ارميانى قۇدىرەتتەندىرۋدىڭ جۇڭگوشا جولىنا تاباندى بولايىق
پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (7)
□ حالىق گازەتىنىڭ شولۋشىسى
2017.11.07 16:58 كەلۋ قاينارى : شينجياڭ گازەتى
جۇڭگوشا سوتسياليزم جاڭا داۋىرگە قادام تاستادى، مەملەكەت قورعانىسى مەن ارميا قۇرىلىسى دا جاڭا داۋىرگە قادام تاستادى. 90 جىلدىق شۇعىلالى بارىستى باستان كەشىرگەن جەڭىمپاز قوسىن، جاڭا تاريحي باستامادا تاس ءتۇيىن بەينەمەن تىڭ جورىققا اتتاندى.
«ارميانى قۇدىرەتتەندىرۋدىڭ جۇڭگوشا جولىنا تاباندى بولىپ، مەملەكەت قورعانىسى مەن ارميانى وسىزامانداندىرۋدى جاپپاي ىلگەرىلەتۋ». پارتيانىڭ 19 - قۇرىلتايى مەملەكەتتىڭ حاۋىپسىزدىگى مەن دامۋ ستراتەگياسى جالپى جاعدايىن كوزدەي وتىرىپ، مەملەكەت قورعانىسى مەن ارميانى وسىزامانداندىرۋ جونىندە «3 ساتىعا ءبولىپ جۇرگىزۋ» ستراتەگيالىق ورنالاسترۋىن جاساپ، 2020 - جىلعا بارعاندا ماشينالاسۋدى ىسكە اسىرۋعا، ينفورماتسيالاندىرۋ قۇرىلىسىندا كەسەك تابىسقا قول جەتكىزۋگە، ستراتەگيالىق قۋاتتا زور ءوسۋ بولۋعا كەپىلدىك ەتۋدى، 2035 - جىلعا بارعاندا مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋعا قۇلشىنۋدى، وسى عاسىردىڭ ورتا شەنىنە بارعاندا حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋدى باسا دارىپتەدى. پارتيا 19 - قۇرىلتايىنىڭ رۋحىن ۇيرەنۋدە، دايەكتىلەندىرۋدە، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا جاعدايداعى اسكەري ستراتەگيا باعىتىن دايەكتىلەندىرىپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزەتىن، ستيلى تاماشا حالىق ارمياسىن قۇرىپ، پارتيانىڭ جاڭا داۋىردە ارميانى قۇدىرەتتەندىرۋ نىساناسىن جۇزەگە اسىرۋ كەرەك.
ارميانى قۇدىرەتتەندىرۋدىڭ جۇڭگوشا جولىنا تاباندى بولۋدا، ءسوز جوق، پارتيانىڭ ارمياعا ابسوليۋتتى باسشىلىعىنا كەپىلدىك ەتۋ كەرەك، بۇل حالىق ارمياسىنىڭ ارميا قۇرۋداعى نەگىزى، ارميانى قۇدىرەتتەندىرۋدەگى جانى. «ارميا تۋىنداعى التىنداي سارى جۇلدىز كوزگە شوقتاي باسىلادى، ءبىزدىڭ پرينسيبىمىز پارتيا ارمياعا قولباسشىلىق ەتۋ»، 19 - قۇرىلتايدىڭ بايانداماسىندا «پارتيانىڭ حالىق ارمياسىنا ابسوليۋتتى باسشىلىعىنا تاباندى بولۋدى» جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنىڭ ءبىرى ەتتى. مەملەكەتتىڭ حاۋىپسىزدىك ورتاسىنداعى تەرەڭ وزگەرىستەر الدىندا، مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ ءداۋىر تالابى الدىندا، ارميانى قۇدىرەتتەندىرۋدىڭ جۇڭگوشا جولىنا تاباندى بولۋدا، ەڭ ماڭىزدىسى، پارتيانىڭ حالىق ارمياسىنا باسشىلىق ەتۋدەگى ءبىرسىپىرا ءتۇبىرلى پرينسيپتەرى مەن تۇزىمدەرىن جاپپاي دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىنىڭ مەملەكەت قورعانىسى مەن ارميا قۇرىلىسىنداعى جەتەكشىلىك ورنىن مىقتاپ ورناتىپ، «4 تانىمدى» ۇزدىكسىز كۇشەيتىپ، «4 سەنىمدى» نىعايتىپ، ءارقانداي كەزدە، ءارقانداي جاعدايدا پارتيانىڭ تۋىن تۋ ەتىپ، پارتيانىڭ بەتالىسىن بەتالىس ەتىپ، پارتيانىڭ ەركىن ەرىك ەتىپ، ارميانى قۇدىرەتتەندىرۋ نىساناسىن جۇزەگە اسىرۋدى ءتۇبىرلى كەپىلمەن قامداۋ كەرەك.
ارميانى قۇدىرەتتەندىرۋدىڭ جۇڭگوشا جولىنا تاباندى بولۋدا، ءسوزسىز، ارميانى قۇدىرەتتەندىرۋ جالپى جوباسىنىڭ تالابى بويىنشا، ساياسيدى باسشىلىققا الىپ ارميا قۇرۋعا، ارميانى رەفورمامەن قۇدىرەتتەندىرۋگە، ارميانى عىلىم - تەحنيكامەن گۇلدەندىرۋگە، ارميانى زاڭمەن جونگە سالۋعا تاباندى بولۋ كەرەك. ارميانىڭ پارتيا قۇرىلىسىن كۇشەيتىپ، «توڭكەرىستىك گەندى جالعاستىرۋ، ارميانى قۇدىرەتتەندىرۋدىڭ كەلەلى مىندەتىن ارقالاۋ» نەگىزگى تاقىرىپتىق تاربيەسىن ورىستەتىپ، اسكەريلەردىڭ داڭق جۇيەسى قۇرىلىسىن ىلگەرىلەتكەندە، جاڭا ءداۋىردىڭ رۋحتى، قابىلەتتى، جىگەرلى، ءمورالدى توڭكەرىستىك اسكەريلەرىن باۋلىپ جەتىلدىرىپ، حالىق ارمياسىنىڭ سيپاتىن، نەگىزگى ماقساتىن، قاسيەتىن ماڭگى ساقتاۋعا بولادى. پارتيانىڭ 19 - قۇرىلتايىنىڭ ورنالاستىرۋلارى بويىنشا، مەملەكەت قورعانىسى مەن ارميا رەفورماسىن، ءسوزسىز، ۇزدىكسىز تەرەڭدەتۋىمىز، جۇڭگوشا سوتسياليستىك اسكەري ىستەر ءتۇزىمىن كەمەلدەندىرۋىمىز جانە دامىتۋىمىز؛ عىلىم - تەحنيكا − وزەكتى جاۋىنگەرلىك قۋات دەگەن يدەيانى بەرىك ورناتىپ، جاڭاشىل حالىقتىق ارميا قۇرۋىمىز؛ ارميانى جاپپاي قاتاڭ جونگە سالىپ، ارميانى جونگە سالۋ تاسىلىندە ءتۇبىرلى بۇرىلىس جاساۋدى ىلگەرىلەتىپ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتىپ، ارميانى قۇدىرەتتەندىرۋ نىساناسىن جۇزەگە اسىرۋدى مىعىم قوزعاۋشى كۇشپەن قامداۋىمىز كەرەك.
ارميانى قۇدىرەتتەندىرۋدىڭ جۇڭگوشا جولىنا تاباندى بولۋدا، ءسوزسىز، جاڭا ۇستانىمدى جەتەكشى ەتىپ، «بەسكە اناعۇرلىم ءمان بەرۋدى» مىقتاپ يگەرۋ، اتاپ ايتقاندا: نازاردى ناقتى شايقاسقا شوعىرلاندىرۋعا اناعۇرلىم ءمان بەرۋ، جاڭالىق اشۋدى جەبەۋگە اناعۇرلىم ءمان بەرۋ، جۇيە قۇرىلىسىنا اناعۇرلىم ءمان بەرۋ، شوعىرلى جوعارى ونىمدىلىككە قول جەتكىزۋگە اناعۇرلىم ءمان بەرۋ، ارميا مەن حالىقتىڭ توعىسۋىنا اناعۇرلىم ءمان بەرۋ كەرەك. بارلىق قىزمەتتە، ءسوز جوق، جاۋىنگەرلىك قۋات ولشەمىنە تاباندى بولىپ، جاڭاشا شايقاس جۇرگىزۋ كۇشتەرى مەن قامتاماسىز ەتۋ كۇشتەرىن دامىتىپ، ءبىر تۇلعالانعان مەملەكەت ستراتەگياسى جۇيەسى مەن قابىلەتىن قالىپتاستىرىپ، مەملەكەت قورعانىسى جونىندە اتتانىسقا كەلتىرۋ جۇيەسىن كەمەلدەندىرۋ ... پارتيا 19 - قۇرىلتايىنىڭ بايانداماسىندا ورتاعا قويىلعان وسى جاڭا تالاپتار جاڭا دامۋ ۇستانىمىن ايگىلەدى، ارميانى قۇدىرەتتەندىرۋدىڭ، ارميانى كوركەيتۋدىڭ وي جەلىسىن ايقىندادى، وسى ستراتەگيالىق ورنالاستىرۋلاردى قىزمەت وي جەلىسىنە، قىزمەت شاراسىنا جانە ناقتى ارەكەتكە اينالدىرعاندا عانا، جاعدايدى ءونىمدى تۇلعالاۋعا، داعدارىستى مەڭگەرۋگە، سوعىستى اۋىزدىقتاۋعا، سوعىستا باتىل جەڭىسكە جەتۋگە، مەملەكەتتى بايىتۋ مەن ارميانى قۇدىرەتتەندىرۋدىڭ بىرلىگىن جۇزەگە اسىرۋعا، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ جولىندا قۇدىرەتتى كۇش ۇيىستىرۋعا بولادى.
ەڭسە كوتەرۋدەن، اۋقاتتانۋدان قۇدىرەتتەنۋگە دەيىن جۇڭگونىڭ سان وزگەرىستى باستان كەشىرگەن 100 جىلدىق تاريحىنا قايىرىلا قاراپ، ۇلتتى گۇلدەندىرۋدىڭ جارقىن بولاشاعىنا كوز تاستاعانىمىزدا «ارميا قۇدىرەتتەنگەندە عانا، دەسىمىز ارتىپ، ەڭسەمىز كوتەرىلەدى» دەگەن ايقىن تۇجىرىمعا كەلەمىز. شي جينپيڭنىڭ ارميانى قۇدىرەتتەندىرۋ يدەياسىن ارەكەت قىبلاناماسى ەتىپ، پارتيانىڭ جاڭا داۋىردە ارميانى قۇدىرەتتەندىرۋ نىساناسىن جۇزەگە اسىرۋ، دۇنيە ءجۇزى بويىنشا بىرەگەي ارميا قۇرۋ جولىندا تالىقپاي كۇرەس جاساعانىمىزدا، ءبىز ارميانى قۇدىرەتتەندىرۋدىڭ جۇڭگوشا جولىندا پارتيا مەن حالىق جۇكتەگەن تىڭ بورىشتى باتىل ارقالاپ، مەملەكەتتى قۇدىرەتتەندىرۋدىڭ، ارميانى قۇدىرەتتەندىرۋدىڭ شۇعىلالى داستانىن، ءسوزسىز، تىنباي جازا الامىز.
(شينحۋا اگەنتتىگىنىڭ 3 - قاراشادا بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
