- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رەسەيدە «پۋتينشىل جاڭا بۋىن» قالىپتاستى
2014.10.14 16:34
2000 – جىلى پۋتين تۇڭعىش رەت رەسەي زۇڭتۇڭى بولىپ سايلانعاننان بەرى پۋتيننىڭ ساياساتى ءبىر ءداۋىر رەسەيلىكتەرگە تىكەلەي ىقپال جاسادى، رەسەي ستراتەگيالىق اۋىس – كۇيىس ورتالىعىنىڭ جۋىردا جاريالاعان تەكسەرۋ بايانداماسىندا «پۋتينشىل جاڭا بۋىن» قالىپتاستى دەلىندى.
تالداۋ جاساۋشى قايراتكەرلەر مىنانى اتاپ كورسەتتى: «پۋتينشىل جاڭا بۋىن» بولاشاقتا رەسەيدىڭ ساياسي جانە ەكونوميكا سياقتى سالالارىندا كۇن وتكەن سايىن ماڭىزدى ورىندى يەلەيدى، ءتىپتى، رەسەيدىڭ بولاشاق دامۋ باعىت – باعدارىن بەلگىلەيدى.
«پۋتينشىل جاڭا بۋىن» قالىپتاستى
رەسەي ستراتەگيالىق اۋىس – كۇيىس ورتالىعىنىڭ ساناعىنا قاراعاندا، «پۋتينشىل جاڭا بۋىن» كەزەكتە رەسەيدەگى ورتا بۇرجۋازيانىڭ %50 ىن يەلەگەن، ولار پۋتين بيلىك قۇرعان 15 جىلدا قالىپتاسقان ءارى ۇزدىكسىز زورايىپ، رەسەيدىڭ ساياسي، ەكونوميكا، مادەنيەت سياقتى سالالارىندا اناعۇرلىم كوپ جاۋاپكەرلىك ارقالاعان.
رەسەي ستراتەگيالىق اۋىس – كۇيىس ورتالىعىنىڭ مەڭگەرۋشىسى ابزالوۆ «پۋتينشىل جاڭا بۋىن» - جاسى 40 قا دا جەتپەگەن ساۋدا سالاسى، ءىرى كاسىپورىن، مەملەكەت ورگانى سياقتى سالالاردا تۇراقتى ورىندى يەلەگەن ءارى تىرەكتىك رول اتقارىپ وتىرعان قوعامدىق توپتار، ولاردىڭ ءومىر جونىندەگى ۇستانىمى ءبىرشاما بەلسەندى. ۋاقىت جاعىنان كەزەكتە بارلىق ساياسي، ەكونوميكا، قوعامدىق سالانىڭ بەل ورتاسىندا جۇرگەن جاس قايراتكەرلەردىڭ دەرلىك ءبارى «پۋتينشىل جاڭا بۋىن» قاتارىندا دەپ قاراۋعا بولادى.
پۋتين بيلىك جۇرگىزگەن 15 جىلدان بەرى، رەسەيدىڭ قوعامى ءبىرشاما ورنىقتى بولىپ، ەكونوميكاسى دا ايتارلىقتاي دامىدى. بۇل «پۋتينشىل جاڭا بۋىننىڭ» ءوسىپ – جەتىلۋىنە ءبىرشاما تاماشا ورتا جاراتۋمەن بىرگە، «پۋتينشىل جاڭا بۋىننىڭ» دامىپ زورايۋىنا دا ءتيىمدى بولدى. «پۋتينشىل جاڭا بۋىن» پۋتيننىڭ رەسەيدىڭ دامۋىنا ءتيىمدى ءبىرشاما ناقتى ىشكى – سىرتقى ساياساتىن جاپپاي قولدايدى، ولار پۋتيننىڭ باسشىلىعىندا رەسەي گۇلدەنىپ – كوركەيەدى دەپ سەنەدى.
«پۋتينشىل جاڭا بۋىننىڭ» قالىپتاسۋى مەن دامىپ زورايۋى پۋتيننىڭ ساياساتىنا قاتىستى ەكەنى داۋسىز. پۋتين ەكى رەت زۇڭتۇڭدىق، ءبىر رەت زۇڭليلىق مىندەت وتەگەن مەزگىلدەگى جۇرگىزگەن رەفورمالارى بۇل جاڭا بۋىننىڭ دامۋىنا تاماشا شارت – جاعداي جاراتتى. جەرگىلىكتى ءوزىن – ءوزى باسقارۋ جۇيەسىن رەفورمالاۋ، «بۇكىل رەسەي حالىقتىق شەبىن قۇرۋ» بارىسىندا ءبىر توپ جاس باسشىلار جەتىلدى، پۋتيننىڭ ساياسي ىقپالىندا ولار ساياسي جاقتان بىرتىندەپ مويىندالدى ءارى ولاردا كەمەلدى قۇن كوزقاراسى قالىپتاسىپ، ءتۇرلى سالا كورنەكتى تۇلعالارعا اينالدى.
تاعى ءبىر جاعىنان، پۋتيننىڭ باسشىلىعىندا بۇكىل رەسەي قوعامىنىڭ يگىلىك دەڭگەيى كورنەكتى جاقساردى، رەسەي حالقىنىڭ قالتاسى قالىڭداپ، ساتىپ الۋ قۋاتى جوعارىلادى، بۇل بولشەك ساۋدا كاسىبى مەن IT كاسىبىنىڭ جەدەل دامۋىن قاپتاماسىزداندىردى، ساۋدا سالاسىندا دا «پۋتينشىل جاڭا بۋىننىڭ» تيىپتىك وكىلدەرى توپ – توبىمەن كوزگە ءتۇستى.
ماڭىزدى رول اتقارا باستادى
ابزالوۆ بىلاي دەدى: پۋتين بيلىك جۇرگىزگەن 15 جىلدا جەتىلگەن «پۋتينشىل جاڭا بۋىن» مەملەكەتتىڭ ساياسي ومىرىندە بەلسەندى رول اتقارۋعا دايىندالا باستادى، «پۋتينشىل جاڭا بۋىن» بولاشاقتا رەسەيدىڭ ىشكى ساياسات، سىرتقى ديپلوماتيا، ەكونوميكا سياقتى سالالاردا ەلەۋلى كۇشكە اينالادى.
كەزەكتە، رەسەيدىڭ دامۋى كۇردەلى ىشكى - سىرتقى ورتاعا ءدوپ كەلگەندىكتەن، رەسەيدىڭ بولاشاق گۇلدەنىپ-كوركەيۋىن جۇزەگە اسىرۋ ءداۋىردىڭ «پۋتينشىل جاڭا بۋىنعا» قويعان تالابى ەسەپتەلەدى. رەسەي فەدراتسيالىق قوعامدىق ينستيتۋتىنىڭ مۇشەسى فەدروۆ بىلاي دەپ اتاپ كورسەتتى: «پۋتينشىل جاڭا بۋىن» بازار ەكونوميكاسى جۇيەسىن اتقارادى، كەزەكتە، رەسەيدىڭ ونەركاسىپ-ساۋدا سالاسىندا ۇزدىك ۋاكىلدەر ورتاعا شىقتى. ولار اناعۇرلىم كوپ جاۋاپكەرلىك پەن تاريحي بورىش ارقالاۋعا، رەسەي ەكونوميكاسىنىڭ ورنىقتى دامۋىن ىلگەرىلەتەتىن اتويشى بولۋعا دايىن.
ورتا بۋرجۋازيانىڭ تيپتىك ۋاكىلىنە اينالعان «پۋتينشىل جاڭا بۋىن» تەك رەسەي ەكونوميكاسىنىڭ ورنىقتى دامۋىن ىلگەرىلەتۋدە ماڭىزدى رول اتقارىپ قالماستان، رەسەيدىڭ ساياسي ىستەرىنىڭ دامۋىنداعى تىرەكتى كۇشكە دە اينالماق.
رەسەي عىلىم اكادەمياسى ەكونوميكا زەرتتەۋ ورنىنىڭ اعا زەرتتەۋشىسى كريشەۆسكي بىلاي دەدى: «پۋتينشىل جاڭا بۋىن» رەسەيدىڭ ساياسي، ەكونوميكا جانە قوعامدىق دامۋ اياق الىسىندا اناعۇرلىم ماڭىزدى رول اتقاراتىنى داۋسىز، ولار بولاشاقتا رەسەي مەملەكەتى مەن قوعامىنىڭ نەگىزگى كۇشىنە اينالماق.
«پۋتينشىل جاڭا بۋىن» جونىنەن ايتقاندا، پۋتيندى ۇناتۋ - ۇناتپاۋ ماڭىزدى ەمەس، باستىسى رەسەيدى قىزۋ ءسۇيۋ ەڭ ماڭىزدى. ولار رەسەيدىڭ گۇلدەنىپ-كوركەيگەن ءىرى ەلگە اينالۋىن بارىنشا ءۇمىت ەتەدى. «پۋتينشىل جاڭا بۋىن» ءوزىن ۇزدىكسىز زورايتۋمەن بىرگە، ولار رەسەي ۇكىمەتىنەن وقۋ-اعارتۋ، مادەنيەت، دەنساۋلىق ساقتاۋ سياقتى سالالارعا بارىنشا كوڭىل ءبولۋدى تالاپ ەتەدى، ويتكەنى اتالعان سالالار «پۋتينشىل جاڭا بۋىننىڭ» ءبىرشاما قانىق سالاسى ەسەپتەلەدى، ونىڭ ۇستىنە ولار رەسەيدىڭ وسىزاماندانۋى وسى سالالاردان، استە، ايىرىلا المايتىندىعىن ابدەن بىلەدى.
بولاشاقتا، «پۋتينشىل جاڭا بۋىن» رەسەيدىڭ ءار قايسى سالاسىنداعى يەلەگەن ورنىنا ىلەسە، ولاردىڭ ومىرشەڭدىك قۋاتى مەن بەلسەندىلىگى رەسەيدىڭ مەملەكەت باسقارۋ ونىمدىلىگىن جوعارىلاتىپ، رەسەيدىڭ مەملەكەتتى دامىتۋ ساياساتتارىنىڭ تياناقتانۋىندا بەلسەندى جەبەۋ رولىن اتقارادى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
