- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2014-جىلى تارباعاتاي ايماقتىق قازىنانىڭ حالىق تۇرمىسىنا جۇمساعان قارجىسى تۇڭعىش رەت 10 ميلليارد يۋاننان استى
2015.01.29 10:49 كەلۋ قاينارى : شينجياڭ حالىق راديو ستانسياسى تورابى
تاياۋدا، تارباعاتاي ايماقتىق قازىنا مەكەمەسىنەن ۇعىسۋعا قاراعاندا، 2014-جىلى ايماقتىق قازىنانىڭ حالىق تۇرمىسىنا جۇمساعان قارجىسى تۇڭعىش رەت 10 ميلليارد يۋاننان اسىپ، 10 ميلليارد 33 ميلليون يۋانعا جەتكەن.
ءدوربىلجىن اۋدانى مارالسۋ اۋىلى جاتاقتى مەكتەبىندەگى ءىشىنارا قۇرىلىستار وتكەن عاسىردىڭ 90-جىلدارى سالىنعان. كەڭىستىك ورتاسىنىڭ شەكتى بولۋى سەبەبىنەن، ەڭ نەگىزگى حيميالىق لاباراتوريا ءبولىمى دە جوق بولاتىن. 2014-جىلى، مەكتەپ اۋىل-قىستاقتارداعى مىندەتتى وقىتۋى ساتىسىنداعى ءالسىز مەكتەپتەردى جاڭالاۋعا بەرىلگەن 8 ميلليون يۋان قارجىدان پايدالانىپ، جالپى اۋماعى 4 مىڭ 900 شارشى مەتر كەلەتىن وقىتۋ عيماراتى، مەكتەپ جاتاقحاناسى مەن وقىتۋشىلار جاتاعىن سالادى. قازىر، وسى 3 عيماراتتىڭ نەگىزگى تۇلعالىق قۇرىلىسى تۇگەلىمەن اياقتالىپ، ىشكى بولىمىندەگى سۋ ىعىستىرۋ، جىلۋمەن قامداۋ سياقتى قۇرىلعىلارى جوندەلۋ ۇستىندە. مەجەمەن ساۋىردە پايدالانۋعا بەرىلەتىن كورىنەدى. ءسويتىپ، بيىل اۋىلداعى 19 قىستاق-اترەتتەگى اۋىل-قىستاق وقۋشىلارى يگىلىگىن كورەتىن بولادى.
اۋىلدىق وقىتۋ رايونىنىڭ مەڭگەرۋشىسى سۇڭ يىنحى: «مەكتەپتىڭ وزگەرىسى وتە زور، قۇرىلعىلارى كەمەلدى، ورتاسى جايلى بولىپ، وقىتۋ ساپاسىن جوعارىلاتۋىمىزعا دەمەۋ بولارى داۋسىز»-دەدى.تارباعاتاي ايماقتىق قازىنا مەكەمەسى وقۋ-اعارتۋ، عىلىم-تەحنيكا، مادەنيەت ءبولىمىنىڭ جاۋاپتىسى چىن ليلي: «وتكەن جىلى ايماق وقۋ-اعارتۋدى الدىمەن دامىتۋدى تياناقتاندىرۋ تەبىنىن ارتتىرىپ، جيىنى 2 ميلليارد 550 ميلليون يۋان قارجى قوسىپ، نەگىزگى وقىتۋ شارت-جاعدايىن كۇش سالا جاقسارتىپ، قالا مەن اۋىل اعارتۋىنىڭ بىركەلكى دامۋىن بارىنشا جەبەپ، كورنەكتى ونىمدىلىككە قول جەتكىزدى»-دەدى.
يۇي فاڭ شاۋەشەك قالاسىنىڭ ابدىرا اۋىلى شۇيمو قىستاعىنىڭ تۇرعىنى، ول وتكەن جىلى جاڭادان سالىنعان 90 شارشى مەترلىك بەيقۇت ۇيگە كوشىپ كىردى. ءۇيدى سالعان كەزدە مەملەكەتتىڭ 50 مىڭ يۋاندىق ءوسىمسىز قارىزى مەن 28 مىڭ 500 يۋان قوسىمشا قاراجاتىنان يگىلىكتەنىپ، ءوز جانىنان 24 مىڭ يۋان عانا شىعاردى.
وتكەن جىلى، ايماق بويىنشا 7 مىڭ 660 وتباسى يۇي فاڭ سياقتى كەڭ دە جايلى بەيقۇت ۇيگە كوشكەن، بەيقۇت ءۇي سالىپ، حالىقتى اۋقاتتاندىرۋ قۇرىلىسىنا جيىنى 756 ميلليون يۋان اقشا جۇمسالعان. ۇعىسۋعا قاراعاندا، وتكەن جىلى تارباعاتاي ايماقتىق قازىنانىڭ حالىق تۇرمىسى قۇرىلىسىنا پايدالانعان قارجىسى وقۋ-اعارتۋ، قامتاماسىزداندىرۋ سيپاتتى تۇرعىن ءۇي، قاتىناس-تاسىمال، ەمدەۋ-دەنساۋلىق ساقتاۋ سياقتى 10 سالانى قامتىپ، 2013-جىلداعىمەن سالىستىرعاندا 860 ميلليون يۋان ارتىپ، ارتۋ سالىستىرماسى 9،38 پايىزعا جەتىپ، تۇتاس جىلدىق الەۋمەتتىك قازىنا مەجە ەسەپ شىعىسىنىڭ % 78،46 ءىن يەلەگەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
