- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق ساياسي كەڭەس ايلىق كەڭەس ءماجىلىسىن وتكىزىپ شەكارا وڭىرلەردى اشۋ جانە شەكارا ءوڭىر ەكونوميكالىق بەلدەۋىن قۇرۋ جونىندە ۇسىنىس قويدى
2014.08.15 14:04 كەلۋ قاينارى : ءتاڭىرتاۋ تورابى
اۆتونوميالى رايوندىق ساياسي كەڭەس 14 - تامىزدا ۇرىمجىدە ايلىق كەڭەس ءماجىلىس وتكىزىپ، شەكارا وڭىرلەردى اشۋ جانە شەكارا ءوڭىر ەكونوميكالىق بەلدەۋىن قۇرۋ جونىندە پىكىر جانە ۇسىنىس بەردى. ءماجىلىستى اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى باسقاردى ءارى ماڭىزدى ءسوز سويلەدى.
اۆتونوميالى رايوندىق ساياسي كەڭەس شەكارا وڭىرلەردى اشۋعا جانە شەكارا ءوڭىر ەكونوميكالىق بەلدەۋىن قۇرۋعا ەرەكشە كوڭىل بولدى. ماجىلىستەن ىلگەرى، اۆتونوميالى رايوندىق ساياسي كەڭەستىڭ شياڭگاڭ، اۋمىن، تايۋان مۇھاجىرلار جانە سىرتقى ىستەر كوميتەتى ارناۋلى تاقىرىپتىق تەكسەرۋ - زەرتتەۋ جۇرگىزگەن بولاتىن.
ماجىلىستە اۆتونوميالى رايوندىق ساياسي كەڭەستىڭ شياڭگاڭدىق، اۋمىندىق، تايۋاندىق باۋىرلاستار، شەتەلدىك مۇھاجىرلار جانە سىرتقى ىستەر كوميتەتىنىڭ مەڭگەرۋشىسى جاقيا ەسكەندىر ۇلى تەكسەرۋ - زەرتتەۋ جاعدايىن تانىستىردى: شينجياڭ گۋاڭحۇي توبى باسالقاسىنىڭ كومەكشىسى شۇي شين، شينجياڭ پەداگوگيكا ۋنيۆەرسيتەتى حالىقارالىق وركەنيەت اۋىس - كۇيىسى ينستيتۋتىنىڭ پروفەسسورى اليمان ءازمات، شينجياڭ سانباۋ ساۋدا - ونەركاسىپ توبى پارتيا ياچەيكاسىنىڭ شۋجيى ۋاڭ يۇنچۋان، ءۇرىمجى كەدەنى پارتيا باسشىلىق گرۋپپاسىنىڭ شۋجيى، كەدەن باستىعى سۇن جىجيە، شينجياڭ حابارلاسۋ ىستەرىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ما نيڭ، ءۇرىمجى تەمىر جول مەكەمەسى پارتكومىنىڭ شۋجيى گۋان يالين، اۆتونوميالى رايوندىق قاتىناس مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى ۋاڭ شينحۋا، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى پارتكومىنىڭ شۋجيى تيان چاڭيان، يەما توبى باس جورا كەڭسەسىنىڭ مەڭگەرۋشىسى جاڭ حۇيرۇڭ، شينجياڭ شەكارادان كىرۋ - شىعۋ ىستەرىن تەكسەرۋ، كارانتيندەۋ مەكەمەسى كەدەننەن ءوتۋ باسقارماسىنىڭ باستىعى ي جيان، شينجياڭ ۋنيۆەرسيتەتى فيزيكا عىلىمى جانە عىلىم - تەحنيكا ينستيتۋتىنىڭ دوتسەنتى الىمبەك تۇرىسبەك ۇلى سياقتى ساياسي كەڭەس مۇشەلەرى، كاسپورىن ۋاكىلدەرى جانە قاتىستى مەكەمەلەردىڭ جاۋاپتىلارى كەڭەستە جەكە - جەكە ءسوز سويلەدى.
كوپشىلىكتىڭ قاراۋىنشا، شينجياڭنىڭ شەكارا ءوڭىردى اشۋ جانە شەكارا ءوڭىر ەكونوميكالىق بەلدەۋىن قۇرۋىنىڭ كورنەكتى باسىمدىلىعى بار، ايتسە قيىنشىلىقتار دا از ەمەس. قازىنا، باجى، فينانس جاقتارىندا قولداۋ تەبىنىن بارىنشا كۇشەيتىپ، شەكارا وڭىرلەردەگى كاسىپورىنداردى قولداۋ جانە جەتىلدىرۋ تەبىنىن شىنايى نىعايتىپ، دارىندىلار قوسىنىن جەتىلدىرۋ جانە دارىندىلاردى ەنگىزۋ ماسەلەسىنە ايرىقشا نازار اۋدارۋ كەرەك.
كوپشىلىكتىڭ ءسوزىن تىڭداعاننان كەيىن، نۇرلان ءابىلماجىن ۇلى بىلاي دەدى: شينجياڭنىڭ شەكارا ءوڭىردى اشۋ جانە شەكارا ءوڭىر ەكونوميكالىق بەلدەۋىن قۇرۋدى ىلگەرىلەتۋى رايونىمىزدىڭ نەگىزدىك قۇرىلعىلار قۇرىلىسىن كۇشەيتۋگە، سىرتقا ەسىك اشۋ جانە رەفورمانى جاپپاي تەرەڭدەتۋ كولەمىن كەڭەيتۋگە، رايونىمىزدىڭ كاسىپ قۇرىلىمىن رەتتەۋىنە جانە وڭىرلىك ەكونوميكانىڭ سايكەستى دامۋىنا، رايونىمىزدىڭ وركەنيەت ىستەرىن دامىتۋىنا جانە عىلمي دامۋدى ىلگەرىلەتۋىنە، مەملەكەتتىڭ ەنەرگيا بايلىعىنىڭ حاۋىپسىزدىگىن قامتاماسىزداندىرۋعا جانە ستراتەگيالىق دامۋ ءورىسىن كەڭەيتۋگە، شينجياڭنىڭ قوعام ورنىقتىلىعىن، باياندى تىنىشتىعىن جەبەۋگە جانە وتاننىڭ تۇتاستىعىن، ۇلتتار ىنتىماعىن، مەملەكەت حاۋىپسىزدىگىن قورعاۋعا ءتيىمدى.
نۇرلان ءابىلماجىن ۇلى مىنانى اتاپ كورسەتتى: شەكارا وڭىرلەردى اشۋ جانە شەكارا ءوڭىر ەكونوميكالىق بەلدەۋىن قۇرۋدى ىلگەرىلەتۋدە دامۋ ماسەلەسىنە نازار اۋدارمەن قاتار، ورنىقتىلىق ماسەلەسىن ەسكەرۋسىز قالدىرۋعا بولمايدى. دامۋدى جەبەۋ مەن ورنىقتىلىقتى قورعاۋ شەكارا وڭىرلەردى اشۋ مەن شەكارا ءوڭىر ەكونوميكالىق بەلدەۋىن بىرگە قۇرۋدىڭ ماڭىزدى كەپىلى. ىرگەلەس ەلدەرمەن ەكونوميكالىق سەلبەستىكتى، ەكونوميكالىق تيىمدىلىك جەتكىزۋدى ىلگەرىلەتۋمەن قاتار، قاتىستى تاراپتار مەملەكەتكە بەلسەندىلىكپەن سايكەسىپ، ىرگەلەس ەلدەرمەن اراداعى شەكارا حاۋىپسىزدىگى سەلبەستىگىن كۇشەيتىپ، ىرگەلەس ەلدەردەگى كۇنسۋلحانالارمەن اراداعى بايلانىستى نىعايتىپ، «ءۇش ءتۇرلى كۇشتىڭ» جاسىرىن كىرىپ - شىعۋىن شاۋجايلاپ، تىنىش شەكارا قۇرىپ، مەملەكەتتىڭ حاۋىپسىزدىگىن قورعاۋ ءۇشىن ناقتى دا ءونىمدى قىزمەتتەردى كوبىرەك ىستەۋ قاجەت. ساياساتتاردى تياناقتاندىرۋ تەبىنىن كۇشەيتىپ، ورتالىق پەن اۆتونوميالى رايوندىق پارتكومنىڭ «شينجياڭنىڭ سىرتقا ەسىك اشۋ اياق الىسىن تەزدەتۋ» جونىندەگى ورنالاسترۋلارىنىڭ تالابى بويىنشا، سۋبيەكتىنىڭ رولىن ساۋلەلەندىرىپ، تياناقتاندىرۋ قىزمەتىن بەلسەندى دە ىرىقتى تۇردە، كۇش سالا مىقتاپ ۇستاپ، ورتالىقتىڭ ساياساتتارىن شينجياڭدا شىنايى تامىر تارتقىزىپ، وركەندەتىپ، شەكارا وڭىرلەردى اشۋ جانە شەكارا ءوڭىر ەكونوميكالىق بەلدەۋىن قۇرۋ سىندى ستراتەگيالىق ورايدى قولدان جىبەرمەي، شينجياڭنىڭ سىرتقا ەسىك اشۋ قىزمەتىن تىك بەلەسكە كوتەرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
