«قىزىل قايىق رۋحىن» ساۋلەلەندىرىپ، ءداۋىردىڭ الدىڭعى لەگىندە جۇرەيىك
2017.12.05 16:55 كەلۋ قاينارى : شينجياڭ گازەتى
رەداكتور ەسكەرتپەسى: سول كەزدە جىجياڭ ولكەلىك پارتكومنىڭ شۋجيى مىندەتىن وتەپ جاتقان شي جينپيڭ جولداس 2005 - جىلى 21 - ماۋسىمدا ساۋلە گازەتىندە «<قىزىل قايىق رۋحىن> ساۋلەلەندىرىپ، ءداۋىردىڭ الدىڭعى لەگىندە جۇرەيىك» اتتى ماقالا جاريالاپ، «قىزىل قايىق رۋحىن» تۇڭعىش رەت العا قويىپ ءارى وعان تۇسىنىك جاساپ، جۇڭگو كوممۋنيستىك پارتياسىنىڭ ءتۇپ توركىن رۋحىن ەگجەي - تەگجەيلى بايانداعان. 2017 - جىلى 31 - قازاندا پارتيانىڭ 19 - قۇرىلتايى جابىلىپ ءبىر اپتادان كەيىن، باس شۋجي شي جينپيڭ جۇڭگو كوممۋنيستىك پارتياسىنىڭ جاڭا كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ، شاڭحايعا جانە جىجياڭنىڭ جياشيڭ قالاسىنا ارنايى بارىپ، جۇڭگو كوممۋنيستىك پارتياسىنىڭ 1 - قۇرىلتايى وتكىزىلگەن جەردى جانە جياشيڭ قالاسىنىڭ نانحۋ كولىندەگى قىزىل قايىقتى قۇرمەتپەن كورىپ، پارتيانىڭ قۇرىلۋ تاريحىنا قايىرىلا قاراپ، پارتياعا كىرۋ سەرتىن قايتالاي ەسكە ءتۇسىرىپ، جاڭا كەزەكتى پارتيا ورتالىق باسشىلىق كوللەكتيۆىنىڭ بۇلجىماس بەرىك ساياسي سەنىمىن ايگىلەدى.
قىزىل قايىق تولقىن جارا العا ۇمتىلىپ، قىزىل قايىق رۋحى جۇرت تىلەگىن شوعىرلاندىردى. قىزىل قايىق رۋحى − قاسيەتىن ماڭگى جوعالتپايتىن رۋحاني ەسكەرتكىش. بۇگىن ءبىز باس شۋجي شي جينپيڭنىڭ ءوز كەزىندەگى وسى ماڭىزدى ماقالاسىن قايتالاي جاريالاپ وتىرمىز، مۇنداعى ماقسات − اۋەلگى ماقساتتى ۇمىتپاي، بورىشتى ەستە بەرىك ساقتاپ، قىزىل قايىق رۋحىن قايتالاي ەسكە ءتۇسىرىپ، مۇرات - سەنىمدى بەكەمدەپ، پارتيا 19 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ونان سايىن العا ىلگەرىلەتىپ، پارتيا 19 - قۇرىلتايىندا العا قويىلعان كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى قۇدىرەتتى رۋحاني قوزعاۋشى كۇشپەن قامداۋ.
1921 - جىلى تامىز ايىنىڭ باسىندا، جۇڭگو كوممۋنيستىك پارتياسىنىڭ 1 - رەتكى مەملەكەتتىك قۇرىلتايى جىجياڭ ولكەسىنىڭ جياشيڭ قالاسىنىڭ نانحۋ كولىندەگى ءبىر قايىقتا جەڭىسپەن جابىلدى، قۇرىلتاي جۇڭگو كوممۋنيستىك پارتياسىنىڭ دۇنيەگە كەلگەندىگىن سالتاناتپەن جاريالادى. سونىمەن، بۇل قايىق جۇڭگونىڭ توڭكەرىس تاريحىنان وشپەستەي ورىن العان − قىزىل قايىق دەگەن اتقا يە بولدى.
قىزىل قايىق − جۇڭگو تاريحىنداعى ەڭ ءىرى وزگەرىسكە كۋا بولىپ، جۇڭگو توڭكەرىسىنىڭ ءتۇپ توركىنىنىڭ سيمۆولىنا اينالدى. قىزىل قايىقتى ادامدار، وتە - موتە، كوممۋنيستەر قۇرمەتپەن كورىپ كەلەدى. وتكەن عاسىردىڭ 60 - جىلدارىندا جۇڭگو كوممۋنيستىك پارتياسىنىڭ «1 - قۇرىلتايىنىڭ» ۋاكىلى دۇڭ بي - ۋ جولداس نانحۋعا 2 رەت بارىپ، شالقار شابىتپەن جىر جازعان ەكەن. رەفورما جاساپ، ەسىك اشقاننان بەرى، دىڭ شياۋپيڭ، جياڭ زىمين، حۋ جينتاۋ سياقتى پارتيا مەن مەملەكەتتىڭ باسشىلارى پارتيا دۇنيەگە كەلگەن جەرگە ىقىلاستى قامقورلىق تانىتىپ، قىزىل قايىقتى قۇرمەتپەن كورىپ نەمەسە قولدارىنا قالام الىپ ارناۋ ءسوز جازىپ، ءبىزدى «نانحۋ كولىندەگى قىزىل قايىق اشقان توڭكەرىس جولىمەن ۇدەرە العا تارتۋعا» ىنتالاندىردى. 2002 - جىلى قازاندا مەن جىجياڭعا مىندەت اۋىستىرعاننان كەيىن، ەرەكشە قاستەرلەيتىن كوڭىل كۇيمەن جياشيڭ قالاسىنىڭ نانحۋ كولىندەگى قىزىل قايىقتى قۇرمەتپەن كورۋگە ارنايى بارىپ، توڭكەرىستىك رۋح تاربيەسىن الدىم. بيىل كوكتەم مەرەكەسىنەن كەيىنگى العاشقى قىزمەت كۇنىندە، جىجياڭ ولكەلىك پارتكومنىڭ نازاريا ۇيرەنۋ وزەكتى گرۋپپاسىنىڭ مۇشەلەرى نانحۋ كولىنە كەلىپ قىزىل قايىقتى قۇرمەتپەن كورىپ، كوممۋنيستەردىڭ العاباسارلىعىن ساقتاۋ تاربيەسى قيمىلى ارناۋلى تاقىرىپتىق ۇيرەنۋىن وتكىزدى. العاباسارلىق تاربيەسى قيمىلى كەزىندە سان مىڭداعان كوممۋنيستەر وتاننىڭ جەر - جەرىنەن نانحۋ كولىنە قاراي اعىلىپ، كورمەنى تاماشالاپ، پارتيا ساباعىن تىڭداپ، پارتيا ۋستاۆىن ۇيرەنىپ، ارناۋلى تاقىرىپتىق فيلمدى كورىپ، قىزىل قايىقتى قۇرمەتپەن كورىپ، پارتياعا كىرۋ سەرتىن قايتالاي ەسكە ءتۇسىردى. جياشيڭ قالاسى «رۋحتى جالعاپ، يدەيالىق دەڭگەيدى جوعارىلاتۋدى» باستى مازمۇن ەتكەن «قىزىل قايىق رۋحى» زور تالقى قيمىلىن كەڭىنەن قانات جايدىرىپ، العاباسارلىق تاربيە قيمىلىن پارمەندى تۇردە جەبەدى.
قىزىل قايىق تولقىن جارا العا ۇمتىلىپ، قىزىل قايىق رۋحى جۇرت تىلەگىن شوعىرلاندىردى. قىزىل قايىق ۋاكىلدىك ەتكەن جانە ايگىلەگەن داۋىرلىك دەڭگەي − دامۋ باعىتى، كۇرەستىڭ شام - شىراعى، جۇڭحۋا پەرزەنتتەرىنىڭ كوكەيىنە ورناعان، قاسيەتىن ماڭگى جوعالتپايتىن رۋحاني ەسكەرتكىش. «قىزىل قايىق رۋحى» جيڭگاڭشان رۋحىمەن، ۇزاق جورىق رۋحىمەن، يان - ان رۋحىمەن، شيبايپو رۋحىمەن بىرگە جۇڭگو توڭكەرىسىنىڭ شۇعىلالى بارىسىمەن ساباقتاسىپ، پارتيامىزدىڭ العا باسۋ جولىندا ءتۇرلى قيىنشىلىقتار مەن حاۋىپ - قاتەرلەردى جەڭىپ، تىڭ جەڭىستەرگە تىنباي قول جەتكىزۋىندەگى قۇدىرەتتى رۋحاني كۇش پەن قىمباتتى رۋحاني بايلىقتى بىرگە تۇلعالادى. 80 نەشە جىلدان بەرى، «قىزىل قايىق رۋحى» پارتيامىزدى تاريحي بەلەستە بۇلجىماي تۇرىپ، ءداۋىردىڭ الدىڭعى لەگىندە ءجۇرىپ، باتىلدىقپەن كوش باستاپ، بەتالىسقا جەتەكشىلىك ەتىپ، توڭكەرىستىڭ، قۇرىلىستىڭ جانە رەفورمانىڭ جەڭىستەرىنە تىنباي قول جەتكىزۋگە ىنتالاندىرىپ جانە جىگەرلەندىرىپ كەلەدى.
«قىزىل قايىق رۋحى» − پارتيانىڭ العا باسارلىعىنىڭ قاينارى
ءبىر ءىرى پارتيا شاعىن قايىقتا دۇنيەگە كەلدى. سونان تارتىپ جۇڭگو كوممۋنيستىك پارتياسى توڭكەرىستىڭ كەمەسىنە جەتەكشىلىك ەتىپ، تولقىن جارا العا ىلگەرىلەپ، ۇلى جاڭالىقتار اشىپ، جۇڭگو توڭكەرىسىن شىت جاڭا بەينەگە ەنگىزدى. ۇلى توڭكەرىستىك امالياتتا ۇلى توڭكەرىستىك رۋح دۇنيەگە كەلدى. «قىزىل قايىق رۋحى» جۇڭگونىڭ توڭكەرىستىك رۋحىنىڭ قاينارى؛ جۇڭگو كوممۋنيستىك پارتياسى تاريحتا قالىپتاستىرعان تاڭداۋلى ءداستۇر مەن توڭكەرىستىك رۋح تۇگەلدەي وسىدان تىكەلەي باستاۋ الادى. جۇڭگو كوممۋنيستىك پارتياسى جۇڭگو جۇمىسشىلار تابىنىڭ جانە جۇڭحۋا ۇلتىنىڭ ۇزدىك قوسىنى رەتىندە وسى قايىقپەن جەلكەن جايىپ، ساپار شەككەن، جۇڭگونىڭ وزىق وندىرگىش كۇشىنىڭ دامۋ تالابىنا، جۇڭگونىڭ وزىق مادەنيەتىنىڭ العا باسۋ بەتالىسىنا، قالىڭ حالىقتىڭ ءتۇبىرلى مۇددەسىنە باستان - اياق ۋاكىلدىك ەتەدى، جۇڭگو تاريحىنىڭ العا باسۋىن جەبەۋ بارىسىندا تەڭدەسسىز باسشىلىق ۇيتقىلىق رول اتقارادى. پارتيا 16 - قۇرىلتايىنىڭ بايانداماسىندا ايقىن اتاپ كورسەتىلگەندەي، «پارتيانىڭ العاباسارلىعىنا <سايىپ كەلگەندە، پارتيانىڭ تاريحتىڭ العا باسۋىن جەبەۋ بارىسىنداعى رولىنا قاراۋ كەرەك>». قىزىل قايىق ءداۋىردىڭ الدىڭعى لەگىندە ءجۇرۋدىڭ سيمۆولى، «قىزىل قايىق رۋحى» ءداۋىردىڭ الدىڭعى لەگىندە ءجۇرۋ رۋحىن تولىق ايگىلەيدى، بۇل پارتيانىڭ العاباسارلىعىن شوعىرلى بەينەلەيدى، پارتيانىڭ العاباسارلىعىنىڭ قاينارى.
جۇڭگو كوممۋنيستىك پارتياسى قىزىل قايىقتىڭ باعىتىن بويلاپ، ۇلى جاڭالىق اشۋ، كوش باستاۋ سىندى اۋەلگى جاسامپازدىق رۋحپەن، تاريح پەن ءداۋىر دامۋىنىڭ الدىڭعى لەگىندە باستان - اياق مىزعىمايدى. وتكەن عاسىردىڭ 20 - جىلدارىنداعى كونە جۇڭگو جارتىلاي فەودال، جارتىلاي وتار قوعامدا تۇردى. «قازان توڭكەرىسىنىڭ» زەڭبىرەك ءۇنى بىزگە ماركسيزم - لەنينيزمدى جەتكىزدى، «4 - مامىر» قوزعالىسىندا جۇمىسشىلار تابى ساياسي ساحناعا كوتەرىلدى، مىنە بۇلار جۇڭگو كوممۋنيستىك پارتياسىنىڭ دۇنيەگە كەلۋىنە يدەيالىق جانە ۇيىمدىق جاقتا دايىندىق ەسەپتەلەدى. جۇڭگو كوممۋنيستىك پارتياسى ۇلتتىڭ تاۋەلسىزدىگىنە تالپىنۋ، حالىقتىڭ ازاتتىعىن كوزدەۋ سىندى تاريحي بورىشقا باعىپ، قوعامنىڭ، تاريحتىڭ دامۋىنىڭ الدىڭعى لەگىندە مىزعىماي، نانحۋ كولىندەگى قىزىل قايىقتا قۇرىلعاندىعىن جاريالادى، سونان تارتىپ جۇڭگو توڭكەرىسىنىڭ تاريحىندا تىڭ پاراق اشىلدى. بۇنى ماۋ زىدۇڭ جولداس «تىڭ باستاما اشقان ۇلى وزگەرىس» دەپ اتادى. دۇڭ بي - ۋ جولداس بايىرعى جەرگە قايتالاي كەلگەندە: توڭكەرىستىڭ وركەنى كوكتەپ، وسى جەردە ۇشقىن لاۋلاعان؛ اۋمالى - توكپەلى زاماندا جارق ەتىپ نايزاعاي ويناعان، - دەپ قالام تەربەگەن ەدى. نانحۋ كولىندەگى قىزىل قايىق ۇشقىندى تۇتاتىپ، جۇڭگو توڭكەرىسىن لاۋلاتتى، تەڭىز تولقىپ، تاۋ تەڭسەلدى. پارتيامىز وسى جەردەن جيڭگاڭشان تاۋىنا، يان - انعا، شيبايپوعا بەت الدى، حالىققا باسشىلىق ەتىپ بيلىكتى قولعا كەلتىرۋ ءۇشىن كۇرەس جۇرگىزگەن پارتيادان حالىققا باسشىلىق ەتىپ بيلىكتى قولعا الىپ، ۇزاق ۋاقىت بيلىك جۇرگىزگەن پارتياعا اينالدى.
جۇڭگو كوممۋنيستىك پارتياسى قىزىل قايىقتىڭ جەلكەنىن جايىپ، مىزعىماس مۇراتپەن، العان بەتىنەن قايتپايتىن كۇرەسكەرلىك رۋحپەن جۇڭگو توڭكەرىسى مەن قۇرىلىس ىستەرىن ۇزدىكسىز ىلگەرىلەتۋدى ماقسات ەتتى. جۇڭگو كوممۋنيستىك پارتياسى ماركسيزم نازارياسىمەن قارۋلانعان العاباسار ساياسي پارتيا. جۇڭگو كوممۋنيستىك پارتياسىنىڭ دۇنيەگە كەلۋىنە وراي، جۇڭگو توڭكەرىسىنىڭ مىزعىماس مۇرات - سەنىمى مەن مىعىم رۋحاني تىرەگى بولدى. تار جول، تايعاق كەشۋلەر تولاستاماعان توڭكەرىس تولقىنىندا قىزىل قايىق تولقىن جاردى، كوممۋنيستەردىڭ سەنىمى دە تولقىن جاردى. كەزىندە پارتيا «1 - قۇرىلتايىنىڭ» ءماجىلىسى اق تەررورلىق قاپتاعان جاعدايدا، شاڭحايدان جياشيڭگە كوشىپ، نانحۋ كولىندەگى قىزىل قايىقتا جۇڭگو كوممۋنيستىك پارتياسىن قۇرۋ بورىشىن ورىندادى، مۇندا مىزعىماس مۇرات - سەنىمدى جانە العان بەتىنەن قايتپايتىن توڭكەرىستىك رۋحتى تىرەك ەتتى. وسىدان كەيىن، پارتيامىز ۇزاق ۋاقىت توتەنشە ماشاقاتتى كۇرەس جۇرگىزىپ، بۇراڭدىقتاردان جانە حاۋىپ - قاتەرلەردەن تايسالماي، تالاي سىننان ءوتىپ، اۋەلگى ماقساتىن وزگەرتپەي، كىشكەنەدەن ۇلكەيدى، السىزدەن كۇشەيدى، مۇندا دا مىزعىماس مۇرات - سەنىم مەن العان بەتىنەن قايتپايتىن توڭكەرىستىك رۋحتى تىرەك ەتتى. جۇڭگو كوممۋنيستەرى بوران - شاشىننان يمەنبەي، قيىندىقتاردان تايسالماي، ءوزىنىڭ مۇراتى مەن سەنىمىن قاشاندا بەكەمدەپ، بارلىق جاۋدى، بارلىق قيىنشىلىقتى جەڭەتىن تايسالماس باتىرلىق جىگەرمەن جۇڭگو توڭكەرىسى مەن قۇرىلىس ىستەرى الىپ كەمەسىنىڭ تولقىنداردى جارا ۇدەرە العا تارتۋىن ىلگەرىلەتۋدى ماقسات ەتتى.
جۇڭگو كوممۋنيستىك پارتياسى قىزىل قايىقتىڭ ارمانىن ارقالاپ، جالپى ءۇشىن پارتيا قۇرۋ، حالىققا ادال بولۋداي ۇلەس قوسۋ رۋحىمەن ەڭ قالىڭ حالىق بۇقاراسىنىڭ ءتۇبىرلى مۇددەسىن ويداعىداي قورعاۋعا، ىسكە اسىرۋعا، دامىتۋعا قۇلشىندى. «اشەكەيلى قايىقتان توڭكەرىس ءۇنى تاراپ، كوممۋنيستىك پارتيا قۇرىلىپ، جۇمىسشىلار مەن ديقاندار شاتتاندى». جۇڭگو كوممۋنيستىك پارتياسى قۇرىلعان كۇننەن باستاپ ەشقاشان ءوزىنىڭ جەكە مۇددەسى بولعان ەمەس، ول بۇكىل ىنتا - پەيىلىمەن حالىقتىڭ باقىتىن كوزدەۋدى ءتۇبىرلى ماقسات ەتتى. بۇقارامەن تىعىز بايلانىس جاساۋ − پارتيامىزدىڭ باسقا ءارقانداي ساياسي پارتيادان پارىقتى بولۋىنداعى كورنەكتى بەلگىسى. حالىقتىڭ رايىنا باعىپ، حالىققا ادال بولۋ − جۇڭگو توڭكەرىسى مەن قۇرىلىسىنىڭ جالپى بارىسىنا بويلاعان قىزىل سىزىققا اينالدى، سونداي - اق بۇل «قىزىل قايىق رۋحىنىڭ» ءمانى دە. حالىقتىڭ باقىتىن كوزدەۋدى قاسيەتتى جاۋاپكەرلىگى مەن وسكەلەڭ بورىشى ەتكەن جۇڭگو كوممۋنيستەرى ءوزىنىڭ شىنايى ارەكەتىمەن بۇكىل ەلىمىزدەگى ءار ۇلت حالقىن ءبىر نيەت، ءبىر تىلەكتە ىنتىماقتاسۋعا، ءبىر جاعادان باس، ءبىر جەڭنەن قول شىعارۋعا، ەرلىكپەن كۇرەس جۇرگىزۋگە ۇگىتتەپ، اتتانىسقا كەلتىرىپ جانە جەتەكتەپ، جۇڭگو توڭكەرىسى مەن قۇرىلىسىن ىلگەرىلەتۋ اياق الىسىندا ەڭ قالىڭ حالىق بۇقاراسىنىڭ ءتۇبىرلى مۇددەسىن ۇزدىكسىز ويداعىداي قورعادى، ىسكە اسىردى، دامىتتى.
اتامزاماننان بەرى، كوش باستاپ، ەڭ الدىمەن جاڭالىق اشۋ رۋحى، مىزعىماس مۇراتپەن العان بەتىنەن قايتپايتىن كۇرەس رۋحى، جالپى ءۇشىن پارتيا قۇرۋ، حالىققا ادال بولاتىن ارناۋ رۋحى جۇڭگو توڭكەرىسى رۋحىنىڭ قاينارى بولدى، سونداي - اق بۇل «قىزىل قايىق رۋحىنىڭ» تەرەڭ ءمانى دە. «ۇشكە ۋاكىلدىك ەتۋ» ماڭىزدى يدەياسى ۇلى تۋىن بيىك ۇستاپ، پارتيانىڭ العاباسارلىعىن قاشاندا ساقتاۋ ءۇشىن، پارتيامىزدىڭ «انا قايىعىن» ماڭگى ەستە بەرىك ساقتاپ، قىزىل قايىقتىڭ تاريحي كەشىرمەلەرىن قايتالاي ەسكە الىپ، «قىزىل قايىق رۋحىنا» مۇراگەرلىك ەتۋ جانە ونى ساۋلەلەندىرۋ بارىسىندا پارتيانىڭ العاباسارلىعىن ماڭگى ساقتاپ، جۇڭگوشا سوتسياليزم ىستەرى ءۇشىن كۇرەسەتىن سەنىمى مەن كۇشىن اناعۇرلىم تاسقىنداتۋىمىز كەرەك.
«قىزىل قايىق رۋحى» پارتيانىڭ العاباسارلىق قۇرىلىسى جونىنەن ماڭىزدى ءمان الادى
جاڭا عاسىر، جاڭا كەزەڭدە، ەلىمىز جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزاماندانۋدى جەدەل ىلگەرىلەتۋدىڭ ۇلى جورىعىنا قادام باستى. پارتيانىڭ العاباسارلىعىن ساقتاۋ تىڭ تالاپقا دا، تىڭ سىناققا دا ءدوپ كەلىپ وتىر. جاڭا جاعدايدا، «قىزىل قايىق رۋحىنا» مۇراگەرلىك ەتۋ جانە ونى ساۋلەلەندىرۋ، پارتيانىڭ العاباسارلىق قۇرىلىسىن كۇشەيتىپ، پارتيانىڭ بيلىك جۇرگىزۋ ورنىن اناعۇرلىم بەكەمدەۋ پارتيانىڭ بيلىك جۇرگىزۋ بورىشىن ورىنداۋ جونىنەن توتەنشە ماڭىزدى نازاريالىق ءمان جانە امالياتتىق ءمان الادى.
«قىزىل قايىق رۋحى» − ءبىزدىڭ دامۋ سىندى وسى ءبىر ءداۋىر نەگىزگى تاقىرىبى مەن پارتيانىڭ بيلىك جۇرگىزىپ، ەلدى كوركەيتۋ ماڭداي الدى مىندەتىن مىقتى يگەرىپ، باتىلدىقپەن ىزدەنىس جاساۋىمىزعا، جاڭالىق اشۋىمىزعا، شارۋاشىلىق قۇرۋىمىزعا شابىت بەرەتىن قۇدىرەتتى يدەيالىق قارۋ. دامۋ − بۇگىنگى داۋىردەگى ۇلكەن تاقىرىپتىڭ ءبىرى ءارى پارتيانىڭ بيلىك جۇرگىزىپ، ەلدى كوركەيتۋىندەگى ماڭداي الدى مىندەتى. پارتيانىڭ العاباسارلىق قۇرىلىسىن كۇشەيتۋدەگى ماڭداي الدى مىندەت − دامۋعا باسشىلىق ەتۋ قابىلەتىن جوعارىلاتۋ. بۇگىنگى دۇنيەدە تەرەڭ وزگەرىستەر تۋىلۋدا، مەملەكەتتىڭ جالپىلىق قۋاتى جاعىنداعى باسەكە كۇننەن - كۇنگە شيەلەنىسۋدە، ەلىمىزدىڭ جاپپاي دوڭگەلەك داۋلەتتى قوعام قۇرۋ بارىسىندا دا بۇرىندى - سوڭدى بولماعان كوپتەگەن جاڭا جاعدايلار، جاڭا ماسەلەلەر جارىققا شىقتى. «قىزىل قايىق رۋحى» بىزگە قوعام دامۋى بارىسىندا باياعى قالىپقا جابىسىپ الماۋدى، سىڭار ەزۋلىككە سالىنباۋدى، ءسوز جوق، ءداۋىردىڭ الدىڭعى لەگىندە ءجۇرىپ كوش باستاۋدى، جاڭالىق اشۋ رۋحىمەن پارتيانىڭ تىرشىلىك تىنىسى مەن ومىرشەڭدىك كۇشىن نىعايتۋدى ۇعىندىردى. جاڭا سايىس، جاڭا وراي، جاڭا جاعداي، جاڭا مىندەت الدىندا، ءبىز «قىزىل قايىق رۋحىنا» تاباندى بولىپ جانە ونى ساۋلەلەندىرىپ، قازىرگىنى قاناعات ەتىپ، تالپىنبايتىن يدەيالىق كوزقاراستى الدىڭعىلاردى باسىپ وزۋ جىگەرى جانە اقىل - پاراساتى ارقىلى سانالى تۇردە جەڭىپ، جاڭالىق اشۋ نازارياسى جەمىسىمەن وي - سانانى قارۋلاندىرۋدان جازباي، جاڭالىق اشۋ يدەيالىق كوزقاراسى ارقىلى قىزمەتتى جوبالاپ، دامۋدى بوساڭسىتپاي مىقتاپ يگەرىپ، داۋىرمەن بىرگە ىلگەرىلەپ، ءورىس اشا جاڭالىق اشىپ، جۇڭگوشا سوتسياليزم ۇلى ءىسىن ۇزدىكسىز ىلگەرىلەتۋىمىز كەرەك.
«قىزىل قايىق رۋحى» − ءبىزدى كوممۋنيزم مۇراتى مەن جۇڭگوشا سوتسياليزم سەنىمىنەن جازباي، جاپا - ماشاقاتتان تايسالماي، قاجىرلىلىقپەن كۇرەس جۇرگىزۋگە جەبەيتىن قۇدىرەتتى رۋحاني تىرەك. جۇڭگو توڭكەرىسى كەمەسى داۋىلدى تولقىندارعا توتەپ بەرۋ ارقىلى جاعاعا جەتكەن، جۇڭگونىڭ رەفورما، قۇرىلىس ىستەرىنىڭ ساپارى دا ىلعي دا وڭىنان كەلە بەرمەيدى. جۇڭگوشا سوتسياليزم − بۇرىنعىلار ىستەپ كورمەگەن جاسامپازدىق ءىس، جاپپاي دوڭگەلەك داۋلەتتى قوعام قۇرۋ − بۇرىندى - سوڭدى بولماعان اسا جاپالى ۇلاعاتتى ءىس، ونى دامىتۋ بارىسى ۇزاق، قات - قابات قيىنشىلىقتار مەن الۋان ءتۇرلى قاتەرگە تولى بارىس. «قىزىل قايىق رۋحى» بىزگە قۇلشىنباسا كەرى شەگىنەتىندىكتى ەسكەرتتى. ەلىمىزدىڭ نەگىزگى جاعدايى مەن پارتيامىزدىڭ تاريحي بورىشى الدىندا، بەرىك يدەيا، ءسوزسىز، جەڭىسكە جەتۋ سەنىمى بولماسا، جاپا - ماشاقاتتان تايىنبايتىن، مەملەكەتتى كوركەيتۋ جولىندا قۇلشىناتىن رۋحاني كۇيى مەن قاجىرلىلىقپەن كۇرەس جۇرگىزۋ، قايراتتانا ۇمتىلۋ ستيلى بولماسا، العا باسۋ جولىنداعى قات - قابات قيىنشىلىقتاردى جەڭۋ، العا باسۋ جولىنداعى حاۋىپ - قاتەرلەردى الاستاۋ، سىن - سايىستاردا جەڭۋ قيىنعا تۇسەدى. ءبىز «قىزىل قايىق رۋحىنا»، ءسوز جوق، تاباندى بولىپ جانە ونى ساۋلەلەندىرىپ، يدەيالىق سەنىمدى بەكەمدەپ، تاۋقىمەت تانىمىن كۇشەيتىپ، امانشىلىقتا جامانشىلىقتىڭ دا بولاتىندىعىن ويلاپ، دۇنيەگە كوممۋنيستەرگە ءتان ماقساتپەن، كوزقاراسپەن نازار سالىپ، جاعدايدى تۇجىرىمداپ، ءوز مىندەتىن ادا ەتىپ، تاباندىلىقپەن ىستەپ، جاپا - ماشاقاتتان تايىنباي، قايىسپاس قايسارلىقپەن قۇلشىنىپ، قاجىرلىلىقپەن شارۋاشىلىق قۇرىپ، جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزاماندانۋدى جەدەل ىلگەرىلەتۋدىڭ تىڭ داستانىن قۇلشىنا جازۋىمىز كەرەك.
«قىزىل قايىق رۋحى» − ءبىزدى جالپى ءۇشىن پارتيا قۇرۋ، حالىق ءۇشىن بيلىك جۇرگىزۋ ماندىك تالابىن جانە بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىن ەستە بەرىك ساقتاپ، شىندىققا جۇگىنىپ ناقتى ءىس ىستەۋگە، بار پەيىلىمەن حالىققا قىزمەت ەتۋگە جەبەيتىن قۇدىرەتتى ءمورالدىق كۇش. ماركسيزمدىك ساياسي پارتيا رەتىندە، پارتيامىز دۇنيەگە كەلگەن كۇننەن باستاپ، بۇكىل ادامزاتتى ازات ەتۋدى، كوممۋنيزمدى جۇزەگە اسىرۋدى ءوزىنىڭ مىندەتى، بۇكىل ىنتا - پەيىلىمەن حالىق ءۇشىن قىزمەت ىستەۋدى ءتۇبىرلى ماقسات ەتتى. جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، قاشاندا حالىق بۇقاراسىمەن ەتەنە بايلانىستى ساقتاۋ − ماركسيزمدىك ساياسي پارتيانىڭ تۋا ءبىتتى ساياسي قاسيەتى جانە ەڭ جوعارى اكىمشىلىك جۇرگىزۋ ءمورالى، پارتيانىڭ العاباسارلىعىن ولشەيتىن ءتۇبىرلى ولشەم. «قىزىل قايىق رۋحى» بىزگە پارتيا مەن حالىق قاتىناسىنىڭ كەمە مەن سۋدىڭ قاتىناسىنا ۇقسايتىندىعىن، «سۋدىڭ كەمەنى كوتەرىپ تۇراتىندىعىن ءارى كەمەنى اۋدارىپ تا تاستايتىندىعىن» كورسەتتى. توڭكەرىستىك سوعىس جىلدارىندا، ءدال وسى «قىزىل قايىق رۋحىنىڭ» جەتەكشىلىگىندە، پارتيامىز ۇلتتىڭ ادىلەتى مەن حالىق بۇقاراسىنىڭ ءتۇبىرلى مۇددەسىن ارقاۋ ەتىپ، حالىق بۇقاراسىن تولىق اتتانىسقا كەلتىرىپ ءارى وعان مىقتاپ ارقا سۇيەي وتىرىپ بيلىككە قول جەتكىزىپ، بۇكىل ەلدىڭ بيلىگىن قولعا العان ءارى ۇزاق ۋاقىت بيلىك جۇرگىزگەن بيلىك جۇرگىزۋشى پارتياعا اينالدى. رەفورما جاسالىپ، ەسىك اشىلعاننان بەرى، پارتيامىز بيلىك جۇرگىزۋ مەن رەفورمالاۋ، ەسىك اشۋ سىندى قوس قابات سىناقتى باستان وتكەرىپ كەلەدى. پارتيانىڭ العاباسارلىعىنىڭ باستان - اياق ساقتالۋ - ساقتالماۋى، پارتيانىڭ بيلىكتەگى ورنىنىڭ ۇزدىكسىز نىعايۋ - نىعايماۋى، تۇپتەپ كەلگەندە، حالىق بۇقاراسىنىڭ پارتياعا سەنۋىنە جانە پارتيانى قولداپ - قۋاتتاۋىنا بايلانىستى، ال بۇل تاعى پارتيامىزدىڭ جالپى ءۇشىن پارتيا قۇرۋ، حالىق ءۇشىن بيلىك جۇرگىزۋدىڭ ماندىك تالابىن امالياتتا كورسەتكەن - كورسەتپەگەنىنە، پارتيامىزدىڭ حالىق بۇقاراسىن ىنتىماقتاستىرا باستاپ، شىندىققا جۇگىنىپ ناقتى ءىس ىستەي العان - الماعانىنا، شىنايى يگەرىپ، شىنايى ىستەي العان - الماعانىنا بايلانىستى. ءبىز «بيلىكتى حالىق ءۇشىن ىستەتۋ، مەيىردى حالىققا باعىشتاۋ، پايدانى حالىققا جەتكىزۋ» سىندى ىقىلاستى ءتالىمدى، ءسوز جوق، ەستە بەرىك ساقتاپ، «قىزىل قايىق رۋحىن» ۇزدىكسىز ساۋلەلەندىرىپ، قالىڭ حالىققا بۇلجىماي پايدا جەتكىزىپ، حالىق مۇددەسىن بارىنەن جوعارى قويۋ سىندى ساياسي ءمورالدان جازباي، پارتيا مەن حالىق ىستەرىندە ءتيىمدى ناتيجەلەرگە شىن مانىندە قول جەتكىزۋىمىز كەرەك.
جاڭا امالياتتا «قىزىل قايىق رۋحىنا» مۇراگەرلىك ەتۋ جانە ونى ساۋلەلەندىرۋ
«قىزىل قايىق رۋحى» پارتيامىز قۇرىلعان مەزگىلدە وزىندىك العاباسارلىققا تاباندى بولعاندىعىنىڭ جانە ونى امالياتتا ايگىلەگەندىگىنىڭ تاريحي ايعاعى. پارتيانىڭ العاباسارلىعىنىڭ تۋادا ءبىتتى بولمايتىنى، وعان ءبىر جولدا قول جەتە سالمايتىنى سياقتى، «قىزىل قايىق رۋحى» دا ناقتى، تاريحي بولادى. ءبىز «قىزىل قايىق رۋحىن» عىلمي دامۋ كوزقاراسىن ورناتۋدىڭ جانە تياناقتاندىرۋدىڭ، سوتسياليستىك جاراسىمدى قوعام قۇرۋ مەن پارتيانىڭ العاباسارلىق قۇرىلىسىن كۇشەيتۋدىڭ امالياتىنا ءسىڭىرۋىمىز كەرەك. وسى ءتۇيىندى يگەرسەك، «قىزىل قايىق رۋحىنىڭ» ءمانى مەن وزەگىن، سونىمەن قاتار، پارتيانىڭ العاباسارلىعىنىڭ اقيقاتىن تۇبىرىنەن يگەرگەن بولامىز.
قىزىل قايىقتىڭ جىجياڭنان ساپارعا شىعۋى ءارى تاريحي كەزدەيسوقتىق، ءارى تاريحي سوزسىزدىك. بۇل − جىجياڭنىڭ داڭقى ءارى جىجياڭنىڭ دامۋىن ىلگەرىلەتۋدەگى رۋحاني كۇش. جىجياڭنىڭ ءىس جۇزىندىك جاعدايىمەن بايلانىستىرا وتىرىپ، جاڭا اماليات بارىسىندا «قىزىل قايىق رۋحىنا» مۇراگەرلىك ەتۋدە جانە ونى ساۋلەلەندىرۋدە، ءسوز جوق، كەزەكتە ورىستەتىلىپ وتىرعان كوممۋنيستەردىڭ العاباسارلىعىن ساقتاۋ تاربيەسى قيمىلىمەن ۇشتاستىرىپ، مۇرات جەلكەنىن كوتەرىپ، قايراتتانا ۇمتىلۋدىڭ ەسكەگىن ەسىپ، رەفورمالاۋ، ەسىك اشۋدىڭ تولقىنىمەن باس شۋجي حۋ جينتاۋدىڭ جىجياڭ قىزمەتى جونىندە العا قويعان «جاپپاي دوڭگەلەك داۋلەتتى قوعام قۇرۋدىڭ، سوتسياليستىك وسىزامانداندىرۋدى جەدەل ىلگەرىلەتۋدىڭ الدىڭعى لەگىندە جۇرۋگە قۇلشىنۋ» تالابىن مۇقيات دايەكتىلەندىرىپ، تەرەڭ ۇيرەنىپ، جاڭا نارسەلەردى قاراستىرىپ، شىنايى ىستەپ، جيجياڭنىڭ رەفورما جاساۋ، ەسىك اشۋ جانە وسىزامانداندىرۋ قۇرىلىسىنىڭ جاڭا شۇعىلالى ناتيجەسىنە تاعى دا قول جەتكىزۋ كەرەك.
ءبىرىنشى، «88 ستراتەگياسىن» ىشكەرىلەي اتقارىپ، عىلمي دامۋ كوزقاراسىن ورناتۋ مەن تياناقتاندىرۋدا الدىڭعى لەكتە جۇرۋگە قۇلشىنۋ كەرەك. عىلمي دامۋ كوزقاراسى − جىجياڭنىڭ ءارى تەز، ءارى جاقسى دامۋدى جۇزەگە اسىرۋىنا جەتەكشىلىك ەتەتىن ءتۇبىرلى باعدارلاما، «8 جاقتاعى باسىمدىقتى ساۋلەلەندىرۋ، 8 جاقتاعى شارانى ىلگەرىلەتۋ» سىندى «88 ستراتەگياسىن» ىشكەرىلەي اتقارۋ − جىجياڭنىڭ عىلمي دامۋ كوزقاراسىن تياناقتاندىرۋداعى ناقتى امالياتى. ءبىز عىلمي دامۋ كوزقاراسىنا تانىمدى ۇزدىكسىز تەرەڭدەتىپ، امالياتقا عىلمي دامۋ كوزقاراسىمەن جەتەكشىلىك ەتۋ سانالىلىعىمىز بەن تاباندىلىعىمىزدى ۇزدىكسىز ارتتىرىپ، «88 ستراتەگياسىنىڭ تەرەڭدەۋىن، اشالانۋىن، ناقتىلانۋىن ۇزدىكسىز ىلگەرىلەتىپ، ەكونوميكالىق، قوعامدىق دامۋدا ءبىر تۇتاس جوسپارلاپ، تەگىس قاراۋعا، ءالسىز بۋىنداردى كۇشەيتۋگە اناعۇرلىم باسا ءمان بەرىپ، ەكونوميكالىق ارتۋدىڭ ساپاسى مەن تيىمدىلىگىنە اناعۇرلىم باسا ءمان بەرىپ، ادامدى نەگىز ەتۋگە اناعۇرلىم باسا ءمان بەرىپ، قالىڭ حالىق بۇقاراسىنىڭ ءتول مۇددەسىن جۇزەگە اسىرۋىمىز جانە قورعاۋىمىز كەرەك. ورتالىقتىڭ ماكرولىق تىزگىندەۋ ساياساتىن دايەكتىلەندىرۋ بارىسىندا ەكونوميكالىق دامۋدىڭ جالپى جاعدايىن يگەرۋگە تاباندى بولىپ، بازار مەحانيزمىنىڭ رولىن ساۋلەلەندىرۋ مەن ۇكىمەتتىڭ ماكرولىق تىزگىندەۋىن كۇشەيتۋدىڭ قاتىناسىن دۇرىس ءبىر جاقتى ەتىپ، ەكونوميكانىڭ ورنىقتى، ءبىرشاما تەز دامۋىنا كەپىلدىك ەتۋىمىز كەرەك. ەكونوميكالىق قۇرىلىمدى رەتتەۋدى جانە ارتۋ تاسىلىنە بۇرىلىس جاساۋدى ىرىقتى كۇيمەن ىلگەرىلەتىپ، دەربەس جاڭالىق اشۋ قابىلەتىن جوعارىلاتۋدى شىن مانىندە قۇرىلىمدى رەتتەۋدىڭ وزەكتى مازمۇنى ەتىپ، ۇنەمشىل قوعام قۇرۋدى ماڭىزدى ورىنعا قويىپ، قالا مەن اۋىلدىڭ دامۋىن ءبىر تۇتاس جوسپارلاۋدى اۋىل شارۋاشىلىعى، اۋىل - قىستاق، شارۋالار ماسەلەسىن شەشۋدىڭ كۇش سالۋ ءتۇيىنى، وزىق جاساۋ كاسىبى بازاسىن جەدەل قۇرۋدى جانە وسى زامانعى قىزمەت كورسەتۋ كاسىبىن دامىتۋدى قۇرىلىمدى رەتتەۋدىڭ قامال الۋ ءتۇيىنى، رەفورمانى تەرەڭدەتۋدى، ەسىكتى ايقارا اشۋدى ءتۇبىرلى قوزعاۋشى كۇشى ەتىپ، جىجياڭنىڭ دامۋىن ءتىپتى جوعارى دەڭگەيدە ىلگەرىلەتۋگە قۇلشىنۋىمىز كەرەك.
ەكىنشى، «تىنىش جىجياڭدى» جان - جاقتى قۇرىپ، سوتسياليستىك جاراسىمدى قوعام ورناتۋ جاعىندا الدىڭعى لەكتە جۇرۋگە كۇش سالۋىمىز كەرەك. سوتسياليستىك جاراسىمدى قوعام ورناتۋ − پارتيامىزدىڭ قازىرگى داۋىردەگى قوعام امالياتى مەن دامۋىنىڭ جاڭا تالاپتارىنا جانە حالىق بۇقاراسىنىڭ ءوندىرىس - تۇرمىسىنداعى جاڭا قاجەتتەرگە ساي العا قويعان جۇڭگوشا سوتسياليزم ورناتۋدىڭ جاڭا ستراتەگياسى، جاڭا شاراسى. جىجياڭ سوتسياليستىك جاراسىمدى قوعام ورناتۋ جاعىندا ءبىرشاما جاقسى شارت - جاعدايعا يە. وتە - موتە، «تىنىش جىجياڭ» قۇرۋدىڭ ناقتى امالياتى ولكەمىزدىڭ جاراسىمدى قوعام ورناتۋىندا قىزمەتتىك نەگىز ازىرلەپ، پايدالى تاجىريبەلەر جيناقتادى. ءبىز «تىنىش جىجياڭ» قۇرۋدى دانەكەر ەتىپ، جۇڭگو ەرەكشەلىگىنە، ءداۋىر بوگەنايىنا، جىجياڭ ارتىقشىلىعىنا يە جاراسىمدى قوعام ورناتۋىمىز كەرەك. «زاڭمەن جونگە سالىناتىن جىجياڭ» قۇرىپ، سوتسياليستىك دەموكراتيانى دامىتىپ، جاراسىمدى قوعام قۇرۋعا زاڭ - تۇزىمدىك قامتاماسىزدىق ازىرلەۋىمىز كەرەك. مادەنيەتتەگى ءىرى ولكە قۇرىلىسىن جەدەلدەتىپ، جىجياڭنىڭ جالپىلىق باسەكەلىك قۋاتىن قۇرايتىن جۇمساق كۇشىن نىعايتىپ، جاراسىمدى قوعام قۇرۋدى اقىل - پاراساتتىق قولداۋمەن جانە رۋحاني تىرەكپەن قامداۋىمىز كەرەك. «ونىمدىلىكتى الدىمەن ويلاستىرۋدان، ادىلدىككە تەڭ ءمان بەرۋدەن» جازباي، قوعام دامۋىنىڭ ومىرشەڭدىك كۇشى مەن جاسامپازدىق قۋاتىن وياتىپ، قوعامنىڭ ادىلدىگى مەن ادىلەتتىلىگىن جەبەپ، بۇقارانىڭ ءوندىرىس - تۇرمىسىنا كوڭىل بولەتىن، وتە - موتە، قيىنشىلىعى بار بۇقاراعا كومەكتەسەتىن قىزمەتتەردى ونان ارى جاقسى ىستەپ، قوعامدىق قامتاماسىزدىق جانە قوعامدىق جاردەم جۇيەسىن ۇزدىكسىز كەمەلدەندىرىپ، جاراسىمدى قوعام ورناتۋعا تاماشا راي ازىرلەۋىمىز كەرەك. قوعامدىق قۇرىلىستى جانە باسقارۋدى كۇشەيتىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرت ات سالىساتىن قوعامدىق باسقارۋ جاعدايىن قۇلشىنا قالىپتاستىرىپ، قوعام ورنىقتىلىعىن قورعاۋ قىزمەتتەرىنە وسكەلەڭ ءمان بەرىپ جانە شىن مانىندە جاقسى ىستەپ، جاراسىمدى قوعام ورناتۋعا تاماشا قوعامدىق ءتارتىپ ازىرلەۋىمىز كەرەك.
ءۇشىنشى، بيلىك جۇرگىزۋ قابىلەتىن شىن مانىندە كۇشەيتىپ، پارتيانىڭ العاباسارلىعى قۇرىلىسى جاعىندا الدىڭعى لەكتە جۇرۋگە قۇلشىنۋىمىز كەرەك. پارتيانىڭ العاباسارلىعى قۇرىلىسى − پارتيانىڭ ءومىر سۇرۋىنە، دامۋىنا، كۇشەيۋىنە ساياتىن ءتۇبىرلى قۇرىلىس. كوممۋنيستىك پارتيا مۇشەلەرىنىڭ العاباسارلىعىن ساقتاۋ تاربيە قيمىلىن تىڭعىلىقتى يگەرىپ، «الدىڭعى لەكتە ءجۇرۋ» تالابىن العاباسارلىق تاربيە قيمىلىنىڭ تۇتاس بارىسىنا ءسىڭىرىپ، قىزمەتتەردى جوسپارلاۋدا «الدىڭعى لەكتە ءجۇرۋ» ساناسى بولۋدى، ۇيرەنۋدە، جۇمىلدىرۋدا «الدىڭعى لەكتە ءجۇرۋ» مازمۇنى بولۋدى، تاڭداۋ، باعالاۋدا «الدىڭعى لەكتە ءجۇرۋ» ولشەمى بولۋدى، رەتتەۋ، جاقسارتۋدا «الدىڭعى لەكتە ءجۇرۋ» تالابى بولۋدى جۇزەگە اسىرىپ، ساقتالعان كورنەكتى ماسەلەلەردى قۇلشىنا شەشىپ، ولكەمىزدىڭ العاباسارلىق تاربيە قيمىلىن شىن مانىندە ءار دارەجەلى پارتيا ۇيىمدارىنىڭ ءوز قۇرىلىسىن ىلگەرىلەتۋىنىڭ نەگىزدىك ينجەنەرياسىنا، پارتيا مۇشەلەرىنىڭ يدەيالىق - ساياسي ورەسى مەن قىزمەت قابىلەتىن جوعارىلاتۋدىڭ ساپا ينجەنەرياسىنا، حالىق بۇقاراسىنىڭ ناقتى تيىمدىلىككە يە بولۋىنىڭ رازىلىق ينجەنەرياسىنا اينالدىرۋىمىز كەرەك. پارتيا قۇرىلىسىنىڭ قىزمەتتەرىن رەفورما رۋحىمەن ىلگەرىلەتىپ، نازاريامەن قارۋلانۋدى تەرەڭدەتۋ سىندى ماڭداي الدى مىندەتتى ارقاۋ ەتىپ، «شىنايى ۇيرەنۋ، شىنايى يگەرۋ، شىنايى سەنۋ، شىنايى قولدانۋ» تالابىن قالاي جان - جاقتى دايەكتىلەندىرۋ جونىندە ىزدەنىس جاساپ، جۇڭگوشا سوتسياليزم ورناتۋدىڭ مۇرات - سەنىم ماسەلەسىن بەكەمدەۋىمىز كەرەك؛ جوعارى ساپالى كادرلار قوسىنى قۇرىلىسى سىندى جالپى تۇلعالىق تالاپتى ارقاۋ ەتىپ، ادام تاڭداۋ، ادام ىستەتۋ، دارىندىلاردى پارتيا باسقارۋ، قىزمەت ناتيجەسىن باعالاۋ، باسشىلىق ورىندا دا، نەگىزگى ساتىدا دا ىستەي الۋ، باسقارۋ - باقىلاۋ، نەگىزگى ساتىنىڭ نەگىزى سياقتى جاقتارداعى كەيبىر قيىن تۇيىندەرگە ىشكەرىلەي زەرتتەۋ جۇرگىزىپ، قامال الۋعا، ەرەكشەلىك تۋدىرۋعا، ناتيجە جاراتۋعا قۇلشىنۋىمىز كەرەك. پارتيانىڭ حالىق بۇقاراسىمەن ەتەنە بايلانىسىن ساقتاۋ سىندى وزەكتى ارقاۋ ەتىپ، شىندىقتى ءىس جۇزىنەن ىزدەۋ تالابىن قالاي جان - جاقتى دايەكتىلەندىرۋ جونىندە ىشكەرىلەي زەرتتەۋ جۇرگىزىپ، ستيلدە ونان ارى بۇرىلىس جاساپ، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ قىزمەتىن ىلگەرىلەتۋ كەرەك. سونىمەن بىرگە ءتۇزىم قۇرىلىسىن پارتيانىڭ يدەيا، ۇيىم، ستيل قۇرىلىسىنا ءسىڭىرۋىمىز كەرەك.
قورىتىپ ايتقاندا، جاڭا اماليات بارىسىندا «قىزىل قايىق رۋحىنا» مۇراگەرلىك ەتىپ جانە ونى ساۋلەلەندىرىپ، «قىزىل قايىق رۋحىنىڭ» دەم بەرۋى مەن شابىتتاندىرۋىندا الدىڭعى لەك ساناسىن ۇزدىكسىز كۇشەيتىپ، «الدىڭعى لەكتە ءجۇرۋ» تالابىن رۋحاني كۇيدە شىن مانىندە ايگىلەپ، تارازىلاۋ ولشەمىندە دايەكتىلەندىرىپ، قىزمەتتەردە تياناقتاندىرىپ، كۇش ۇستىنە كۇش قوسىپ، جاعدايعا قاراي قيمىلداپ، بۇكىل مەملەكەت جاعدايىنا بەلسەندىلىكپەن قۇلشىنا ۇلەس قوسۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
