وڭتۇستىك شينجياڭدىق بويجەتكەن پاشاگۇل مەملەكەتتىك ”ەڭ ارداقتى قىزمەتكەر“ بولىپ باعالاندى
2020.11.27 15:28 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى لي ياڭ، لياڭ ليحۋا 11 - ايدىڭ 25 - كۇنى ۇرىمجىدەن حابارلايدى. ”تاۋ قويناۋىنان شىعۋ − كەزىندەگى مەنىڭ ەڭ ۇلكەن ارمانىم ەدى. ءتىپتى دە كوپ اعا - باۋىر، اپەكە - سىڭلىلەرىمدى باستاپ، اق تاياقتى لاقتىرىپ تاستاپ، تاماشا تۇرمىس وتكىزە الارىمدى مۇلدە ويلاماعان ەكەنمىن. مۇنداي داۋىردە تەك قۇلشىنساڭ عانا بولعانى ارمانىڭنىڭ بارلىعى جۇزەگە اسادى!“. 11 - ايدىڭ 25 - كۇنى تۇستەن بۇرىن ءتىلشى بەيجيڭنەن داڭقپەن ورالعان پاشاگۇل كەرىمگە جولىققاندا ول اسەرلەنە وسىلاي دەدى.
11 - ايدىڭ 24 - كۇنى مەملەكەتتىك ”ەڭ ارداقتى قىزمەتكەرلەردى“ جاريالاۋ سالتى بەيجيڭدە وتكىزىلدى. وتانىمىزدىڭ باتىس بولىك شەكاراسىنداعى شاعىن قالاشىق − ۇلۇقشات اۋدانىنان بارعان قىرعىز ايەل پاشاگۇل مەملەكەتتىك 10 ”ەڭ ارداقتى قىزمەتكەردىڭ“ ءبىرى رەتىندە سيلىق ساحناسىنا كوتەرىلدى.
” وڭتۇستىك شينجياڭدا وسى جىلدارى وتە زور وزگەرىستەر تۋىلدى، وتە - موتە، ادامداردىڭ يدەيالىق ساناسى وزگەردى. بۇرىن اۋىل - قىستاق ايەلدەرى ءومىر بويى وت باسى، وشاق قاسىنان جانە بالادان ارى اسا المايتىن. بۇل كۇندەرى ءداستۇرلى يدەيانىڭ بۇعاۋىنان قۇتىلدى، تەك ول عانا ەمەس، ءبىزدىڭ ءبىر ءۇيلى جاندا، ءتىپتى دە كوپ اۋىلداستاردىڭ تاعدىرىندا وزگەرىستەر بولدى“، - دەدى پاشاگۇلدىڭ جۇبايى دۇيسەن سىدىق اسەرلەنە.
پاشاگۇل ۇلۇقشات اۋدانى ءبورىتوعاي اۋىلى اقشي قىستاعىندا دۇنيەگە كەلگەن، بالا كەزىندە اكەسى قايتىس بولعان، اناسى جالعىز ءوزى بىرنەشە بالانى باعىپ - قاعىپ وسىرگەن.
2006 - جىلى ۇلۇقشات اۋدانى اۋىل - قىستاقتارداعى ارتىق ەڭبەككۇشتەردى گۋاڭدۇڭعا بارىپ جۇمىس ىستەۋگە ۇندەيدى، سول كەزدە 23 جاستاعى پاشاگۇل تۇتاس قىستاق بويىنشا ءبىرىنشى بولىپ تىزىمدەلەدى.
پاشاگۇل تۇڭعىش قىزمەتىن دۇڭگۋان قالاسىنداعى ءبىر ەلەكتروندى تۇلعالىق بولشەكتەر مەن ۇساق بولشەكتەر زاۆودىندا جۇمىس ىستەۋدەن باستايدى. باستاپقىدا ءتىل وتكەلىنەن، تەحنيكا وتكەلىنەن وتە الماعاندىقتان، ونىڭ كىرىسى جوعارى بولمايدى. ۇستازىنىڭ كومەگىندە، ونىڭ پۋتۇڭحۋا قابىلەتى جوعارىلايدى، تەحنيكاعا دا بارعان سايىن جاتىلادى، ءسويتىپ، ايلىق ەڭبەكاقىسى تەز ارادا 3000 يۋانعا جەتەدى. ”2006 - جىلدىڭ سوڭىندا مەن 15 مىڭ يۋان جيناپ، بارلىعىن شەشەمە سالىپ جىبەردىم. تەلەفوندا ەكەۋىمىز بىردەي تەبىرەنە جىلاپ جىبەردىك“، - دەدى پاشاگۇل.
بۇل كۇندەرى، پاشاگۇل دۇڭگۋان قالاسىنداعى ءبىر اياق كيىم تىگۋ زاۆودىندا گرۋپپا باستىعى بولدى، ايلىق ەڭبەكاقىسى 5000 يۋاننان استى. ول جۇبايى دۇيسەنمەن گۋاڭدۇڭدا جۇمىس ىستەگەن كەزىندە ماحابباتتاسىپ تۇرمىس قۇرعان. ”قازىر ەكەۋىمىزدىڭ اي سايىنعى كىرىسىمىز 10 مىڭ يۋاننان اسادى. بالامىز 3 جاسقا كەلدى، جەرگىلىكتى ورىنداعى بالاباقشادا وقيدى، مەن وتە باقىتتى سەزىنەمىن“، - دەدى ول.
”سىرتقا شىعىپ جۇمىس ىستەۋ مەنىڭ قالتامدى قامپايتتى، كوز ايامدى كەڭەيتتى. مەن ءتىپتى دە كوپ اۋىلداستارىمدى سىرتقا باستاپ شىعۋدى ويلايمىن“. وسى ويدىڭ جەتەگىندە پاشاگۇل ءار جىلى اۋىلىنا قايتىپ تۋىسشىلاۋ ورايىندا اۋىلداستارىنا ءوزىنىڭ جۇمىس ىستەۋ كەشىرمەسىن ايتىپ، سىرتتاعى كوركەم دۇنيەنىڭ حيكاياسىن شەرتىپ، پارتيانىڭ ابزال ساياساتىن تۇسىندىرەدى. 14 جىلدان بەرى ول ىلگەرىندى - كەيىندى 1300دەن استام ادامدى گۋاڭدۇڭعا بارىپ جۇمىس ىستەۋگە ۇيىمداستىرىپ، ارحيۆ تۇرعىزىلىپ، كارتچكالاندىرىلعان 279 كەدەي وتباسىنىڭ كىرىستەرىن باياندى ارتتىرىپ، كەدەيلىكتەن ارىلۋدى جۇزەگە اسىرۋلارىنا كومەكتەستى.
”مەنىمەن بىرگە سىرتقا شىعىپ جۇمىس ىستەگەن اۋىلداستاردىڭ ەكونوميكالىق شارت - جاعدايىندا وتە زور جاقسارۋلار بولدى، كوپتەگەن ادامدار اۋىلدا جاڭا ءۇي سالىپ الدى، اۆتوكولىك ساتىپ الدى. بۇلاردى كورگەندە مەن ەرەكشە قۋانامىن. قازىر كوپتەگەن اپەكە - سىڭلىلەر ماعان وزدىكتەرىنەن تەلەفون شالىپ ’سىرتقا شىعۋدى‘ تالاپ ەتەدى“، - دەدى پاشاگۇل.
پاشاگۇلدىڭ اۋىلى ۇلۇقشات اۋدانى تۇرعان وڭتۇستىك شينجياڭ وڭىرىندە، وسىناۋ جىلدارى كەدەيلىكتەن ارىلتۋدان قامال الۋدىڭ ىشكەرىلەي تەرەڭدەۋىنە بايلانىستى، ءتىپتى دە كوپ كەدەيلەردى سۇيەمەلدەۋ زاۆودتارى، شارۋاشىلىق قۇرۋ شەبەرحانالارى اۋىل - قىستاقتارعا ىرگە تەۋىپ، جۇمىستانۋعا جانە كىرىستى ارتتىرۋعا جەتەكشى بولدى.
”كەلەر جىلى مەن اۋىلعا قايتۋدى جوسپارلاپ وتىرمىن، ۇلۇقشات اۋدانىنان ءبىر اياق كيىم زاۆودىن اشىپ، گۋاڭدۇڭنان كەلگەن تاپسىرىستاردى قابىلدايمىن. مەن تەك قۇلشىنا كۇرەس جۇرگىزگەندە عانا مەكەنىمىزدىڭ بارعان سايىن كوركەيە تۇسەتىندىگىنە، تۇرمىسىمىزدىڭ بارعان سايىن جاقساراتىندىعىنا سەنەمىن!“، - دەدى پاشاگۇل تولىق سەنىممەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
