ۇلتتىڭ گۇلدەنۋى رەفورما جاساۋ، ەسىك اشۋ بارىسىندا، ءسوز جوق، جۇزەگە اسادى
− باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندەگى ءسوزى جونىندە تولعانىس (2)
□حالىق گازەتىنىڭ شولۋشىسى
2017.11.10 14:16 كەلۋ قاينارى : شينجياڭ گازەتى
«1949 − 2049» گۇلدەنۋ، قۇدىرەتتەنۋدىڭ وسى ۋاقىت كەستەسى 70 جىلعا تاياۋ ۋاقىتتى باستان وتكىزىپ، اسا ماڭىزدى «سوڭعى جارتى ساتىعا» قادام قويدى. ۇلتتىڭ گۇلدەنۋىنىڭ ارمان قاقپاسىن نەگە سۇيەنىپ اشامىز؟ وسىزاماندانعان قۇدىرەتتى مەملەكەت قۇرۋدىڭ قاقپاسى الدىنداعى دوپتى قالاي مەڭگەرەمىز؟
«رەفورما جاساۋ، ەسىك اشۋ زامانىمىزداعى جۇڭگونىڭ تاعدىرىن بەلگىلەگەن شەشۋشى شارا»، «جۇڭحۋا ۇلتىنىڭ گۇلدەنۋى رەفورما جاساۋ، ەسىك اشۋ بارىسىندا، ءسوز جوق، جۇزەگە اسادى». جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ ۇلتتىڭ گۇلدەنۋىنىڭ تاريحي ولشەمىمەن رەفورما جاساۋدىڭ، ەسىك اشۋدىڭ وزگەشە ماڭىزىن باعامدادى. نىق سەنىممەن ايتىلعان بۇل سوزدەر وتكەن كۇندەردىڭ قورىتىندىسى، ونان دا ماڭىزدىسى، بولاشاقتىڭ جوباسى؛ ءسوز جوق، جەڭىسكە جەتۋ سەنىمى، ونان دا ماڭىزدىسى، رەفورما جارناماسى.
تاريح − بولاشاقتى ءتۇسىنۋدىڭ كىلتى. 30 نەشە جىلدىڭ الدىندا، ءبىر شەتەلدىك كيىم جوبالاۋشىنىڭ ۇستىندەگى قارا ءتۇستى ءماۋتى پالتوعا بەيجيڭ كوشەسىندە تالاي جۇرت تاڭىرقاي قاراسقان ەدى؛ بۇگىندە جۇڭگونىڭ كيىم - كەشەك ۇلگىلەرى دۇنيەنىڭ جەر - جەرىندە سانگەرلىك اپتالىقتارىندا جۇرت نازارىن اۋدارۋدا. 30 نەشە جىلدىڭ الدىندا، ەلىمىزدىڭ GDPى نەبارى 364 ميلليارد 500 ميلليون يۋان عانا بولىپ، دۇنيە جۇزىندەگى ەڭ دامىماعان تومەن كىرىستى مەملەكەتتەر قاتارىندا ەدى؛ بۇگىنگى تاڭدا، جۇڭگو ەكونوميكاسىنىڭ جالپى مولشەرى 200 نەشە ەسە ءوسىپ، ءار جىلعى ارتۋ مولشەرى ورتاشا دامىعان مەملەكەتتىڭ ەكونوميكالىق مولشەرىنە بارابار كەلدى. رەفورما جاساۋ، ەسىك اشۋ ءبىزدىڭ «داۋىرگە ارشىندى قاداممەن ىلەسۋىمىزگە» مۇمكىندىك بەردى، جۇڭحۋا ۇلتىنىڭ ۇلى گۇلدەنۋدىڭ نۇرلى بولاشاعىن قارسى الۋىنا مۇمكىندىك بەردى.
دامۋ − بارلىق ماسەلەنى شەشۋدىڭ تەتىگى، ال رەفورما جاساۋ، ەسىك اشۋ − جۇڭگونىڭ دامۋىنىڭ ءتۇبىرلى قوزعاۋشى كۇشى. دىڭ شياۋپيڭنىڭ «رەفورما جاساماساق تۇيىق جولعا تىرەلەمىز» دەگەن اسقاق تا شۇعىل ۇندەۋىنەن شي جينپيڭنىڭ «رەفورما توقتامايدى، ەسىك اشۋ جالعاسا بەرەدى» دەگەن ايبىندى سەرتىنە دەيىن، جۇڭگو قيىنشىلىق ىشىندە رەفورما جاساۋ، ەسىك اشۋ جولىنا ءتۇستى ءارى ۇزدىكسىز كۇرەس بارىسىندا وسى ۇلى جولمەن توقتاۋسىز العا تارتتى. 5 جىلدىڭ الدىندا باتىستىڭ الدەبىر اقپارات قۇرالى «جۇڭگو وتۋگە ءتيىستى كەلەسى كەدەرگى» دەپ مىسال كەلتىرگەن ەدى، ال قازىر ولار «جۇڭگونىڭ شوقتىعى ۇزدىكسىز كوتەرىلەدى» دەپ اسەرلەندى.
تاۋ قوپارىپ، تەڭىز قوتاراتىن ەكپىنمەن، تامشىنىڭ تاس تەسەتىنى ءتارىزدى مۇقالماس جىگەرمەن بۇرىن بولماعان تاريحي وزگەرىستەردى جۇزەگە اسىرىپ، كۇللى الەمدى جالت قاراتقان تاريحي جەتىستىكتەرگە قول جەتكىزىپ، تاياۋ زاماننان بەرى تالاي تاۋقىمەتتەردى باستان وتكەرگەن جۇڭحۋا ۇلتىنىڭ ورنىنان تۇرۋدان، اۋقاتتانۋدان قۇدىرەتتەنۋگە دەيىنگى ۇلى سەكىرۋىن ىسكە اسىرىپ، تاريحتىڭ ءارقانداي ءبىر مەزگىلىمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي ءتۇستى.
فيلوسوفتار: ۋاقىت اقيقاتتىڭ ناعىز دوسى، - دەيدى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى. تاريح پاراقتارىن اشار بولساق، شەتەلدىكتەرگە ەلىكتەۋ قوزعالىسى، ۋشۇي جىلعى زاڭ وزگەرتۋ، شينحاي توڭكەرىسى سياقتىلاردىڭ بارىندە جاڭالىققا كوشۋ، قۇدىرەتتەنۋگە تالپىنۋداي قىزۋ ارىن، ۇلتتى گۇلدەندىرۋدەي تەبىندى جىگەر بولعانىمەن، ءبارى دە شالا - شارپى اياقتالدى. نە ءۇشىن بۇل ءىس جۇڭگو كوممۋنيستىك پارتياسىنىڭ قولىنان كەلدى؟ مۇنىڭ ءتۇبىرلى سەبەبى − كوممۋنيستەر وتاندى جويىلۋدان قۇتقارۋدىڭ ماشاقاتتى ىزدەنىسى بارىسىندا ماركسيزم سىندى بۇلجىماس اقيقاتتى تاپتى؛ رەفورما جاساۋدىڭ، ەسىك اشۋدىڭ ۇلى ۇدەرىسىندە جۇڭگوشا سوتسياليزم سىندى بىردەن - ءبىر دۇرىس جولدى اشتى. «ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەت - قارىمىمىز دا قاپتال جەتەدى». بۇل سەنىم تاريح دالەلدەگەن جەتىستىكتەردەن، حالىق مويىنداعان تالعامنان، پارتيا 19 - قۇرىلتايىندا تۇراقتاندىرىلعان جاڭا يدەيادان، جاڭا بورىشتان كەلگەن. جاڭا داۋىرگە قادام باسقان ءبىز وسى بۋىننىڭ جاڭا جورىقتا ءالى «قارلى تاۋلار» مەن «سازدى دالالاردان» وتۋىنە، «لوۋشانگۋان» مەن «لازىكوۋدى» باعىندىرۋىنا تۋرا كەلەدى، ءبىراق جاڭا يدەيا ارقىلى جاڭا جورىققا جەتەكشىلىك ەتىپ، كىناراتتاردى الاستاپ، ءوزىمىزدى تۇلەتىپ، رەفورما جاساپ، جاڭالىق اشا الساق بولعانى، ءسوز جوق، شۇعىلاعا شومعان شىڭ باسىنا جاقىنداي تۇسەمىز.
2018 - جىلى رەفورما جاساپ، ەسىك اشقانعا 40 جىل تولادى. رەفورما جاساۋدا، ەسىك اشۋدا ۇزدىكسىز جاڭا ىلگەرىلەۋشىلىكتەرگە قول جەتكىزۋدىڭ ءوزى رەفورما جاساپ، ەسىك اشۋدىڭ 40 جىلدىعىن اتاپ ءوتۋدىڭ ەڭ تاماشا ەستەلىگى بولماق. رەفورما جاساۋدىڭ، ەسىك اشۋدىڭ «ەپيكالىق داستان ءتارىزدى العا باسۋشىلىقتاردىڭ» حالىق رەسپۋبليكامىزدى شىت جاڭا بيىككە كوتەرەتىندىگىنە سەنەمىز؛ عاسىر بويى الاۋلاعان ۇلتتى گۇلدەندىرۋ ارمانىنىڭ ونان ارى رەفورما جاساۋ، ەسىك اشۋ بارىسىندا، ءسوز جوق، جۇزەگە اساتىندىعىنا، جۇڭحۋا ۇلتىنىڭ اناعۇرلىم ايبىندى تۇلعامەن دۇنيە ۇلتتارى قاتارىنان قاسقايا بوي كوتەرىپ تۇراتىندىعىنا سەنەمىز.
(شينحۋا اگەنتتىگىنىڭ 8 - قاراشادا بەيجيڭنەن بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
