- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر قاراقاش اۋدانىندا تەكسەرۋ - زەرتتەۋ جۇرگىزدى
جالپى جاعدايدى يگەرىپ، كەدەيلىكتەن قۇتىلدىرۋدان قامال الۋ شايقاسىن بەلدى بەكەم بايلاپ جەڭىسپەن جۇرگىزۋ كەرەك
2015.12.29 15:39 كەلۋ قاينارى : ءتاڭىرتاۋ تورابى
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 28 - جەلتوقساندا حوتان ايماعىنىڭ قاراقاش اۋدانىندا تەكسەرۋ - زەرتتەۋ جۇرگىزدى. شوكىرات زاكىر بىلاي دەپ اتاپ كورسەتتى: يدەيا مەن ارەكەتتى ورتالىقتىڭ جانە اۆتونوميالى رايوندىق پارتكومنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ورتالىق پەن اۆتونوميالى رايوندىق پارتكومنىڭ ءبىر قىدىرۋ جاڭا يدەيالارىن، جاڭا وي جەلىسىن، جاڭا تالاپتارىن رەفورما، دامۋ، ورنىقتىلىق قىزمەتتەرىمەن شىن مانىندە ساباقتاستىرىپ، تەرەڭ تالداۋ جاساپ، كەزەكتە ءدوپ كەلىپ وتىرعان جاعدايدى دۇرىس يگەرىپ، كەدەيلىكتەن قۇتىلدىرۋدان قامال الۋ شايقاسىن باتىل تۇردە جەڭىسپەن جۇرگىزىپ، حالىق تۇرمىسى قىزمەتىن ويداعىداي يگەرىپ، نەگىزگى ساتىنىڭ نەگىزىن بەكەمدەپ، ءتۇرلى قىزمەتتەردىڭ جاڭا جاعدايىن قۇلشىنا اشۋ كەرەك.
ءبىر كۇن ىشىندە شوكىرات زاكىر ىلگەرىندى - كەيىندى قاراقاش اۋدانىنىڭ زاۋا قالاشىعىنا، توقۇلا اۋىلىنا، سونداي - اق قاراقاش اۋدانىنىڭ كونە قالا رايونىنا بارىپ، حوتان ايماعىنىڭ، وتە - موتە، قاراقاش اۋدانىنىڭ ەكونوميكالىق، قوعامدىق دامۋى، نەگىزگى ساتىنىڭ ۇيىمدىق قۇرىلىسى، جەر سىلكىنىسىنەن كەيىنگى قايتا قۇرۋ سياقتى جاعدايلاردى ءارى جەرگىلىكتى ورىننىڭ كەدەيلىكتەن قۇتىلدىرۋ قىزمەتىن ۇعىستى.
شوكىرات زاكىر ۇشاقتان تۇسە سالا زاۋا قالاشىعىنىڭ جايتەرەك قىستاعىنداعى كەدەي وتباسىلارى سوپۇر ديمىن مەن سىراجى احىمەت باراتتىڭ ۇيىنە امانداسا بارىپ حال سۇراپ، ولاردىڭ تۇرمىس، ءوندىرىس جاعدايىن ۇعىستى. شوكىرات زاكىر بىلاي دەدى: پارتيا مەن ۇكىمەت كەدەي بۇقارانىڭ تۇرمىسىنا ەرەكشە ءمان بەرىپ وتىر، ورتالىق 2020 - جىلعا دەيىن بارلىق كەدەي وڭىرلەر مەن كەدەيلەر قاۋىمىنىڭ جاپپاي دوڭگەلەك داۋلەتتى قوعامعا قادام تاستاۋىن شىنايى قامتاماسىز ەتۋ كەرەكتىگىن العا قويدى، سىزدەردىڭ كەدەيلىكتەن قۇتىلۋ سەنىمىن بەكەمدەپ، پارتيا مەن ۇكىمەتتىڭ كومەگىندە، كۇتىپ وتىرماي، يەك سۇيەمەي، ەڭبەكقور قوس قولدارىڭىزعا سۇيەنىپ، كەدەيلىكتەن ەرتە قۇتىلىپ، وزدەرىڭىزگە ءتان جارقىن ءومىر جاراتۋلارىڭىزدى ءۇمىت ەتەمىن. سوپۇر ديمىن مەن سىراجى احىمەت بارات پارتيا مەن ۇكىمەتتىڭ قامقورلىعىنا، كومەگىنە ەرەكشە راقىمەت ايتىپ، ءسوز جوق، قۇلشىنا ەڭبەك ەتىپ، كەدەيلىكتەن ەرتەرەك قۇتىلۋعا ۇمتىلاتىندىقتارىن ءبىلدىرىستى. بيىل 3 - شىلدەدە گۇما اۋدانىندا جەر سىلكىندى، سونىڭ اسەرىندە قاراقاش اۋدانىندا ءىشىنارا اۋىل - قالاشىقتار تۇرلىشە دارەجەدە اپاتقا ۇشىرادى. زاۋا قالاشىعىنىڭ تەرەكايلا قىستاعى وسى اۋدانداعى ءبىرشاما اۋىر اپاتقا ۇشىراعان ءوڭىر. اپاتتان كەيىن قالاشىق پارتكومى اپاتقا ۇشىراعان شارۋالاردىڭ بۇلىنگەن ۇيلەرىن بەيقۇت ءۇي سالىپ حالىقتى اۋقاتتاندىرۋ ينجەنەرياسى كولەمىنە ەنگىزىپ، جاڭادان ءۇي سالىپ بەردى. قازىر اپاتقا ۇشىراعان شارۋالاردىڭ ءبارى جاڭا ۇيگە كوشىپ كىردى. شوكىرات زاكىر اپاتقا ۇشىراعان شارۋا ءالي ءوماردىڭ 90 شارشى مەترلىك جاڭا ۇيگە ەندى كوشىپ كىرگەنىن كوردى. ول اليگە بىلاي دەدى: پارتيا مەن ۇكىمەت اپاتقا ۇشىراعان بۇقارانىڭ تۇرمىسىنا ەرەكشە كوڭىل ءبولىپ، ولاردىڭ اتا مەكەندى قايتا قۇرۋىنا مۇمكىندىكتىڭ بارىنشا كومەكتەسىپ وتىر، سىزدەردىڭ جاڭا ۇيگە كوشىپ كىرگەندەرىڭىزدى كورىپ ەرەكشە قۋاندىم. جاعدايلاردىڭىزدىڭ جاقسارا بەرۋىن تىلەيمىن.
حوتان ايماعىنىڭ، قاراقاش اۋدانىنىڭ قىزمەتتەن بەرگەن مالىمەتىن تىڭداعان سوڭ، شوكىرات زاكىر بىلاي دەپ اتاپ كورسەتتى: كەزەكتە جانە الداعى ءبىر مەزگىل − شينجياڭنىڭ بۇكىل ەلمەن بىرگە جاپپاي دوڭگەلەك داۋلەتتى قوعام قۇرۋداعى شەشۋشى كەزەڭى ءارى شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ شەشۋشى مەزگىلى. سوندىقتان، جاعدايدى جىعا تانىپ، جالپى جاعدايدى يگەرىپ، ورتالىق پەن اۆتونوميالى رايوندىق پارتكومنىڭ شارالارىن، ورنالاستىرۋلارىن شىن مانىندە دايەكتى تياناقتاندىرىپ، «13- بەسجىلدىق» جوبا مەزگىلىندەگى، وتە - موتە، كەلەر جىلعى قىزمەتتەردى ويداعىداي جوبالاۋ؛ كەدەيلىكتەن دالمە - ءدال قۇتىلدىرۋداعى «5 ءبىر توپ» جوسپارىن مۇقيات اتقارىپ، ورتالىق بەلگىلەگەن كەدەيلەردى سۇيەمەلدەۋ، وركەندەتۋ مىندەتىنىڭ دەر كەزىندە ورىندالۋىن قامتاماسىز ەتىپ، كەدەيلىكتەن قۇتىلدىرۋدان قامال الۋ شايقاسىن باتىل تۇردە جەڭىسپەن جۇرگىزۋ؛ كاسىپتەندىرۋدى، ءبىلىم بەرۋدى ءتۇيىن ەتىپ، حالىق تۇرمىسى قىزمەتىن ويداعىداي يگەرۋ كەرەك. كاسىپتەنۋ ارنالارىن قۇلشىنا كەڭەيتىپ، كاسىپتەنۋ بويىنشا باعىتتامالى تاربيەلەپ، كاسىپتەنۋ ماسەلەسىن كۇش سالا شەشۋ كەرەك «قوس تىلدە» ءبىلىم بەرۋدى جانە كاسىپتىك وقۋ - اعارتۋدى كۇش سالا دامىتىپ، ەڭبەكشىلەردىڭ كاسىپتەنۋ قابىلەتىن جوعارىلاتۋ؛ نەگىزگى ساتىنى بۇلجىماي يگەرىپ، نەگىز قالاۋدى شينجياڭدى ورنىقتىرۋدىڭ، شينجياڭدى گۇلدەندىرۋدىڭ باياندى جوباسى جانە ءتۇبىرلى شاراسى ەتىپ، ءالسىز، بىتىراڭقى نەگىزگى ساتى پارتيا ۇيىمدارىن رەتتەۋ جۇمىسىن مىقتى ۇستاۋ كەرەك.
حوتانداعى كەزىندە شوكىرات زاكىر تاعى قاراقاش اۋدانى توقۇلا اۋىلىنىڭ كوركەم اۋىل - قىستاق قۇرىلىسىن، قاراقاش اۋدانىنىڭ كونە قالا رايونىن جاڭالاۋ جاعدايىن تەكسەردى، قاراقاش اۋدانىنىڭ باليمۋ ساۋدا شەكتى سەرىكتەستىگىندە كاسىپتەندىرۋ جاعدايىن تەكسەردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
