جاڭا ساپاردى باستاۋعا بەرىك نەگىز قالايىق (پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنۋ جانە دايەكتىلەندىرۋ)
سۇن لايبين
2020.11.11 13:39 كەلۋ قاينارى : حالىق تورابى
جۋىردا عانا جابىلعان پارتيا 19 – كەزەكتى ورتالىق كوميتەتى بەسىنشى جالپى ماجىلىسىندە مىنالار باسا دارىپتەلدى: بۇكىل پارتياداعىلار مەن بۇكىل ەلىمىزدەگى ءار ۇلت حالقى ونان ارى قايراتتانىپ، جىگەرلەنە ءتۇسىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە بەلگىلەنگەن مەرزىمدە قول جەتكىزۋگە كەپىلدىك ەتىپ، بەلگىلەنگەن مەرزىمدە جاپپاي دوڭگەلەك داۋلەتتى قوعام ورناتۋعا، ءبىرىنشى ءجۇز جىلدىق كۇرەس نىساناسىن ورىنداۋعا كەپىلدىك ەتىپ، جاپپاي سوتسياليستىك وسىزاماندانعان مەملەكەت ورناتۋدىڭ جاڭا ساپارىنا اتتانۋعا بەرىك نەگىز قالاۋى كەرەك. ءبىز باس شۋجي شي جينپيڭنىڭ كەدەيلىكتەن ارىلتۋدان قامال الۋ جاعىنداعى ماڭىزدى بايىمداۋلارىن ىشكەرىلەي دايەكتى تياناقتاندىرۋىمىز، قازىرگى ولشەم بويىنشا اۋىل – قىستاقتارداعى كەدەي جان سانىنىڭ بەلگىلەنگەن مەرزىمدە كەدەيلىكتەن ارىلۋىنا كەپىلدىك ەتۋىمىز، جاپپاي دوڭگەلەك داۋلەتتى قوعام ورناتۋدىڭ ساپاسىنا كەپىلدىك ەتۋىمىز، بۇكىل حالىقتى ورتاق اۋقاتتاندىرۋ جاعىندا اناعۇرلىم كورنەكتى دە شىنايى ىلگەرىلەۋشىلىكتەرگە قول جەتكىزۋگە ورنىقتى قادام باسۋىمىز كەرەك.
كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ كەلەلى ءارى ۇزاق بولاشاقتىق ماڭىزى بار
كەدەيلىكتەن ارىلۋ — جۇڭحۋا ۇلتىنىڭ عاسىرلار بويى اڭساعان تاماشا ارمانى، سونىمەن بىرگە، ادامزات قوعامىنىڭ ورتاق تالپىناتىن نىساناسى. كەدەيلىكتەن ارىلتۋدان قامال الۋ شايقاسىنىڭ جەڭىسىنە بەلگىلەنگەن مەرزىمدە قول جەتكىزىپ، جاپپاي دوڭگەلەك داۋلەتتى قوعام ورناتۋ، جاپپاي سوتسياليستىك وسىزاماندانعان مەملەكەت ورناتۋ جاڭا ساپارىنا اتتانۋدا نەگىزدىك سيپات الادى، ول — جۇڭحۋا ۇلتىنىڭ ۇلى گۇلدەنۋىن ورىنداۋداعى ماڭىزدى بەلەس.
جاپپاي دوڭگەلەك داۋلەتتى قوعام ورناتۋداعى ەڭ زور ولقىلىقتى تولىقتاۋ كەرەك. جاپپاي دوڭگەلەك داۋلەتتى قوعام ورناتۋ مەن ءبىرىنشى ءجۇز جىلدىق كۇرەس نىساناسىن ورىنداۋ بارىسىنداعى ەڭ جاپالى مىندەت — كەدەيلىكتەن ارىلتۋدان قامال الۋ، سونىمەن بىرگە، بۇل ەڭ ءىرى ولقىلىق ءارى نىسانالىق كورسەتكىش. جاپپاي دوڭگەلەك داۋلەتتى قوعام ورناتۋدا، ءسوزسىز، بارلىق وڭىرلەر مەن بارلىق جان سانى تولىق قامتىلۋى كەرەك. بۇكىل حالىق جاپپاي دوڭگەلەك داۋلەتتى ورەگە جەتپەسە، اۋىل – قىستاقتار دوڭگەلەك داۋلەتتى ورەگە جەتپەسە، وتە – موتە، كەدەي وڭىرلەر دوڭگەلەك داۋلەتتى ورەگە جەتپەسە، جاپپاي دوڭگەلەك داۋلەتتى قوعامنىڭ ورناتىلۋى مۇمكىن ەمەس. جاپپاي دوڭگەلەك داۋلەتتى قوعام ورناتۋدا بىردە – بىرەۋىن قاعىس قالدىرماۋ كەرەك؛ ورتاق بايۋ جولىندا، بىردە – ءبىر ادامدى قاتاردان قالدىرماۋ كەرەك. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋداي ايبىندى ساپار بارىسىندا، جاپپاي دوڭگەلەك داۋلەتتى قوعام ورناتۋ — شەشۋشى قادام، كەدەيلىكتەن ارىلتۋدان قامال الۋ سىندى وسى ءبىر ەڭ زور ولقىلىقتى جەدەل تولىقتاۋ قاجەت.
پارتيامىزدىڭ حالىق الدىندا، تاريح الدىندا بەرگەن ايبىندى سەرتىن ورىنداۋ كەرەك. باس شۋجي شي جينپيڭ مىنانى اتاپ كورسەتكەن: «كەدەي جان سانى مەن كەدەي وڭىرلەردى بۇكىل ەلىمىزبەن بىرگە جاپپاي دوڭگەلەك داۋلەتتى قوعامعا جەتكىزۋ — پارتيامىزدىڭ ايبىندى سەرتى». جۇڭگو كوممۋنيستەرى مۇقيات بولۋعا ەڭ ءمان بەرەدى، ايتقان سوزىندە تۇرىپ، ەڭبەگىنەن ناتيجە شىعارا الادى، سەرت بەرگەن ەكەن، ءسوزسىز، ىسكە اسىرادى. پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلەردى سۇيەمەلدەۋ – كوركەيتۋ قىزمەتىن «بەستى ءبىر تۇلعالاندىرۋ» جالپى تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنىڭ كولەمىنە ەنگىزىپ، كەدەيلەردى دالمە – ءدال سۇيەمەلدەۋ، كەدەيلەردى دالمە – ءدال كەدەيلىكتەن ارىلتۋ، كەدەيلەردى سۇيەمەلدەۋ جاعىنداعى جۇمسالىمدى ارتتىرۋ، كەدەيلەردى سۇيەمەلدەۋ تاسىلىندە جاڭالىق جاراتۋ شارالارىن اتقارىپ، كەدەيلەردى سۇيەمەلدەۋ – كوركەيتۋ قىزمەتىندە جاڭا جاعداي بايقالدى. بيىل كەدەيلىكتەن ارىلتۋدان قامال الۋ مىندەتىن ورىنداعان سوڭ، جۇڭحۋا ۇلتى عاسىرلار بويى جاساپ كەلگەن مۇلدە كەدەيلىك ماسەلەسىن تاريحي سيپاتتى شەشىم ەتەدى، پارتيامىز ءوزىنىڭ ايبىندى سەرتىن، ءسوزسىز، ىسكە اسىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
