ۋاڭ ياڭ ورتالىق ۋاكىلدەر ۇيىرمەسىن باستاپ ناچۇيعا بارىپ، ءار ۇلت، ءار سالا كادر - بۇقاراسىمەن امانداستى جانە ولاردان حال سۇرادى
2021.08.23 17:18 كەلۋ قاينارى : حالىق تورابى
«حالىق گازەتى»، 8 - ايدىڭ 20 – كۇنى، شيزاڭ ناچۇي قالاسى (ءتىلشى لي چاڭيۇي). شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شىنايى قامقورلىعى مەن بۇكىل ەل حالقىنىڭ تەرەڭ سۇيىسپەنشىلىگىن، تىلەگىن ارقالاعان ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى ۋاڭ ياڭ 8 - ايدىڭ 20 - كۇنى ورتالىق ۋاكىلدەر ۇيىرمەسىنىڭ ءبىر ءبولىم مۇشەلەرىن باستاپ ناچۇي قالاسىنا بارىپ، ناچۇي قالاسىنداعى ءار ۇلت، ءار سالا كادر - بۇقاراسىمەن امانداستى جانە ولاردان حال سۇرادى.
8 - ايدىڭ 20 - كۇنى تاڭەرتەڭ ۋاڭ ياڭ جانە ونىڭ ساپارلاستارى پويەزبەن ناچۇي قالاسىنا باردى. پويەزدان تۇسە سالا ورتالىق ۋاكىلدەر ۇيىرمەسى اۆتوكولىكپەن سەني رايونى گاردى ەكولوگيالىق مال شارۋاشىلىق كاسىبىنەن ۇلگى كورسەتۋ بازاسىنا باردى. ۋاڭ ياڭ جىلىجايعا كىرىپ، بازاداعى زەردەلى ءشوپ ەگۋ، قوداستىڭ ءسۇت ونىمدەرىن ءداستۇرلى مانەرلەۋ سياقتى جاعدايلاردى ەگجەي - تەگجەيلى ۇعىسىپ، بازانىڭ ەگىنشى - مالشىلاردى جۇمىسقا ورنالاسۋعا جەتەكتەۋ، جەرگىلىكتى بۇقارانىڭ كىرىسىن ارتتىرۋدى جەبەۋ ءادىسىن تۇراقتاندىردى.
ناچۇيدەگى مەزگىلدە ۋاڭ ياڭ قاتارلىلار ناچۇي قالاسىنىڭ باسشىلىق القاسىنىڭ مۇشەلەرىمەن جانە ءار ۇلت، ءار سالا ۋاكىلدەرىمەن كەزدەسىپ، كوپشىلىكپەن بىرگە سۋرەتكە ءتۇسىپ ەستەلىك قالدىردى، سونداي - اق ناچۇي قالاسىنا باس شۋجي شي جينپيڭ «كورىكتى، باقىتتى شيزاڭ قۇرىپ، ۇلى گۇلدەنۋ ارمانىن جۇزەگە اسىرايىق» دەپ ارناۋ ءسوز جازعان قۇتتىقتاۋ تاقتاسىن ۇسىنىپ، شي جينپيڭ جولداستى ۇيىتقى ەتكەن پارتيا ورتالىق كوميتەتى اتىنان كوپشىلىككە ىقىلاستى سالەم جولدادى.
ۋاڭ ياڭ شيزاڭ بەيبىت جولمەن ازات بولعان 70 جىلدان بەرى ناچۇيدە تۋىلعان جەر - كوكتى ءدۇر سىلكىندىرگەن وزگەرىستەردى تۇراقتاندىرىپ، ناچۇيدىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، باس شۋجي شي جينپيڭنىڭ ورتالىقتىڭ شيزاڭ قىزمەتى جونىندەگى 7 - رەتكى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جانە شيزاڭدا قىزمەت تەكسەرگەندە سويلەگەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ءتۇسىنىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا ناچۇي قۇرۋعا قۇلشىنۋىن ءۇمىت ەتتى.
ۋاڭ ياڭ سەني رايونى لوما قالاشىعى كايما قىستاعىندا نەگىزگى ساتى پارتيا ۇيىمى قۇرىلىسىنىڭ قىزمەت جاعدايىن كوزدەن كەشىردى. ول مىنالاردى اتاپ كورسەتتى: ورتالىقتىڭ حالىققا تيىمدىلىك جاساۋ ساياساتىن ناقتى تياناقتاندىرۋ قالىڭ نەگىزگى ساتى كادرلارىنىڭ ەڭبەگىنەن ايرىلا المايدى، كوپشىلىكتىڭ ۇزدىكسىز قۇلشىنىپ، اتا مەكەندەرىن ءتىپتى دە كوركەم ەتىپ قۇرىپ شىعۋىن ءۇمىت ەتەمىن. ۋاڭ ياڭ مالشى پۋسىرىننىڭ ۇيىنە بارىپ، ورتالىق ۋاكىلدەر ۇيىرمەسى ۇسىنعان ەستەلىك بۇيىمدى كوردى. ولاردىڭ ىرگەدە جۇمىستانىپ، باقىتتى تۇرمىس كەشىرىپ وتىرعانىن ەستىگەن ۋاڭ ياڭ قاباعات قۋانىپ، ولاردى ەڭبەكشىل قوس قولدارىمەن اناعۇرلىم تاماشا تۇرمىس جاراتۋعا شابىتتاندىردى.
سەني رايونىنداعى حاڭجيا ورتا مەكتەبى 2017 - جىلى سالىنعان، جىجياڭ ولكەسىنىڭ «13 - بەسجىلدىق» كەزىندەگى شيزاڭعا كومەكتەسۋ جوباسىنداعى ەڭ ۇلكەن بولەك نىسان، قازىر مەكتەپتە 2 مىڭنان استام وقۋشى بار، جاڭا وقۋ ماۋسىمى باستالعان. ۋاڭ ياڭ وسى اراعا كەلىپ، وقۋ - اعارتۋ ارقىلى شيزاڭعا كومەكتەسۋ قىزمەتىنىڭ جاعدايىن ەگجەي - تەگجەيلى ۇعىستى، شيزاڭنىڭ وقۋ - اعارتۋ دەڭگەيىن ۇزدىكسىز جوعارىلاتىپ، ءتىپتى دە كوپ بالانىڭ دارىندى بولىپ ەرجەتۋىنە مۇمكىندىك جاساۋدى ءۇمىت ەتتى.
ناچۇي قالالىق حالىق شيپاحاناسى تاياۋ جىلداردان بەرى لياۋنيڭ ولكەسى تاڭداپ جىبەرگەن 5 توپتاعى «ۇيىرمە فورماسىنداعى» ەمدەۋ جاعىنان شيزاڭعا كومەك بەرۋشىلەردى قارسى الدى، شيپاحانانىڭ جالپىلىق قىزمەت وتەۋ، قامتاماسىز ەتۋ قۋاتى كورنەكتى جوعارىلادى. ۋاڭ ياڭ شيپاحانانىڭ ءۇستىرت شيپاگەرلىگىن زەرتتەۋ ورتالىعىنا بارىپ، شيپاحانانىڭ نەگىزگى جاعدايىن جانە شيزاڭعا كومەكتەسۋ قىزمەتىنىڭ اياق الىسىن ەگجەي - تەگجەيلى ۇعىسىپ، شيزاڭعا كومەككە كەلگەن ەمدەۋ قىزمەتكەرلەرىنىڭ شيزاڭنىڭ ەمدەۋ، دەنساۋلىق ساقتاۋ ىستەرىنە قوسقان ۇلەسىن تولىق تۇراقتاندىرىپ، ولاردى ۇزدىكسىز ارەكەت ارقىلى شيپاگەرلەردىڭ مەيىر - شاپاعاتىن ايگىلەپ، ءۇستىرت حالقىنا سالاماتتىق جاعىنان ءتىپتى دە زور باقىت سيلاۋعا شابىتتاندىردى.
ۋاڭ ياڭ تاعى ناچۇي قالاسىنىڭ تەڭىز دەڭگەيىنەن بيىك جەردە عىلىم – تەحنيكاعا سۇيەنىپ اعاش ەگۋ اياق الىسىن كوزدەن كەشىرىپ، بەيجيڭ - شيزاڭ مەملەكەتتىك جوعارى قارقىندى تاس جولىنىڭ ناچۇي - ياڭباجيڭ بولىگىندە اۆتوكولىك قاتىناۋ سالتىنا قاتىناستى ءارى تاس جولدا اۆتوكولىك قاتىناعانىن جاريالادى.
ورتالىق ۋاكىلدەر ۇيىرمەسى باستىعىنىڭ ورىنباسارلارى جاڭ چيڭلي، مياۋ حۋا جانە ورتالىق ۋاكىلدەر ۇيىرمەسىنىڭ ءبىر ءبولىم مۇشەلەرى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
