جۇڭگو تەڭىز ساقشىلارى تەڭىز ارقىلى تەمەكى اتكەزشىلىك ەتۋگە قاتىستى ەرەكشە ءىرى قىلمىستىق توپتى تالقاندادى
دەلوعا ساياتىن سوما ميلليارد يۋان
2021.08.23 15:57 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى ليۋ شين پان شۋجيە 8 – ايدىڭ 21 – كۇنى بەيجيڭنەن حابارلايدى. ءتىلشىنىڭ جۇڭگو تەڭىز ساقشىلارى مەكەمەسىنەن ۇعىسۋىنشا، جۋىردا تەڭىز ساقشىلارى مەكەمەسى قاتىستى تاراۋلارمەن بىرلەسە وتىرىپ، تەڭىز ارقىلى تەمەكى اتكەزشىلىك ەتۋگە قاتىستى ەرەكشە ءىرى قىلمىستىق توپتى تالقانداپ، ناق مايداندا اتكەزشىلىككە پايدالانعان 3 كەمەنى قولعا ءتۇسىرىپ، قىلمىس كۇماندىلارىنان 19 ادامدى تۇتقىنداعان، تەمەكى، اق اراق قاتارلى اتكەزشىلىك ەتىلگەن زاتتاردىڭ قۇنى ميلليارد يۋاننان اسقان، بۇل جۋىردان بەرى جەكە دەلو بارىسىندا انىقتالعان اتكەزشىلىك ەتكەن تەمەكى مولشەرى مەن دەلوعا قاتىستى سوما مولشەرى ەڭ كوپ بولعان ءبىر رەتكى اتكەزشىلىك دەلوسى.
الدىڭعى مەرزىمدە مەڭگەرگەن اقپار ءجىپ ۇشتارىنا قاراعاندا، 4 – ايدىڭ اياق شەنىندە، جۇڭگو تەڭىز ساقشىلارى مەكەمەسى يۇيشان، ليۋحىڭ، يۇيحۋان جانە حۋيۇي سوعىس كەمەلەرىنەن ۇيىمداسقان ەكى ارەكەت قوسىنىن بەلگىلى تەڭىز الابىنا بارىپ ارناۋلى زاڭ اتقارۋ ارەكەتىن ورىستەتۋگە جىبەرگەن، بۇل ارەكەت قوسىندارى مەجەلى جەرگە جەتكەن سوڭ دەرەۋ كۇماندى كەمەلەرگە ءتىنتۋ – ىزدەۋ جۇرگىزگەن. 4 – ايدىڭ 26 – كۇنى ساعات 17 اينالاسىندا، تەڭىز ارميا ساقشى مەكەمەسىنىڭ يۇيشان، يۇيحۋان سوعىس كەمەلەرىنەن ۇيىمداسقان قوسىن ءبىرىنشى كۇماندى كەمەنى بايقاعان ءارى قارسى جاققا ۇندەۋ تاستاعان، الايدا، اتالعان كۇماندى كەمەدەگىلەر كەمەنى توقتاتقاندى قويىپ، كەمە قارقىنىن ونان ارى تەزدەتىپ، قاشىپ كەتپەك بولعان، ەلىمىزدىڭ تەڭىز ساقشىلارى سوعىس كەمەلەرى ولاردى دەرەۋ وكشەلەي قۋعان ءارى تەز ارادا كۇماندى كەمەنى مەڭگەرۋىنە العان. سونىمەن بىرگە، تەڭىز ساقشىلارى مەكەمەسىنىڭ ليۋحىڭ، حۋيۇي سوعىس كەمەلەرى قوسىنى دا تاعى 2 كۇماندى كەمەنى بايقاپ، ۇرىمتال ورىندى يەلەگەن سوڭ، تەڭىز جولىن باسقارۋ، بىرگە قورشاپ توقتاتۋ قاتارلى تاكتيكالىق تاسىلدەردى قولدانىپ، سوڭىندا ەكى كۇماندى كەمەنى دە ءساتتى مەڭگەرۋگە العان.
قازىر بۇل دەلو ىشكەرىلەي تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
