ادامزاتتىڭ كەدەيلەردى ازايتۋ تاريحىنداعى كەرەمەتتەردى جاراتتى
(جاڭا جورىققا ەكپىندەي ىلگەرىلەپ، جاڭا داۋىرگە ۇلەس قوسۋ - ۇلى وزگەرىس)
«حالىق گازەتىنىڭ» ءتىلشىسى گۋ جۇڭياڭ
2022.03.14 16:30 كەلۋ قاينارى : حالىق تورابى
بەتاشار
پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرلىك ارقالاۋمەن ەل ءىشى، حالىقارا سىندى ەكى ۇلكەن جاعدايدى ءبىر تۇتاس جوسپارلاپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋىن ىلگەرىلەتتى، جۇڭحۋا ۇلتىنىڭ ۇلى گۇلدەنۋى كەرى بۇرۋعا بولمايتىن تاريحي بارىسقا قادام تاستادى.
جاڭا داۋىردە جاڭا بەينە جارىققا شىقتى، جاڭا ساپاردا تىڭ ىسكەرلىك بولۋ كەرەك. بۇگىننەن باستاپ گازەتىمىز «جاڭا جورىققا ەكپىندەي ىلگەرىلەپ، جاڭا داۋىرگە ۇلەس قوسۋ» ايدارىندا «ۇلى وزگەرىس» ايدارشاسىن اشىپ، ورتالىق شىعارعان ءبىرقىدىرۋ كەلەلى رەفورمالاردان، كەلەلى شارالاردان باستاپ كىرىسىپ، پارتيانىڭ 18 - قۇرىلتايىنان بەرگى ورتالىقتىڭ ءار سالاداعى قىزمەتتەردى ىلگەرىلەتۋدەگى ستراتەگيالىق تۇسپالداۋ، شەشىم جاساۋ بارىسىن ەسكە الىپ، رەتتەپ، نەگىزگى ساتىنىڭ ءبىرىنشى شەبىندەگى تيپتەرگە جۇرگىزىلگەن تەكسەرۋ - زەرتتەۋ، تىلشىلىك ىستەۋ حابار – ماقالالارىن تاڭداپ الىپ، نەگىزگى ساتىداعى وراسان زور وزگەرىستەر ارقىلى پارتيانىڭ حالىققا باسشىلىق ەتىپ، قيىنشىلىقتاردى جەڭىپ، رەفورمانى ىلگەرىلەتۋدەگى جاندى امالياتىن بەينەلەپ، جۇڭگو حالقىنىڭ اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسۋ رۋحاني بەت - بەينەسىن ايگىلەپ، قالىڭ كادر - جۇرتشىلىقتى جاڭا ساپاردا ۇدەرە العا تارتىپ، قايراتتانا العا ۇمتىلىپ، جاڭا، اناعۇرلىم ۇلى جەڭىستەر مەن داڭقتارعا قۇلشىنا قول جەتكىزۋگە شابىتتاندىرادى.
حىنان ولكەسى ميانچى اۋدانى يىڭحاۋ قالاشىعى شيڭفۋلي الەۋمەتتىك اۋماعىندا كەدەيلىكتەن ارىلعان ياۋ ۋانسونىڭ وتباسى تام ۇيگە قوش ايتىپ، جاڭا عيماراتقا كوشىپ كىردى، قازىرگى تۇرمىسىنا ەرەكشە رازى بولعان ول: «سۋ، ەلەكتر، جول تولىق تۇتاستى، اۋرۋ كورسەتۋ، بالا وقىتۋ قولايلى بولدى، ءبىز تاماشا داۋىرگە قادام تاستادىق، شىنىندا، باقىت اۋلاسىنا ىرگە تەپتىك» دەدى.
گۋاڭشي جۋاڭزۋ اۆتونوميالى رايونى ماشان اۋدانى جيافاڭ اۋىلى بياۋبياۋ ەگىمشىلىك - باعىمشىلىق كاسىپتىك سەلبەستىك كوپەراتيۆىندە كەدەيلىكتەن ارىلعان وتباسى ۋىن حۇڭنىڭ جىگەرى تاسقىنداي ءتۇستى، ول: «تەحنيكا ۇيرەنەمىز دەسەك، اشىلعان كۋرس بار، كاسىپ سالاسىن گۇلدەندىرەمىز دەسەك، ساياساتتىق قولداۋ بار، مەن ۇيدە جۇمىس ىستەيمىن، ايىنا 4000 يۋاننان استام كىرىس كىرگىزەمىن، تۇرمىسىمىز كۇننەن - كۇنگە جاقسارىپ كەلە جاتىر» دەدى.
جۇڭگونىڭ بايتاق دالاسىندا ءاربىر وتباسىنىڭ كەدەيلىكتەن ارىلتۋ حيكاياسى كەدەيلىكتەن ارىلتۋدان قامال الۋدىڭ ايبىندى جاۋابىن توپتادى. بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، قازىرگى ولشەم بويىنشا اۋىل - قىستاقتاعى 98 ميلليون 990 مىڭ كەدەي حالىق سانى تۇگەلدەي كەدەيلىكتەن ارىلىپ، 832 كەدەي اۋداننىڭ كەدەيلىك قالپاعى الىنىپ، 128 مىڭ كەدەي قىستاق تۇگەلدەي كەدەيلىك قاتارىنان شىعارىلىپ، كەدەيلىكتەن ارىلتۋدان قامال الۋ شايقاسىندا جەڭىسكە جاپپاي قول جەتكىزىلدى.
2021 - جىلى 2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا بىلاي دەپ اتاپ كورسەتتى: «ءبىز جۇڭحۋا ۇلتىن نەشە مىڭ جىل مازالاعان مۇلدەم كەدەيلىك ماسەلەسىن شەشۋدە ۇلى تاريحي تابىسقا قول جەتكىزىپ، ادامزاتتىڭ كەدەيلىكتى ازايتۋ تاريحىنداعى كەرەمەتتى جاراتتىق»، «بۇل − جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى».
كەدەيلىكتەن ارىلۋ − جۇڭگو حالقىنىڭ تالىقپاي تالپىنعان ارمانى، سونداي - اق جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ماڭىزدى مازمۇنى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام قۇرۋدىڭ تومەنگى شەك مىندەتى ەتىپ، كەدەيلىكتەن ارىلتۋدان قامال الۋدىڭ ايبىندى حالىقتىق شايقاسىن ۇيىمداستىرىپ ورىستەتتى.
«كەدەيلەردى سۇيەمەلدەۋ باستان - اياق قىزمەتىمنىڭ ماڭىزدى مازمۇنى بولىپ كەلەدى، وسى جاعىنان ەڭ كوپ كۇش جۇمساۋدامىن»، «كەدەيلىكتەن ارىلتۋدان قامال الۋ − مەنىڭ كوكەيىمدەگى ەڭ ۇلكەن ءىس»، «مەنىڭ ەڭ الاڭدايتىنىم − ءالى دە قيىنشىلىعى بار بۇقارا» ... باس شۋجي شي جينپيڭنىڭ تەرەڭ سۇيىسپەنشىلىككە تولى سوزدەرى كەدەي بۇقارانىڭ كوڭىلىن جىلىتتى. باس شۋجيدىڭ قىزمەت تەكسەرۋدە، تەكسەرۋ – زەرتتەۋ جۇرگىزۋدە قاجىماي - تالماي باسىپ وتكەن ىزدەرى 14 شوعىرلى تۇتاسقان ەرەكشە كەدەي ءوڭىردىڭ الاپتارىنا تۇسكەن.
كەدەيلەردى دالمە - ءدال سۇيەمەلدەپ، كەدەيلىكتەن دالمە - ءدال ارىلتىپ، «التى دالمە – دالدىكتى» جۇزەگە اسىرۋدان «بەس ءبىر توپتى» اتقارۋعا دەيىن تۇبەگەيلى سۇيەمەلدەۋ شارالارى اتقارىلدى. قىزمەت مەحانيزمىندە جاڭالىق جاراتىلىپ، 5 دارەجەلى شۋجيلەر كەدەيلىكتەن ارىلتۋدى يگەرىپ، ساتىلار بويىنشا اتتانىسقا كەلتىرىپ، قامال الۋدى جەبەپ، تۇتاس قوعام كەدەيلەردى قاۋىرت سۇيەمەلدەۋگە جاپپاي ات سالىستى. پارتيا مەن حالىق بوگەتتەردى بۇزىپ، بوران - شاشىنعا قاراماي، شەگە قاعۋ رۋحىن ساۋلەلەندىرىپ، قيىن ماسەلەلەردى شەشۋگە باتىل بولىپ، كەدەيلىكتىڭ ىشىندەگى كەدەيلىكتى، قامالدىڭ ىشىندەگى قامالدى تالقانداپ، كەدەيلىكتەن ارىلتۋدان قامال الۋدا كەلەلى تاريحي تابىستارعا قول جەتكىزدى. اماليات مىنانى تولىق دالەلدەدى: جۇڭگو كوممۋنيستىك پارتياسىنىڭ تەڭدەسسىز قۇدىرەتتى باسشىلىق قۋاتى، ۇيىمداستىرۋ قۋاتى، اتقارۋ قۋاتى بار، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى − حاۋىپ - قاتەر مەن سىن - سايىسقا توتەپ بەرۋدىڭ، كۇش - قۋاتتى شوعىرلاندىرىپ، قيىنشىلىقتاردى جەڭۋدىڭ ءتۇبىرلى كەپىلى.
كەدەيلىكتەن ارىلتۋدان قامال الۋدا تاريحتا ماڭگى وشپەيتىن كەرەمەتتەر جاراتىلىپ، پارتيامىزدىڭ حالىققا بەرگەن ايبىندى ۋادەسى ورىندالىپ، ءجۇز ميلليونداعان بۇقارانىڭ تاعدىرىندا تەرەڭ وزگەرىس جارىققا شىعىپ، كەدەي وڭىرلەردىڭ مەشەۋ بەت - بەينەسى تەرەڭ وزگەرىپ، جاپپاي دوڭگەلەك داۋلەتتى قوعام ورناتۋداعى ەڭ كورنەكتى ولقىلىقتار تولىقتاندى.
كەدەيلىكتەن ارىلعان بۇقارانىڭ كىرىسى جىل سايىن ارتىپ، تۇرمىسى بارعان سايىن جاقسارىپ، تۇرمىس ورەسى كورنەكتى جوعارىلادى.
«قازىر اۋىلداستار ءتىپتى دە جاقسى تۇرمىسقا ۇمتىلۋدا». يۇننان ولكەسى جاۋتۇڭ قالاسى جاۋياڭ رايونىندا قونىس اۋدارىپ سۇيەمەلدەنگەن لو شيانچاۋ بىلاي دەدى: قالا رايونىنداعى جاڭا عيماراتتا كىردىم، كەدەيلەردى سۇيەمەلدەۋ سەحىندا قول تەلەفون جارعاعىن جاساۋمەن شۇعىلدانامىن، ايلىق كىرىسىم 5 مىڭ يۋاننان اسادى، ءبىر جاعىنان وتباسى جۇمىستارىمدى دا اقساتپاي بىتىرە الامىن».
«ەكىدەن تارىقتىرماۋ، ءۇشتى قامتاماسىز ەتۋ» بۇكىلدەي جۇزەگە اسىپ، نەگىزگى الەۋمەتتىك قىزمەت وتەۋ دەڭگەيى ورنىقتى جوعارىلادى. كەدەيلىكتەن ارىلتۋدان قامال الۋدىڭ شۇعىلاسى توڭىرەككە شاشىلىپ، سانسىز ادامنىڭ تاعدىرى وسى سەبەپتى وزگەرىپ، سانسىز ادامنىڭ ارمانى جۇزەگە اسىپ، سانسىز ادام وسى سەبەپتەن باقىتقا قول جەتكىزدى.
كەدەيلىكتەن ارىلعان ءوڭىردىڭ شارۋاشىلىعى گۇلدەندى، ورتاسى جاقساردى، جىگەرى تاسقىندادى، جالپى تۇلعالىق بەت - بەينەسىندە تاريحي زور وزگەرىستەر تۋىلدى.
«قىستاقتا جەر - كوكتى ءدۇر سىلكىندىرەرلىكتەي وزگەرىس تۋىلدى، جولاۋشىلار اۆتوموبيلى قاتىنادى، كەڭ ايالى توراپ جاپپاي جالپىلاستى، باۋ - باقشا جالپىلىق تۇلعاسى جاڭا نىسانى سالىندى، اۋقاتتانۋ جولى اناعۇرلىم كەڭەيدى» دەدى جياڭشي ولكەسى جيڭگاڭشان قالاسى بايلۋ اۋىلى چاڭفۋچياۋ قىستاعى پارتيا ياچەيكاسىنىڭ شۋجيى گو رۇڭلين. جيڭگاڭشاندا قالا مەن اۋىلدىڭ سايكەستى دامۋى جاعىندا ارت – ارتىنان قۋانارلىق ناتيجە جاراتىلدى.
بۇكىل ەلگە كوز جىبەرسەك، كەدەيلىكتەن ارىلعان وڭىرلەردىڭ بارلىق جەرىندە وراسان زور وزگەرىستەر، تاۋ – وزەندەر قۇلپىرعان كوركەم داۋىرلىك كارتينا جارىققا شىقتى. شارت - جاعدايى جار بەرەتىن اۋىل - قالاشىقتار مەن قۇرىلىمدىق قىستاقتارعا تۇگەلدەي اسفالت جول، جولاۋشىلار اۆتوموبيلى، پوچتا جولى جەتكىزىلىپ، كەدەيلىكتەن ارىلعان قىستاقتارعا تۇگەلدەي ديناميكالىق ەلەكتر جەتكىزىلدى. بۇكىل ەلدەگى ءاربىر كەدەيلىكتەن ارىلعان اۋداندا ەكى - ءۇش جەتەكشى كاسىپ سالاسى قالىپتاسىپ، ەكونوميكالىق دامۋداعى ارتۋ قارقىنى بۇكىل ەلدەگى اۋىل - قىستاقتاردىڭ ورتاشا دەڭگەيىنەن جوعارى بولدى.
كەدەيلىكتەن ارىلتىپ، كەدەيلىك قالپاعىن الىپ تاستاۋ كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. اۋقىمعا قاراي العا ۇمتىلىپ، ۇزدىكسىز كۇرەس جۇرگىزىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتكەن ءبىر جىلدان بەرى كەدەيلىكتەن ارىلتۋدىڭ جەتىستىكتەرىن بەكەمدەۋ، كەڭەيتۋ دابىلى تاۋلى كەڭ – بايتاق اۋىل - قىستاقتى جاڭعىرتتى.
قايتا كەدەيلەنۋدەن ساقتانىپ، كەدەيلەردى سۇيەمەلدەۋدى كۇشەيتىپ، كەدەيلىكتەن ارىلتۋدىڭ نەگىزى اناعۇرلىم بەكەمدەلدى. جەر - جەر كەدەيلىكتەن ساقتانۋدى باقىلاۋ - تەكسەرۋ جانە سۇيەمەلدەۋ مەحانيزمىن ۇزدىكسىز كەمەلدەندىردى، قازىر %70 كە جۋىق باقىلاۋ - تەكسەرۋ وبيەكتىسى قايتا كەدەيلەنۋ جانە جاڭادان كەدەيلەنۋ حاۋىپ - قاتەرىن جويدى، قالعان ادامدار ءبىر مەزگىل قۇلشىنۋ ارقىلى حاۋىپ - قاتەردى جويىپ، كولەمدى قايتا كەدەيلەنۋدىڭ تومەنگى شەگىن ساقتادى.
كاسىپ سالاسى گۇلدەندىرىلىپ، جۇمىسقا ورنالاستىرۋ جەبەلىپ، كەدەيلىكتەن ارىلتۋدىڭ ونىمدىلىگى ءتىپتى دە باياندى بولدى. 2021 – جىلدىڭ سوڭىنا دەيىن بۇكىل ەل بويىنشا كەدەيلىكتەن ارىلعان ەڭبەككۇشتەردەن 31 ميلليون 450 مىڭ ادام جۇمىستانىپ، سايكەس مەزگىلدەگىدەن ءبىر ميلليون 260 مىڭ ادام كوبەيدى. 2021 - جىلى بۇكىل ەل بويىنشا كەدەيلىكتەن ارىلعان بۇقارانىڭ جان باسىندىق ناق كىرىسى 12 مىڭ 500 يۋاننان اسىپ، 2020 - جىلداعىدان %16.9 ارتتى.
باس شۋجي شي جينپيڭ: جاپپاي دوڭگەلەك داۋلەتتى قوعام قۇرۋ، كەدەيلىكتەن ارىلتۋ − پارتيامىزدىڭ حالىققا بەرگەن تاپسىرماسى ءارى دۇنيە جۇزىنە قوسقان ۇلەسى. كوپشىلىكتىڭ ءتىپتى دە جاقسى تۇرمىس كەشىرۋىنە مۇمكىندىك جاساۋ ءۇشىن، ءبىز كوز الداعى ناتيجەگە قاناعاتتانا المايمىز، ءالى دە ۇزاق جول باسۋعا تۋرا كەلەدى، − دەپ اتاپ كورسەتكەن بولاتىن.
اسقار تاۋ، اساۋ وزەندەردى باسىپ ءوتۋ ءۇشىن ءالى دە تاۋ اسىپ، تاس باسۋعا تۋرا كەلەدى. كەدەيلىكتەن ارىلتۋدان اۋىل - قىستاقتى كوركەيتۋگە دەيىن، كەدەيلىكتەن ارىلعان اۋداندار، كەدەيلىكتەن ارىلعان قىستاقتار شىنايى يگەرىپ، ناقتى ىستەپ، قاجىرلىلىقپەن ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن تىڭعىلىقتى بەكەمدەپ جانە كەڭەيتىپ، اۋىل - قىستاقتى كوركەيتۋدى ۇزدىكسىز ىلگەرىلەتىپ، ەكىنشى 100 جىلدىق كۇرەس نىساناسىنا قاراي ارشىندى قادام تاستاۋى كەرەك.
(قاتىستى حابارلاردى «حالىق گازەتىنىڭ» 7 -، 8 – بەتتەرىنەن وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
