جاڭا دامۋ جۇيەسىن ورناتۋدى بەلسەنە ىلگەرىلەتەيىك
چىن كى، حالىق گازەتى، 2020 – جىلى 11 – ايدىڭ 26 – كۇنى
2020.11.27 15:16 كەلۋ قاينارى : حالىق تورابى
بۇگىنگى تاڭدا دۇنيە ءجۇزى 100 جىلدا بولماعان زور وزگەرىستەردى باستان كەشىرىپ وتىر، ەلىمىزدىڭ دامۋى ءدوپ كەلگەن سىرتقى ورتا بارعان سايىن كۇردەلىلەسىپ كەلەدى، ەلىمىزدىڭ دامۋ ساتىسى، ورتاسى، شارت - جاعدايىنىڭ وزگەرىسىنە نەگىزدەلىپ، شي جينپيڭ جولداستى ۇيىتقى ەتكەن پارتيا ورتالىق كوميتەتى ەل ىشىندەگى ۇلكەن اينالىمدى نەگىزگى تۇلعا ەتكەن، ەل ىشىندەگى جانە حالىقاراداعى قوس اينالىم ءبىرىن - ءبىرى جەبەيتىن جاڭا دامۋ جاعدايىن قالىپتاستىرۋدىڭ كەلەلى جاعدايىن ورتاعا قويىپ، دامۋ ساپاسى ماسەلەسىن، ءسوز جوق، اناعۇرلىم كورنەكتى ورىنعا قويىپ، دامۋدىڭ ساپاسى مەن ونىمدىلىگىن كۇش سالا جوعارىلاتۋدى باسا دارىپتەدى. كاسىپورىندار سوتسياليستىك بازار شارۋاشىلىعىنىڭ ماڭىزدى تۇلعاسى رەتىندە، ءوز فۋنكتسياسىن تولىق ساۋلەلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ جانە جاڭا دامۋ جاعدايىن قالىپتاستىرۋ بارىسىندا اناعۇرلىم زور دامۋدى جۇزەگە اسىرۋ كەرەك.
دەربەس جاڭالىق اشۋ قابىلەتىن سانالىلىقپەن جوعارىلاتۋ كەرەك. جاقىنعى جىلداردان بەرى، دۇنيە ءجۇزىنىڭ ساياسي، ەكونوميكالىق ورتا وزگەرىسىنە ىلەسىپ، جاھاندانۋعا قارسى تۇرۋ اۋقىمى اسقىندى، كەيبىر مەملەكەتتەر ءبىر تاراپتىڭ زاڭىن دارىپتەۋشىلىكتى، قورعانىمپازدىقتى بارىنشا جولعا قويىپ، ەلىمىزدىڭ كاسپورىندارىنا جولسىزدىقپەن سوققى بەردى، ەلىمىزدىڭ شەشۋشى تەحنيكادا قامال الۋدى كۇشەيتىپ، كاسىپ تىزبەگى مەن قامداۋ تىزبەگىنىڭ وسىزاماندانۋ دەڭگەيىن جوعارىلاتۋداعى كوكەي تەستىلىگىن ونان ارى كورنەكتىلەندىردى، كاسىپورىندارتەك وزەكتى تەحنيكانى مەڭگەرىپ، دەربەس ءبىلىم مەنشىك ۇقىعىنا تولىق يە بولعاندا عانا، باسقالاردىڭ شاۋجايلاۋىنان ساقتانۋعا بولاتىندىعىن تولىق ايگىلەدى. ەلىمىز كاسىپورىندارى عىلىم - تەحنيكا زەرتتەۋ - اشۋعا قوسىلىم تەبىنىن ارتتىرىپ، دارىندىلاردى دايىنداۋ جانە جەتىلدىرۋ قارقىنىن تەزدەتىپ، دەربەس جاڭالىق اشۋ قابىلەتىن زور كۇشپەن جوعارىلاتىپ، شەشۋشى وزەكتى تەحنيكادان تەز ارادا قامال الىپ، شەشۋشى وزەكتى تەحنيكانى دەربەس مەڭگەرۋدى قۇلشىنا جۇزەگە اسىرۋ كەرەك؛ كاسىپورىنشىلار رۋحىن زور كۇشپەن ساۋلەلەندىرىپ، جاڭالىق اشا دامۋدىڭ ىزدەنۋشىسى، جەتەكشىسى بولۋعا قۇلشىنىپ، ءوندىرىس ۇيىمدارىنىڭ جاڭالىق اشۋىن، تەحنيكادا جاڭالىق اشۋىن، بازاردا جاڭالىق اشۋىن باتىلدىقپەن ىلگەرىلەتۋ كەرەك، تەحنيكالىق زەرتتەۋ - اشۋ مەن ادام كۇشى كاپيتالىنا قارجى قوسۋعا ءمان بەرىپ، قىزمەتكەرلەردىڭ جاسامپازدىق قۋاتىن ءونىمدى تۇردە جۇمىلدىرىپ، ءوزىن جاڭالىق اشۋدىڭ قۇدىرەتتى نەگىزگى تۇلعاسىنا اينالدىرۋ كەرەك.
قامداۋ جاعىنداعى قۇرىلىمدىق رەفورماعا سانالىلىقپەن قىزمەت وتەۋ كەرەك. قامداۋ جۇيەسىنىڭ ساپاسى ادامداردىڭ ۇزدىكسىز جوعارى بولعان تۇتىنۋ قاجەتىن قاناعاتتاندىرا الماۋدان، قىرۋار ءونىمدى سۇرانىمنىڭ سىرتقا اعىلۋىنا مۇرىندىق بولۋى __ ەكونوميكانىڭ جوعارى ساپالى دامۋىن ىلگەرىلەتۋ جانە جاڭا دامۋ جاعدايىن ورناتۋ شۇعىل شەشۋگە ءتيىستى كورنەكتى ماسەلە. ىشكى سۇرانىمدى ۇلعايتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، قامداۋ ساپاسىن ۇزدىكسىز جاقسارتىپ، قامداۋ جۇيەسىنىڭ ىشكى سۇرانىسقا ۇيلەسىمدىلىگىن جوعارىلاتىپ، جاڭالىق اشۋ ارقىلى قوزعاۋشىلىق ەتۋ، جوعارى ساپامەن قامداۋ ارقىلى جەتەكشىلىك ەتۋ جانە جاڭا سۇرانىستاردى جاراتۋ كەرەك. كاسىپورىندار قامداۋ جاعىنداعى قۇرىلىمدىق رەفورماعا سانالى قىزمەت وتەۋى كەرەك، دامۋدىڭ ساپاسى مەن ونىمدىلىگىن ىرىقتىلىقپەن جوعارىلاتىپ، تۇتىنۋشىلاردى اناعۇرلىم ساپالى ونىمدەرمەن جانە قىزمەت وتەۋمەن قامداۋعا قۇلشىنۋ كەرەك. تۇتىنۋشىلاردىڭ كۇننەن - كۇنگە جوعارى دارەجەدەگى تۇتىنۋ قاجەتىن قاناعاتتاندىرۋ كەرەك. بۇل جاڭا دامۋ جاعدايىن قالىپتاستىرىپ، ەكونوميكانىڭ جوعارى ساپالى دامۋىن ىلگەرىلەتىپ، ەلىمىز كاسىبىنىڭ تيپىن وزگەرتىپ، دارەجەسىن جوعارىلاتۋدىڭ ىشكى تالابى، ءارى كاسىپورىنداردىڭ ات سالىسىپ، ءوزىنىڭ ايگىلى ماركا قۇنى مەن بازارداعى باسەكەلىك قۋاتىن جوعارىلاتۋىنىڭ تابيعي تالعامى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
