- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى سالتاناتپەن باستالدى
جاڭ چۇنشيان ءبي فەستيۆالىنىڭ باستالعاندىعىن جاريالادى
2013.07.23 10:29 كەلۋ قاينارى : ءتاڭىرتاۋ تورابى
ءتىلشىمىز مايگۇل ايتقازى قىزى، قالياكبار ۇسەمقان ۇلى، يان رۇڭ 20 - شىلدەدە ۇرىمجىدەن حابارلايدى. بايىرعى جىبەك جولىنداعى−− جاقۇتتاي جايناعان كورىكتى ءۇرىمجى قالاسى − مادەنيەت پەن دوستىقتىڭ دانەكەرى. مەملەكەتتىك مادەنيەت مينيسترلىگى، مەملەكەتتىك كەڭەستىڭ اقپارات كەڭسەسى جانە اۆتونوميالى رايوندىق حالىق ۇكىمەتى ۇيىمداستىرعان 3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى 20 - شىلدە كەشتە شينجياڭ حالىق سارايىندا سالتاناتپەن باستالدى.
ساعات 20دان 30 مينۋت وتكەندە، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان: 3 - كەزەكتى جۇڭگو شينجياڭ ءبي فەستيۆالىنىڭ باستالعاندىعىن جاريالادى.
مادەنيەت مينيسترلىگىنىڭ مينيسترى، 3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىن ۇيىمداستىرۋ كوميسسياسىنىڭ قۇرمەتتى باستىعى ساي - ۋ ارناۋ ءسوزىن سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، 3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالىن ۇيىمداستىرۋ كوميسسياسىنىڭ قۇرمەتتى باستىعى نۇر باكىر باستالۋ سالتىن باسقاردى.
اۆتونوميالى رايوننىڭ جانە ءوندىرىس - قۇرىلىس بيڭتۋاننىڭ باسشىلارىنان نۇرلان ءابىلماجىن ۇلى، چى جۇن، حان يۇڭ، جۋ حايلۇن، باي جىجيە، ەركىنجان تۇراحۇن، ليۋ شينچي باستالۋ سالتىنا قاتىناستى.
باستالۋ سالتىنا تاعى ورتالىقتاعى قاتىستى مينيسترلىكتەردىڭ، كوميتەتتەردىڭ، كەڭسەلەردىڭ جانە تۋىسقان ولكە، قالا، اۆتونوميالى رايونداردىڭ باسشىلارى، جۇڭگولىق، شەتەلدىك سيلى قوناقتار جانە ونەرپازدار قاتىناستى.
ساي - ۋ ارناۋ سوزىندە بىلاي دەدى: 2 جىلدا ءبىر رەت وتكىزىلەتىن جۇڭگو شينجياڭ حالىقارالىق ۇلتتىق ءبي فەستيۆالى − ەلىمىزدىڭ سىرتپەن جاساسقان مادەنيەت اۋىس - كۇيىسىن كۇشەيتۋدەگى، باي مازمۇندى ۇلتتىق مادەنيەتىن ايگىلەۋدەگى ماڭىزدى تەرەزە، ۇلتتىق رۋحتى ساۋلەلەندىرۋدىڭ، ۇلتتار ىنتىماعىن كۇشەيتۋدىڭ ۇتىمدى دانەكەرى جانە جۇڭحۋا مادەنيەتىنىڭ دۇنيەگە بەت الۋىن ىلگەرىلەتۋدىڭ اشىق تەكشەسى. قوعامداعى ءار سالانىڭ ورتاق قۇلشىنىپ، ءبي فەستيۆالىن جۇڭگو ستيلىن، شينجياڭ ەرەكشەلىگىن جانە حالىقارالىق دەڭگەيدى ايگىلەيتىن سالتاناتتى كوركەمونەر جينالىسى، جۇڭحۋا مادەنيەتىنىڭ قۇدىرەتىن ايگىلەيتىن حالىقتىق مەرەكە ەتىپ وتكىزىپ، الۋان ءتۇرلى الەمدىك مادەنيەتتىڭ دامۋىن جەبەۋىن ءۇمىت ەتەمىن.
قاراپايىم دا سالتاناتتى باستالۋ سالتى اياقتاعاننان كەيىن، تامىلجىعان مۇقام مۋزيكا اۋەنىمەن «تيانشانعا سۇيىسپەنشىلىك» اتتى بەتاشار ءان - ءبي تەاترى باستالدى.
«تيانشانعا سۇيىسپەنشىلىك» − 2009 - جىلعى «جۇڭگونى اسەرلەندىرگەن 10 ۇزدىك قايراتكەردىڭ» ءبىرى، شىڭگىل اۋدانىنىڭ پەنسياعا شىققان كادرى انيپا الماحۇننىڭ ىزگى ىستەرى نەگىزىندە قۇراستىرىلعان. بۇل تەاتردى مەملەكەتتىك 1 - دارەجەلى رەجيسسەر شيڭ شىمياۋ، ايگىلى كومپوزيتور تاڭ جيانپيڭ، جۇڭگو مەملەكەتتىك تەاترحاناسىنىڭ ساحنالىق شىعارمالار كوركەمدىك باس باقىلاۋشى گاڭ گۋاڭجيان سياقتى ماماندار زەيىن - زەردەسىن سارقا جۇمساپ جاساعان. ايگىلى جوعارى داۋىستى ءانشى ءدىلبار ايەل باس كەيىپكەر «انانىڭ» رولىن سومدادى. اسەرلى وقيعا جەلىسى جانە ايگىلى ارتيستەردىڭ ءان - ءبي، مۋزيكا سىندى ءتۇرلى فورمالارمەن بەينەلەگەن تاڭداۋلى ويىن نومىرلەرى كوپتىڭ كوڭىلىنەن شىقتى.
كونسەرت اياقتاعاننان كەيىن، كونسەرتكە ارقاۋ بولعان كەيىپكەر انيپا الماحۇن اپاي ساحناعا شىققاندا، زالدى شاتىرلاعان شاپالاق ءۇنى كەرنەدى.
كونسەرت اياقتاعاننان كەيىن، جاڭ چۇنشيان انيپا الماحۇنمەن جانە ونىڭ وتباسىنداعىلارمەن، بارلىق ارتيستەرمەن كەزدەستى. جاڭ چۇنشيان بىلاي دەدى: «كونسەرتتى كورىپ، قاتتى اسەرلەندىم، شينجياڭدا سىزدەي انا بولعاندىعىن ماقتانىش ەتەمىن، انيپا اپاي 6 ۇلتتان قۇرالعان 19 بالانى باعىپ - قاقتى، بۇل ۇلى سۇيىسپەنشىلىكتىڭ سيمۆولى، شينجياڭداعى ۇلتتاردىڭ بەرەكە - بىرلىگىنىڭ سيمۆولى. سىزدەردىڭ تارتىمدى ويىن نومىرلەرى ارقىلى انالاردىڭ ۇلى سۇيىسپەنشىلىگىن بەينەلەپ، ۇلتتاردىڭ ىنتىماعى رۋحىن ساۋلەلەندىرىپ، كۇش - قۋاتتى ۇيىستىرىپ، شينجياڭدى ورتاق گۇلدەندىرۋلەرىڭدى ءۇمىت ەتەمىن».
جاڭ چۇنشيان ارتيستەردىڭ تاماشا ويىن نومىرلەرىنە جوعارى باعا بەردى. سوڭىندا جاڭ چۇنشيان انيپا الماحۇنمەن جانە ونىڭ وتباسىنداعىلارمەن، تەاتردەگى نەگىزگى ارتيستەرمەن بىرگە سۋرەتكە ءتۇستى.
ۇعىسۋعا قاراعاندا، 3 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى «جاراسىمدى جۇڭگو، مىڭ بوياۋلى دۇنيەنى» نەگىزگى تاقىرىپ ەتكەن، ونىڭ باستى مازمۇنى ويىن نومىرلەرى جانە سايكەستى قيمىلدار سىندى 2 بولەكتەن تۇرادى. ەل ءىشى - سىرتىنان كەلگەن 21 كوركەمونەر ۇيىرمەسى 20 - شىلدەدەن 5 - تامىزعا دەيىن، ءۇرىمجى قالاسىنىڭ نەگىزگى الاڭىنداعى، كورلا قالاسىنىڭ جانە شىحىزى قالاسىنىڭ بولىمشە الاڭدارىنداعى 8 تەاترحانادا 56 مايدان كونسەرت قويادى. وسى كەزەكتى ءبي فەستيۆالىندا «2013 - جىلعى جۇڭگو توراپ ءبي فەستيۆالى»، شينجياڭ ساۋعاسى جاسامپازدىق جارىسى، شينجياڭ ءان - ءبي كوركەمونەرىنەن فوتو سۋرەت كورمەسى، ءبي فەستيۆالىنا قاتىناسقان مەملەكەتتەردىڭ سۋرەت كورمەسى سياقتى سايكەستى قيمىلدار وتكىزىلىپ، «كوركەمونەر سالتاناتتى جينالىسىنا» جانە «جالپى حالىقتىق مەرەكەگە» اينالادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
