- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گۋاڭحۇي ەنەرگيا جارنا شەكتى سەرىكتەستىگى مەملەكەت باسقارۋىنداعى ەمەس ساۋداداعى شيكى مۇناي يمپورتى تولىمدىلىعىن الدى
رايونىمىزدىڭ شيكى مۇناي يمپورتىنداعى تىڭ جەتىستىك
2014.09.01 13:59 كەلۋ قاينارى : ءتاڭىرتاۋ تورابى
اۆتونوميالى رايوندىق ساۋدا مەڭگەرمەسىنەن ۇعىسۋىمىزشا، تاياۋدا جارنا بازارىنا شىعارىلعان حالىق باسقارۋىنداعى كاسىپورىن − گۋاڭحۇي ەنەرگيا شەكتى سەرىكتەستىگىنىڭ جارناسى مەڭگەرۋلى بالا سەرىكتەستىگى − گۋاڭحۇي مۇناي شەكتى سەرىكتەستىگى مەملەكەت باسقارۋىنداعى ەمەس ساۋداداعى مۇناي يمپورت ەتۋ تولىمدىلىعىن الىپ، ەلىمىز بويىنشا شەتەلدەرمەن سەلبەستىك نىسانىندا شيكى مۇناي تاسىمالى نورماسىن العان تۇڭعىش حالىق باسقارۋىنداعى كاسىپورىن بولعان
. اۆتونوميالى رايوندىق ساۋدا مەڭگەرمەسى سىرتقى ساۋدا باسقارماسىنىڭ ورىنباسار باستىعى ليۋ بو بىلاي دەدى: ساۋدا مەڭگەرمەسى «ساۋدا مينيسترلىگىنىڭ گۋاڭحۇي مۇناي سەرىكتەستىگىنە مەملەكەت باسقارۋىندا ەمەس ساۋداداعى شيكى مۇناي يمپورتى تولىمدىلىعىن بەرۋ جونىندەگى بەكىتپەسىن» تاپسىرىپ الدى. گۋاڭحۇي مۇناي سەرىكتەستىگى مەملەكەت باسقارۋىندا ەمەس ساۋداداعى شيكى مۇناي يمپورتى تولىمدىلىعىنا يە بولىپ، بيىلدان باستاپ اتالعان سەرىكتەستىككە 200 مىڭ تونناعا دەيىن مۇناي يمپورتتاۋعا رۇقسات بەرىلدى، بازار جاعدايىنا قاراي شيكى مۇناي ساتۋ رۇقساتى قاتىستى كاسىپ ساياساتىنا ۇيلەسەتىن مۇناي ايىرۋ كاسىپورىندارىنا بەرىلەدى. ەلىمىزدىڭ قازىرگى قاتىستى ساياساتتارىنا سايكەس، شيكى مۇناي يمپورتى مەملەكەت باسقارۋىنداعى ساۋدا جانە مەملەكەت باسقارۋىنداعى ەمەس ساۋدا دەپ ەكى تۇرگە بولىنەدى. ەلىمىزدە قازىر مەملەكەت باسقارۋىنداعى ساۋدا ۇقىعىن العان جۇڭگو مۇناي بىرىككەن شەكتى جاۋاپكەرلىك سەرىكتەستىگى، جۇڭگو بىرىككەن مۇناي حيميا سەرىكتەستىگى، جۇڭگو تەڭىز مۇناي باس سەرىكتەستىگى، جۇڭگو جۇڭحۋا توبى شەكتى سەرىكتەستىگى، گۋاڭدۇڭ جىنرۇڭ ەنەرگيا شەكتى سەرىكتەستىگى سياقتى 5 كاسىپورىن بار. ولار ساۋدادا نورما شەكتەمەسىنە ۇشىرامايدى. ايتسەدە مۇناي يمپورتتاۋدا مەملەكەت باسقارۋىنداعى ەمەس ساۋدا تولىمدىلىعى بار كاسىپورىندارعا يمپورت مولشەرىندە شەكتەۋ قويىلادى.
ليۋ بو بىلاي دەدى: قازىر ەلىمىز بويىنشا شيكى مۇناي يمپورت ەتەتىن، مەملەكەت باسقارۋىنداعى ەمەس ساۋدا تولىمدىلىعى بار 23 كاسىپورىننىڭ اراسىنداعى گۋاڭحۇي مۇناي سەرىكتەستىگى 2007 - جىلدان كەيىن ەل ىشىندەگى مۇناي يمپورتىندا مەملەكەت باسقارۋىنداعى ەمەس ساۋدا تولىمدىلىعىن جاڭادان العان بىردەن - ءبىر حالىق باسقارۋىنداعى كاسىپورىن. گۋاڭحۇي ەنەرگيا جارنا شەكتى سەرىكتەستىگى قازاقستاندا قارجى قوسىپ، سەلبەسىپ زايسان گاز - مۇناي الابىن اشتى. وسىدان بۇرىن مۇناي يمپورت ەتۋ ۇقىعى جوق بولعاندىقتان، وسى سەرىكتەستىك مۇنايدى ەل ىشىنە تاسىمالداۋعا شاراسىز كەلگەن ەدى. ۇعىسۋىمىزشا، ساۋدا مينيسترلىگىنىڭ «200 مىڭ توننا شيكى مۇناي يمپورتتاۋ» جونىندەگى بەكىتۋى گۋاڭحۇيدىڭ زايسان وڭىرىندەگى مۇناي ۇلەسىمەن عانا شەكتەلىپتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
