- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاسىل ءتۇستى دامۋعا تاباندى بولىپ، كوركەم شينجياڭ قۇرايىق
2015.12.31 16:27 كەلۋ قاينارى : شينجياڭ حالىق راديو ستانسياسى تورابى
حۋاديان توبىنىڭ سانجى جىلۋ ەلەكتر ستانسياسى اۆتونوميالى رايوننىڭ ءتۇيىندى قۇرىلىسىنداعى ەلەكتر قاينارى نىسانى، سانجى قالاسىنداعى 60 مىڭنان ارتىق وتباسى، 200 مىڭنان ارتىق حالىق سانىن شوعىرلى جىلۋمەن قامداۋ مىندەتىن ارقالاپ، جىلۋمەن قامداۋ كولەمى 10 ميلليون شارشى مەتردەن استى. جىل باسىنان بەرى، بۇل كاسىپورىن ورتانى قورعاۋعا قارجى قوسۋ تەبىنىن ارتتىرىپ، تەحنيكاعا جاڭالىق جاراتۋعا سۇيەنۋ ارقىلى ەنەرگيا ۇنەمدەپ، لاس زاتتى از ىعىستىرۋدى جەبەپ، تۇتاس جىلدا قوسقان قارجىسى 215 ميلليون يۋان بولدى، 1-، 2-ءنومىرلى اگرەگاتتىڭ كۇكىرتسىزدەندىرۋ، ەلەكترمەن توزاڭنان ارىلتۋ سىندى ورتانى قورعاۋ قۇرىلعىلارىنىڭ سيىمدىلىعىن ارتتىرىپ، كومىر الاڭىنىڭ توزاڭمەن لاستانۋىنىڭ الدىن الدى. حۋاديان توبى جىلۋ ەلەكتر ستانسياسىنىڭ ورىنباسار باستىعى ديڭ جىبو بىلاي دەدى: وسى ءبىر سىپىرا ورتانى قورعاۋ نىسانى تەكسەرىپ وتكىزۋدەن وتكەننەن كەيىن، ءار جىلى ستانسيامىز كومىر تەگى قوس توتىعىن ءبىر مىڭ 500 توننا تومەندەتىپ، كۇكىرت گازىن مىڭ توننا از شىعارىپ، ازوتتانعان زاتتى ىعىستىرۋدى 800 توننا ازايتادى، 13-بەسجىلدىق پلان مەزگىلىندە، تازالاپ ىعىستىرۋ سىندى ورتانى قورعاۋ ءتاسىلى ارقىلى كاسىپورىنداردىڭ ورتاسىن باسقارۋدى كۇشەيتىپ، «كوك اسپان ينجەنەرياسىنا» اناعۇرلىم زور ۇلەس قوسامىز.
«كوك اسپان» ينجەنەرياسى اتقارىلعاننان بەرى، ءۇرىمجى قالاسىنىڭ اۋا ساپاسى كوپ جاقسارىپ، ورتانىڭ اۋا ساپاسى بويىنشا قاتارى بۇرىنعى ءتۇيىندى قالالاردىڭ ىشىندە سوڭعى ورىننان ورتاڭعى قالالاردىڭ قاتارىنا ءوتتى، ەلىمىز بويىنشا ورتانىڭ ساپاسىن جاقسارتۋداعى ەڭ كورنەكتى قالالاردىڭ ءبىرى بولدى. قازىرگە دەيىن، ءۇرىمجى قالاسىنىڭ بيىل جىل باسىندا تۇراقتاندىرعان «كوك اسپان نىساناسى» نەگىزىنەن ءبىتىپ، تۇتاس جىلدا اۋا ساپاسىنىڭ جاقسارۋ مولشەرى %85 تەن استى.ىلە وبىلىسىندا، مۇڭعۇلكۇرە، تەكەس، توعىزتاراۋ سياقتى 3 ەكولوگيالىق وركەنيەت قۇرىلىسى سىناق ءتۇيىنى اۋدانى ىشكى وندىرىستىك جالپى ءونىم قۇنى مەن ونەركاسىپتىڭ ارتقان قۇنىن باعالاۋدى جەڭىلدەتىپ، باعالاۋ ولشەمىن جاسىل ءتۇستى ىشكى وندىرىستىك جالپى ءونىم قۇنىنا ويىستىرىپ، ەكولوگيانى قورعاۋ مەن اشىق اسپان، تۇنىق سۋدى باياندى دامۋدىڭ ابزالدىلىعىنا اينالدىردى؛ كاسىپ قۇرىلىسى جاعىندا جاسىل ءتۇستى كاسىپتى رەتكە سالۋدى ارقاۋ ەتىپ، جايشىلىقتا قوسىمشا ارتقان قۇنى تومەن وسى كاسىپتى سەنترگە، ەگىنشى، مالشىلاردى اۋقاتتانۋعا باستايتىن ابزال كاسىپكە اينالدىردى. تەكەس اۋداندىق پارتكومنىڭ شۋجيى ليۋ لي بىلاي دەدى: تىرەكتى كاسىپتى وسىزامانعى اۋىل شارۋاشىلعى مەن مال شارۋاشىلىعىنا، ەرەكشە جەمىس اعاشى كاسىبىنە، ساياحاتقا، مادەنيەتكە، ءىشىنارا تازا ەلەكتر ەنەرگيانى نەگىز ەتكەن جاڭا ەنەرگيا قاينارى قۇرىلىسىنا رەتتەيمىز.قازىر، رايونىمىزدىڭ قاتاردان قالدىرعان مەشەۋ ءونىم قۋاتىنىڭ جالپى مولشەرى 15 ميلليون توننا بولىپ، شينجياڭ بويىنشا جەل ەلەكتر، كۇن ەنەرگياسى ارقىلى توك تاراتۋ، سۋ ەلەكتر گەنراتور سيىمدىلىعى 17 ميلليون 20 مىڭ كيلوۆات ساعاتقا جەتىپ، ءتۇيىندى قۇرىلىسقا اتقارىلعان لاس زاتتى از شىعاۋ نسىانى 746 بولىپ، باستى لاس زاتتاردى شىعارۋ جالپى مولشەرى مەملەكەت تۇسىرگەن ءتۇرلى كورسەتكىش كولەمىندە تىزگىندەلدى. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم رايون جاعدايىنا تابان تىرەپ، شينجياڭنىڭ ءىس جۇزىندىگىنە ۇيلەسەتىن ءبىر سىپىرا ەكولوگيالىق ورتانى قورعاۋ جاڭا تانىمىن، جاڭا وي جەلىسىن جانە جاڭا تالابىن العا قويدى. 5 جىلدان ارتىق ۋاقىت ءامالياتتان وتكىزۋ ارقىلى، «ورتانى قورعاۋدى ماڭداي الدى ورىنعا قويىپ، ەكولوگيالىق رايون قۇرۋ»، «ەكولوگيالىق ورتانى باياندى قورعاۋ مەن بايلىقتى باياندى اشۋ» سىندى دامۋ تانىمى تيانشان الابىنداعى ءار ۇلت بۇقاراسىنىڭ جاپپاي قۇپتاۋىنا يە بولدى، ءارى ءار ۇلت كادىر بۇقاراسىنىڭ ءىس جۇزىندىك ارەكەتتەرىندە بەينەلەندى. اۆتونوميالى رايوندىق ورتانى قورعاۋ مەڭگەرمەسى پارتگرۋپپاسىنىڭ شۋجي سۇن چاڭحۋا بىلاي دەدى: شينجياڭنىڭ وزىندىك ورتانى قورعاۋ سيىمدىلىعى مەن كوتەرىمدىلىگى وتە شەكتى، ەكولوگياسى توتەنشە ءالسىز، ونىڭ ۇستىنە ەكونوميكانىڭ، قوعامنىڭ سەكىرمەلى دامۋى سىندى قوس قابات قىسىمىنا ءدوپ كەلىپ وتىر، سوندىقتان، ءسوز جوق تۋ باستان تىزگىندەپ، بارىستى قاتاڭ باسقارىپ، زارداپ تۋدىرعانداردى اۋىر جازالاپ، جالپى حالىق ورتانى قورعاۋعا ءمان بەرەتىن، كوڭىل بولەتىن، ات سالىساتىن قىزمەت جاعدايىن قالىپتاستىرۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
