الدىڭعى 3 توقساندا قاتىناس – تاسىمال ەكونوميكاسى «الدىمەن تومەندەپ، سوڭىنان جوعارىلاپ، قالىپقا تۇسە باستادى» (بەدەلدى جاريالاۋ)
قاتىناس تۇراقتى مۇلكىنە قارجى قوسۋ جوعارى دەڭگەيدە جۇرگىزىلدى
2020.10.30 17:29 كەلۋ قاينارى : حالىق تورابى
«حالىق گازەتى»، 10 - ايدىڭ 29 - كۇنى، بەيجيڭ (ءتىلشى ليۋ جىچياڭ). «الدىڭعى 3 توقساندا قاتىناس - تاسىمال ەكونوميكاسىندا جالپى جاقتان ‹الدىمەن تومەندەپ، سوڭىنان جوعارىلاۋ، بىرتىندەپ قالىپقا ءتۇسۋ› اۋقىمى جارىققا شىقتى، اسىرەسە، 3 - توقساننان بەرى بۇرىنعى دامۋ ارناسىنا قايتا ورالۋى جەدەلدەپ، ءىشىنارا سالالار تولىقتاندى». 10 - ايدىڭ 28 - كۇنى تۇستەن كەيىن قاتىناس - تاسىمال مينيسترلىگىنىڭ اقپارات مالىمدەمەشىسى، ساياسات زەرتتەۋ كەڭسەسىنىڭ مەڭگەرۋشىسى ۋ چۇنگىڭ مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە الدىڭعى 3 توقسانداعى قاتىناس – تاسىمال ەكونوميكالىق اينالىم جاعدايىن حابارلاندىردى.
قاتىناس تۇراقتى مۇلكىنە قارجى قوسۋ جوعارى دەڭگەيدە جۇرگىزىلدى. الدىڭعى 3 توقساندا قاتىناسقا 2 تريلليون 510 ميلليارد يۋان قارجى قوسىلىپ، سايكەس مەزگىلدەگىدەن %9.8 ارتىپ، سوڭعى 3 جىلداعى ۇقساس مەزگىلدەگى ەڭ جوعارى ورە بولدى. مۇنىڭ ىشىندە تاس جولعا، سۋ جولىنا شامامەن ءبىر تريلليون 880 ميلليارد يۋان قارجى قوسىلىپ، تۇتاس جىلدىق نىسانالى مىندەت 3 اي بۇرىن ورىندالدى.
تۇتاس قوعامنىڭ زات تاسىمال مولشەرى ءۇرتىس 5 اي ارتتى. الدىڭعى 3 توقساندا تۇتاس قوعامنىڭ تيجارات سيپاتتى زات تاسىمال مولشەرى 32 ميلليارد 780 ميلليون توننا بولىپ، سايكەس مەزگىلدەگىدەن %3.3 تومەندەدى، تومەندەۋ شاماسى الدىڭعى جارىم جىلداعىدان 4.5 پايىز تارايدى، مۇنىڭ ىشىندە 3 توقساندا %4.4 ارتىپ، ءۇرتىس 5 اي ارتۋ جۇزەگە اسىرىلىپ، قالىپتى ارتۋ دەڭگەيىنە نەگىزىنەن قايتا ورالدى. بۇدان سىرت الدىڭعى 3 توقساندا پورتتاردىڭ جۇك قابىلداۋ - جونەلتۋ مولشەرى 10 ميلليارد 610 ميلليون توننا بولىپ، سايكەس مەزگىلدەگىدەن %3 ارتتى، مۇنىڭ ىشىندە ىشكى - سىرتقى ساۋدانىڭ قابىلداۋ - جونەلتۋ مولشەرى جەكە - جەكە %2.4 جانە %4.2 ارتتى.
پوچتا جەدەل جەتكىزۋى، جۇڭگو - ەۆروپا كەزەكشى پويەزى سياقتى سالالاردا جوعارى قارقىنمەن ارتۋ جۇزەگە اسىرىلدى. الدىڭعى 3 توقساندا پوچتا جەدەل جەتكىزۋ كاسىبىنىڭ ورىنداعان كاسىپ مولشەرى 56 ميلليارد 140 ميلليون دانا بولىپ، سايكەس مەزگىلدەگىدەن %27.9 ارتتى؛ جۇڭگو - ەۆروپا كەزەكشى پويەزدەرىنەن جيىنى 8 مىڭ 756 پويەز قاتىناپ، سايكەس مەزگىلدەگىدەن %46 ارتتى؛ تيەۋىش قوراپ تەمىر جول، سۋ جولى بىرلەسپە تاسىمال مولشەرى 5 ميلليون 25 مىڭ ولشەمدى ساندىق بولىپ، سايكەس مەزگىلدەگىدەن %28.4 ارتتى.
جوعارى قارقىندى تەمىر جول، حالىقتىق اۆياتسيا سياقتى سالالارداعى جولاۋشى تاسىمال مولشەرى تەز قالپىنا كەلدى. حالىقتىق اۆياتسيا جاعىندا 3 - توقساندا ەل ءىشى اۋە جولىنىڭ جولاۋشى تاسىمال مولشەرى بىلتىرعى سول تۇستاعىنىڭ %98 ىنە جەتتى. تەمىر جول جاعىندا 3 - توقساننىڭ سوڭىندا پويەزدەردىڭ جولاۋشى جونەلتۋ مولشەرى بىلتىرعى سول مەزگىلدەگىنىڭ %80 ىنە جۋىق شامادا قالپىنا كەلدى. الدىڭعى 3 توقساندا تيجارات سيپاتتى جولاۋشى تاسىمال مولشەرى 6 ميلليارد 810 ميلليون ادام بولىپ، سايكەس مەزگىلدەگىدەن %49.0 تومەندەدى؛ 36 ورتالىق قالادا الەۋمەتتىك قاتىناس جولاۋشى تاسىمال مولشەرى 29 ميلليارد 870 ميلليون ادام بولىپ، سايكەس مەزگىلدەگىدەن %39.5 تومەندەدى. ساندى مالىمەتتىڭ وزگەرىس جاعدايىنان قاراعاندا، جولاۋشى تاسىمال مولشەرىندە ۇزدىكسىز قالپىنا كەلۋ جاعدايى جارىققا شىققان، 9 - ايدا تيجارات سيپاتتى جولاۋشى تاسىمال مولشەرى سايكەس مەزگىلدەگىنىڭ %66.3 ىنە دەيىن قالپىنا كەلگەن، 36 ورتالىق قالانىڭ الەۋمەتتىك قاتىناس جولاۋشى تاسىمال مولشەرى سايكەس مەزگىلدەگىنىڭ %81.7 ىنە دەيىن قالپىنا كەلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
