تۇرگە ءبولىپ ەمتيحان الىنادى، ۋنيۆەرسالدى باعالانادى، كوپ نەگىزدى قابىلدانادى
8 ولكە (قالا) جوعارى مەكتەپ ەمتيحانىنىڭ ۋنيۆەرسالدى رەفورما جوباسىن جاريالادى
2019.04.24 16:08 كەلۋ قاينارى : حالىق تورابى
«حالىق گازەتى»، 4 – ايدىڭ 23 – كۇنى، بەيجيڭ. مەملەكەت بويىنشا 3 – توپتا اتتانىسقا كەلتىرىلىپ جوعارى مەكتەپ ەمتيحانى ۋنيۆەرسالدى رەفورما سىناق ءتۇيىنى بولعان حىبەي، لياۋنيڭ، جياڭسۋ، فۋجيان، حۋبەي، حۋنان، گۋاڭدۇڭ، چۇڭچيڭ سىندى 8 ولكە (قالا) 4 – ايدىڭ 23 – كۇنى ءوز ولكەلەرىنىڭ جوعارى مەكتەپ ەمتيحانى ۋنيۆەرسالدى رەفورماسى اتقارۋ جوباسىن ىركەس – تىركەس جاريالادى. جوبادا رەفورمانىڭ 2018 – جىلى كۇزگى وقۋ ماسىمىندا وقۋعا تۇسكەن تولىق ورتا ءبىرىنشى جىلدىق وقۋشىلارىنان باستاپ اتقارىلىپ، جوعارى مەكتەپتىڭ ءبىر تۇتاس ەمتيحانى مەن تولىق ورتا وقۋ ورەسى ەمتيحان ناتيجەسى، جالپىلىق ناتيجەنى باعالاۋدىڭ كوپ نەگىزدى قابىلداۋ ۇلگىسى نەگىز ەتىلەتىندىگى؛ جوعارى دارەجەلى كاسىپتىك وقۋ – اعارتۋ بويىنشا تۇرگە ءبولىپ ەمتيحان الىپ وقۋشى قابىلداۋ رەفورماسى ورنىقتى اتقارىلاتىندىعى ايقىنداستىرىلدى. 2021 – جىلعا بارعاندا، جوعارى مەكتەپتەرگە ەمتيحان الىپ وقۋشى قابىلداۋدىڭ تۇرگە ءبولىپ ەمتيحان الۋ، ۋنيۆەرسالدى باعالاۋ، كوپ نەگىزدى قابىلداۋ سىندى ءتۇزىمى العاشقى ادىمدا تۇرعىزىلادى ەكەن.
جوباعا ساي، 8 ولكە (قالا) «2+1+3» ۇلگىسىن قولدانادى: بۇندا «3» دەگەنى – مەملەكەت بويىنشا ءبىر تۇتاس ەمتيحان الىناتىن ادەبيەت، ماتەماتيكا، شەتەل ءتىلى ساباقتارىنان بارلىق وقۋشى، ءسوزسىز، ەمتيحان تاپسىرۋى كەرەك؛ «1» دەگەنى – الدىمەن تاڭدالاتىن ساباق ءتۇرى بولىپ، ەمتيحان بەرەتىن وقۋشى تولىق ورتا وقۋ ورەسى ەمتيحانىنىڭ فيزيكا، تاريح ساباقتارىنان، ءسوزسىز، بىرەۋىن تاڭداۋى كەرەك؛ «2» دەگەنى – قايتالاي تاڭدالاتىن ساباق ءتۇرى بولىپ، ەمتيحان بەرەتىن وقۋشى حيميا، بيولوگيا، يدەيا – ساياسي، جاعىراپيا سىندى ساباقتاردان ەكەۋىن تاڭدايدى دەگەندىك.
2021 – جىلدان باستاپ 8 ولكە (قالا) جوعارى مەكتەپكە ەمتيحان تاپسىراتىن جاڭا وقۋشىلاردىڭ جالپى ناتيجەسىن جوعارى مەكتەپ ساباق ناتيجەسى جانە وقۋ ورەسى ەمتيحانىنا تاڭداپ ەمتيحان بەرەتىن ساباقتاردىڭ ناتيجەسىن بىرلىككە كەلتىرۋمەن قالىپتاستىرادى، تولىق ءنومىر 750. بۇندا ءبىر تۇتاس ەمتيحان تاپسىراتىن ادەبيەت، ماتەماتيكا، شەتەل ءتىلى سىندى 3 ساباقتىڭ جەكە - جەكە تولىق ءنومىرى 150، جالپى ءنومىرى 450 بولىپ، العاشقى ناتيجەسى بويىنشا ەمتيحان بەرگەن وقۋشىنىڭ جالپى ناتيجەسىنە ەسەپتەلىپ ەنگىزىلەدى. ادەتتەگى تولىق ورتانىڭ وقۋ ورەسى تاڭداۋ سيپاتتى ەمتيحانىندا، ەمتيحان بەرەتىن وقۋشىنىڭ فيزيكا نەمەسە تاريحتان تاڭداپ الىپ ەمتيحان تاپسىرعان ءبىر ساباعىنىڭ تولىق ءنومىرى 100 بولىپ، العاشقى ناتيجەسى بويىنشا ەمتيحان بەرگەن وقۋشىنىڭ جالپى ناتيجەسىنە ەسەپتەلىپ ەنگىزىلەدى؛ يدەيا – ساياسي، جاعىراپيا، حيميا، بيولوگيا سىندى 4 ساباقتان ەكى ساباقتى تاڭداپ ەمتيحان بەرۋدە، ءار ەكى ساباقتىڭ تولىق ءنومىرى جەكە - جەكە 100 بولىپ، دارەجە بويىنشا ءنومىر قويۋ ناتيجەسى ەمتيحان بەرۋشىنىڭ جالپى ناتيجەسىنە ەسەپتەلىپ ەنگىزىلەدى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
