- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەردى كوتەرمەگە بەرىپ شارۋاشىلىق جۇرگىزۋ ۇقىعىن اينالىمعا سالۋ قىزمەتىن زاڭ بويىنشا ءتارتىپتى، ورنىقتى جۇرگىزۋ كەرەك
2014.10.14 13:51 كەلۋ قاينارى : شينجياڭ حالىق راديو ستانسياسى تورابى
ەگىنشىلەردىڭ ۇقىق-مۇددەسىن ويداعىداي قورعاۋ كەرەك. جەر باسقارۋعا جاۋاپتى قاتىستى ورىندار مەن ءار دارەجەلى فۋنكتسيالىق تارۋلار جەردى اينالىمعا سالۋدى باسقارۋعا، قىزمەت وتەۋگە باسشىلىق ەتۋ جۇمىسىن ويداعداي ىستەپ، اۋىل-قىستاقتا جەردى اينالىمعا سالۋدىڭ كولەمى مەن قارقىنىن ايىرىم ساياسي ەڭبەك رەتىندە باعالاۋدان ساقتانۋ كەرەك. اۋىل-قىستاقتا جەردى كوتەرمەگە بەرۋ مەرزىمى ىشىندە، كوتەرمەگە بەرگەن جەر اينالىمعا ءتۇستى مە، جوق، نەمەسە قانداي فورمامەن اينالىمعا ءتۇستى دەگەنگە بۇكىلدەي ەگىنشىلەر جاۋاپتى بولادى. مۇندا مەيلى قانداي فورما قولدانىلسىن، جەر اينالىمىنداعى تولەم بەرۋ ءتاسىلىن جانە ونىڭ ولشەمىن جەردى اينالىمعا سالعان ەكى جاق بىرگە اقىلداسىپ بەلگىلەۋى كەرەك. ءار قانداي ءتاسىل، سەبەپتەرمەن زورلاۋ نەمەسە ەگىنشىلەردىڭ جەردى زاڭ بويىنشا اينالىمعا سالۋىنا كەدەرگىلىك جاساۋ ارەكەتتەرىنىڭ بارلىعىن باتىل شەكتەۋ كەرەك.
ەگىنشىلەردىڭ ۇقىق-مۇددەسىن قورعاۋدا از ساندىلار كوپ ساندىلارعا بويسىنۋ دەگەندى جەلەۋ ەتۋ ارقىلى ەگىنشىلەردى جەردى كوتەرمەگە بەرىپ، شارۋاشىلىق جۇرگىزۋ ۇقىعىنان باز كەشۋگە نەمەسە جەردى كوتەرمەگە بەرۋ توقتامىن وزگەرتۋگە زورلاۋعا بولمايدى. ەگىنشىلەردىڭ كوتەمەگە العان جەرىن قايتارىپ الىپ، مەردىگەر شاقىرىپ كوتەرمەگە بەرۋگە بولمايدى، ەگىنشىلەردىڭ كوتەرمەگە العان جەرىن ولاردىڭ قاتىستى ورىنداردان قارىز العان اقشاسىنىڭ ورنىنا كەپىل رەتىندە قايتارىپ الۋعا بولمايدى، ەگىنشىلەردىڭ جەر اينالىمىنان تاپقان پايداسىن قاتىستى ورىندار ءوز بەتىمەن الىپ قالۋعا، تارتىپ قالۋعا بولمايدى. ءار قانداي ءبىر ورىن نەمەسە جەكەلەر ءتۇرلى تاسىلدەرمەن ەگىنشىلەردى الداپ، ەگىنشىلەردىڭ جەردى اينالىمعا سالۋ ورايىنان پايدالانىپ، جەردىڭ مەنشىك ۇقىعىن وزگەرتۋگە بولمايدى. ەگىنشىلەردىڭ جەردى اينالىمعا سالۋدان تاپقان كىرىسىن ءتۇرلى سەبەپتەرمەن ازايتۋدان، تارتىپ قالۋدان، كەشەۋىلدەتىپ ءجۇرىپ، اقىرىندا بەرمەي قويۋدان ەرەكشە ساقتانۋ كەرەك. ءىشىنارا سەبەپتەر سالدارىنان جەرىن اينالىمعا سالۋدى قالاماعان، ءبىراق جەرى شوعىرلى ەگىنجاي نەگىزدىك قۇرىلعى-قۇرىلىسىن سالۋعا، اۋىل شارۋاشىلىق عىلىم-تەحنيكاسىن جالپىلاستىرۋعا ىقپال جاساپ وتىرعان كەيبىر ەگىنشىلەردىڭ ماسەلەلەرىن ولارعا كوبىرەك يدەيالىق تاربيە جۇرگىزۋ، ەگىنشىلەر ارا جەرىن اۋىستىرۋ، كوللەكتيۆتىڭ جىلجىمالى جەرىمەن ءوزارا اۋىستىرۋ ادىستەرى ارقىلى ىلايىقتى شەشۋ كەرەك، اكىمشىلىك بۇيرىق ارقىلى زورلاۋعا بولمايدى.جاقىنعى جىلداردان بەرى، جۇيەدەن پارتيا 18-قۇرىلتايىنان بەرى اۋىل-قىستاق جەرىنەن پايدالانۋ ءتۇزىمى رەفورماسىنىڭ باعىتى ءتىپتى دە ايقىندالدى. پارتيا 18-كەزەكتى ورتالىق كوميتەتىنىڭ ءۇشىنشى جالپى ماجىلىسىندە جانە ورتالىقتىڭ بيىلعى ەكونوميكالىق قىزمەت ماجىلىسىندە، ورتالىقتىڭ اۋىل-قىستاق قىزمەتى ماجىلىسىندە اۋىل-قىستاق جەرىنەن پايدالانۋ ءتۇزىمىن رەفورمالاۋ تۋرالى مىناداي ماڭىزدى مىندەتتەر مەن ناقتى تالاپتار ورتاعا قويىلدى. « پارتيانىڭ اۋىل-قىستاق ساياساتىنا تاباندى بولۋ ءۇشىن، الدىمەن اۋىل-قىستاقتىڭ نەگىزگى شارۋاشىلىق تۇزىمىنە تاباندى بولۋ كەرەك. اۋىل-قىستاقتىڭ كوللەكتيۆ جەرىن كوللەكتيۆ شارۋاشىلىق ۇيىمىنىڭ مۇشەسى بولعان وتباسىلارى كوتەرمەگە الۋ كەرەك، ءار قانداي ءبىر جەكەنىڭ اتىنان جەردى كوتەرمەگە الۋ مارتەبەسىنە يە بولا المايدى، كوتەرمەگە بەرىپ شارۋاشىلىق جۇرگىزۋ ۇقىعى قالاي اينالىمعا تۇسسەدە، كوللەكتيۆ جەرىن كوتەرمەگە الۋ ۇقىعى قاشاندا ەگىنشى وتباسىلارىنا ءتان بولادى. جەردى كوتەرمەگە الۋ-ەگىنشىلەردىڭ كوتەرمەگە العان جەردى يەمدەنۋ، پايدالانۋ، وتكەرمەلەۋ، سونداي-اق كوتەرمەگە الىپ شارۋاشىلىق جۇرگىزۋ ۇقىعىن كەپىلگە قويۋ، كەپىلگە بەرۋ ۇقىقتارىن زاڭ بويىنشا قامتاماسىز ەتۋ كەرەك». « جەردەن پايدالانىپ شارۋاشىلىق جۇرگىزۋ ۇقىعىن وتكەرمەلەۋدى، شوعىرلاندىرۋدى جانە كولەمدى شارۋاشىلىق جۇرگىزۋدى قالا-قالاشىقتاندىرۋ اياق الىسىمەن جانە اۋىل-قىستاق ەڭبەككۇشتەرىن باسقا سالاعا ويىستىرۋ كولەمىمەن، اۋىل شارۋاشىلىعى عىلىم-تەحنيكاسىنىڭ العا باسۋ جانە ءوندىرىس ءتاسىلىنىڭ جاڭالانۋ اياق الىسىمەن، اۋىل شارۋاشىلىعىنىڭ قوعامدانعان قىزمەت وتەۋ دەڭگەيىن جوعارلاتۋمەن سايكەستىرۋ كەرەك. جەردەن پايدالانىپ شارۋاشىلىق جۇرگىزۋ ۇقىعىن وتكەرمەلەۋدى باسقارۋدى، وعان قىزمەت وتەردى كۇشەيتىپ، جەردەن پايدالانىپ شارۋاشىلىق جۇرگىزۋ ۇقىعى سياقتى اۋىل-قىستاق مەنشىك ۇقىقتارىن وتكەرمەلەۋ، ساۋداعا سالۋ ىستەرىنىڭ اشىق، ءادىل، ءتارتىپتى جۇرگىزىلۋىن جەبەۋ كەرەك».
ورتالىقتىڭ اۋىل-قىستاق جەرىن باسقارۋعا قاتىسى وسىنداي ماڭىزدى تۇجىرىمدارى مەن ناقتى تالاپتارى بىزگە اۋىل-قىستاق جەرىن مەملەكەتىمىزدىڭ زاڭ-ەرەجەلەرى بويىنشا پايدالانۋ، باسقارۋ تانىمىمىزدىڭ جوعارلاۋىنا مۇمكىندىك بەرۋمەن بىرگە، اۋىل-قىستاق جەرىنەن پايدالانۋ ءتۇزىمى رەفورماسىن بەلسەندى، بايسالدى ىلگەرلەتۋدىڭ ماڭىزدىلىعى مەن زارۋلىگىن دە انىق كورسەتتى. بۇلاي دەيتىنىمىز، قازىرگى جەر باسقارۋ ءتۇزىمى كەمەلدى ەمەس. تەز قارقىندى تاس جول، تەمىر جول، اۋەجاي، سۋ قويماسى سياقتى مەملەكەت جوسپارىنداعى ءىرى قۇرىلىستاردى ايتپاعاندا، جاڭاشا ونەركاسىپتەنۋ، جاڭاشا ونەركاسىپ باقشاسىن قۇرۋ، قالا-قالاشىقتاندىرۋ قۇرىلىسىنا قاجەتتى دەگەن جەردىڭ ءىس جۇزىندىك قاجەتتەن، بۇرىنعى جوسپاردان شەكتەن تىس ارتۋى، جەر بايلىعىنىڭ بازار ىرقىندا بولماۋى، باعانىڭ قالىپتان تىس بۇرمالانۋى سياقتى سەبەپتەر سالدارىنان جەردەن ۇتىمدى پايدالانۋ مۇمكىن بولماي وتىر. كەيبىر ورىندار مەن وڭىرلەردىڭ « جەردى دامۋدىڭ، اشۋ رايوندارىن قۇرۋدىڭ تەتىگىنە اينالدىرىپ الۋى» ءمالىم تۇرعىدان، بەلگىلى دەڭگەيدەن الىپ ايتقاندا جەرگىلىكتى ۇكىمەتتەردىڭ قارىز مىندەتتەمەسىن اۋىرلاتىپ، كومەسكى فينانس قاتەرىن تۋدىرۋى مۇمكىن.
بۇل جەردە ەرەكشە ەسكەرۋگە ءتيىستى ءبىر ماسەلە جەر پايداسىن بولىسكە سالۋداعى ادىلەتسىزدىكتەر قوعامنىڭ ورنىقتىلىعىنا كەرى ىقپال جاسايدى دا، اسقىنا كەلە قوعامدىق ماسەلەلەردىڭ جينالۋىنا تۇرتكى بولادى. سوندىقتان مۇنداي ماسەلەلەرگە ءسوز جوق، بەلسەندىلىكپەن، ىرىقتىلىقپەن توتەپ بەرىپ، جەر باسقارۋ، پايدالانۋداعى تامىرلى، كۇردەلى قۇبىلىستارمەن ماسەلەلەردى رەفورما ارقىلى تۇبەگەيلى شەشۋ قاجەت.ءبىز، سوز جوق، پارتيا ورتالىق كوميتەتىنىڭ «اۋىل شارۋاشىلىعى، اۋىل-قىستاق، شارۋالار ماسەلەسىن شەشۋدى بۇكىل پارتيا قىزمەتىنىڭ ەڭ ماڭىزدى ورنىنا قويۋدان جازباي، اۋىل شارۋاشىلىعىن ونەركاسىپ ارقىلى نارلەندىرۋ، اۋىل-قىستاققا قالالار ارقىلى قولداۋ كورسەتۋ جانە ۇسىنىلىمدى ارتتىرۋ، اۋىرتپالىقتى جەڭىلدەتۋ، اۋىل-قىستاق شارۋاشىلىق مەحانيزمىن جانداندىرۋ باعىتىندا تاباندى بولىپ، اۋىل شارۋاشىلىعىن دامىتۋ، اۋىل-قىستاققا تيىمدىلىك جاساۋ، شارۋالاردىڭ اۋقاتتاندىرۋ ساياساتىنا ۇزبەي سەرپىن بەرىپ، اۋىل شارۋاشىلىعى، اۋىل-قىستاق، شارۋالار قىزمەتىن بۇلجىتپاي مىقتى يگەرۋىمىز كەرەك» دەگەن ماڭىزدى ستراتەگيالىق، باعدارلامالىق نۇسقاۋلارىنىڭ رۋحى مەن كەلەلى شەشىمدەرىنىڭ ءمانىن تولىق ءتۇسىنىپ، ورتاق تانىم قالىپتاستىرىپ، دايەكتى تياناقتىرعاندا عانا، ەگىنشىلەردىڭ شىنايى اۋقاتتانۋىنا، اۋىل شارۋاشىلىعىنىڭ ۇزدىكسىز دامۋى مەن اۋىل-قىستاق ەكونوميكاسىنىڭ كوتەرىلۋىنە، اۋىل شارۋاشىلىعىنىڭ ارقالى كاسىپكە اينالۋىنا، ەگىنشىلەردىڭ ابىرويلى كاسىپ يەسى رەتىندە تانىلۋىنا، اۋىل-قىستاقتاردىڭ الاڭسىز تىرشىلىك ەتەتىن كورىكتى مەكەنگە اينالۋىنا مۇمكىندىك تۋدىرا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
