الداعى بەس كۇندە سولتۇستىك شينجياڭدا تەمپەراتۋرا ٴۇرتىس تومەندەيدى
2020.03.24 16:50 كەلۋ قاينارى : حالىق تورابى
حالىق تورابى، 3 – ايدىڭ 24 – كۇنى، بەيجيڭ. ٴتىلشىنىڭ شينجياڭ ۇيعۇر اۆتونوميالى رايوندىق اۋا رايى ستانسياسىنان ۇعىسۋىنشا، سۋىق اۋانىڭ اسەرىنەن 3 – ايدىڭ 22 – كۇنى كۇندىزدەن 27 – كۇنى كۇندىزگە دەيىن، سولتۇستىك شينجياڭ، قۇمىل قالاسىنىڭ سولتۇستىگىندە اۋا تەمپەراتۋراسى ٴۇرتىس تومەندەيدى ٵرى ٴبىرشاما تومەن قالىپتا تۇرادى، جالپى 5℃—7℃ تومەيدى، تارباعاتاي ايماعىنىڭ سولتۇستىگى، التاي ايماعى، ءۇرىمجى قالاسى، سانجى حۇيزۋ اۆتونوميالى وبلىسىنىڭ شىعىس بولىگىندەگى جەرلەردىڭ تەمپەراتۋراسى 8℃—10℃ تومەندەپ، كۇندىك ەڭ تومەنگى تەمپەراتۋرا ℃ 0 تان تومەن بولادى. 3 ـ ايدىڭ 25 ـ كۇنى كۇندىزدەن 26 ـ كۇنى كۇندىزگە دەيىن وڭتۇستىك شينجياڭداعى ويپاتتىڭ تەمپەراتۋراسى ℃ 5 اينالاسىندا تومەندەيدى.
3 – ايدىڭ 22 - كۇنى كۇندىزدەن 24 – كۇنى كۇندىزگە دەيىن، سولتۇستىك شينجياڭنىڭ باسىم كوپ جەرىندە، بايىنعولين موڭعۇل اۆتونوميالى وبلىسىنىڭ سولتۇستىگىندەگى تاۋلى وڭىرلەردە، قۇمىل قالاسىنىڭ سولتۇستىگىندە از جاڭبىر جاۋادى نەمەسە قار جاۋادى؛ تارباعاتاي ايماعىنىڭ سولتۇستىگى مەن التاي ايماعىنىڭ شىعىس سولتۇستىگىندەگى تاۋلى ءوڭىردىڭ ءىشىنارا جەرلەرىندە قالىڭ قار جاۋدى.
3 – ايدىڭ 23 – كۇنى تۇستەن كەيىننەن 24 - كۇنى كۇندىزگە دەيىن سولتۇستىك شينجياڭنىڭ قيىس سولتۇستىگى مەن شىعىس شينجياڭ وڭىرىندە 5 بال شاماسىندا باتىس سولتۇستىك جەلى سوعادى، تارباعاتاي ايماعى، التاي ايماعى، سانجى وبلىسى، قۇمىل قالاسى سياقتى جەرلەردە جەل وتتەرىندە 9 بال - 10 بال جەل سوعادى.
3 – ايدىڭ 24 - كۇنى تۇننەن 26 - كۇنى تۇنگە دەيىن وڭتۇستىك شينجياڭداعى تارىم ويپاتىنىڭ شىعىسىندا 5 بال شاماسىندا قيىس شىعىس جەلى سوعادى، ويپاتتا شاڭ - توزاڭ نەمەسە قومدى بوران بولادى، مۇنىڭ ىشىندە بايىنعولين وبلىسىنىڭ وڭتۇستىگى، اقسۋ ايماعىنىڭ وڭتۇستىگى، قاشقار ايماعىنىڭ شىعىسى، حوتان ايماعىنىڭ ءىشىنارا جەرلەرىندە قۇمدى بوران سوعادى.
3 ـ ايدىڭ 23 ـ كۇنى تۇننەن 24 ـ كۇنى كۇندىزگە دەيىن ٴۇرىمجى قالاسى قالا رايونى، ميدۇڭ رايونىندا از جاڭبىر نەمەسە جاڭبىر ارالاس قار جاۋادى، تاۋلى رايوندا ورتاشا قار جاۋادى. 25 - كۇنىنەن 27 - كۇنىنە دەيىن قالانىڭ تەمپەراتۋراسى نولدەن تومەن 3℃تا 6℃ مولشەرىندە بولادى.
شينجياڭ ۇيعۇر اۆتونوميالى رايوندىق اۋا رايى ستانسياسى مىنانى ەسكەرتەدى: قازىر سولتۇستىك شينجياڭداعى مال شارۋاشىلىق رايوندارى ءتول الۋ جانە مال شارۋاشىلىق وڭىرلەرىنە كوشۋ مەزگىلىندە تۇر، تەمپەراتۋرانىڭ ءۇرتىس تومەندەۋى مەن قارلى بوراندى اۋا رايىنىڭ مال شارۋاشىلىق وندىرىسىنە ءتيىمسىز ىقپالى بار، ەگىنشى – مالشىلاردىڭ مال قورا – قالتقىنى بەكەمدەۋ، قار تازالاۋ، سۋىقتان ساقتانۋ، جىلۋ ساقتاۋ، جەم – ءشوپ زاپاسى سياقتى قىزمەتتەردى الدىن الا جاقسى ىستەۋىن ۇسىنىس ەتتى. سونىمەن بىرگە قۇرىلعىلى اۋىل شارۋاشىلىق لاپاسىن بەكەمدەۋ، قار تازالاۋ جانە تەمپەراتۋرانى ارتتىرۋ، جارىق تولىقتاۋ قىزمەتىن جاقسى ىستەۋ كەرەك. وڭتۇستىك شينجياڭداعى قومدى اۋا رايى كوكتەمگى ەگىس جۇمىسىنا ٴتيىمسىز، اۋا رايىنىڭ وزگەرىسىنە قاراي اۋىل شارۋاشىلىق ٴوندىرىسىن ورنالاستىرۋ قاجەت .
مۇنان تىس، سولتۇستىك شينجياڭنىڭ الدىڭعى مەزگىلدەگى اۋا تەمپەراتۋراسىنىڭ پارقى ەرەكشە جوعارى، ونىڭ ۇستىنە الداعى جاڭبىرلى، قارلى اۋا رايى سەبەبىنەن ىلە وبلىسى، تارباعاتاي ايماعى، التاي ايماعى سياقتى جەرلەردىڭ ٴىشىنارا جەرلەرىندە تاسقىن اپاتى، تاۋلى رايوندارداعى ٴىشىنارا جەرلەردە كوشكىن جانە گەولوگيالىق اپاتتاردىڭ حاۋىپ - قاتەرى ٴبىرشاما جوعارى بولعاندىقتان، قاتىستى تاراۋلار اپات وڭاي تۋىلاتىن جەرلەردىڭ حاۋىپسىزدىك، قورعانىس قىزمەتىن كۇشەيتۋگە تۋرا كەلەدى. سولتۇستىك شينجياڭدا جولعا مۇز قاتادى، تارباعاتاي ايماعى مەن التاي ايماعىنىڭ ءىشىنارا جەرلەرىندە بوران سوعىپ، قاردى ۇردەيدى، وڭتۇستىك شينجياڭداعى ءىشىنارا جەرلەردە اۋا شاڭىتتانادى نەمەسە قۇمدى بوران سوعادى، قاتىستى تاراۋلاردىڭ حالىقتىق اۆياتسيا، تاس جول جانە قالا قاتىناسى سياقتى قاتىناس باسقارۋ قىزمەتىن كۇشەيتۋىن ۇسىنىس ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
