جياڭسۋ مادەنيەت نەگىزىن بەكەمدەپ، مادەنيەت پەن ساياحاتتىڭ توعىسۋىن جەبەپ، وركەنيەتتى ورىن قۇرۋدى كۇشەيتتى −
مادەنيەت دوڭگەلەك داۋلەتتى قوعامدى ارلەندىرەدى (دوڭگەلەك داۋلەتتى تۇرمىسقا بەت الدىق)
«حالىق گازەتىنىڭ» تىلشىلەرى ۋاڭ شياۋدۇڭ، سۇي سان، ياۋ شۋەچيڭ، ۋاڭ ۋەيجيان
2020.07.07 16:40 كەلۋ قاينارى : حالىق تورابى
جالت - جۇلت ەتكەن ۋ ۋاڭفۋ سەمسەرى، كوزدىڭ جاۋىن الاتىن سىرلى شىنى... كەشكى ءسات، سۋجوۋ مۇراجايىنىڭ ءىشى. ساياحاتشىلار كۇندىزگى ايعاي شۋدان اۋلاق بولىپ، سالتاناتى وزگەشە تاريحي مادەني مۇرالاردان ءلاززات الدى.
«بيىل 6 - ايدىڭ 6 كۇنىنەن باستاپ، ءبىز اپتا سوڭىنداعى جانە مەرەكە، دەمالىس كۇندەرىندەگى ەسىك اشۋ ۋاقىتىن كەشكى ساعات 9 عا دەيىن ۇزارتىپ، كوپشىلىككە بايىرعى سۋجوۋ قالاسىنىڭ تاريحى مەن مادەنيەتىن كوبىرەك سەزىندىردىك» دەدى سۋجوۋ مۇراجايىنىڭ قىزمەتكەرى ليڭ پەي.
باي رۋحاني مادەنيەت تۇرمىسى − جاپپاي دوڭگەلەك داۋلەتتى قوعام قۇرۋ تاقىرىبىندا بولۋعا ءتيىستى مازمۇن. تاياۋ جىلداردان بەرى جياڭسۋ ولكەسىنىڭ مادەنيەت ارقىلى حالىققا تيىمدىلىك جاساۋ ينجەنەرياسى مادەنيەت پەن ساياحاتتىڭ تەرەڭ توعىسۋىن جەبەدى. رۋحاني وركەنيەت قۇرىلىسىن كۇشەيتىپ، جاپپاي دوڭگەلەك داۋلەتتى قوعام قۇرۋعا مادەنيەت نەگىزىن قالادى.
بايىرعى مادەنيەت ۇرپاقتان - ۇرپاققا جالعاستى،
تاريحي جىرلار جاڭا داۋىرمەن استاستى.
كونە كوشەلەر شىت جاڭا بەينەگە ەنىپ،ء
تۇننىڭ وزىندە جۇرگىنشىلەردى تامسانتتى.
ءتۇن جامىلعان بايىرعى قالا، شاعىن كوپىر، كونە كوشە، شارىقتاعان كونە ءداۋىر مۋزىكاسى، تۇتاس قالا رومانتيكاعا شومعان... الىستاعى ءزاۋلىم عيماراتتارعا ورناتىلعان جارقىراعان شىراقتار كلاسسيكالىق تۋىندىلار مەن وسى زامانعى تۋىندىلاردى قيۋلاستىرىلعان سۋرەت لەنتاسىنا اينالعان.
سۋجوۋ قالاسىنىڭ جۇڭگو كۇنچۇي مۋزىكاسى مۇراجايىندا مۋزىكا اۋەنى شارىقتاۋدا. ءبىر كۇن قاربالاس بولعان ادامدار وسى ارادا بوي جازىپ، كۇنچۇي مۋزىكاسىنان ءلاززات الۋدا.
«وزگەرتىپ قۇراستىرىلعاننان كەيىنگى كۇنچۇي مۋزىكاسى جاستاردىڭ تانىمىنا ءتىپتى دە جاناسا ءتۇستى. كوپشىلىكتى رۋحاني جاقتان سەرگىتۋمەن بىرگە، ولارعا كۇنچۇي مۋزىكاسىنىڭ وزگەشە كوركەمونەرلىك قۇدىرەتىن سەزىندىرۋىمىز كەرەك» دەپ تانىستىردى مۇراجاي قىزمەتكەرى.
جوعارى ساپالى مادەنيەتتىك قىزمەت وتەۋ ونىمدەرىن جاراتىپ، ادەبيەت - كوركەمونەر ونىمدەرىنىڭ حالىققا تيىمدىلىك جاساۋ ارناسىن كەڭەيتۋ ءۇشىن، 2019 - جىلى جياڭسۋ ولكەسىنىڭ كوركەمونەر سارا تۋىندىلارىن جاراتۋعا قوسقان قاراجاتى 100 ميلليون يۋانعا جەتتى، وسىنىڭ ارقاسىندا «مەملەكەت رۋحى» سياقتى ءبىر توپ سۋجوۋ تەاترى، «گۋ يان - ۋ» سياقتى كۇنچۇي تەاترلەرى، «چىن يۇنشىڭنىڭ تاماق ماسەلەسى» سياقتى كۇلدىرگى تەاترلەر توپ - توبىمەن جارىققا شىعىپ، كورەرمەندەر ۇناتاتىن تۋىندىلارعا اينالدى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
