- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو جولىمەن اينىماي جۇرەيىك
− جۇڭگو ارمانىن جۇرت بولىپ جۇمىلا ورىنداۋ تۋرالى (1)
2013.03.28 09:48 كەلۋ قاينارى : ءتاڭىرتاۋ تورابى
جۇڭگو ارمانىن ىسكە اسىرۋ ءۇشىن، ءسوز جوق، جۇڭگو جولىمەن ءجۇرۋىمىز، جۇڭگو رۋحىن ساۋلەلەندىرۋىمىز، جۇڭگو كۇشىن شوعىرلاندىرۋىمىز كەرەك. مەملەكەت ءتوراعاسى شي جينپيڭ 17 - ناۋرىزدا ماڭىزدى ءسوز سويلەپ، جۇڭگو ارمانىن ىسكە اسىرۋدىڭ دۇرىس بەتالىسىن تەرەڭ پايىمداپ، ۇلتتىڭ ۇلى گۇلدەنۋىن ىسكە اسىرۋدا، ءسوز جوق، باسىپ وتۋگە ءتيىستى جولدى اشىپ كورسەتىپ، بۇكىل ەلدەگى ءار ۇلت حالقىنىڭ جۇڭگو جولىمەن اينىماي جۇرۋىنە قۇدىرەتتى وڭ ەنەرگيا باعىش ەتتى.
ۇلتتىڭ گۇلدەنۋى سىندى جۇڭگو ارمانىن ىسكە اسىرۋ − تاياۋ زاماننان بەرى جۇڭحۋا ۇلتى ۇستىنە الىپ وتىرعان تاريحي بورىش. سانسىز جۇڭحۋا ۇلاندارى وسى جولدا الدىڭعىلارى جىعىلسا، كەيىنگىلەرى ءىزىن باسىپ، بۇكىل ەل بولىپ ۇمتىلدى، ءبىراق جارقىن جولدى تابا المادى. تاريح ساحناسىنا كوتەرىلگەن كۇننەن باستاپ جۇڭگو كوممۋنيستىك پارتياسى وسى بورىشتى ەرلىكپەن ۇستىنە الىپ، وسىزامانداندىرۋدىڭ اعىسىنا ىلەسىپ، مەملەكەت پەن ۇلتتىڭ تاعدىرىن وزگەرتىپ، جۇڭگوشا سوتسياليزم جولىنا ءتۇسىپ، ۇلتىمىزدىڭ ۇلى گۇلدەنۋىنىڭ جارقىن بولاشاعىن قارسى الدى.
تاريحقا كوز جىبەرەر بولساق، وسى دۇرىس جولدى تابۋ اسا جاپالى بولدى. ول رەفورما جاساپ، ەسىك اشقان 30 نەشە جىلدان بەرگى ۇلى امالياتتان قورىتىندىلانعان جول، جۇڭحۋا حالىق رەسپۋبليكاسى قۇرىلعان 06 نەشە جىلدان بەرگى توقتاۋسىز ىزدەنىس بارىسىنداعى جول، تاياۋ زامانعى 170 نەشە جىلدان بەرگى جۇڭحۋا ۇلتىنىڭ تولىپ - تولىسۋ بارىسىندا تەرەڭ قورىتىندىلانعان جول، جۇڭحۋا ۇلتىنىڭ 5000 نەشە جىلدىق وركەنيەتىن جالعاستىرۋ بارىسىنداعى جول. وسىنداي تەرەڭ تاريحي قاينار مەن كەڭ رەالدىق نەگىز جۇڭگو جولىنىڭ تاسقىنداعان ومىرشەڭدىك كۇشىن ايگىلەۋىنە مۇمكىندىك بەرىپ، ءبىر ميلليارد 300 ميلليون حالىقتىڭ ۇلتتىق سەنىمى مەن ماقتانىش سەزىمىن بارىنشا كۇشەيتتى. بۇرىنعى مەن بولاشاق ارماننىڭ توعىسىندا، 100 ميلليونداعان حالىقتىڭ نازاريا، جول، ءتۇزىم جونىندەگى سەنىمى ءتىپتى بەكەمدەلە ءتۇستى. ءدال وسى جول جۇڭگونى دۇنيە جۇزىندەگى 2 - ءىرى ەكونوميكالىق تۇلعالىق ورىنعا جەتكىزدى، سونىڭ ناتيجەسىندە ەكونوميكا ءۇرتىس 30 نەشە جىل بويى %10كە جۋىق جىلدامدىقپەن ارتتى، قالا، اۋىل تۇرعىندارىنىڭ كىرىسى 30 ەسەنىڭ ۇستىندە ارتتى؛ ءدال وسى جول باتىس ەلدەرىنىڭ عاسىرعا جۋىق ۋاقىتتا ارەڭ ورىنداعان نەگىزگى قوعامدىق قامتاماسىزداندىرۋ تورىن ءبىزدىڭ 10 جىل ىشىندە قۇرۋىمىزعا، بۇكىل جەر ءجۇزىنىڭ كەدەيلىكتى ازايتۋ ىستەرىنە قوسقان ۇلەسىنىڭ 20 جىلعا جەتپەيتىن ۋاقىتتا %70تەن اسۋىنا، ۇلتتىڭ گۇلدەنۋى سىندى ۇلى ارمانعا تاريحتىڭ كەز كەلگەن ساتتەرىنە قاراعاندا ءتىپتى جاقىنداي تۇسۋىمىزگە مۇمكىندىك بەردى.
ارمانعا جەتۋ جولى ەجەلدەن داڭعىل بولعان ەمەس. ارمانعا تاياعان سايىن جاڭا جاعدايلار، جاڭا ماسەلەلەر كوبەيە تۇسەدى، وسىنداي بولعان سايىن، ءبىزدىڭ سەنىمدى بەكەمدەپ، رۋحتى سەرپىلتىپ، كۇشتى شوعىرلاندىرىپ، جۇڭگو جولىمەن بۇلجىماي جۇرە بەرۋىمىزگە تۋرا كەلەدى. جۇڭگو ارمانى − حالىقتىڭ ارمانى. جۇڭگو ارمانىن ىسكە اسىرۋدىڭ ءتۇبىرلى تىرەگى − حالىق. ءبىر ميلليارد 300 ميلليون حالىق بار نيەت، جالپى تىلەگىن جۇڭگو ارمانىنا اۋدارعاندا، ارماندى ىسكە اسىرۋدىڭ كۇش - قۋاتى، شەكسىز بولادى. وسى جولمەن اينىماي ءجۇرىپ، ءبىر نيەت، ءبىر تىلەكتە بولساق، ءبىر ميلليارد 300 ميلليون حالىقتىڭ اقىل - پاراساتى مەن كۇش - قۋاتى، ءسوز جوق، جەڭىمپاز الىپ كۇش بولىپ ۇيىسىپ، مىڭ ءبىر ماشاقاتتى وتكەرگەنىمەن، ومىرشەڭدىك كۇشى وشپەگەن جۇڭحۋا ۇلتىن ارمانعا جەتكىزەدى، ءاربىر ادامنىڭ «مەملەكەت، ۇلت گۇلدەنسە، ءبىز دە گۇلدەنەمىز» دەگەن تاريحي لوگيكا نەگىزىندە ارماندى ىسكە اسىرۋىنا مۇمكىندىك جاسايدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
