- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۋاكىلدەر ۇيىرمەسى جالپى ءماجىلىس وتكىزىپ جانە گرۋپپاعا ءبولىنىپ ءماجىلىس اشتى
2015.03.12 14:23 كەلۋ قاينارى : شينجياڭ حالىق راديو ستانسياسى تورابى
12-كەزەكتى مەملەكەتتىك حالىق قۇرىلتايىنىڭ 3-ماجىلىسىنە قاتىناسقان شينجياڭ ۋاكىلدەر ۇيىرمەسى 10-ناۋرىز تۇستەن بۇرىن جانە تۇستەن كەيىن جەكە-جەكە جالپى ءماجىلىس وتكىزىپ جانە گرۋپپاعا ءبولىنىپ ءماجىلىس اشىپ، ۇكىمەت قىزمەتىنەن باياندامانى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان باياندامانى قاراۋدى باسقاردى.
ءماجىلىستىڭ ورنالاستىرۋى بويىنشا تۇستەن بۇرىنعى جالپى ءماجىلىس حالىق سارايىنىڭ شىعىس زالىندا وتكىزىلدى، ءارى ەلىمىزدەگى جانە شەتەلدەگى اقپارات قۇرالدارىنا اشىق ۇستالدى. باياندامانى قاراۋ باستالۋدان بۇرىن، حالىق گازەتى، شينحۋا اگەنتتىگى، ورتالىق تەلەۆيزياسى، رەيتر اگەنتتىگى، فرانسيا اقپارات اگەنتتىگى، ا ق ش اگەنتتىگى، CNN، NHK سياقتىلاردى قامتىعان ەلىمىزدىڭ ءىشى-سىرتىنداعى 140 اقپارات قۇرالى، 230 دان استام ءتىلشى ءماجىلىس الاڭىنا ەرتە جينالىپ، قاتىستى اپپاراتتارىن دايىنداپ، ەڭ ىڭعايلى ورىندى يەلەپ، ميكروفون مەن اپارات كوزىن شينجياڭ ۋاكىلدەر ۇيىرمەسىنىڭ ۋاكىلدەرىنە تۋرالادى.
ساعات 9 دا شوكىرات زاكىر، ليۋ شينچي، ابدىراقىپ تۇمنياز، جاۋ چيڭ، ماينۇر نياز سياقتى ۋاكىلدەر ىلگەرىندى-كەيىندى ءسوز سويلەپ، ۇكىمەت قىزمەتىنەن بايانداما مەن حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى. جالپى ءماجىلىس اياقتاعاندا شينجياڭ ۋاكىلدەر ۇيىرمەسىنىڭ ۋاكىلدەرى ەلىمىزدىڭ ءىشى-سىرتىنداعى اقپارات قۇرالدارىنىڭ تىلشىلىگىن توپتىق قابىلدادى.
«ءبىر بەلدەۋ، ءبىر جول» ــــ ەكى ماجىلىستەگى تولعاقتى ءتۇيىن. شينحۋا اگەنتتىگىنىڭ تىلشىلەرى ەڭ الدىمەن جاڭ چۇنشيانعا سۇراۋ قويىپ: «ورتالىق ءبىر بەلدەۋ، ءبىر جول ستراتەگياسىن ورتاعا قويعاننان كەيىن، بۇكىل ەلىمىزدىڭ جەر-جەرى دامۋ ورايىن ارت-ارتىنان تالاسا-تارماسا يەلەدى، شينجياڭ جىبەك جولى ەكونوميكالىق بەلدەۋى وزەكتى رايونىن قۇرۋ سىندى ويدى ورتاعا قويعاندا نەلەر ناقتى ويلاستىرىلدى؟ شينجياڭ بۇل جاعىندا قانداي ناقتىلى ىستەر ىستەيدى؟»،-دەدى.
جاڭ چۇنشيان سۇراۋعا جاۋاپ بەرگەندە، بايىرعى جىبەك جولى شىعىس پەن باتىستىڭ دوستىق كوپىرى، ساۋدا ارناسى جانە قارىم-قاتىناسىنىڭ دانەكەرى، جىبەك جولى ەكونوميكالىق بەلدەۋىن قۇرۋ ورتالىقتىڭ ورتاعا قويعان ماڭىزدى ستراتەگيالىق شەشىمى، بايىرعى جىبەك جولى رۋحىنىڭ جالعاسۋى جانە ساۋلەلەنۋى، جىبەك جولىنىڭ بويىنداعى ەلدەردىڭ ەكونوميكاسىنىڭ دامۋىن جەبەپ، وسى ەلدەردىڭ جۇڭگونىڭ ەكونوميكا جەدەل پويەزىنە شىعۋ تىلەگىنە سايكەسىپ، جىبەك جولى بويىنداعى ءار قايسى ۇلتتاردى باقىتقا كەنەلتەتىن كەلەلى ءىس، سونداي-اق ول ەلىمىزدىڭ جاۋاپكەرلىگى كۇشتى ءىرى ەل ەكەندىگىن بەينەلەيدى.
جاڭ چۇنشيان بىلاي دەدى: ەكونوميكالىق بەلدەۋدە ماڭىزدى تۇيىندەر، كەيبىر وزەكتى رايوندار قالىپتاسادى، شينجياڭ ازيا-ەۆروپا ۇلى قۇرىلىعىنىڭ سەنترىندە، باتىسقا ەسىك اشۋدىڭ الدىڭعى قامالى، شينجياڭ وسىنداي وزەكتى رايوندا تۇر. باس شۋجي شي جينپيڭ جىبەك جولى ەكونوميكالىق بەلدەۋىن قۇرۋ ماڭىزدى ستراتەگياسىن ورتاعا قويعاننان كەيىن، شينجياڭ قاتىستى زەرتتەۋلەردى نەداۋىر ەرتە جۇرگىزىپ، جوسپار جاساپ، 5 ءىرى ورتالىق قۇراتىن بولدى، وتكەن جىلى ۇرىمجىدەن قازاقستانعا، تۇركياعا، گرۋزياعا قاتىنايتىن جۇك تاسىمال پويەزىن جۇرگىزىپ، ىشكى ولكەدەگى زاتتار شينجياڭ ارناسى ارقىلى ەۆروپاعا 16 كۇندە-اق جەتتى، بۇل تەڭىز تاسىمالىندا جۇمسالاتىن ۋاقىتتىڭ تەڭ جارىمىنداي عانا. بيىل تاعى دا ۇرىمجىدە جۇك قورابى ورتالىق پۋنكتىنىڭ قۇرىلىسى باستاپ، ورتا ازيا مەن ەۆروپاداعى جىبەك جولى بويىنداعى ەلدەر، ىشكى ولكەدەگى قالالاردىڭ زاتتارى وسى ارادا قايتادان قۇراستىرىلىپ، بىرىكتىرىلىپ، زات اينالىمىنىڭ عىلمي وزىندىك قۇنىنىڭ تومەن بولۋىنا مۇمكىندىك جاسالدى. «جىبەك جولى ەكونوميكالىق بەلدەۋى قۇرىلىسىندا، كاسىپورىن نەگىزگى تۇلعا، بازار قاجەتى تەتىك، ورتاق پايدا تابۋ نىسانا. شين جياڭنىڭ بۇل جاعىنداعى قىزمەت اياق الىسى نەداۋىر جاقسى، ايتالىق، شينجياڭنىڭ ەرەكشە ترانسفورماتور سەرىكتەستىگى بيىل كورشىلەس ەلدەردەن سالىپ جاتقان جانە تاياۋدا جۇمىس باستايتىن قۇرىلىس نىسانىنىڭ قارجى سوماسى 5 ميلليارد ا ق ش دوللارىنا جەتىپ وتىر؛ گۋاڭحۇي توبى دا قازاقستاننىڭ مۇناي جانە گاز قۇرىلىسىنا قول جەتكىزىپ وتىر؛ شينجياڭنىڭ كاسىپورىندارى گرۋزيا، قازاقستان، تاجىكستان، ينديا سياقتى ەلدەردەن ونەركاسىپ باقشا رايونىن قۇردى، مىنە بۇلار باتىسقا ەسىك اشۋدا شينجياڭنىڭ زور رول اتقاراتىندىعىن، جىبەك جولى ەكونوميكالىق بەلدەۋى قۇرىلىسىنىڭ ەكونوميكانى ارتتىرۋدا ماڭىزدى رول اتقاراتىندىعىن، شينجياڭنىڭ ءىشى-سىرتىنداعى كاسىپورىنداردىڭ وسى بارىستا بىرلەسىپ، ورتاق پايداعا كەنەلتەتىندىگىن تۇسىندىرەدى.
ءتىلشىنىڭ شينجياڭنىڭ ورنىقتىلىق جاعدايى قانداي دەگەن سۇراعىنا جاڭ چۇنشيان بىلاي دەپ جاۋاپ بەردى: كەزەكتە، شينجياڭنىڭ قوعامدىق جالپى جاعدايىنىڭ ورنىقتىلىعىن مەڭگەرۋگە بولادى، الايدا ءبىز قاتاڭ دا كۇردەلى جاعدايعا ءدوپ كەلىپ وتىرمىز.شينجياڭ جاڭا كەزەكتى ەكونوميكانى جەر شارىلاندىرۋ بارىسىندا، مادەنيەت جانە تاريحي سەبەپتەرگە بايلانىستى جينالىپ قالعان ماسەلەلەردى شەشۋىنە تۋرا كەلەدى، بۇل ماسەلەلەردى بىرەر كۇندە شەشە سالۋعا كەلمەيدى، وعان نەداۋىر ۇزاق ۋاقىت قاجەت، ءارى كوپ كۇش شىعارۋعا تۋرا كەلەدى.
جاڭ چۇنشيان بىلاي دەدى: ۇزاق ۋاقىتتان بەرى، شينجياڭنىڭ نەگىزگى ساتى كادرلارى مەن ورنىقتىلىقتى قورعاۋ قوسىنى جاپالى قۇلشىنىستار جاساپ، وراسان زور بوداۋ بەردى. بۇل بوداۋدى سان-سيفىرمەن ولشەيتىن بولساق، شينجياڭداعى قوعام حاۋىپسىزدىگى كادر-ساقشىلارىنىڭ قۇربان بەرۋ مولشەرى ىشكى ولكەلەردەن 5.4 ەسە جوعارى تۇرادى. 2013-جىلى، شينجياڭنىڭ نەگىزگى ساتىداعى كادرلارىنان 230 نەشە ادام قىزمەت ۇستىندە تۇتقيىل قازا بولدى، مۇنىڭ ءوزى بۇكىل مەملەكەتتىڭ ورتاشا سانىنان كوپ. بەلگىلى ماعىنادان العاندا، شينجياڭ بۇكىل مەملەكەتتىڭ ورنىقتىلىعىنا ۇلەس قوسىپ جاتىر دەۋگە بولادى.باعانا ءبىر حانىم وڭتۇستىك شينجياڭعا بارۋعا بولاما دەپ سۇرادى، مەن وعان: ماسەلە جوق، بارۋعا ابدەن بولادى دەپ جاۋاپ بەرەمىن.
سامۇرىق تورابى ءتىلشىسىنىڭ شينجياڭنىڭ زورلىقتى كۇش لاڭكەستەرىنە سوققى بەرۋ ارناۋلى ارەكەتى جونىندە قويعان سۇراعىنا، شوكرات زاكىر بىلاي دەپ جاۋاپ بەردى: زورلىقتى كۇش لاڭكەستىك قىلمىسى ادامزات قوعامى ءۇشىن ۇلكەن دەرت، زورلىقتى كۇش لاڭكەستەرى ادامزاتقا، قوعامعا، وركەنيەتكە جات، وعان، ءسوز جوق، زاڭ بويىنشا قاتاڭ سوققى بەرۋ كەرەك.وتكەن جىلدان بەرى، ءبىز زورلىقتى كۇش لاڭكەستىك قىلمىستىلارىنا سوققى بەرۋ ارناۋلى ارەكەتىن ورىستەتىپ، قىلمىستىلارعا سىلەيتە سوققى بەرىپ، جاۋدى سەسكەندىرىپ، كەزەڭدىك ناتيجەگە قول جەتكىزدىك، سونىمەن بىرگە، بۇقارانى تاربيەلەپ، جۇرت تىلەگىن توعىستىرىپ، قوعام ورنىقتىلىعىن قورعادىق.
شوكىرات زاكىر بىلاي دەدى: قاتاڭ سوققى بەرۋمەن بىرگە، شينجياڭ تاعى دا «2 جاعىن دا مىقتى يگەرۋگە» ايرىقشا ءمان بەرىپ، زورلىقتى كۇش لاڭكەستىك قىلمىستارىنا سوققى بەرۋ جاعىن دا، بۇقاراعا تاربيە جۇرگىزىپ جەتەكشىلىك ەتۋ جاعىن دا مىقتى يگەرەدى. اۆتونوميالى رايوندىق پارتكوم وسى قوعامدىق ماسەلەلەردى، شينجياڭنىڭ ورنىقتىلىق ماسەلەسىن شەشۋدىڭ 5 كىلتىن قورتىندىلاپ شىعاردى، ياعني، يدەيالىق ماسەلەنى يدەيالىق ادىسپەن شەشۋگە تاباندى بولۋ، مادەنيەت ماسەلەسىن مادەنيەت تاسىلىمەن شەشۋ، عۇرىپ-ادەت ماسەلەسىنە قۇرمەت ەتۋ پوزيتسياسىمەن مامىلە جاساۋ، ءدىن ماسەلەسىندە ءدىننىڭ قاعيداسى بويىنشا قىزمەتتى ويداعىداي ىستەۋ قاجەت، ءبىراق زورلىقتى كۇش لاڭكەستىك ماسەلەسىنە زاڭ-ءتۇزىم ارقىلى قاتاڭ سوققى بەرۋ كەرەك. زورلىقتى كۇش لاڭكەستىككە وسىلاي زاڭ بويىنشا سوققى بەرۋ ارقىلى زورلىقتى كۇش لاڭكەستىك دەلوسىنىڭ بارعان سايىن ازاياتىندىعىنا كامىل سەنىمىن.چى جۇن، لي شۋەجۇن، جاروللا يسامدين سياقتى ۋاكىلدەر تاعى دا «حالىق جاعدايىن ۇعىسۋ، حالىق تۇرمىسىنا تيىمدىلىك جەتكىزۋ، حالىق تىلەگىن توعىستىرۋ» قيمىلى، نەگىزگى ساتىنىڭ نەگىزىن نىعايتۋ، ۇشقارىلىقتى الاستاۋ سياقتى ماسەلەلەر جونىندە تىلشىلەردىڭ سۇراعىنا جاۋاپ قايتاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
