جىلۋ اقشانى قايتارۋدىڭ استارىنداعى ءۇنسىز سۇيىسپەنشىلىكتى ىزدەۋ
تەك تۇنگى اسپان بولادى ەكەن، ول دا جۇلدىزداي جارقىراۋعا پەيىل بولدى
□ انار بۇلت / شينجياڭ گازەتىنىڭ تىلشىلەرى ۋاڭ جيڭجيڭ، رىن جياڭ
2021.08.23 17:18 كەلۋ قاينارى : شينجياڭ گازەتى
2 جىلدان استام ۋاقىتتىڭ الدىندا 3565 ىزگى نيەتتى جان ينتەرنەتتە اقشا قۇراپ، حال ۇستىندە جاتقان وعان جىلۋ اتاپ كومەكتەستى.
وسىدان كەيىنگى 800 نەشە كۇندە سالماقتى تۇردەگى بۇلشىق ەت السىرەۋ اۋرۋىنا شالدىققان حوتاندىق بويجەتكەن مياۋ يانيان باستان - اياق ءبىر سەنىمدە بەرىك تۇردى: ”مەن قيىنشىلىققا ۇشىراعاندا 3000نان استام ادام ماعان كومەك قولىن سوزدى؛ مەن قيىن وتكەلدەن ءوتىپ، قۇلشىنا ءجۇرىپ جەتكىلىكتى اقشا جيناعاننان كەيىن، ارينە، قايتارۋىم كەرەك ءارى، ءسوز جوق، قايتارۋىم كەرەك“.
8 - ايدىڭ 9 - كۇنى ول جيناعان 126482 يۋان اقشانى جالپىلىق قارجى جيناۋ ەسەپ نومىرىنە سالىپ، وسى اقشانى تۇگەل ىزگى نيەتتى جاندارعا قايتارۋدى ءوتىنىش ەتتى. ”اقشانى قايتارعانىممەن، ماعان جىلۋ اتاعان 3565 ادامنىڭ جانە مەنىڭ اۋرۋ جاعدايىمدى باسقالارعا حابارلاپ تاراتقان 1366 ادامنىڭ قامقورلىعىن مەن ماڭگى قايتارىپ بولا المايمىن. مەيىر - ماحاببات ءبىر ءتۇرلى كۇش، مەن ونى جالعاستىرا بەرەمىن“، - دەپ لەبىز قالدىردى مياۋ يانيان.
مياۋ يانيان ناۋقاس سەبەبىنەن دىبىستاۋ قابىلەتىنەن ايرىلعان، بۇل رەتكى تىلشىلىك ۋيچاتتا جازباشا تىلدەسۋ ءتاسىلى ارقىلى ءجۇرىلدى. 10 نەشە ساعاتتىق ءۇنسىز پىكىرلەسۋدە ول تاباندى تۇردە ىقشام دا تارتىمدى سوزىمەن ءوزىنىڭ دارقان دا جارقىن جان دۇنيەسىن جاريا ەتتى.
”ءتىرى بولسام امال تابىلادى“
”قايتارىلعان 1000 يۋان اقشانى تاپسىرىپ العانىمدا مەن يانياننىڭ، ءسوز جوق، بارعان سايىن ساۋىعىپ كەلە جاتقاندىعىن بىلە قويدىم“، - دەدى جىلۋ اتاۋشىلاردىڭ ءبىرى، شينجياڭ ەرەكشە ونىمدەرىن ساتۋشى ساۋداگەر شۇي ساي.
4 جىلدىڭ الدىندا شۇي ساي شينجياڭ اۋىل شارۋاشىلىق ونىمدەرىن ساتۋ ۋيچات توبىندا شينجياڭ ءوندىرىس - قۇرىلىس بيڭتۋانى 14 - شى 224 - تۋانىنىڭ قىزمەتكەرى مياۋ يانيانمەن تانىسادى. بىرنەشە رەتكى سەلبەستىكتەن كەيىن ول مياۋ يانياننىڭ ەجەلدەن تەلەفون شالمايتىندىعىن، ۋيچاتتا جازباشا تىلدەسەتىندىگىن بايقايدى. ”ونىڭ ناۋقاس سەبەبىنەن سويلەي المايتىندىعىن كەيىن ءبىلدىم. ءبىراق ول مىنەزى جايدارى، توتەنشە قايسار، كوكىرەگى وياۋ جان ەكەن“.
ورتالاۋعا شىققاندا مياۋ يانيان ءوزىنىڭ ءبىر نارسەگە قاراسا قاباتتاسىپ كورىنەتىندىگىن، ءبىر كوزىن قالقالاعاندا عانا دوسكاداعى جازۋدى انىق كورە الاتىندىعىن بايقايدى. ءبىراق، ورتالاۋدىڭ 3 جىلىندا ول ءمورالدا دا، وقۋدا دا ۇزدىك بولىپ، بيڭتۋان ”ۇشتە جاقسى وقۋشىسى“ سياقتى داڭق اتاقتارىنا يە بولادى. 2008 - جىلى ول حۋاشان ورتا مەكتەبىنىڭ حۇڭجى كلاسىنا قابىلدانادى، ءبىر اي عانا وقىپ ناۋقاسى اۋىرلاعاندىعى سەبەپتى وقۋدان شەگىنەدى، وسىدان سوڭ سالماقتى تۇردەگى بۇلشىق ەت السىرەۋ اۋرۋىنا شالدىققاندىعى انىقتالادى.
”نەءۇشىن مەن اۋىردىم؟ مەن اۋىرسام بولماي ما ەكەن؟ ازاپ ەشكىمنىڭ باسىنا تۇسپەۋى كەرەك“. ناۋقاستانعان كەزىن مياۋ يانيان تىنىش كوڭىلمەن ەسكە الدى. ەكىنشى جىلى تۋان - الاڭ ورتا مەكتەبىنە ورالىپ وقۋعا تۇسكەن ول دىبىس جەلبەزەگىنىڭ جابىلۋى قيىن بولۋ سەبەبىنەن بىرتە - بىرتە سويلەۋى قيىنعا ءتۇسىپ، وقۋدان قول ءۇزىپ ناۋقاسىن ەمدەتەدى.
وسىدان كەيىن ونىڭ دەنساۋلىق جاعدايى بارعان سايىن ناشارلايدى. ونىڭ بويىنىڭ بيىكتىگى 1.65 مەتر، دەنە سالماعى 40 كيلوگرامعا دا جەتپەيدى، سويلەي المايدى، ناۋقاسى اۋىرلاعان كەزدە وتىرعان ورنىنان تۇرا الماي قالادى، شىلىم ءيىسى مۇرنىنا كەلدى بولدى تىنىس جولىن تىتىركەندىرىپ، قاتەرلى جاعدايعا دۋشار ەتەدى؛ تىنىس الۋ قيىنداسقاندا دەم الا الماي، جاتىپ ۇيىقتاۋعا امالسىز قالعان ول ءتۇنى بويى كوز ىلمەي تاڭ اتىرادى؛ ۇزاق ۋاقىت جوتەلۋدەن دارمەنسىزدەنىپ بۇگىلىپ وتىرىپ قالادى؛ تاماق ىشكەندە سۋدىڭ كومەگىمەن تاماقتى جۇتىپ، ۇنەمى قاقالىپ تىنىس الا الماي بەتى قىپ - قىزىل بولىپ كەتەدى.
ومىردە تەك تۇنگى اسپان بولادى ەكەن، جۇلدىزداي جارقىراۋعا پەيىلمىن.
”يانيان وتە اقىلدى، ناۋقاسقا شالدىققاندا ۇنەمى ءوزىنىڭ ەشتەڭە ەتپەيتىندىگىن ايتىپ ءبىزدى جۇباتادى؛ جايسىزدانعان كەزىندە توزە بىلەدى، الاڭداماسىن دەپ بىزگە ءتىس جارىپ ەشتەڭە ايتپايدى“، - دەدى مياۋ يانياننىڭ شەشەسى ليۋ چۇنليڭ.
مياۋ يانيان سىناق رەتىندە ينتەرنەت دۇكەنىن اشا باستادى، ”مەنىڭ ناۋقاسىما قىرۋار اقشا جۇمسالدى، اقشا تاۋىپ اكە - شەشەمنىڭ اۋىرتپالىعىن جەڭىلدەتكىم كەلدى“.
2014 - جىلى مياۋ يانيان QQ كەڭىستىگىندە ءوز ءۇيىنىڭ شىلانىن ساتادى. ونىڭ ءۇيى ليان - دۇيدە، زات سالۋ ءۇشىن 10 كيلومەتر قاشىقتاعى تۋان شتابىنا بارۋعا تۋرا كەلەدى، وسىعان بولا ول موتوتسيكل جۇرگىزۋدى ۇيرەنەدى. ءار جولى زات سالعاندا ول شىلاننىڭ ەڭ جاقسىلارىن تاڭدايدى ءارى ىرىقتى تۇردە زاتتى تاپسىرىپ العان سوڭ اقشا تولەۋدى تالاپ ەتەدى. بىرتە - بىرتە ەل اۋزىنا ءىلىنىپ، ءبىرتالاي قاريدار جينايدى.
سول جىلى مياۋ يانيان وتباسىنىڭ شىلان ساتۋداعى قيىن ماسەلەسىن شەشىپ قانا قويماي، 30 مىڭ يۋاننان استام اقشا تابادى. سول بىرنەشە جىلدا ينتەرنەت دۇكەنىنىڭ كىرىسى وتباسىنىڭ تىرەگىنە اينالادى، سويلەي الماعانىمەن ءبىراق ونىڭ جۇزىندە جايدارى كۇلكى كوبەيدى.
مياۋ يانيان ءتىلشىنىڭ ۋيچاتىنا بىلاي دەپ لەبىز قالدىرىپتى: ”16 جىل ناۋقاستانعانىمدا 5 رەت اجال اۋزىنا بارىپ قايتتىم. وسى ءومىر بەلەسىندە مەن باستان كەشىرۋشىمىن ءارى سىرتتاي قاراپ تۇرۋشىمىن، ءتىرى بولسام امال تابىلادى“.
”ماعان سۇيەنىپ تىنىستاپ قالدى“
شۇي ساي مياۋ يانياننىڭ سەلبەسكەن سەرىگى، سونداي - اق ارالارىنان قىل وتپەيتىن جاقسى دوسى، ”ول جارقىن - جايدارى، ءوزىنىڭ ونىمدەرىنە جوعارى تالاپ قويادى، مۇنىڭ ءبارى ادامدى ءتانتى ەتەدى“.
ءبىر جىلى حوتان جاڭبىرلى بولدى دا، شىلاننىڭ ساپاسىنا ەرەكشە اسەر تيگىزدى، مياۋ يانيان ولشەمدى تيتتەي دە تومەندەتكىسى كەلمەي، ءوز ءۇيىنىڭ 5 توننا شىلانىن قايتا - قايتا 4 رەت سۇرىپتاپ، ءبىر تونناسىن عانا تاڭداپ الادى. اكەسى بۇعان قاتتى اشۋ شاقىرادى، ءبىراق، العان بەتىنەن قايتپايتىن ول شىلاندى سۇرىپتاۋ ولشەمىن تيتتەي دە تومەندەتپەيدى.
سۇراۋ سۇراعاندارعا مەيلى قاي ۋاقىتتا بولسىن ول دەرەۋ جاۋاپ قايتارادى. ءتىل ارقىلى سويلەسە الماعانىمەن، ساپالى اۋىل شارۋاشىلىق ونىمدەرى مەن جۇيەلى قىزمەت وتەۋى ارقىلى ول توپ - توپ قايتا ورالعان الارمانداردى باۋرادى.
” ءبىر جىلدان كەيىن، مەن 120 مىڭ يۋان اقشا تاپتىم، سول شاقتا مەن اقشانى قايتارماق بولعانىمدا، ۇيىمدەگىلەر مۇنىمدى تۇسىنە المادى“. مياۋ يانياننىڭ ءوز ويى بار ەدى.
”اقشانى قايتارعاننان كەيىن، وقىستان اۋىرىپ قالساڭ، قايسى اقشامىزبەن قۇتقارامىز؟“اكە - شەشەسىنىڭ ۋايىمدايتىن دا ءجونى بار.
جالعاستى تۇردە اقشامدى جينايمىن! مياۋ يانيان ەمدەلۋگە جەتەرلىك اقشا تاۋىپ، اكە - شەشەسىن الاڭسىز ەتۋگە بەكيدى.
ءبىر جولى، اكەسى وعان قالجىڭداپ: ”سەن قازىر قوجايىن بولدىڭ، مۇنان كەيىن شەشەڭ ەكەۋىمىزگە اقشا كەرەك بولسا سەنەن سۇرايمىز“، - دەيدى.
”مەن بۇعان ەرەكشە قۋاندىم، ەشقاشان وزىمە مۇنداي رازى بولىپ كورگەن ەمەسپىن. اكە - شەشەم مەنىڭ ناۋقاسىم ءۇشىن ۇزاق ۋاقىت ازاپ تارتتى، ەندى ماعان سۇيەنىپ تىنىستاپ قالاتىن بولدى“، - دەدى مياۋ يانيان.
”ول، بەينە، ءبىر الاۋ سياقتى“
بيىل 6 - ايدا مياۋ يانياننىڭ ناۋقاسى اۋىرلاپ، اكەسىمەن بىرگە گۇيياڭعا بارىپ ەمدەلەدى. ونىڭ اكەسىن ەرتىپ الۋى ونىڭ وزىنە قارايلاسۋىنا مۇقتاج بولۋمەن بىرگە، اكەسىنىڭ باۋىر قاتۋ سىرقاتىن ەمدەتۋ ءۇشىن دە بولاتىن. شيپاحانادا جاتقان كەزدە ول تاعى ينتەرنەتتەن شەشەسىنە بىرنەشە پار جازدىق جاڭا كيىم ساتىپ الىپ بەرەدى.
مياۋ يانياننىڭ جاۋاپتى شيپاگەرى، گۇيجوۋ جۇڭگوشا شيپاگەرلىك - دارىگەرلىك داشۋەسىنە قاراستى 2 - شيپاحانانىڭ نەرۆ ىشكى اۋرۋلار ءبولىمىنىڭ مەڭگەرۋشىسى كۋاڭ شىشياڭ وسى شينجياڭدىق بويجەتكەندى تىلگە العاندا، ”ول سويلەي الماعانىمەن قول تەلەفونعا جازۋ جازىپ، ناۋقاستار بولمەسىندەگى ناۋقاستاردى شابىتتاندىرادى“ دەپ القاي بەردى.
نەرۆ ىشكى اۋرۋلار بولىمىندە سالماقتى تۇردەگى بۇلشىق ەت السىرەۋ ناۋقاسىنا شالدىققان ناۋقاستاردى ەمدەيتىن ارناۋلى ناۋقاستار بولمەسى بار. مياۋ يانيان شيپاحاناعا جاتۋدان ىلگەرى، كوڭىل كۇيى جابىرقاڭقى بولاتىن. مياۋ يانيان ۇنەمى ۋيچات ارقىلى ناۋقاس سەرىكتەرىنە بۇرىنعى حال ۇستىندە قالعان ساتتەرىن بايانداپ، كۇرەس جاساۋ ارقىلى تاپقان سەنىمى مەن قۋانىشىن ءبولىسىپ، ”كىسىلىك دارالىعىڭ بولعاندا عانا تىرشىلىكتىڭ جاسىرىن كۇش - قۋاتىن، پاراساتى مەن سۇيىسپەنشىلىگىن سەزىنىپ، جارىققا شىعارىپ، ءومىردىڭ قۇنىن جۇزەگە اسىرۋعا بولادى“، - دەيدى.
”يانيان ۋيچاتتا ادامدارمەن سويلەسكەندى جاقسى كورەدى، جازۋ - سىزۋ نەگىزى ەرەكشە جاقسى. كەيبىرەۋلەر ونان ينتەرنەت ساۋداسىن جاساۋدى ۇيرەنبەكشى بولعاندا ول ۇستىندە ۇيرەتتى. ناۋقاستاردىڭ رۋحاني كۇيى دە كوتەرىلىپ، ەمدەۋ ناتيجەسى دە جاقساردى“، - دەيدى كۋاڭ شىشياڭ.
ەمدەلۋ ارقىلى دەنساۋلىق جاعدايى جاقسارا باستادى، تۇرمىستا ءوزىن - ءوزى باسقارا الاتىن بولادى، مياۋ يانيان ەندىگارى كۇتىپ تۇرعىسى كەلمەي وزدىگىنەن اقشانى قايتارىپ بەرۋدى ءوتىنىش ەتەدى. شۇيدي سەرىكتەستىگى دە ونىڭ بارلىق جىلۋ بەرگەن ادامداردىڭ اقشاسىن قايتارىپ بەرۋىنە ىرىقتىلىقپەن كومەكتەسەدى.
”بۇل بالا ءالى دە تولىق ساۋىعىپ كەتكەنى جوق، قازىرگە دەيىن سىرتتا ەمدەلىپ جۇرسە دە ءبىزدىڭ اقشامىزدى قايتارىپ بەردى. جاقسى ادامعا جاقسىلىق بار دەگەن، يانياننىڭ تەزىرەك ساۋىعىپ كەتۋىن تىلەيمىز“، ”مۇنداي ادام كوپشىلىكتىڭ اقشا قۇراپ كومەكتەسۋىن ناعىز قاجەت ەتەدى“، ”جۇرەگىندە بەكىمى بار، مۇشكىل حالدە قايسارلىق كورسەتە الدى، وڭاي ەمەس“...
قايتارىلعان اقشانى تاپسىرىپ العان ىزگى نيەتتى ادامدار مەن وسى ىستەن حابارلى ينتەرنەت قولدانۋشىلار وسى كەرەمەت بويجەتكەندى جابال القادى.
شىنىندا، وسى جىلدارى مياۋ يانيان باسقارلارعا كومەكتەسۋدى توقتاتقان ەمەس. ”ينتەرنەتتەن كومەك سۇراعان ينفورماتسيا كورسەم بولعانى مەن بارىنە جىلۋ بەرەمىن. مەن سۇيىسپەنشىلىكتىڭ بار ەكەنىنە سەنەمىن، سۇيىسپەنشىلىكتى تاراتامىن، سۇيىسپەنشىلىك بەرەمىن“. ونىڭ جىلۋ اتاۋ ەستەلىكتەرىن پاراقتاعانىمىزدا، ەل ىشىندەگى كوپتەگەن الەۋمەتتىك يگىلىكتى اقشا قۇراۋ تەكشەلەرىندە ول 90نان استام وتباسىنا كومەكتەسىپ، 8000 يۋاننان استام جىلۋ اقشا بەرىپتى.
8 - ايدىڭ 20 - كۇنى گۇيياڭداعى ەمدەلۋى اياقتالعاننان كەيىن، مياۋ يانيان اكەسىمەن بىرگە چىڭدۋعا بارىپ، ءومىرىنىڭ جاڭا ساپارىن باستادى. ”مەن جول اشىپ، ءۇيىمنىڭ، ناۋقاس سەرىكتەرىمنىڭ نۇر - ساۋلەسى مەن ۇمىتىنە اينالۋ ءۇشىن، ءبىراز قارىز اقشا الىپ شارۋاشىلىق قۇردىم“.
چۇڭچيڭدىق ناۋقاس سەرىگى گان لۋ دا قازىر چىڭدۋعا بارماقشى، ول مياۋ يانياننىڭ شارۋاشىلىق قۇرۋ جولىنداعى تۇڭعىش سەرىگى. ”ەڭبەكاقى المايمىن، ءوزىم كومپيۋتەر الا بارىپ، يانيانمەن بىرگە شارۋاشىلىق قۇرامىن. ءبىز 2018 - جىلى ناۋقاس سەرىكتەر باس قوسۋىندا تانىسىپ جارتى اي بويى بىرگە تاماقتانىپ، بىرگە تۇردىق. ول، بەينە، ءبىر الاۋ سياقتى، ول قايدا جۇرسە دە جانىنداعى ادامدارعا ساۋلەسىن تۇسىرەدى“.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
