شي جينپيڭ تاجىكستاننىڭ زۇڭتۇڭى راحمونمەن تەلەفوندا سويلەستى
2021.09.08 16:42 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 7 - كۇنى تاجىكستاننىڭ زۇڭتۇڭى راحمونمەن تەلەفوندا سويلەستى.
شي جينپيڭ تاجىكستاننىڭ تاۋەلسىزدىك العانىنىڭ 30 جىلدىعىن قۇتتىقتادى. شي جينپيڭ مىنالاردى اتاپ كورسەتتى: قازىر جۇڭگو - تاجىكستان قاتىناسى تاريحتاعى ەڭ جوعارى دەڭگەيدە تۇر. ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، جوعارى دەڭگەيلى ستراتەگيالىق ءوزارا سەنىمدىلىكتى ايگىلەپ، جاڭا تيپتى ايدارشا ۆيرۋس وكپە قابىنۋىنا قارسى اتتانۋ جاعىندا تىعىز سەلبەستىك ورىستەتىپ، ءبىر جاعادان باس، ءبىر جەڭنەن قول شىعاراتىن كورشىلەر دوستىعىن ايگىلەدى، ەكى ەل ءبىر - بىرىنە ارقا سۇيەيتىن قۇرىشتاي بەرىك دوستىق سۇيىسپەنشىلىگى بار سەرىكتەرگە اينالدى. كەلەر جىلى جۇڭگو مەن تاجىكستان ديپلوماتيالىق قاتىناس ورناتۋدىڭ 30 جىلدىعىن قارسى الادى. جۇڭگو تاجىكستانمەن بىرگە قۇلشىنىپ، باي مازمۇندى دامۋ ورتاق تۇلعاسىن قالىپتاستىرىپ، مىزعىماس حاۋىپسىزدىك ورتاق تۇلعاسىن قۇرىپ، ەكى ەلدىڭ ورتاق مۇددەسىن قورعاپ، ءوڭىردىڭ بەيبىتشىلىگى مەن دامۋىن جەبەۋدى قالايدى.
شي جينپيڭ بىلاي دەپ دارىپتەدى: ەكى جاق «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ۇزدىكسىز نەگىزگى جەلى ەتىپ، ەكونوميكا - ساۋدا، ۇلاستىرۋ - تۇتاستىرۋ، سيفرلى ەكونوميكا سياقتى سالالارداعى سەلبەستىكتى ىلگەرىلەتۋى كەرەك. جۇڭگو جۇڭگو كاسىپورىندارىن تاجىكستانعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرادى، تاجىكستان جاقتىڭ جاسىل، ساپالى اۋىل شارۋاشىلىق ونىمدەرىن يمپورت ەتۋدى كەڭەيتۋدى قالايدى. ەكى جاق شەكارا وتكەلدەرىنىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، جۇڭگو - تاجىكستان جۇك تاسىمالىنىڭ كۇرە تامىرىنىڭ ءونىمدى، ىركىلىسسىز بولۋىنا كەپىلدىك ەتۋى كەرەك. جۇڭگو تاجىكستاننىڭ ىندەتكە قارسى اتتانۋىن ۇزدىكسىز قولداپ، ەكى ەلدىڭ ەمدەۋ، مەديتسينا سالاسىنداعى سەلبەستىگىن تەرەڭدەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو تاجىكستان جاقتىڭ شاڭحاي سەلبەستىك ۇيىمىنىڭ كەزەكتى ءتوراعا ەلى بولعاننان بەرى ورىستەتكەن قىزمەتتەرىن جوعارى باعالايدى، تاجىكستان جاقتىڭ ءتوراعا ەل مىندەتىن وتەپ، شاڭحاي سەلبەستىك ۇيىمىنىڭ 20 جىلدىعىن ەسكە ءتۇسىرۋ باسشىلار ءماجىلىسىن ويداعىداي وتكىزۋىن بار كۇشپەن قولدايدى، سونداي - اق وسىنى وراي ەتىپ، مۇشە ەلدەردىڭ ىنتىماعىن، ءوزارا سەنىمدىلىگىن ارتتىرىپ، حاۋىپسىزدىك پەن ناقتى سەلبەستىكتى تەرەڭدەتىپ، شاڭحاي سەلبەستىك ۇيىمىنىڭ جاڭا باستامادا اناعۇرلىم زور دامۋعا قول جەتكىزۋىن ىلگەرىلەتەدى.
راحمون مىنانى ءبىلدىردى: تاجىكستان مەن جۇڭگو − جان - جاقتى ستراتەگيالىق سەرىكتەر، ەكى ەلدىڭ ءار سالاداعى قاتىناسى ءۇرتىس، ورنىقتى دامىدى. تاجىكستان ۇلى دوس جۇڭگونىڭ ۇزاق ۋاقىتتان بەرى تاجىكستانعا قالتقىسىز، شىنايى كومەك كورسەتكەنىنە العىس ايتادى، اسىرەسە، جۇڭگو جاقتىڭ جاڭا تيپتى ايدارشا ۆيرۋس وكپە قابىنۋى ۆاكسيناسىمەن دەر كەزىندە قامداپ كومەكتەسۋى تاجىكستاننىڭ ىندەتپەن كۇرەسۋىنە پارمەندى قولداۋ بولدى. تاجىكستان جۇڭگومەن بىرگە قۇلشىنىپ، ەكونوميكا - ساۋدا، حاۋىپسىزدىك، گۋمانيتارلىق سالالارداعى سەلبەستىكتى ۇزدىكسىز تەرەڭدەتىپ، تاجىكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنا تىڭ مازمۇن قوسۋدى قالايدى. جۇڭگو جاقتىڭ تاجىكستان جاقتىڭ شاڭحاي سەلبەستىك ۇيىمىنا ءتوراعا ەل بولۋ مىندەتىن اتقارۋىن زور كۇشپەن قولداعانىنا العىس ايتامىز، جۇڭگومەن شاڭحاي سەلبەستىك ۇيىمىنىڭ دامۋىنا بايلانىستى تىعىز سەلبەستىكتى ۇزدىكسىز جالعاستىرۋدى قالايمىز.
ەكى جاق تاعى اۋعانستاننىڭ جاعدايى جونىندە پىكىر اۋىستىرىپ، لاڭكەستىككە قارسى تۇرۋ حاۋىپسىزدىك سەلبەستىگىن ۇزدىكسىز تەرەڭدەتىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋعا ماقۇل بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
