شي جينپيڭ يتاليانىڭ زۇڭليى دراگيمەن تەلەفوندا سويلەستى
2021.09.08 16:45 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 7 - كۇنى يتاليانىڭ زۇڭليى دراگيمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو - يتاليا قاتىناسىنىڭ تەرەڭ تاريحي نەگىزى بار، ەكى ەل سەلبەستىك بارىسىندا ءوزارا پايدا جەتكىزىپ، تەڭ يگىلىككە كەنەلىپ، مادەنيەت جاعىندا ءبىر - بىرىنەن ءنار الىپ، قيىنشىلىق كەزىندە ءبىر - بىرىنە كومەكتەستى. جۇڭگو جاق يتاليا جاقپەن بىرگە جاڭا داۋىردەگى جۇڭگو - يتاليا جان - جاقتى ستراتەگيالىق سەرىكتەستىك قاتىناسىنىڭ دۇرىس دامۋ بەتالىسىن ويداعىداي يگەرىپ، ءوزارا قۇرمەت ەتۋدەن جازباي، جۇڭگو - يتاليا دوستىعىن قورعاپ، ءوزارا ءتيىمدى سەلبەستىكتى تەرەڭدەتىپ، تۇرلىشە تۇزىمدەگى، تۇرلىشە مادەنيەتتەگى ەلدەردىڭ قاتىناسىن دامىتۋىنا ۇلگى بولۋدى قالايدى. ەكى جاق «ءبىر بەلدەۋ، ءبىر جولدى» بىرگە قۇرۋ سەلبەستىگىن جەتەكشى ەتىپ، ءار سالاداعى سەلبەستىكتىڭ تەرەڭدەۋىن، ناقتىلانۋىن ىلگەرىلەتۋى كەرەك. ەكى جاق كەلەر جىلعى جۇڭگو - يتاليا مادەنيەت جانە ساياحات جىلى قيمىلىن بىرگە جاقسى وتكىزۋى، اسىرەسە، بەيجيڭ قىسقى وليمپيادا سپورت جارىسى مەن 2026 - جىلعى ميلان قىسقى وليمپيادا سپورت جارىسىن ويداعىداي وتكىزۋگە ءوزارا باتىل قولداۋ كورسەتۋى، وسىنى وراي ەتىپ، ەكى ەلدىڭ قار - مۇز سپورتى مەن كاسىپ سالاسى سەلبەستىگىن كۇشەيتۋى كەرەك. يتاليا جاقتىڭ جۇڭگو - ەۆروپا قاتىناسىنىڭ اقاۋسىز، ورنىقتى دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن.
شي جينپيڭ مىنانى دارىپتەدى: جۇڭگو يتاليانىڭ 20 ەل توبىنىڭ كەزەكتى ءتوراعا ەلى رەتىندە دۇنيە ءجۇزىنىڭ الەۋمەتتىك دەنساۋلىق ساقتاۋ سەلبەستىگى مەن ەكونوميكالىق سەلبەستىگىن بەلسەنە ىلگەرىلەتكەنىن القايدى. قازىر دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋىنا قارسى اتتانۋ جانە دۇنيە ءجۇزى ەكونوميكاسىنىڭ قالپىنا كەلۋى شەشۋشى كەزەڭدە تۇر، 20 ەل توبى حالىقارالىق ەكونوميكالىق سەلبەستىكتىڭ نەگىزگى تۇعىرى رەتىندە، ناعىز كوپ جاقتىلىقتا تاباندى بولىپ، ىنتىماق، سەلبەستىك رۋحىن ساۋلەلەندىرىپ، ىندەتكە قارسى اتتانۋ، دۇنيە ءجۇزى ەكونوميكاسىن قالپىنا كەلتىرۋ، سيىسىمدى، باياندى دامۋدى جەبەۋ سياقتىلار جونىندە اناعۇرلىم كوپ ورتاق تانىم ۇيىستىرىپ، دۇنيە ءجۇزىن جونگە سالۋدىڭ دۇرىس بەتالىسىنا جەتەكشىلىك ەتىپ، ورتاق سايىستارعا تىزە قوسا توتەپ بەرۋى كەرەك. جۇڭگو جاق يتاليا جاقتىڭ وسى جاعىندا رولىن تولىق ساۋلەلەندىرۋىن ۇزدىكسىز قولدايدى، يتاليا جاقتىڭ 20 ەل توبىنىڭ ريم باسشىلار باس قوسۋىن ءساتتى وتكىزۋىن قولدايدى.
دراگي مىنانى ءبىلدىردى: يتاليا مەن جۇڭگونىڭ قاتىناسى جاقسى دامىپ كەلەدى، يتاليا جاق يتاليا مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنا ايرىقشا ءمان بەرەدى، جۇڭگومەن ەكى جاقتىڭ ءار سالاداعى سەلبەستىگىن كۇشەيتىپ، يتاليا - جۇڭگو مادەنيەت جانە ساياحات جىلى قيمىلىن بىرگە ويداعىداي وتكىزۋدى ءۇمىت ەتەدى. يتاليا جۇڭگونىڭ يتاليانىڭ 20 ەل توبىنا ءتوراعا ەل بولۋ قىزمەتىن ورىستەتۋىندە كورسەتكەن قولداۋىنا العىس ايتادى، جۇڭگونىڭ دۇنيە ءجۇزىنىڭ كليمات وزگەرىسىنە توتەپ بەرۋ ءۇشىن جاساعان بەلسەندى قۇلشىنىسى مەن ۇلەسىن القايدى، جۇڭگونىڭ اۋعانستان ماسەلەسىندەگى ماڭىزدى ىقپالىنا ايرىقشا ءمان بەرەدى، جۇڭگومەن 20 ەل توبى سياقتى كوپ جاقتى جۇلگەدەگى قاتىناس پەن سەلبەستىكتى نىعايتۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
