- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاق ماقال ماتەلدەرى
2013.06.28 15:48 كەلۋ قاينارى : حالىق تورابى
1. اعاسى باردىڭ جاعاسى بار،
ءىنىسى باردىڭ تىنىسى بار.
اعاسى باردىڭ جاعاسى بار،
جاقسى بولسا اعاسى بار،
جامان بولسا ىنىسىنە جابار جالاسى بار؛
ءىنىسى باردىڭ تىنىسى بار،
جاقسى بولسا ءىنىسى بار،
جامان بولسا اعاسىنا تاۋىپ بەرەر جۇمىسى بار.
2. اتاسى بار قارتايمايدى.
3. اعا بور،ءىنى تاس،جاقسىمەنەن جالعاس.
4. اتاڭ بولسا جاقسىدان،
ءار ايتقانىن جادىڭا ال.
اناڭ بولسا جاقسىدان،
ەكى ايتقىزباي ءتىلىن ال.
قۋى باردىڭ ۇيىنەن،
ىرگەڭدى ءبولىپ اۋلاق سال،
بارىڭدى بەرىپ وكىنبەي،
ءوز باسىڭدى ساتىپ ال.
5. بالا سۋ توكسە ۇلكەندەردىڭ جامباسى سىنادى.
6. جاقسىدان جامان تۋادى،
ءبىر اياق السقا العىسىز.
جاماننان جاقسى تۋادى،
اتاسى ايتسا نانعىسىز.
7. جاقسى اكەنىڭ ارۋاعى،
جامان بالانى قىرىق جىل سۇيرەيدى.
8. جاقسى كۇيەۋ سۇيەۋ بولار،
جاقسى اعاش تىرەۋ بولار.
9.بايلىقتىڭ اتاسى ـ ەڭبەك،
اناسى ـ جەر.
10. اعايىن-تۋعاننىڭ بەلگىسى،
الىس-بەرىس.
قۇدالىقتىڭ بەلگىسى،
بارىس-كەلىس.
11.اتا-انادان، جار جاقىن.
12.ايەلىڭ جاقسى بولسا، قاناتىڭ،
قاتىنىڭ جاقسى بولسا، ساناتىڭ.
13.ايەل سىرى كوزىنەن،
جىگىت سىرى سوزىنەن.
14.ايەلدىڭ شاشى ۇزىن اقىلى قىسقا.
15.ايەلى جوق ءۇيدىڭ، ءىشى سۇركەي،
ەركەگى جوق ءۇيدىڭ، سىرتى سۇركەي.
16.ءادىلسىز بولسا، ءبي وڭباس،
ايەلسىز بولسا، ءۇي وڭباس.
17.جاقسى بولسا ايەلىڭ،
قايىن ەتەر جات ۇلىن.
جامان بولسا ايەلىڭ،
الىس ەتەر اتا ۇلىن.
18.جاقسى ايەل تەڭى جوق جولداس،
ءتۇبى جوق سىرلاس.
19.جاقسى ايەل جىگىتكە باق،
قورمالدى التىن تاباق.
جاقسى ايەل ەرىنىڭ-جاقسىسىن اسىرار، جامانىن جاسىرار.
20.جاقسى كەلىن-قۇرداسىڭداي،
جاقسى ۇلىڭ-سىرلاسىڭداي.
21.جاقسى ايەل-ىرىس،
جامان ايەل-ۇرىس.
22.جاقسى ايەل، جامان ەركەكتى اسىرايدى،
جاقسى ەركەك، جامان ايەلدى اسىراي المايدى.
23.جاقسى جەرگە تۇسكەن كەلىن-كەلىن،
جامان جەرگە تۇسكەن كەلىن-كەلساپ.
24.جاقسى ايەل ماڭدايىڭا بىتكەن باق.
25. جاقسى بولسا ايەلىڭ،
تاۋسىلماس قىزىق ومىردەن.
ارىماق پەن سەمىرمەك،
بايقاساڭ ءبارى كوڭىلدەن.
26.جولداسىڭ جامان بولسا،
الىس جۇر،ءتىل قاتپا.
ايەلىڭ جامان بولسا،
كىسى الدىندا ءتىل قاتپا.
27.جامان بايدان، جەسىرىك جاقسى.
28.ەركە توقال، ەرىنىڭ ساقالىمەن وينايدى.
29.ەكى قاتىننىڭ بالاسى، ەكى رۋلى ەلدەي.
30.ەرلى-زايىپتى ۇرىسسار دا، كەرىسەر،
كەرىسەر دە، كەلىسەر.
31.ەنەسىن كورىپ تايىن ال،
شەشەسىن كورىپ قىزىن ال.
32.ەركە قاتىن بايىمەن ەركە،
ەركە جىگىت ەلىمەن ەركە.
33. ەرلى-زايىپتى تاتۋ بولسا، شىراعى جانار،
اراز بولسا، ومىردەن كوڭىلى قالار.
34.ەركەكتىڭ باعى دا ايەل، سورى دا ايەل.
35.ەرى سۇيمەگەن ايەلگە، ۇپا-نە كەرەك.
36. ەرلى-زايىپتى كەڭەسسە،ءىس ەرشىمدى بىتەدى،
ەرلى-زايىپتى ەگەسسە، ءىس كەرسىنشە بىتەدى.
37.قاتىنىڭ جامان بولسا باجىلداعان،
كىرەسىڭ كۇندە كورگە قازىلماعان.
38.قاتىن الساڭ وتىن ال.
39.قاتىن كوپ بولسا،
ءشومىشتى ءيت جالايدى.
40.قاتىنىنا وكپەلەگەن،
قايناعاسىنا سالەم بەرمەيدى.
41.قاتىن ەرگە قاراسا،
ەرى جەرگە قارايدى.
42.قاتىن ءولسە، ءۇيىڭ كەتەدى،
ءۇيىڭ كەتسە، كۇيىڭ كەتەدى.
43.قاتىننىڭ ەركى ەرىندە،
ەرىنىڭ ەركى وزىندە.
44.قۇرالاي باستاعان كيىك وڭبايدى،
قاتىن باستاعان ەر وڭبايدى.
45.كەلىنشەگى كەربەز ءۇيدىڭ جىگىتى قازانشى بولادى.
46،وسەر ەلگە، كەلىستى كەلىن تۇسەدى،
ونەگەلى ۇل تۋادى.
وشەر ەلگە، كەربەز كەلىن تۇسەدى،
كەسەلدى ۇل تۋادى.
47.كەسەلدى كەلىن ىرىستى اياعىمەن تەبەدى،
بەرەكەلى كەلىن، بايلىقتى قوس قولىمەن ەگەدى.
48.باي كەلىنشەك پەيىلىمەن-اق قورلايدى،
ونى العاندار ولە-ولگەنشە سورلايدى.
49.بالاڭ جامان بولسا دارمەنىڭ كەتەدى،
قاتىنىڭ جامان بولسا، كەلگەنىڭ كەتەدى.
50.بايسىز قاتىن ءۇيگە تۇرماس،
باۋسىز ويماق قولعا تۇرماس.
51.بالاڭ جايسىز بولسا، باعىڭ كەتەر،
ايەلىڭ جايسىز بولسا. ءومىرىڭ بەكەر.
52.بالا ارالىعىنداعى بىرلىكتى كورىپ،
شەشەسىنىڭ ىزگىلىگىن تانى.
53.بەرەكەلى جۇبايدىڭ ءبىر تەڭگەسى مىڭ تەڭگە،
بەرەكەسىز جۇبايدىڭ مىڭ تەڭگەسى ءبىر تەڭگە.
54.قۇدانىڭ قۇداسى-بالىقتىڭ سورپاسى.
55.قۇدالىققا قۇن كەسپەيدى.
56.قۇدا بولعانشا سۇراس،
قۇدا بولعان سوڭ قۇل بولسادا سيلاس.
57،قۇداعيىڭ قۇرداسىڭداي بولسىن،
قۇدا شىن دوسىڭداي بولسىن.
58.قۇدا قۇرداس، قىز مۇڭداس.
59.قۇتتى كەلىن تۇسسە،
قۋلىق بيە قۇلىن تابادى،
قۇتسىز كەلىن تۇسسە،
كورشى جانىنان كوشەدى.
60.انا-ەسىمى ارداقتى،
انا-مىنەزى سالماقتى.
61.اسپان استىندا انادان ۇلى جان جوق.
62.انا مەيىرى-اسپاننان دا شەكسىز.
63.اتىڭا اۋىر جۇك ارتپا،
اناڭا اۋىر سوز ايتپا.
64.انا كوڭىلى اۋىرسا، اپات بولادى.
65.انا قادىرى-تىرلىك قادىرى.
66.انانىڭ ءبىر قولى بەسىكتى،
ءبىر قولى دۇنيەنى تەربەتەدى.
67.اتاسى ولگەن ءجون جەتىم،
اناسى ولگەن شىن جەتىم.
68.انادان ونەگە كورمەگەن قىز جامان.
69.اناسىز ۇل اقىلعا جارىماس،
اناسىز قىز جاساۋعا جارىماس.
70.اعاشتى جەلىم قوسادى،
اعايىندى كەلىن قوسادى.
71.انا ءسۇتى-بوي وسىرەدى،
انا ءتىلى-وي وسىرەدى.
72.انا-دالا، بالا-گۇل،
انانىڭ اناسى قارا جەر.
73.اناڭدى قادىرلەسەڭ، ايەلىڭدى قادىرلە.
74.اناعا بالانىڭ الالىعى جوق.
75.انانىڭ كوڭىلى بالادا،
بالانىڭ كوڭىلى دالادا.
76.اپەكەمە جەزدەم ساي،
ساسىعان ەتكە بورسىعان ماي.
77.قىزىم ءۇيدە، قىلىعى تۇزدە.
78.قىزى باردىڭ ءىزى بار.
79.قىزدىڭ كوزى قىزىلدا.
80.قىزىم جاقسى بولسىن دەسەڭ،
قىزى جاقسىمەن كورشى بول.
81.قىز مىنەزدى بولسىن،
ۇل ونەرلى بولسىن.
82.قىز قۇىرشاق دەيدى،
ۇل ۇرىنشاق دەيدى.
83.اكاڭ كارتەيسەدە قويشى الما.
84.اتا-اناسىن سيلاماعان جاس وڭبايدى،
اۋزى اراقتان كەتپەيتىن ماس وڭبايدى.
85.اكەسى مەن شەشەسى بىرىگىپ اراق ىشەتىن
وت باسىنىڭ بالالارى جەتىم.
86.اتاسى بۇلان اتا الماعاننىڭ،
بالاسى قابىلان اتا المايدى.
87.جەتى اتاسىن بىلگەن ۇل،
جەتى جۇرتقا ءجون ايتار.
88.جۇت جەتى اعايىندى.
89.جەتى اتا تولىستىق،
جەكە اۋىل بولىستىق.
90.جەتى اتاسىنان، قازاننان قاسپاق كەتپەگەن.
91.جەتى اتاسىنان جارىماعان.
92.ەگىندى باباڭداي كۇت، بالاڭداي باق.
93.اتادان بالا وزادى.
94.اتىم جاقسى بولسىن دەسەڭ كوپ بايلا،
بالام جاقسى بولسىن دەسەڭ شەتكە ايدا.
95.اعايىن تاتۋ بولسا ات كوپ،
ابىسىن تاتۋ بولسا اس كوپ.
96.اعايىننىڭ اتى وزعانشا،
اۋىلداستىڭ تايى وزسىن.
97.ات مىنسەڭ اتاڭدى ۇمىتپا،
توعايعا بارساڭ بالتاڭدى ۇمىتپا.
98.الاسانى اتقا ساناما،
اعايىندى جاتقا ساناما.
99.توسكە ايىلدىڭ باتقانىن،
مىنگەن بىلمەس، ات بىلەر.
جاقسىلىقتىڭ قادىرىن،
اعايىن بىلمەس، جات بىلەر.
100.كۇيەۋدىڭ اتىمەن كۇل تاسى.
101.كەدەيمەن قۇدا بولساڭ،
ارادا دوربا جۇرەدى.
بايمەن قۇدا بولساڭ،
ارادا جورعا جۇرەدى.
102.قۇداڭنىڭ تۇيەسىن سۇرا،
قۇرىققاننان بيەسىن بەرەر.
103.پۇلىڭدى بەرسەڭ، نارعا بەر،
جولىندا جۇك قالدىرماس.
قىزىڭدى بەرسەڭ ەرگە بەر،
جولداسىن جاۋعا الدىرماس.
104.تۇيە تۇزعا كەلەدى،
كۇيەۋ قىزعا كەلەدى.
105.تۇيەم جالعىز دەپ تۇزعا ۇيرەتپە،
ۇلىم جالعىز دەپ اسقا ۇيرەتپە.
106.تۇيەسى جوعالعان مىلجىڭ،
قاتىنى ولگەن مىلجىڭ.
107.تۇيەسى ولگەن جۇرتتا قالادى.
بالاسى ولگەن جۇرتقا ەرەدى.
108.شەشەنىڭ ءسوزى ورتاق،
شەبەردىڭ قولى ورتاق.
دايىنداعان: مۇحيت امانتاي ۇلى
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
