جاڭا داۋىردەگى اۋا حالقىنىڭ باقىت جىرىن اسقاقتاتتى
«حالىق گازەتىنىڭ» تىلشىلەرى جاڭ فان، شۇي يۋانفىڭ، ياڭ ۋىنميڭ، لي ماۋيىڭ
2021.08.24 16:30 كەلۋ قاينارى : حالىق تورابى
يۇننان ولكەسى لينساڭ قالاسى ساڭيۋان ۋازۋ اۆتونوميالى اۋدانى وتانىمىزدىڭ باتىس وڭتۇستىك شەكاراسىنا ورنالاسقان، بۇكىل ەلدەگى ەڭ ۇلكەن ۋازۋ ۇلتى شوعىرلى قونىستانعان اۋدان. جۋىقتا وسى اۋداننىڭ بانحۇڭ اۋىلىنداعى، بانلاۋ اۋىلىنداعى 9 شەكارا قىستاقتاعى 10 ساقا ياچەيكا شۋجيى باس شۋجي شي جينپيڭگە حات جازىپ، ۋازۋ حالقىنىڭ كەدەيلىكتەن ارىلىپ، جاقسى تۇرمىس كەشىرىپ جاتقان جاعدايىنان مالىمەت بەرىپ، ۇرپاقتار بويى كوممۋنيستىك پارتياعا ىلەسىپ، اتا مەكەندى اناعۇرلىم كورىكتى، باي ەتىپ قۇرىپ شىعۋ بەرىك بەكىمدەرىن ءبىلدىردى.
8 - ايدىڭ 19 - كۇنى باس شۋجي شي جينپيڭ ساڭيۋان ۋازۋ اۆتونوميالى اۋدانىنىڭ شەكارا قىستاقتارىنداعى ساقا ياچەيكا شۋجيلەرىنە جاۋاپ حات جازىپ، ولاردى ۇلگىلىك، باستاماشىلىق رولدارىن ساۋلەلەندىرىپ، اۋىلداستاردى كورىكتى مەكەندى جاقسى قۇرىپ، ۇلتتار ىنتىماعىن جاقسى قورعاپ، قاسيەتتى مەملەكەت تەرريتورياسىن جاقسى قورعاۋعا باستاۋعا جىگەرلەندىردى.
باس شۋجيدىڭ جاۋاپ حاتىن تاپسىرىپ العان جەرگىلىكتى ورىنداعى كادر - بۇقارا باس شۋجيدىڭ تاپسىرماسىن ەستە بەرىك ساقتاپ، العىس ايتۋ تۇرعىسىنان قايراتتانا العا ۇمتىلۋدىڭ جاڭا جورىعىنا اتتانىپ، جاڭا داۋىردەگى اۋا حالقىنىڭ باقىت جىرىن اسقاق شىرقايتىندارىن ءبىلدىردى.
«بۇرىن بۇقارانىڭ ءوندىرىسى مەن تۇرمىسىندا قيىنشىلىق بار ەدى، ءبىر جىلدا بىرنەشە اي استىق تاپشى بولاتىن». وتكەن جاپالى كۇندەردى ەسكە العاندا، حۋ دىشۋە ەرەكشە تەبىرەندى. حۋ دىشۋە − باس شۋجيگە حات جازعان ساقا ياچەيكا شۋجيلەرىنىڭ ءبىرى، 1984 - جىلدان باستاپ بانحۇڭ اۋىلى بانحۇڭ قىستاعى پارتيا ياچەيكاسىنىڭ شۋجيى بولىپ، 2016 - جىلعا كەلگەندە عانا قىستاق پارتيا ياچەيكاسىنىڭ جاڭا شۋجيى ياڭ جىلياڭعا مىندەتىن رەسمي وتكىزىپ بەرگەن.
ۋازۋ ۇلتى قاۋىمدىق قوعامنان سوتسياليستىك قوعامعا تىكەلەي ءوتتى. «قىستاق تۇرعىندارى بارابان سوعىپ، دابىل قاعىپ، اۋانىڭ جاڭا اندەرىن شىرقايدى...». وتكەن عاسىردىڭ 60 - جىلدارىندا «اۋا حالقى سالعان جاڭا ءان» ءتورت توڭىرەككە تارالىپ، ۋازۋ ۇلتى بۇقاراسىنىڭ جاڭا تۇرمىسقا كەنەلۋدەگى شاتتىعىن، كوممۋنيستىك پارتياعا دەگەن العىس سەزىمىن بەينەلەدى.
تاريحي سەبەپتەرگە بايلانىستى، ونىڭ ۇستىنە جاراتىلىستىق شارت - جاعدايى ناشار، نەگىزدىك قۇرىلعىلارى مەشەۋ بولعاندىقتان، ۋازۋ ۇلتىنىڭ كوپتەگەن بۇقاراسى ۇزاق ۋاقىت بويى كەدەيشىلىكپەن تۇرمىس كەشىردى. پارتيانىڭ 18 - قۇرىلتايىنان بەرى ساڭيۋان اۋدانى كەدەيلىكتەن ارىلتۋدان قامال الۋ اياق الىسىن جەدەلدەتتى، 2019 - جىلدىڭ سوڭىنا كەلگەندە وسى اۋدانداعى 67 كەدەي قىستاق، 40 مىڭنان استام كەدەي حالىق سانى تۇگەلدەي كەدەيلىكتەن ارىلدى.
كەدەيلىكتەن ارىلتۋدان قامال الۋ بانحۇڭ قىستاعىندا وراسان زور وزگەرىس تۋدىردى: بالشىق جول تازا، رەتتى اسفالت جولعا، ءشوپ كۇركە قىزىل كەرپىش ۇيگە اينالدى، قىستاقتا ساياحات كورىنىس تۇيىندەرى جاڭادان سالىندى، كاسىپ سەلبەستىك كووپەراتيۆى ۇزدىكسىز زورايىپ، قىستاق تۇرعىندارىنىڭ تۇرمىسى دۋمانعا بولەندى. «وسى بىرنەشە جىلدا كوپتەگەن جاستار سىرتقا شىعىپ جۇمىس ىستەپ، اقشا تابۋمەن بىرگە، كوز اياسىن كەڭەيتىپ، ءوزىن - ءوزى دامىتۋ قابىلەتىن جوعارىلاتتى» دەدى ياڭ جىلياڭ.
اۋىل - قىستاق ساياحاتى، ارا باعۋ، اۋىل شارۋاشىلىق ەرەكشە ونىمدەرىن ساتۋ سياقتىلار ارقىلى 2020 - جىلى بانحۇڭ قىستاعى سەلبەستىك كووپەراتيۆىنىڭ جالپى كىرىسى ءبىر ميلليون 250 مىڭ يۋان بولىپ، 296 وتباسىنىڭ كىرىستى ارتتىرۋىنا باستاماشىلىق ەتتى.
مىڭدۇڭ قالاشىعى ماڭباي قىستاعىنا بارساڭىز، كەڭ اۋماقتى الىپ جاتقان شاي اتىزى كوز تارتادى. ەگىنشى تيان اينا ءبىر كۇن قاربالاس جۇمىس ىستەپ بولىپ، شاعىن ەسەپ داپتەرىنە سول كۇنگى قىزمەت مازمۇنىن جازىپ جاتتى. شاي ەگۋ تەحنيكاسىن ۇيرەنگەننەن كەيىن، تيان اينانىڭ جىلدىق كىرىسى 10 مىڭ يۋاننان استام ارتتى.
«قىستاق پەن كاسىپورىننىڭ سەلبەسۋىنىڭ ارقاسىندا ماڭيۇن قىستاعى اۋىر كەدەي قىستاقتان شەكارا بويىنداعى دوڭگەلەك داۋلەتتى قىستاققا اينالىپ، باقىت جولىنا ءتۇستى». قىستاق تۇرعىندار كوميتەتىنىڭ مەڭگەرۋشىسى شياۋ ميڭ تانىستىرىپ بىلاي دەدى: بيلييۋان (يۇننان) شاي سەرىكتەستىگىندەگى پارتيالى جاۋاپتى قىستاققا قايتىپ، پارتيا باس ياچەيكاسىنىڭ شۋجيى بولىپ، قىستاق تۇرعىندارىن باستاپ، «پارتيا قۇرىلىسى + كاسىپورىن + بازا + ەگىنشى وتباسى» تاسىلىمەن توپتىق دامۋ جولىن اشىپ، كاسىپورىن مەن قىستاق تۇرعىندارىن دامۋدىڭ پايداسىنان بىرگە يگىلىكتەندىردى.
شەكارا وڭىردەگى حالىق شەكارا ءوڭىردى بايىتىپ، ورنىقتىردى، اۋا تاۋىنىڭ باقىت جىرى شىرقالىپ بىتپەيدى. بۇل كۇندە ساڭيۋان اۋدانىندا ادام باسىنا تۋرا كەلەتىن ءبىلىم الۋ جىل شەگى 2014 - جىلعى 7.9 جىلدان 2018 - جىلى 9.1 جىلعا جوعارىلادى، بالالار مەكتەپتە ءنارلى تاعام جەدى؛ ساڭيۋان ۋاشان اۋەجايى سالىنىپ بولىپ، ۇشاق قاتىنادى، اۋىل - قىستاق تاس جولىنا قارا ماي، اسفالت توسەۋ شاماسى بۇكىل ولكەنىڭ الدىڭعى لەگىندە ءجۇردى؛ قىستاق - قىستاقتا ەمدەۋ ءۇيى بار، بۇقارانىڭ ەمدەلۋى ەندىگارى قيىن ەمەس...
ساڭيۋان اۋدانىنداعى 10 اۋىل - قالاشىقتىڭ التاۋى شەكارا اۋىل - قالاشىق، 23 شەكارا اكىمشىلىك قىستاق، 96 شەكارا تابيعي قىستاق بار. سول جەردەگى ۋازۋ ۇلتى ەجەلدەن وتاندى ءسۇيىپ، شەكارانى قورعاۋ داڭقتى داستۇرىنە يە.
مىڭدۇڭ قالاشىعى يۇڭحى الەۋمەتتىك اۋماعىنىڭ مەملەكەت قاقپاسى جاڭا قىستاعىنا باردىق، شەكاراداعى وسى قىستاق تاۋعا سۇيەنىپ سالىنعان، تازا دا رەتتى اۋلالاردىڭ ۇلتتىق ەرەكشەلىگى قويۋ، قىستاق تۇرعىندار گرۋپپاسىنىڭ باستىعى باۋ ايباۋ شەكارانى شارلاپ قايتىپ كەلدى. ساڭيۋان اۋدانى شەكارا سىزىعىن پارتيا مۇشەلەرىنە ءبولىپ بەرىپ، ولارعا «شەكارانىڭ تىنىشتىعىن ساقتاۋ» جاۋاپكەرلىگىن ارقالاتىپ، ولاردى شەكارا ءوڭىردى شارلاپ، تەكسەرىپ وتىرۋعا ورنالاستىردى.
2019 - جىلدان بەرى لينساڭ قالاسى يۇننان ولكەسىندە شەكارا بويىنداعى دوڭگەلەك داۋلەتتى قىستاق قۇرىلىسىن الدىمەن ىلگەرىلەتىپ، «نەگىزدىك قۇرىلعى، اۋىل - قىستاق ەكونوميكاسىنىڭ دامۋى، قىستاق دارەجەلى الەۋمەتتىك قىزمەت وتەۋ قۇرىلعىلارى، قونىس ورتاسىن رەتتەۋ - وڭاۋ، شەكارانى گۇلدەندىرىپ، حالىقتى اۋقاتتاندىرۋ» سىندى 5 ءىرى ينجەنەريانى اتقاردى. 2020 - جىلى ساڭيۋان اۋدانىنىڭ شەكارا بويىنداعى دوڭگەلەك داۋلەتتىلىكتەن ۇلگى كورسەتەتىن قىستاقتار قۇرىلىسىنا 28 ميلليون يۋاننان استام قارجى قوسىلدى. «ءبىز شەكارا بويىنداعى قىستاقتاردى دوڭگەلەك داۋلەتتى قىستاق ەتىپ قۇرىپ شىعىپ، ۇرپاقتان - ۇرپاققا جالعاسقان شەكارانى قورعاۋشىلاردىڭ بىرگە اۋقاتتانۋىنا مۇمكىندىك جاساۋىمىز كەرەك» دەدى لينساڭ قالالىق پارتكومنىڭ شۋجيى ياڭ حاۋدۇڭ.
«پارتيا ورتالىق كوميتەتى الاڭسىز بولسىن، باس شۋجي الاڭسىز بولسىن، ءبىز، ءسوز جوق، شەكارا ءوڭىردى ويداعىداي قورعايمىز» دەدى ياڭ جىلياڭ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
