كولۋمبيانىڭ پرەزيدەنتى سانتوس 2016 – جىلعى نوبەل بەيبتىشىلىك سيلىعىن الدى

2016.10.08 14:46   كەلۋ قاينارى : حالىق تورابى

　　شينحۋا اگەنتتىگى، 7 – قازان، وسلو (تىلشىلەر لياڭ يوۋچاڭ، جاڭ شۋحۇي). نورۆەگيا نوبەل سيلىعى كوميسسياسىنىڭ ءتوراعاسى فيفەر 7 – قازاندا بىلاي دەپ جاريالادى: وسى ەلدەگى 50 جىلدان استام ۋاقىت جالعاسقان ىشكى سوعىستى اياقتاتۋعا قوسقان ۇلەسىن ماداقتاۋ ءۇشىن 2016 – جىلعى نوبەل بەيبىتشىلىك سيلىعى كولۋمبيانىڭ پرەزيدەنتى سانتوسقا بەرىلدى.

　　فيفەر نوبەل سيلىعى كوميسسياسىنىڭ شەشىمىن وقىعاندا بىلاي دەدى: كولۋمبيا حالقى تايعاق كەشۋلەردى، قيىن – قىستاۋ كۇندەردى باستان كەشسە دە، ادىلدىككە، بەيبىتشىلىككە تالپىنۋ ءۇمىتىنەن ۋاز كەشكەن جوق. بۇل سيلىق سونىمەن بىرگە كولۋمبيا حالقىنا جانە بەيبىتشىلىك اياق الىسىنا قاتىناسقان ءارقايسى جاققا كورسەتىلگەن قۇرمەت ەسەپتەلەدى.

　　فيفەر بىلاي دەدى: سانتوس باستاعان كەلىسىمنىڭ ارقاسىندا كولۋمبيا ۇكىمەتى مەن «كولۋمبيا توڭكەرىستىك قارۋلى كۇشتەرى» جالپى بەتتىك بەيبىتشىلىك كەلىسىمىنە قول قويىستى. وسى بەيبىتشىلىك كەلىسىمى تاياۋداعى جالپى حالىقتىق داۋىس بەرۋدە ماقۇلدانباي قالعانىمەن، بۇل بەيبىتشىلىك اياق الىسىنىڭ اياقتالعانىنان دەرەك بەرمەيدى، كوپ ساندى داۋىس بەرۋشى ەرەكشە بەيبىتشىلىك كەلىسىمىنە عانا قارسى كەلىپ وتىر، بەيبىتشىلىك تىلەگىنەن باس تارتىپ وتىرعان جوق.

　　كەلۋ قاينارى: حالىق تورابى