- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اقسۋ ايماقتىق ۇيعۇر شيپاگەرلىك - دارىگەرلىك قوعامى اڭگىمە ءماجىلىسىن وتكىزدى
«سوتسياليزمگە، كوممۋنيستىك پارتياعا العىس ايتامىز»
2014.10.16 16:44 كەلۋ قاينارى : شينجياڭ گازەتى
اقسۋ ايماقتىق ۇيعۇر شيپاگەرلىك - دارىگەرلىك قوعامى «سوتسياليزمگە، كوممۋنيستىك پارتياعا العىس ايتىپ، زورلىقتى كۇش، لاڭكەستىك قيمىلدارىن اشكەرەلەۋ، سىنداۋ» اڭگىمە ءماجىلىسىن 11 - قازان تۇستەن بۇرىن اقسۋ قالاسىندا وتكىزدى. 100دەن اسا ۇيعۇر ەمدەۋ قىزمەتكەرى ارت - ارتىنان سوزگە شىعىپ، ءوز كەشىرمەلەرى مەن ماڭىنداعى تۋىلعان ىستەردى اڭگىمەلەدى، زورلىقتى كۇش لاڭكەستەرىن قاتاڭ جازعىرىپ، وڭاي - وسپاق قولعا كەلمەگەن دامۋ جەتىستىكتەرىمىز بەن ىنتىماقتى، ورنىقتى اسا تاماشا جاعدايدىڭ قادىرىنە جەتىپ، ونى ەرەكشە قورعاۋ كەرەكتىگىن ءبىلدىردى.
اقسۋ ايماقتىق ۇيعۇر شيپاگەرلىك - دارىگەرلىك قوعامىنىڭ ورىنباسار باستىعى، ايماقتىق ۇيعۇر شيپاحاناسىنىڭ ورىنباسار باستىعى ءمۇتالىپ بولات بىلاي دەدى: پارتيانىڭ ۇلتتىق شيپاگەرلىكتى دامىتۋ جونىندەگى تاماشا ساياساتىنىڭ قولداۋىندا، شينجياڭنىڭ ۇيعۇر شيپاگەرلىك ىستەرى تاماشا دامۋ كەزەڭىنە قادام قويدى. اتاپ ايتار بولساق، اقسۋ ايماقتىق ۇيعۇر شيپاحاناسى 1986 - جىلى قۇرىلعان، باستابىندا قاراپايىم عانا ەمحانا بولىپ، ەمحانا حالىق اراسىنان شىققان 4 ۇيعۇر ەمكوسى مەن ءبىر ۇيعۇر دارىگەردىڭ قۇلشىنىسىندا جۇمىسىن باستاعان. 28 جىلدان بەرى شيپاحانانىمىز ەرەسەن دامىدى، مىنە قازىر ەمدەۋى، زەرتتەۋى ءبىر تۇلعالانىپ وسىزاماندانعان شيپاحاناعا اينالدى. 2013 - جىلى تامىزدا شيپاحانامىز مەملەكەتتىك جۇڭگوشا شيپاگەرلىكتىڭ ۇلتتىق ەمدەۋ، ءدارى - دارمەك باسقارۋ مەكەمەسىنىڭ A2 دارەجەلى باعالاۋ - تەكسەرۋىنەن ءساتتى ءوتتى. وسى تابىستار پارتيا ورتالىق كوميتەتى مەن اۆتونوميالى رايوننىڭ ابزال ساياساتىنىڭ، شينجياڭنىڭ جاراسىمدى، ورنىقتى قوعامدىق دامۋ ورتاسىنىڭ ارقاسىندا قولعا كەلدى. ايتسەدە قازىر ات توبەلىندەي لاڭكەستەر «ۇلت»، «ءدىن» اتىن جامىلىپ، ءبىر قىدىرۋ زورلىقتى كۇش، لاڭكەستىك قيمىلدارىن تۋدىردى، ورنىقتى تۇرمىسىمىزعا اسا زور زيان سالدى، ءبىز ولاردى قاتاڭ جازعىرامىز، باتىل سوققى بەرىپ، بەل شەشە كۇرەسىپ، قوعام ورنىقتىلىعىن بار كۇشىمىزبەن قورعايمىز.
«وسى اڭگىمە ءماجىلىسىنىڭ تاقىرىبىن كورگەنىمدە بالا كەزىمدەگى <كوممۋنيستىك پارتيا بولمايىنشا، جاڭا جۇڭگو بولماق ەمەس>، <سوتسياليزم جاقسى> سياقتى توڭكەرىستىك اندەر ەسىمە ءتۇستى. ءوزىمنىڭ ەسەيىپ - ەرجەتۋ بارىسىمدى ويلاسام، بۇگىنگى كۇنى داعدىلى تۇرمىسقا اينالعان ىستەردىڭ ءبارى دە كىشكەنەدەن ۇلكەيىپ، جوقتان بار بولۋعا قاراي دامىعاندىعىن سەزەمىن، مۇنىڭ ءبارى دە پارتيانىڭ قامقورلىعىنىڭ ارقاسىندا قولعا كەلدى»، - دەيدى اقسۋ ايماقتىق ۇيعۇر شيپاحاناسىنىڭ تەتە اعا سەستراسى گۇلپيا ابدۋزار.
اقسۋ ايماقتىق ۇيعۇر شيپاگەرلىك - دارىگەرلىك قوعامىنىڭ باستىعى ءامىر ءالي ۇيعۇردىڭ ەمدەۋ قىزمەتكەرلەرىن پارتيا ورتالىق كوميتەتى جانە اۆتونوميالى رايوندىق پارتكومنىڭ زورلىقتى كۇش لاڭكەستەرىنە قاتاڭ سوققى بەرۋ ارناۋلى قيمىلىن باتىل قولداۋعا شاقىردى. ول بىلاي دەدى: «ورنىقتىلىقپەن قاتىسسىز ورىن دا، ادام دا بولماق ەمەس» سىندى تالاپقا ساي، دۇرىس، اشىق پوزيتسيا ءبىلدىرىپ، سەمسەردى سەرت ۇستاۋىمىز، تۋى ايقىن تۇردە سەنىمدى بەكەمدەۋىمىز، عىلمي بىلىمدەرىمىزدى پايدالانۋىمىز، رەنتگەن ساۋلەسى جانە CT تەكسەرۋىندەي قىراعى بولۋىمىز، ۇشقارى يدەيانىڭ ناقتى ءمانىن اشكەرەلەپ، ۇشقارى يدەيا سىندى وسىنداي ۆيرۋستى ءدال تاۋىپ شىعۋىمىز، مۇنداي يدەيالىق ۆيرۋستىڭ جۇرتشىلىقتىڭ اقاۋسىزدىعىنا زيان سالۋىنا مۇلدە جول قويماۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
