- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 12-كەزەكتى حالىق قۇرىلتايىنىڭ 1-ءماجىلىسى ءتۇرلى قارالاتىن ىستەردى تابىسپەن ورىنداعاننان كەيىن بۇگىن تۇستەن كەيىن حالىق سارايىندا جابىلدى
2013.02.01 16:31 كەلۋ قاينارى : شينجياڭ حالىق راديو ستانسياسى تورابى
اۆتونوميالى رايوندىق 12-كەزەكتى حالىق قۇرىلتايىنىڭ 1-ءماجىلىسى ءتۇرلى قارالاتىن ىستەردى تابىسپەن ورىنداعاننان كەيىن بۇگىن تۇستەن كەيىن حالىق سارايىندا جابىلدى.
ءماجىلىس مىنانى ۇندەدى:رايونىمىزداعى ءار ۇلت حالقى پارتيا 18-قۇرىلتايى رۋحىنىڭ جەتەكشىلىگىندە، شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ بەرىك باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسى، ۇشكە ۋاكىلدىك ەتۋ ماڭىزدى يدەياسى، عىلمي دامۋ كوزقاراسىن جەتەكشى ەتىپ، رايونىمىزداعى ءار ۇلت كادر، بۇقاراسىنىڭ اقىل-پاراساتى مەن كۇشىن ۇيىستىرىپ، يدەيانى ازات ەتىپ، رەفورماعا جاڭالىق ەنگىزىپ، قيىنشىلىقتاردى جەڭىپ، مىندەتتەردى ارقالاۋعا باتىل بولىپ، دوڭگەلەك داۋلەتتى قوعامدى جاپپاي قۇرۋ، شينجياڭنىڭ سەكىرمەلى دامۋى مەن باياندى تىنىشتىعىن جۇزەگە اسىرۋ ۇشىن قۇلشىنا كۇرەس جاساۋ كەرەك!
31-قاڭتار تۇستەن بۇرىن، اۆتونوميالى رايوندىق 12-كەزەكتى حالىق قۇرىلتايىنىڭ 1-ءماجىلىسى 3-جالپى ءماجىلىسىن اشتى.اۆتونوميالى رايوندىق 12-كەزەكتى حالىق قۇرىلتايىنىڭ جالپى 550 ۋاكىلىنىڭ 540 ى تۇستەن بۇرىنعى ماجىلىسكە قاتىناسىپ، 10 ى قاتىناسپادى، ماجىلىسكە قاتىناسقاندار سانى سايلاۋ زاڭىندا بەلگىلەنگەن ادام سانىنا ۇيلەسەدى.ماجىلىستە داۋىستى باقىلاۋشىلاردىڭ، داۋىستى باس باقىلاۋشىنىڭ ەسىمدىگى ماقۇلداندى.ماجىلىستە جاسىرىن داۋىس بەرۋ ارقىلى اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ قۇرامىنداعىلار، اۆتونوميالى رايوننىڭ ءتوراعاسى، ورىنباسار ءتوراعالارى، اۆتونوميالى رايوندىق جوعارى حالىق سوت مەكەمەسىنىڭ باستىعى، اۆتونوميالى رايوندىق حالىق پروكۋراتۋراسىنىڭ باس پروكۋرورى جانە اۆتونوميالى رايوننىڭ مەملەكەتتىك 12-كەزەكتى حالىق قۇرىلتايىنا قاتىناساتىن ۋاكىلدەرى سايلاندى.
ەركىن يمىرباقى اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ مەڭگەرۋشىسى؛ نۇر باكىر اۆتونوميالى رايوننىڭ ءتوراعاسى بولىپ سايلاندى.
ۋاڭ يۇڭميڭ، جاپار ابيبوللا، ما ميڭچىڭ، تىلەبالدى ابدىرەشيت ۇلى، ۋاڭ حۇيمين، ءمۇتالىپ حاسىم، ورگۇل جاپار، دۇڭ شينگۋاڭ اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى بولىپ سايلاندى.
حۋاڭ ۋي، كۇراش ماحسۇت، چيان جى، جين نو، ەركىن تۇنياز، شى داگاڭ، جۋ چاڭجيە، جاروللا يسامدين، ماعاۋ سەيىتقامزا ۇلى اۆتونوميالى رايوننىڭ ورىنباسار ءتوراعاسى بولىپ سايلاندى.
نايىم ياسىن اۆتونوميالى رايوندىق جوعارى دارەجەلى حالىق سوت مەكەمەسىنىڭ باستىعىنا تاعايىندالدى، نيشان يبراھيم اۆتونوميالى رايوندىق پروكۋراتۋرا مەكەمەسىنىڭ باس پروكۋرورىنا سايلاندى، ءماجىلىس ەڭ جوعارى حالىق پروكۋراتۋرا مەكەمەسىنىڭ باس پروكۋرورىن مەملەكەتتىك حالىق قۇرىلتايى تۇراقتى كوميتەتىنىڭ بەكىتۋىنە جولداۋدى ۇيعاردى.
اسقار تۇرسىن اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ باس حاتشىسىنا، ابدسالام ءومار سياقتى 48 جولداس اۆتونوميالى رايوندىق 12-كەزەكتى حالىق قۇرىلتايى تۇراقتى كوميتەتىنىڭ مۇشەسىنە سايلاندى.
ءماجىلىس جاڭ چۇنشيان قاتارلى 60 جولداستى اۆتونوميالى رايون اتىنان مەملەكەتتىك 12-كەزەكتى حالىق قۇرىلتايىنا قاتىناساتىن ۋاكىلدىككە سايلادى.
ءتۇرلى سايلاۋ قىزمەتى اياقتاعاننان كەيىن، جاڭا كەزەكتى اۆتونوميالى رايوندىق حالىق قۇرىلتايى جانە ۇكىمەت باسشىلىق ورگانىنىڭ مۇشەلەرى، اۆتونوميالى رايوندىق جوعارى دارەجەلى حالىق سوت مەكەمەسى، اۆتونوميالى رايوندىق حالىق پروكۋراتۋرا مەكەمەسىنىڭ باس پروكۋرورى سياقتى باسشىلار ءتوراعالار مىنبەسىنە شىعىپ، ءار ۇلت ۋاكىلدەرمەن كەزدەستى، ءماجىلىس الاڭىنان قىزۋ شاپالاق ءۇنى كوتەرىلدى.
جابىلۋ سالتىن ءتوراعالار القاسىنىڭ تۇراقتى ءتوراعاسى، اتقارۋشى ءتوراعا جاڭ چۇنشيان باسقاردى.
ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى نۇر باكىر، ەركىن يمىرباقى، چى جۇن، حان يۇڭ، ۋاڭ يۇڭميڭ، ما ميڭچىڭ، ۋاڭ حۇيمين، مۇتالىپ قاسىم ءتوراعالار مىنبەسىنىڭ الدىنعى قاتارىنان ورىن الدى.
نۇرلان ءابىلماجىن ۇلى، اسحات كەرىمباي ۇلى، پىڭ يۇڭ، ۋاڭ جيانمين، حۋاڭ ۋي، شاۋكەت يمين، سۇڭ ايرۇڭ، جۋ حايلۇن، باي جىجيە، كۇراش ماحسۇت، ەركىنجان تۇراحۇن، حۋ ۋي، شيۇڭ شۋانگو، ليۋ شينچي جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.
ءماجىلىس ۇكىمەت قىزمەتىنەن بايانداما جونىندەگى قاۋلىنى، 2012-جىلعى اۆتونوميالى رايوننىڭ حالىق شارۋاشىلىعى جانە قوعام دامۋ جوسپارىنىڭ اتقارىلۋ احۋالى جانە 2013-جىلعى اۆتونوميالى رايوننىڭ حالىق شارۋاشىلىعى جانە قوعام دامۋ جوسپارى جونىندەگى قاۋلىنى،2012-جىلعى اۆتونوميالى رايوننىڭ مەجە ەسەبىن اتقارۋ احۋالى جانە 2013-جىلعى اۆتونوميالى رايوننىڭ مەجە ەسەپ جونىندەگى قاۋلىنى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلىنى، اۆتونوميالى رايوندىق جوعارى دارەجەلى حالىق سوت مەكەمەسىنىڭ قىزمەت بايانداماسى جونىندەگى قاۋلىنى، اۆتونوميالى رايوندىق حالىق پروكۋراتۋرا مەكەمەسىنىڭ قىزمەت بايانداماسى جونىندەگى قاۋلىنى داۋىس بەرىپ ماقۇلدادى.
قىزۋ قول شاپالاق ءۇنى ىشىندە، نۇر باكىر مەن ەركىن يىمىرباقى جەكە-جەكە ءسوز سويلەدى:
نۇر باكىر بىلاي دەدى: ءماجىلىس مەنى تاعى دا اۆتونوميالى رايوننىڭ ءتوراعالىعىنا سايلادى، مىندەتىمنىڭ اۋىر ەكەنىن تەرەڭ سەزىندىم.ۋاكىلدەردىڭ ءار ءبىر سايلاۋ بەلەتىندە ماعان دەگەن سەنىمى مەن قولداۋى مەنمۇندالاۋمەن قوسا، رايونىمىزداعى ءار ۇلت حالقىنىڭ ءۇمىتى مەن اۋىر جۇگىن ارقالاعاندىعىمدى تەرەڭ سەزىندىم.جاپپاي دوڭگەلەك داۋلەتتى قوعام قۇرۋ، شينجياڭنىڭ سەكىرمەلى دامۋى مەن باياندى تىنىشتىعىن ىلگەرلەتۋ جاعىنداعى تاريحي ساپاردا، جاڭا كەزەكتى حالىق ۇكىمەتىنىڭ مىندەتى اۋىر، باساتىن جولى ۇزاق، بورىشى داڭقتى، مىندەتى ماڭىزدى، داڭق پەن مىندەت توعىسقان؛ جاڭا كەزەكتى ۇكىمەت سەنىم مەن ۇمىتكە تولى تاريحي مىندەتتى ارقالاپ وتىر.ءبىز پارتيا مەن حالىقتىڭ ماڭىزدى تاپسىرىعىن ەستە بەرىك ساقتاپ، تاريحي ورايدى مىقتى يگەرۋىمىز، وزگەرىس جاساۋعا، باتىلدىقپەن مىندەت ارقالاۋعا، شىندىققا جۇگىنىپ، ناقتى ىستەر ىستەۋگە تاباندى بولىپ، ورشەلەنە العا ۇمتىلاتىن رۋحاني بەت-بەينە جانە اناعۇرلىم قوماقتى ناتيجەلەرىمىزبەن ورتالىقتىڭ بىزگە جۇكتەگەن شينجياڭنىڭ سەكىرمەلى دامۋى مەن باياندى تىنىشتىعىن ىلگەرلەتۋ تاريحي مىندەتىن شىن مانىندە ورىنداۋىمىز كەرەك.
نۇرباكىر بىلاي دەدى:شي جينپيڭ جولداس باس شۋجي بولعان پارتيا ورتالىق كوميتەتىمەن يدەيا، ساياسي، ارەكەت جاعىندا وسكەلەڭ ءبىر اۋىزدىلىقتى ساقتاپ، اۆتونوميالى رايوندىق پارتكومنىڭ باسشىلىعىن باتىل قورعاپ، اۆتونوميالى رايوندىق حالىق قۇرىلتايى تۇراقتى كوميتەتى مەن ساياسي كەڭەستىڭ باقىلاۋىن سانالىلىقپەن قابىلداپ، ءار ۇلت كادىرلارىمەن جانە بۇقارامەن تىعىز ىنتىماقتاسىپ،پارتيا ورتالىق كوميتەتى مەن اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋلارىن، سونداي-اق، وسى جولعى حالىق قۇرىلتايىندا قاراپ ماقۇلدانعان ‹‹ ۇكىمەت قىزمەتىنەن باياندامادا ›› بەلگىلەنگەن نىسانالار مەن مىندەتتەردى ويداعىداي تياناقتاندىرۋعا كەپىلدىك ەتۋىمىز كەرەك.
ەركىن يىمىرباقى بىلاي دەدى:ماجىلىستە مەنى اۆتونوميالى رايوندىق12-كەزەكتى حالىق قۇرىلتايى تۇراقتى كوميتەتىنىڭ مەڭگەرۋشىنە سايلاۋ پارتيا مەن حالىقتىڭ سەنىمىن بىلدىرەدى، بۇل ءارى اسا اۋىر جاۋاپكەرشىلىك.مەن بورىشتى ادا ەتىپ، ەل ءۇمىتىن اقتاپ، ناقتى جۇمىستار ىستەپ العىس ايتىپ، مىندەتتى ارقالايمىن.جاڭا مىندەت مەرزىمىندە پارتيا مەن حالىق ىستەرىنە ادال بولىپ، ءار ۇلت بۇقاراسىنا شىن جۇرەكتەن قىزمەت وتەپ، زاڭدا بەگىلەنگەن مىندەتىمدى ادالدىقپەن ورىنداپ، جالپى جاعدايعا ءمان بەرىپ، قايرات-جىگەرىمدى اياماي، ادال ءارى كوپشىل بولامىن، ءومىر بويى ۇمتىلعان مۇرات پەن سەنىمىم ءۇشىن، شينجياڭنىڭ كوركەيىپ دامۋى، قوعامىنىڭ جاراسىمدىلىعى، ۇلتتار ىنتىماعى، حالىقتىڭ باقىتتى تىنىش تىرشىلىك ەتۋى ءۇشىن تىنباي قۇلشىنىپ، بار كۇشىمدى سارقا جۇمسايمىن.
ەركىن يىمىرباقى بىلاي دەدى: الداعى بەس جىلدا جاڭا كەزەك اۆتونوميالى رايوندىق حالىق قۇرىلتايىنىڭ تۇراقتى كوميتەتى اۆتونوميالى رايوندىق پارتكومنىڭ باسشىلىعىندا، بارلىق ۋاكىلدەردىڭ باقىلاۋى مەن قولداۋىندا تاماشا ءداستۇردى، جاقسى ستيلدى جالعاستىرىپ، ساۋلەلەندىرىپ، وزەكتى ارقاۋ ەتۋ، جالپى جاعدايعا قىزمەت وتەۋگە تاباندى بولىپ، وزگەرىس ەنگىزۋ، بۇرىلىس جاساۋ، جاڭالىق جاراتۋعا تاباندى بولىپ، دەموكراتيالىق زاڭ-ءتۇزىم قۇرىلىسىن كۇش سالا ىلگەرلەتىپ، دامۋدى تاباندىلىقپەن قامتاماسىزداندىرىپ جانە جەبەپ، وتاننىڭ تۇتاستىعىن، قوعامنىڭ ورنىقتىلىعىن، حالىقتىڭ ءتول مۇددەسىن، زاڭمەن باسقارۋدىڭ بەدەلى مەن ىقپالىن تاباندىلىقپەن قورعاۋ كەرەك.
ەڭ سوڭىندا جاڭ چۇنشيان قورتىندى ءسوزىن سويلەدى.ول بىلاي دەدى:وسى رەتكى ءماجىلىس تۇتاس شيجياڭدا پارتيا 18-قۇرىلتايىنىڭ رۋحىن ىشكەرلەي ۇيرەنۋ دايەكتىلەندىرۋ، ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، ج ك پ اۆتونوميالى رايوندىق 8-قۇرىلتايىنىڭ جانە ج ك پ اۆتونوميالى رايوندىق 8-كەزەكتى كوميتەتى 4-جالپى ءماجىلىسىنىڭ رۋحىن جاپپاي دايەكتى تياناقتاندىرۋ، سەكىرمەلى دامۋ مەن باياندى تىنىشتىقتى جەدەل ىلگەرلەتۋ جاعدايىندا اشىلعان توتەنشە ماڭىزدى ءماجىلىس بولدى. ءماجىلىس كەزىندە ءار قايسى ۋاكىلدەر مىندەتىن مۇقيات ورىنداپ، ساياسيلىقتى، پارتيالىلىقتى، ءتارتىپتى دارىپتەپ، ءماجىلىستىڭ ءار قايسى قاراۋ قىزمەتتەرى مەن سايلاۋ مىندەتىن ورىنداپ، تاماشا رۋحاني بەينەسى مەن وسكەلەڭ ساياسي جاۋاپكەلىگىن ايگىلەدى.وسى رەتكى ءماجىلىستىڭ جەڭىسپەن اشىلۋى جاپپاي دوڭگەلەك داۋلەتتى قوعام قۇرۋ، شينجياڭنىڭ سەكىرمەلى دامۋى مەن باياندى تىنىشتىعىن ىلگەرلەتۋگە بەلسەندى دە تەرەڭ ىقپال جاسايتىندىعى داۋسىز.
جاڭ چۇنشيان بىلاي دەپ اتاپ كورسەتتى:جاڭا كەزەكتى حالىق قۇرىلتايى تۇراقتى كوميتەتى مەن ۇكىمەت باسشىلارى جاڭا باستامادا جۇڭگوشا سوتسياليزىم ۇلى تۋىن بيىك ۇستاپ، دىڭ شياۋپيڭ نازارياسى، « ۇشكە ۋاكىلدىك ەتۋ» ماڭىزدى يدەياسى مەن عىلمي دامۋ كوزقاراسىنىڭ جەتەكشىلىگىنە تاباندى بولىپ، اۆتونوميالى رايوندىق پارتكومنىڭ باسشىلىعىندا، وزگەرىس ەنگىزۋگە، رەفورما جاساۋعا تاباندى بولىپ، باتىلدىقپەن مىندەت ارقالاپ، شىندىققا جۇگىنىپ ناقتىلى ىستەر ىستەپ، قۇلشىنعاندا عانا وزگەرتۋگە بولادى، قۇلشىنساق بولعانى وزگەرتە الامىز دەيتىن يدەيادان جازباي، شينجياڭ رۋحىن كۇش سالا ساۋلەلەندىرىپ، شينجياڭ ونىمدىلىگىن جۇزەگە اسىرىپ، شينجياڭ قابىلەتىن جوعارىلاتىپ، شينجياڭ وبرازىن ورناتىپ، شينجياڭنىڭ سەكىرمەلى دامۋى مەن باياندى تىنىشتىعىن جۇزەگە اسىرۋ ءۇشىن كۇش سالىپ، قىزمەتتى تىڭعىلىقتى ىستەپ، ءار ۇلت حالقىنىڭ سەنىمى مەن ءۇمىتىن اقتاۋ كەرەك.
جاڭ چۇنشيان بىلاي دەپ باسا دارىپتەدى:شينجياڭداعى ءار ۇلت حالقىن قىزۋ ءسۇيىپ، گۇلدەنگەن،باي، قۇدىرەتتى، جاراسىمدى، كورىكتى شينجياڭ قۇرۋداي كەلەلى مىندەتتى باتىلدىقپەن ارقالاۋ كەرەك.بارلىق قىزمەتتىڭ شىعار ءتۇيىنى جانە تابان تىرەر تياناعى شينجياڭداعى ءار ۇلت حالقىن تاماشا تۇرمىسقا كەنەلتۋ.حالىق قۇرىلتايى مەن ۇكىمەتتىڭ قىزمەتىن عىلىميلاندىرۋ دەڭگەيىن قۇلشىنا جوعارىلاتىپ، اۆتونوميالى رايوندىق پارتكوم قىزمەتىنىڭ جالپى جاعدايىن ارقاۋ ەتىپ، شينجياڭنىڭ ەكونوميكاسىنىڭ، قوعامىنىڭ دامۋىن ىلگەرلەتۋ ءۇشىن ءتىپتى دە جاقسى زاڭ-ءتۇزىم جانە اكىمشىلىك قىزمەت ورتاسىن جاراتۋ كەرەك.ىنتىماقتاسا كۇرەس جاساپ، تاماشا بەت-بەينە قالىپتاستىرىپ، ءارقانداي ءىستى وزىنەن باستاۋدا، قازىردەن باستاۋدا تاباندى بولىپ، ءوزى ونەگە بولىپ، كادىرلاردىڭ پاكتىگىن، ادىلدىگىن، ۇكىمەتتىڭ پاكتىگىن، ساياسيدىڭ ايقىندىعىن شىن مانىندە جۇزەگە اسىرىپ، ستيلى پاك تە ءادىل، اكىمشىلىكتى حالىق ۇشىن جۇرگىزەتىن تاماشا بەينە جاراتۋ كەرەك.
تۇستەن كەيىن ساعات 17دە، جاڭ چۇنشيان اۆتونوميالى رايوندىق 12-كەزەكتى حالىق قۇرىلتايى ءبىرىنشى ماجىلىسىنىڭ جابىلعاندىعىن جاريالادى.
ورتالىق ءتارتىپ تەكسەرۋ كوميتەتى، ورتالىق ۇيىمداستىرۋ ءبولىمىنىڭ باقىلاۋ گرۋپپاسىنداعىلار ءماجىلىستىڭ جابىلۋ سالتىنا قاتىناستى.
اۆتونوميالى رايوننىڭ پارتيا، ۇكىمەت ورىندارىنىڭ قاتىستى تاراۋلارىنىڭ جاۋاپتىلارى ماجىلىسكە سىرتتاي قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
