن.قازىر، الدامكوستىڭ الداپ العان اقشاسى تۇگەل يەسىنە قايتارىلىپ بەرىلدى، دەلو ىشكەرلەي تەكسەرىلۋدە. حالىق ساقشىلارى: جالعان كۋالىك جاسايتىندار قىلمىستىق ىستەر جاۋاپكەرلىگىن ارقالايتىندىعىن، ىرىقتىلىقپەن جالعان كۋالىك ساتىپ الۋدىڭ ءوزى زاڭعا قايشى ارەكەت ەكەنىن ەسكەرتتى. باقنۇر: مەكتەپ ءبىتىرۋ كۋالىگى سياقتى ءتۇرلى كۋالىكتەردى ۇيلەسىمسىز تاسىلدەرمەن ساتىپ الۋدىڭ ءوزى زاڭسىز ارەكەت، بۇقارا مەملەكەت ءبىر تۇتاس تاراتقان تولىمدىلىق كۋالىگىن دۇرىس تاسىلمەن الىپ، مۇددەسىنە زيان جەتۋدەن اۋلاق بولۋى، شىن-جالعان كۋالىكتى پارىقتاعاندا، كۋالىكتەگى ءار ءبىر سيفر پەن ءارىپتى مۇقيات تەكسەرۋى، بىرەۋى ارتىق نە كەم بولسا بولمايتىندىعىن ءبىلىپ الۋى كەرەك،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
