«جۇڭگونىڭ ۇلتتار ىنتىماعى جاعىنداعى قىمباتتى تاجىريبەلەرى ءبىزدىڭ ۇيرەنۋىمىزگە تاتيدى»
— شەتەلدىڭ ساياسي پارتيالارىنىڭ ۋاكىلدەرى شينجياڭدى باسقارۋ ىستەرىنە جوعارى باعا بەردى
حالىق گازەتىنىڭ ءتىلشىسى ۋاڭ حايلين، جاڭ پىڭحۇي
2019.03.01 16:03 كەلۋ قاينارى : حالىق تورابى
«جۇڭگونىڭ ۇلت ساياساتى جانە ۇلتتار ىنتىماعى — شينجياڭ ۇيعۇر اۆتونوميالى رايونىنىڭ ءامالياتى» اتتى ارناۋلى تاقىرىپتىق ۇگىتتەۋ – تانىستىرۋ ءماجىلىسى 2 – ايدىڭ 27 – كۇنى بەيجيڭدە وتكىزىلدى، 30 نەشە مەملەكەتتەن كەلگەن 50گە جۋىق ساياسي پارتيادان 200دەن استام شەتەلدىك مەيمان ماجىلىسكە قاتىناستى. شينجياڭداعى ءبىرىنشى شەپتەگى كادرلار مەن جەرگىلىكتى جۇرتشىلىق ۇلتتار ىنتىماعىنا قاتىستى حيكايالاردى اڭگىمەلەدى، ءار ەل ۋاكىلدەرى جۇڭگونىڭ ۇلت ساياساتىن وبيەكتيۆ، شىنايى تۇردە ءتۇسىندى.
ءماجىلىس الدىندا ءار ەل ۋاكىلدەرى ءۇرىمجى قالاسىنداعى ۇلتتار ىنتىماعى ۇلگى ءتۇيىنى ەسەپتەلەتىن گۋيۋانگاڭ الەۋمەتتىك وڭىرىنە باردى، «ءبىر بەلدەۋ، ءبىر جول» حالىقارالىق سەلبەستىگى جاعىندا ۇلگى كورسەتۋ كاسىپورىندارىنا، ياڭحاڭ مەشىتى قاتارلى جەرلەرگە بارىپ تەكسەرۋ – زەرتتەۋ جۇرگىزدى. ءار ەل ۋاكىلدەرى اسەرلەنگەن كۇيدە: «جۇڭگونىڭ ءار ۇلت حالقى ۇلتتار ىنتىماعىن كوز قاراشىعىنداي قورعايدى ەكەن»، — دەدى.
تيانشان قارلى تاۋ قاراعايىنىڭ تامىرى تەرەڭگە ۇلاسقان، ءار ۇلت حالقىنىڭ تىلەكتەرى توعىسقان. ۇلتتار ىنتىماعى ءار ۇلت حالقىنىڭ جان تامىرى سپەتتى، ول شينجياڭنىڭ دامۋى مەن العا باسۋىنىڭ تاعانى، ءبىر ميلليارد 300 ميلليون جۇڭگو حالقىنىڭ ورتاق ەركى ەسەپتەلەدى.
باتىستىڭ ءىشىنارا اقپارات قۇرالدارىنىڭ جۇڭگونىڭ ۇلت ساياساتىن قارالاعان شىندىققا جاناسپايتىن حابارلارى جونىندە يوردانيانىڭ اراب ەلدەرى جانە جۇڭگو دوستىعىن ىلگەرىلەتەتىن جازۋشىلار مەن اقپارات قۇرالدارى قايراتكەرلەرىنىڭ حالىقارالىق بىرلەستىگىنىڭ ءتوراعاسى مارۋان سۋداحا گازەتىمىز تىلشىسىنە: «اراب ەلدەرىندە ‹رەال عانا ەڭ انىق ايعاق› دەگەن ءسوز بار. شينجياڭعا كەلگەن سوڭ، مەن جۇڭگونىڭ از ۇلت جۇرتشىلىعىنىڭ وزدەرىنىڭ ۇلتتىق كيىم – كەشەگىن كيىپ جۇرگەنىن، وزدەرىنىڭ ۇلتتىق تىلىندە سويلەپ جۇرگەنىن، شاتتىققا تولى جۇزدەرىن ءوز كوزىممەن كوردىم. بۇل باتىستىڭ اقپارات قۇرالدارى حابارلاعان جاعدايمەن مۇلدە ۇقسامايدى ەكەن»، — دەدى.
ۆيەتنام كوممۋنيستىك پارتياسى ورتالىق حالىقتىق تاسىمال مينيسترلىگى مينيسترىنىڭ ورىنباسارى رۋان لان: «جۇڭگو كوممۋنيستىك پارتياسى شينجياڭ دامۋ بولاشاعى ەڭ زور وڭىرلەردىڭ بىرىنە اينالدىردى. كەدەيلەردى سۇيەمەلدەۋ مەن كاسىپتەنۋ ورنىن جاراتۋ قاتارلى جاقتارداعى ساياساتتارى ماعان تەرەڭ اسەر قالدىردى. جۇڭگونىڭ ۇلتتار ىنتىماعىنىڭ قىمباتتى تاجىريبەلەرى ءبىزدىڭ ۇيرەنۋىمىزگە تاتيدى»، — دەدى.
رەسەي كوممۋنيستىك پارتياسى ورتالىق كوميتەتىنىڭ مۇشەسى الەكسەي لەسكين: شينجياڭنىڭ ۇلتتار ىنتىماعى ونەگە – ۇلگى بولاتىنداي ەكەن. رەسەي دە جۇڭگو سياقتى كوپ ۇلتتى مەملەكەت، ءار ۇلت حالقىنىڭ جاراسىمدىلىعى مەن بەرەكەسىن ىسكە اسىرۋ ەكى ەلدىڭ الدىنا قويىلعان ماڭىزدى مىندەت، — دەدى.
دامۋ — بارلىق ماسەلەلەردى شەشۋدىڭ كىلتى. رەفورما جاساپ، ەسىك اشقاننان بەرى، تيانشاننىڭ تۇستىگى مەن تەرىسىتگىندە كىسىنى جەلپىندىرەتىن تاريحي سيپاتتى وزگەرىستەر تۋىلدى، ءار ۇلت جۇرتشىلىعىنىڭ تۇرمىسى ۇزدىكسىز جاقساردى.
پەرۋ كوممۋنيستىك پارتياسىنىڭ (ىنتىماق) باس شۋجيى لۋيس ۆيليانۋەۆا ناق مايداندا ەكسكۋرسيالاعاننان كەيىن: رەفورما جۇڭگونىڭ ەكونوميكاسىنىڭ دامۋى مەن وسىزاماندانۋ اياق الىسىن بارىنشا ىلگەرىلەتتى، جۇڭگو كوممۋنيستىك پارتياسى مەن جۇڭگو ۇكىمەتى ءار ۇلت حالقىنىڭ باقىتىنا جوعارى ورەدە ءمان بەرىپ، ءوزىنىڭ ءىس جۇزىندىك جاعدايىنا ۇيلەسەتىن دامۋ جاعدايىن ىزدەستىردى، — دەدى.
ەگيپەتتىڭ ءبىرىنشى پارلامەنتى باستىعىنىڭ ورىنباسارى سايد ماحمود شەريف مىنانى ءبىلدىردى: دامۋ — ورنىقتىلىقتىڭ كەپىلى، شينجياڭ قازىرگى كەزدە جالپى جاعدايداعى ورنىقتىلىقتى ساقتاۋدا دامۋعا سۇيەنەدى، جۇڭگو كوممۋنيستىك پارتياسى مەن جۇڭگو ۇكىمەتىنىڭ كۇش سالا قولداۋىنىڭ ارقاسىندا شينجياڭ باتىسقا قاراي ەسىك اشۋداعى ماڭىزدى تەرەزەلىك رولىن اناعۇرلىم ساۋلەلەندىرىپ، ورتا شىعىس، سولتۇستىك افريكا قاتارلى وڭىرلەرمەن اناعۇرلىم ىشكەرىلەي بارىس – كەلىس جانە سەلبەستىك جاساي الادى، — دەدى.
پاكيستان ادىلەت قوزعالىسى پارتياسى باس شۋجيىنىڭ ورىنباسارى ارجاز اشيف مىنانى اتاپ كورسەتتى: ۇلكەن بازاردا كوركەمونەر نومىرلەرىن تاماشالاعان كەزدە، ون نەشە از ۇلتتىڭ ءبىر ارادا باس قوسىپ، قويۋ ىنتىماقتاسقان بەينەسىن كوردىم. جۇڭگو ەكونوميكاسىن دامىتۋ بارىسىندا از ۇلتتاردى قاقپايلاماپتى، از ۇلتتار دا دامۋ بارىسىندا يگىلىككە كەنەلىپتى، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
