- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق اۋا رايى مەكەمەسى 2014-جىلعى شينجياڭ بويىنشا 10 ماڭىزدى اۋا رايى جاعدايىن جاريالادى
2015.01.07 16:37 كەلۋ قاينارى : شينجياڭ حالىق راديو ستانسياسى تورابى
5-قاڭتار اۆتونوميالى رايوندىق اۋا رايى مەكەمەسى 2014-جىلعى شينجياڭ بويىنشا 10 ماڭىزدى اۋا رايى جاعدايىن جاريالادى، مۇندا ىلە وزەنى اڭعارىندا كوكتەم مەن جاز مەزگىلىندە 60 جىلدان بەرگى ەڭ اۋىر ۇلاسپالى قۋاڭشىلىق اپاتى تۋىلۋى، «23-ساۋىردە» ورەسكەل سۋىق اعىستىڭ تۇتاس رايونىمىزعا كىرۋى جانە وڭتۇستىك شينجياڭدا جاۋىن-شاشىننىڭ ءۇرتىس 6 اي تاريحتان بەرى ەڭ از بولۋى سياقتىلار قامتىلىپ، كوپتەگەن جەردە اۋا رايىنا قاتىستى ساندى مالىمەت رەكورد جاڭالاعان.
10 ماڭىزدى اۋا رايى جاعدايى تۇتاس جىلداعى اۋا رايىنىڭ ەرەكشەلىگىن بەينەلەپ، قۋاڭشىلىق وتكەن جىلداعى ەڭ كورنەكتى ەرەكشەلىككە اينالدى.ىلە وزەنى اڭعارىندا كوكتەم مەن جاز مەزگىلىندە 60 جىلدان بەرگى ەڭ اۋىر ۇلاسپالى قۋاڭشىلىق اپاتى تۋىلدى، سونداي-اق وڭتۇستىك شينجياڭدا ءۇرتىس 6 اي جاۋىن-شاشىن مولشەرى تاريحتان بەرى ەڭ از بولدى، بۇلار 10 ماڭىزدى اۋا رايى جاعدايىنىڭ ىشىندە الدىڭعى ءبىرىنشى جانە ءۇشىنشى ورىندى يەلەدى.اۆتونوميالى رايوندىق اۋا رايى مەكەمەسى اۋا رايى ورتالىعىنىڭ اعا ينجەنەرى چىن يىن: «2013-جىلى جەلتوقساننان 2014-جىلى مامىرعا دەيىن، وڭتۇستىك شينجياڭ وڭىرىندەگى ورتاشا جاۋىن-شاشىن مولشەرى 4.2 ميلليمەتر بولىپ، بۇرىنعى جىلدارداعىدان %80 تەي ازايىپ، اۋا رايى ەستەلىگى الىنعاننان بەرگى ۇقساس مەزگىلدەگى ەڭ تومەن شەككە جەتتى.ناۋرىزدان شىلدەگە دەيىن ىلە وزەنى اڭعارىنىڭ جەر-جەرىندەگى جاۋىن-شاشىن مولشەرى بۇرىنعى جىلدارداعىدان 30 دا %60 ازايىپ، ازايۋ مولشەرى 1960-جىلدان قازىرگە دەيىن ەڭ جوعارى بولدى.بۇل ىلە وزەنى اڭعارىنداعى كەڭ اۋماقتاعى قۋاڭ جەر داقىلدارى مەن ءجايلىم ءشوبىنىڭ وسۋىنە اۋىر ىقپال تيگىزدى»،-دەدى.
سونىمەن بىرگە، 2014-جىلعى ماڭىزدى اۋا رايى اپاتتارىنان تاعى دا كۇشتى بوران، قىراۋ ءتۇسۋ، ءىشىنارا جەرلەردە نوسەر جاۋىپ سەل ءجۇرۋ، قار اپاتى تۋىلۋ سياقتىلار بار.وتكەن جىلى جەلتوقساندا ءۇرىمجى قالاسىندا ءبىر رەت جاۋعان قالىڭ قار ءۇرىمجى قالاسىندا كۇندىك جاۋعان قار مولشەرىنىڭ تاريحي رەكورتىن جاڭالادى.چىن يىن: «7-جەلتوقساننان 8-جەلتوقسانعا دەيىن، تيانشان تاۋلى رايونىندا، وڭتۇستىك شينجياڭداعى اقسۋ جانە بايىنعولىن وبلىسىندا، شىعىس شينجياڭدا كەڭ كولەمدى قار جاۋىپ، تەمپەراتۋرا تومەندەدى، ورتالىق قالا ۇرىمجىدە كۇندىك جاۋعان قاردىڭ مولشەرى 17.7 ميلليمەترگە جەتىپ، جەلتوقسانداعى كۇندىك جاۋعان قاردىڭ ەڭ جوعارى شەگىنەن اسىپ، جينالعان قاردىڭ قالىڭدىعى 25 سانتيمەترگە جەتتى»،-دەدى.2006-جىلدان باستاپ، رايونىمىز ءار جىلى الدىنداعى جىلعى 10 ماڭىزدى اۋا رايى جاعدايىن جاريالاپ كەلەدى.اۆتونوميالى رايوندىق اۋا رايى مەكەمەسى اۋا رايى ورتالىعىنىڭ ورىنباسار مەڭگەرۋشىسى، اعا ينجەنەرى جياڭ يۋان-ان: «مۇندا ءبىرىنشى ولشەم، اۋا رايى جاعدايى تاريحي رەكورتتى جاڭالاۋى، نەمەسە تاريحتا الدىڭعى قاتاردان ورىن الۋى قاجەت، سوندا عانا بۇل ءبىر ءتۇرلى ەرەكشە اۋا رايى قۇبىلىسى نەمەسە وقيعاسى سانالادى؛ ەكىنشى ولشەم، قوعامدىق ىقپالى ەرەكشە زور بولۋى، جۇرتشىلىق ەرەسەن ءمان بەرۋى ءتيىس؛ ءۇشىنشى ولشەم، حالىقارادا نەمەسە ەل ىشىندە ايرىقشا نازار اۋدارىلعان بولۋى كەرەك»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
