شالعايداعى «اسپان جولى» ءۇستىرتتى تۇتاستىردى (قارلى القاپتاعى شاتتىققا تولى 70 جىل، شيزاڭنىڭ جاڭا داۋىرگە قادام تاستاۋى)
«حالىق گازەتىنىڭ» ءتىلشىسى شىن لين
2021.08.11 16:11 كەلۋ قاينارى : حالىق تورابى
چيڭحاي - شيزاڭ ءۇستىرتىنىڭ گانديس تاۋى مەن گيمالاي تاۋىنىڭ اراسىندا اسقار تاۋلاردان اسىپ، ۇلكەن وزەندەردى باسىپ، وتكەلەكتەردەن زىمىراپ وتتىك... جول جەلىسىنىڭ %90 تەن استامىنىڭ تەڭىز دەڭگەيىنەن بيىكتىگى 3 مىڭ مەتردەن اساتىن لحاسا - لينجى تەمىر جولى قارلى ۇستىرتكە توسەلگەن، وسىلايشا «گۇلدەن» اتتى پويەز 31 ولكە، اۆتونوميالى رايون، توتە قاراستى قالانى جاپپاي قامتىدى.
لحاسا - لينجى تەمىر جولىنىڭ جالپى لەنياسى 435 كيلومەتر، 47 وتكەلەك، 121 كوپىر بار، كوپىرلەر مەن وتكەلەكتەردىڭ سالىستىرماسى %75 كە جەتەدى، يارلۇزاڭبۋ وزەنىنەن 16 رەت وتەدى، قۇرىلىس جۇرگىزۋدىڭ قيىندىعى دۇنيەدە سيرەك كەزدەسەدى. الايدا 130 مىڭنان استام قۇرىلىسشىنىڭ جاپالى شايقاس جاساۋىندا، جالپى 36 ميلليارد يۋاننان استام قارجى قوسىلعان ۇستىرتتەگى وسى «اسپان جولى» بار بولعانى 6 جىل ىشىندە سالىنىپ بولىپ، پويەز قاتىنادى.
بۇل − بەيبىت جولمەن ازات بولعان 70 جىلدان بەرگى شيزاڭنىڭ قاتىناس نەگىزدىك قۇرىلعىلارىنداعى وراسان زور وزگەرىستىڭ ەڭ جاڭا مىسالى عانا. تاس جولدىڭ قاتىناۋ ارالىعى 118 مىڭ 800 كيلومەترگە جەتىپ، قۇرىلىمدىق قىستاقتاردىڭ بارلىعىنا تاس جول تۇتاستى؛ 5 ايماق، قالاعا تەمىر جول قاتىنادى، قاتىناۋ ارالىعى ءبىر مىڭ 400 كيلومەترگە تايادى... بۇگىنگى شيزاڭدا شالعايداعى «اسپان جولى» ءۇستىرتتى تۇتاستىرىپ، سترەولدى قاتىناس تورابى كۇن سايىن كەمەلدەندى.
«اسپانداعى تەمىر جول»
ۇستىرتتەگى تەمىر جول قۇرىلىسىنداعى كوپتەگەن قيىن ماسەلەنى شەشتى
لينجى قالاسى لاڭشيان اۋدانىندا تۇراتىن 26 جاستاعى لوساڭدانزىڭ اۋىلدارىنا تەمىر جول كەلۋىن 10 نەشە جىلدان بەرى ارمانداپ كەلگەن.
ول بالا كەزىندە لحاساعا بارعاندا، اۆتوموبيل جولدا تۇپ - تۋرا ەكى كۇن ءجۇرىپ، تاۋسىلىپ بىتپەيتىن اسقار تاۋلاردان اسقان... ول سول كەزدە پويەز دەگەننىڭ نە ەكەنىن بىلمەيتىن.
ورتالاۋ مەكتەپتى بىتىرگەننەن كەيىن جياڭشيگە بارىپ ورتا مەكتەپتە وقىعان لوساڭدانزىڭ تۇڭعىش رەت پويەزگە وتىرادى. تەرەزەدەن قارلى تاۋلار مەن شالعىندى القاپتىڭ ارتتا قالىپ قويعانىن كورگەندە، ول ىشكى تەبىرەنىسىن تەجەي الماي: «اۋىلىمىزعا تەمىر جول تۇتاساتىن بولسا، قانداي جاقسى بولار ەدى!» دەپ ارماندايدى.
سول كەزدە مەملەكەتتىڭ ورتا، ۇزاق مەرزىمدىك تەمىر جول تورابى جوباسىنا لحاسا - لينجى تەمىر جولى قۇرىلىسى ەنگىزىلگەن بولاتىن، مۇنى كىشكەنتاي لوساڭدانزىڭ قايدان ءبىلسىن. جان – جاقتى ىستەلگەن الدىڭعى مەرزىمدىك قىزمەتتەن كەيىن 2015 - جىلى مەملەكەتتىڭ «13 – بەسجىلدىقتاعى» ءتۇيىندى نىسانى رەتىندە لحاسا - لينجى تەمىر جولىندا تۇتاس لەنيا بويىنشا قۇرىلىس باستالدى.
لوساڭدانزىڭ داشۋەنى بىتىرگەننەن كەيىن اۋىلىنا قايتىپ دەربەس يگىلىك جاراتىپ، ەڭبەك دانەكەر سەرىكتەستىگىن قۇرىپ، اۋىلداستارىن لينجى قالا رايونىنا بارىپ جۇمىس ىستەۋگە ۇيىمداستىردى. «لاڭشيان اۋدانىنان لينجى قالاسىنا بارۋدا دەرلىك تاۋ جولىمەن جۇرەمىز، اۆتوكولىك جۇرگىزگەندە قاتتى الاڭدايمىز» دەدى لوساڭدانزىڭ.
16 جىلدىڭ الدىندا شيزاڭنىڭ تەمىر جول تاسىمال ارالىعى نولگە تەڭ ەدى. لحاسا - لينجى تەمىر جولىنىڭ سالىنىپ بولىپ، پويەز قاتىناۋىنا بايلانىستى، شيزاڭداعى 7 ايماق، قالانىڭ ىشىندە 5 ايماق، قالاعا تەمىر جول قاتىناپ، تاسىمال ارالىعى ءبىر مىڭ 400 كيلومەترگە تايادى. لوساڭدانزىڭ العاش يگىلىك جاراتقان كەزدەگى الاڭنان ارىلدى، ول: «پويەزدىڭ قاتىناعانىنا ءبىر ايدان استى، لحاسا، لينجى، شاننان اراسىندا جول ءجۇرۋ قولايلى بولدى، تاۋ جولىنىڭ حاۋىپ - قاتەرىنەن الاڭدامايتىن بولدىق!» دەدى.
«تەمىر جولدىڭ اۋىلعا كەلۋىن اڭسايمىز، الىپ ايداعار تاۋ اسىپ، تاس باسىپ، قارلى ۇستىرتكە باقىت الا كەلسە ەكەن...». 2005 - جىلى «اسپان جولى» دەگەن ءان بايتاق دالاعا تارالىپ، ۇستىرتتەگى پەرزەنتتەردىڭ چيڭحاي - شيزاڭ تەمىر جولى سىندى وسى ءبىر عاجايىپ «اسپان جولىنا» دەگەن ىقىلاستى ءۇمىتىن جىرلادى.
چيڭحاي - شيزاڭ تەمىر جولىن سالۋ − نەشە ۇرپاق جۇڭگولىقتاردىڭ اڭساعان تىلەگى، پارتيا مەن ۇكىمەت بۇعان باستان - اياق ايرىقشا ءمان بەرىپ كەلەدى. 1958 - جىلى پارتيا ورتالىق كوميتەتى چيڭحاي - شيزاڭ تەمىر جولىنىڭ شينيڭ - گولمۋد بولەگىن سالۋدى ۇيعاردى، 1984 - جىلى 5 - ايدا وسى تەمىر جول سالىنىپ بولىپ، پويەز قاتىنادى. جاڭا عاسىرعا قادام تاستاعاننان كەيىن پارتيا ورتالىق كوميتەتى باتىس بولەكتى قاۋىرت اشۋدى ىلگەرىلەتۋ، ۇلتتاردىڭ بىرگە دامۋىن، گۇلدەنۋىن جۇزەگە اسىرۋ جالپى جاعدايىن شىعار ءتۇيىن ەتىپ، چيڭحاي - شيزاڭ تەمىر جولىنىڭ گولمۋد - لحاسا بولەگىن سالۋ جونىندە كەلەلى شەشىم جاسادى.
چيڭحاي - شيزاڭ تەمىر جولى − دۇنيە ءجۇزى بويىنشا تەڭىز دەڭگەيىنەن ەڭ بيىك، جەلىسى ەڭ ۇزىن ءۇستىرت تەمىر جولى، جەلى بويى ءۇستىرتتى سۋىق، وتتەگى كەمشىل، گەولوگيالىق جاعدايى كۇردەلى، اۋقىمدى وڭىرىندە توپىراق بولىپ كەلەدى، ينجەنەريانى جۇرگىزۋ توتەنشە جاپالى. 100 مىڭنان استام جول سالۋشىلار قوسىنى تىرشىلىك شەكتەلگەن وڭىردە 5 جىل قاجىرلىلىقپەن كۇرەس جۇرگىزىپ، سيرەك كەزدەسەتىن كوپتەگەن عىلىم - تەحنيكالىق قيىن ماسەلەنى شەشكەننەن كەيىن، اقىرىندا 2006 - جىلى گولمۋد - لحاسا تەمىر جول بولەگىن سالىپ بولدى. 2006 - جىلى 7 - ايدىڭ 1 - كۇنى چيڭحايدىڭ شينيڭ قالاسىنان باستالىپ شيزاڭنىڭ لحاسا قالاسىنا تۇتاساتىن، جالپى ۇزىنى ءبىر مىڭ 956 كيلومەتر كەلەتىن چيڭحاي - شيزاڭ تەمىر جولىندا تۇتاس لەنيا بويىنشا پويەز قاتىنادى.
چيڭحاي - شيزاڭ تەمىر جولى لحاسا باتىس ۆوكزالى پارتيا ياچەيكاسىنىڭ شۋجيى جاڭ ۋەيدۇڭ بۇل ارادا 15 جىل قىزمەت ىستەدى، وسى تەمىر جول الا كەلگەن وزگەرىسكە كۋا بولعان ول بىلاي دەدى: 15 جىلدا شيزاڭعا كىرىپ - شىققان زاتتاردىڭ ارتۋ مولشەرى 20 ەسەدەن استى، لحاسا مەن توڭىرەكتەگى قالا، اۋىلداردىڭ باسىم كوپ ساندى تۇرمىستىق ءوندىرىس قۇرال - جابدىقتارى وسى «اسپان جولى» ارقىلى بۇكىل ەلدىڭ جەر - جەرىنەن ۇزدىكسىز تاسىپ اكەلىندى.
تور ءتارىزدى «اسپان جولى»
اۋدان، اۋىل، قىستاقتىڭ بارلىعىنا تاس جول جەتكىزىلدى
«قىز الىسقا ۇزاتىلسا، ات جول تاۋسىلىپ بىتپەيدى، اسقار تاۋلاردان اسىپ، ۇلكەن وزەندەردەن ءوتىپ، ايلاپ ءجۇرىپ، جىگىتتىڭ ۇيىنە ازەر جەتەدى...». وسى حالىق ءانى كونە شيزاڭنىڭ قاتىناسىنىڭ توتەنشە مەشەۋ بەينەسىن اڭعارتادى. بەيبىت جولمەن ازات بولۋدان بۇرىن كونە شيزاڭدا قاتىناس - تاسىمال بۇكىلدەي ادام جانە مال كۇشىنە سۇيەنەتىن، لحاسادان چيڭحايدىڭ شينيڭ قالاسىنا نەمەسە سىچۋاننىڭ يا - ان قالاسىنا بارىپ - كەلۋگە جارىم جىلدان ءبىر جىلعا دەيىن ۋاقىت كەتەتىن.
سىچۋان – شيزاڭ تاس جولى، چيڭحاي - شيزاڭ تاس جولى شيزاڭنىڭ وسىزامانعى قاتىناسىنىڭ جاڭا جاعدايىن جاراتتى. شيزاڭ بەيبىت جولمەن ازات بولعاننان كەيىن حالىق ازاتتىق ارمياسىنان، سىچۋان جانە چيڭحاي قاتارلى ولكەلەردەگى ءار ۇلت حالىق بۇقاراسىنان، سونداي - اق قۇرىلىس تەحنيكتەرىنەن 110 مىڭ ادامدىق جول سالۋ الىپ قوسىنى ۇيىمداستىرىلىپ، توتەنشە جاپالى شارت - جاعدايدا ەرلىكپەن شايقاس جاساپ، 1954 - جىلى جالپى ۇزىنى 4 مىڭ 360 كيلومەتر كەلەتىن سىچۋان – شيزاڭ تاس جولىن، چيڭحاي - شيزاڭ تاس جولىن سالىپ، شيزاڭدا وسىزامانعى تاس جول بولماۋ تاريحىن اياقتاتىپ، «ادامزاتتىڭ تىرشىلىك شەكتەلگەن رايونى» سىندى «دۇنيەنىڭ جوتاسىندا» تاس جول قۇرىلىسىنىڭ تاريحىنداعى كەرەمەتتەردى جاراتتى.
پارتيا مەن ۇكىمەت شيزاڭنىڭ قاتىناس - تاسىمال ىستەرىنىڭ دامۋىنا ەرەكشە ءمان بەرىپ، قولداۋ تەبىنىن ۇزدىكسىز ارتتىرىپ، دارىندى، تەحنيكا، نىسان، قارجى سياقتى جاقتاردا ءتۇيىندى تۇردە بەيىمدەلدى. دەموكراتيالىق رەفورمادان كەيىن شينجياڭ - شيزاڭ، يۇننان - شيزاڭ، جۇڭگو – نەپال تاس جولدارى سياقتى نەگىزگى تاس جولدار جەدەل سالىندى، چيڭحاي - شيزاڭ، سىچۋان - شيزاڭ تاس جولدارىنا دا ارت - ارتىنان اسفالت جاتقىزىلدى.
بيىك تاۋلارمەن قورشالىپ تۇرعاندىقتان موتو اۋدانى بۇكىل ەل بويىنشا تاس جول ەڭ سوڭىندا تۇتاسقان اۋدان ورتالىعى بولدى.
موتو اۋدانىنا تاس جول تۇتاسۋدىڭ قيىندىعى نەگىزىنەن مىناداي ەكى تۇيىننەن بولدى: ءبىرىنشى، كولبەۋلىك ۇلكەن، اۋدان بويىنشا سالىستىرمالى بيىكتىك پارقى 6 مىڭ مەتردەن اسادى، سۋىق بەلدەۋدەن ىستىق بەلدەۋگە دەيىنگى 8 كليمات بەلدەۋى پەرپەنديكۋليار ورنالاسقان؛ ەكىنشى، كليماتى ناشار، جولدى قورعاۋ قيىن، جازدا قۇلاۋ، جەر كوشكىنى، لاي تاسقىنى ءجيى تۋىلادى، قىستا قالىڭ قار 8 - 9 اي تاۋدى قورشاپ تۇرادى. وتكەن عاسىردىڭ 60 - جىلدارىنان باستاپ جوبالاپ سالىنعان موتو تاس جولى «دۇنيە جۇزىندەگى ەڭ قيىن تاس جول» دەپ اتالىپ، 40 جىلعا جۋىق ۋاقىت جالعاسسا دا تولىق بىتپەگەن.
موتو اۋدانى ۋانچۋان باستاۋىش مەكتەبى مەڭگەرۋشىسىنىڭ ورىنباسارى گىساڭدىجيدىڭ ءۇيى موتو اۋدانى باڭشين اۋىلى گىندىڭ قىستاعىندا تۇرادى، ول − موتو اۋدانىنداعى مىنبا ۇلتىنان شىققان ستۋدەنت. بالا كەزىدە موتو اۋدانىنان لينجى قالاسىنا بارىپ وقۋعا تۇسكەندەگى جاپا - ماشاقاتتى ەسكە العان گىساڭدىجي بىلاي دەدى: «جاياۋلاپ جۇرۋگە بولاتىن ءبىر عانا جول بار، سول جولدى بويلاپ بيىكتىگى 4 مىڭ مەتردەن اساتىن قارلى تاۋدان، مۇزداي سۋىق وزەندەردەن، تەرەڭ شاتقالداعى ورماننان ءوتتىم، جالپى 7 - 8 كۇن جول باستىم!» لينجى قالاسىندا باستاۋىش مەكتەپتە وقىعان بىرنەشە جىلدا گىساڭدىجي ۇيىنە 3 رەت قانا بارعان.
شيزاڭداعى حالىق تۇرمىسىنىڭ قيىنشىلىعىن پارتيا ورتالىق كوميتەتى ەسىنەن شىعارمادى. 2008 - جىلى 10 - ايدا مەملەكەتتىك كەڭەستىڭ ۇنەمىلىك ىستەر ءماجىلىسى شيزاڭ موتو اۋدانى تاس جولىنىڭ مۇمكىندىگىن زەرتتەۋ مالىمەتىن بەكىتىپ، موتو تاس جولىن سالۋدى ۇيعاردى. وسى رەت بەكىتىلگەن موتو تاس جولى بومي اۋدانى زام قالاشىعىنان باستالىپ، موتو اۋدان ورتالىعىندا اياقتالادى، جالپى ۇزىنى 117 كيلومەتر. تاس جولدى سالۋعا جۇمسالاتىن 950 ميلليون يۋان قارجىنى تۇگەلدەي مەملەكەت ۇستىنە الدى، 4 جىل ۋاقىت جۇمسالىپ، زام - موتو تاس جولى 2013 - جىلى 10 - ايدىڭ سوڭىندا سالىنىپ بولىپ، موتو اۋدانىنداعى تۇتاس جىلداعى جولدى اشىق ۇستاۋ ۋاقىتى بۇرىنعى 3 اي اينالاسىنان 9 – 10 ايعا ۇزارتىلدى.
زام - موتو تاس جولى سالىنعاننىڭ 2 – جىلى موتو اۋدانىنا باراتىن 2 - ماڭىزدى قاتىناس جولى − پايجىن - موتو تاس جولى قۇرىلىسى باستالدى. بۇل تاس جول لينجى قالا رايونىنان موتو اۋدان ورتالىعىنا دەيىنگى ارالىقتى 346 كيلومەتردەن 180 كيلومەترگە قىسقارتادى، قاتىناۋ ۋاقىتىن 8 ساعات شاماسىندا قىسقارتادى. 7 جىل جاپالى قۇرىلىس جۇرگىزۋ ارقىلى قازىر پايجىن - موتو تاس جولىندا اۆتوكولىك قاتىناۋ الدىندا تۇر.
بۇل كۇندە شيزاڭدا اۋدان، اۋىل، قىستاقتىڭ بارلىعىنا تاس جول تۇتاستى، اۆتوكولىك قاتىناۋ ارالىعى 118 مىڭ 800 كيلومەترگە جەتتى، بۇكىل رايونداعى بارلىق اۋدانعا، قۇرىلىمدىق قىستاقتاردىڭ بارلىعىنا تاس جول قاتىنادى، اۋىل - قالاشىقتاردا، قۇرىلىمدىق قىستاقتاردا قاتىناۋدىڭ ىركىلىسسىزدىك شاماسى جەكە - جەكە %94 كە، %76 كە جەتتى. ۇلان - بايتاق قارلى ۇستىرتتە الىپ تاس جول تورابى «اسپان جيەگىندەگى» قىستاقتاردى، مال فەرمالارىن، قارلى تاۋلاردى، كولدەردى... تۇتاستىردى.
ستەرولدى «اسپان جولى»
«كوك جيەگىندەگى الي» ەندىگارى الىس سانالمايدى
اليدىڭ تەڭىز دەڭگەيىنەن ورتاشا بيىكتىگى 4 مىڭ 500 مەتردەن اسادى، اكىمشىلىك مەكەمەسى تۇرعان شىچۋانحى قالاشىعى لحاسادان ءبىر مىڭ 400 كيلومەتردەن استام قاشىقتىقتا؛ ماڭىنداعى ەڭ جاقىن قالا ءبىر مىڭ 300 كيلومەتردەن استام شالعايداعى شينجياڭنىڭ حوتان قالاسى. جۇرتشىلىق «كوك جيەگىندەگى الي» دەپ اليدىڭ قاشىقتىعىن سۋرەتتەيدى.
2010 - جىلدان بۇرىن الي جۇرتشىلىعى جول جۇرۋدە نەگىزىنەن تاس جولعا سۇيەنەتىن، شىچۋانحى قالاشىعىنان لحاساعا دەيىن كەم دەگەندە 40 ساعات ۋاقىت كەتەتىن.
اليدىڭ قاتىناس بەت - بەينەسىن جاقسارتۋ ءۇشىن، 2007 - جىلى 5 - ايدا شىچۋانحى قالاشىعىنىڭ باتىس وڭتۇستىك جاعىندا تەڭىز دەڭگەيىنەن 4 مىڭ 270 مەتردەن استام كەلەتىن جەردە كۇنشا اۋەجايىنىڭ قۇرىلىسى باستالدى. 3 جىلدان كەيىن كۇنشا اۋەجايى سالىنىپ بولىپ، اليدان لحاساعا ۇشىپ بارۋعا نەبارى 2 ساعات ۋاقىت كەتەتىن بولدى، اليدان بۇكىل ەلدىڭ جەر - جەرىنە دە سول كۇنى جەتۋ جۇزەگە اسىرىلدى.
بيىل 4 - ايدا الي پۋلان اۋەجايى مەملەكەتتىك دامۋ - رەفورما كوميتەتىنىڭ بەكىتۋىنەن ءوتتى، تاعى ءبىر «اسپان جولىنىڭ» قۇرىلىسى باستالعالى تۇر، «كوك جيەگىندەگى الي» ەندىگارى الىس سانالمايدى.
اليدى ەندىگارى الىستاتپايتىن تاعى ءبىر «اسپان جولى» سالىندى. 2020 - جىلى 12 - ايدىڭ 4 - كۇنى مەملەكەتتىك ەلەكتر تورابى الي سەرىكتەستىگى مەن زاڭجۇڭ ەلەكتر تورابىنىڭ بىرىككەن توراپ ينجەنەرياسى ىسكە قوسىلدى. جالپى ۇزىنى ءبىر مىڭ 600 كيلومەتردەن اساتىن وسى ەلەكتر جەتكىزۋ لەنياسى رىكازى قالاسى ساڭجۋزى رايونى دولين كەرنەۋ وزگەرتۋ ەلەكتر ستانسياسىنان باستالىپ، الي رايونى گا - ىر اۋدانى با - ىر كەرنەۋ وزگەرتۋ ەلەكتر ستانسياسىندا اياقتالادى، رىكازى، الي ەكى جەردەگى 10 رايون، اۋداننان وتەدى، جالپى 7 ميلليارد 400 ميلليون يۋان قارجى قوسىلعان.
وسى «اسپان ەلەكتر جولىنىڭ» ەڭ بيىك جەرى تەڭىز دەڭگەيىنەن 5 مىڭ 357 مەتر بيىك، تەڭىز دەڭگەيىنەن ورتاشا بيىكتىگى 4 مىڭ 572 مەتر، قۇرىلىس ورتاسى توتەنشە ناشار، جول قاتىناسى توتەنشە قاتەرلى، قازىرگە دەيىن دۇنيە ءجۇزى بويىنشا تەڭىز دەڭگەيىنەن ەڭ بيىك، قۇرىلىس جۇرگىزۋ قيىندىعى ەڭ جوعارى، سايىس جاريالاۋ سيپاتى ەڭ كۇشتى 500 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سانالادى. ينجەنەريانىڭ سالىنىپ ءبىتىپ، ىسكە قوسىلۋى الي رايونىنداعى وقشاۋ توراپتىڭ اينالىم تاريحىن اياقتاتىپ، الي رايونىنداعى توك جەتپەۋ ماسەلەسىن تۇبىرىنەن شەشىپ، جەلى بويىنداعى 16 رايون، اۋدانداعى 380 مىڭ ەگىنشى - مالشىنى حاۋىپسىز، سەنىمدى «ۇلكەن توراپ ەلەكترىمەن» قامدادى.
پۋلان اۋدانى پۋلان قالاشىعىنىڭ 53 جاستاعى تۇرعىنى گۋرۋ بيىل ءبىر توپ شىت جاڭا ءۇي ەلەكتر جابدىعىن الاڭسىز ساتىپ الدى. پۋلان قالاشىعىندا نەشە ون جىل تۇرمىس كەشىرگەن ول توكتىڭ جوقتىعىنان، تاپشىلىعىنان ۋايىمدايتىن. كىشكەنە كەزىندە توك بولماعاندىقتان، ولاردىڭ ءۇيى كارەسين شام جاعاتىن، جارىعى ءالسىز، قوشقىل ءتۇتىنى بۋداقتاپ تۇراتىن. «قىستا پەشتەن ىس شىعادى، كارەسين شامنان دا ىس شىعادى، كوزىمىز اشىپ، تاناۋىمىز ءبىتىپ قالادى، سودان باستاپ مۇرىن قابىنۋ دەرتىنە سالدىقتىم». گۋرۋ بۇرىنعىمەن سالىستىرىپ بىلاي دەدى: «قازىر جاقسى بولدى، ەندى ەلەكترمەن جىلىنامىز، ەلەكتر شىراعى ءوشىپ قالا ما دەپ الاڭدامايمىز».
ورتالىق كوميتەتتىڭ قولداۋىندا، بۇكىل ەلدىڭ جەر - جەرىنىڭ كومەگىندە شيزاڭنىڭ نەگىزدىك قۇرىلعىلار قۇرىلىسى قارىشتاپ دامىدى. شيزاڭ اۆتونوميالى رايوندىق پارتكومنىڭ شۋجيى ۋ يىڭجيە مىنانى ءبىلدىردى: شيزاڭ بەيبىت جولمەن ازات بولعان 70 جىلدان بەرى ورتالىق ۇكىمەت جيىنى ءبىر تريلليون 630 ميلليارد يۋان قارجى قوستى، تاياۋداعى بىرنەشە جىلدا شيزاڭعا كومەك بەرۋشى ولكە، قالالار جالپى 69 ميلليارد 300 ميلليون يۋان قارجى قوستى، مۇنىڭ ىشىندە قىرۋار قارجى شيزاڭنىڭ نەگىزدىك قۇرىلعى قۇرىلىسىنا جۇمسالىپ، شيزاڭنىڭ ەكونوميكالىق، قوعامدىق دامۋىن پارمەندى ىلگەرىلەتىپ، قىسقا عانا نەشە ون جىلدا نەشە مىڭ جىلدان استام ۋاقىتتا جارىققا شىعاتىن وزگەرىسپەن بارابار كەرەمەتتەر جاراتىلىپ، شيزاڭ ءتورت توڭىرەكپەن قويان – قولتىق ارالاساتىن جاعداي جارىققا شىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
