چۇڭچيڭ ساقشى جاعى «ارىقتاتۋ ونىمدەرى مەن قۋاتتىق ونىمدەرگە» قاتىستى ينتەرنەت ارقىلى الدامكوستىك ىستەيتىن ەرەكشە ءىرى توپتى تالقاندادى
2022.06.20 16:11 كەلۋ قاينارى : حالىق تورابى
بيىل 5 - ايدا، چۇڭچيڭ قالاسى فۋليڭ رايونىنداعى 68 جاستاعى حۋ اپاي ساقشىعا تەلەفون سوعىپ، الدانىپ قالعانىن ايتقان. بيىل 4 - ايدىڭ باسىندا، ول وتباسىندا تەلەفون ىستەتىپ وتىرعاندا، «كۇنىنە ءبىر رەت تۇتىنساڭىز، 3 جىڭ ارىقتايسىز» دەگەن ىتقىما جارناما ونى باۋراپ الادى، جارنامادا بەرىلگەن ەكى ولشەمدى كود ارقىلى قىزمەتكەردىڭ ۋيچاتىن قوسقان سوڭ، قارسى جاقتىڭ تانىستىرۋى بويىنشا باعاسى 799 يۋاندىق «شانتيشيان شايى» ارىقتاتۋ ونىمدەرىنەن ءبىر پارىن ساتىپ الادى. وسىدان سوڭ، قىزمەتكەر تانىستىرعان «دەنساۋلىقتى باسقارۋشى» تاعى دا «ونىمدەردىڭ دارەجەسىن جوعارىلاتىپ، جاڭعىرتۋ»، «جوسپار بويىنشا تۇتىنباسا قول - اياقتى كەستىرۋ حاۋپىنە ۇشىراتادى» دەگەن سەبەپتەردى العا تارتىپ، حۋ اپايدى ارىقتاتۋ جانە قورەكتىك ونىمدەرىنەن بىرنەشە پارىن ساتىپ الۋعا شىرعالاعان، جيىنى 90 مىڭ يۋان اقشا جۇمساعان.
ساقشىعا مالىمدەۋدى تاپسىرىپ العان سوڭ، چۇڭچيڭ ساقشى جاعى بۇكىل قالا كولەمىندە ۇقساس تيپتەگى جاعدايلارعا جان - جاقتى تالداۋ جاساپ، بيىل جىل باسىنان تارتىپ، وسى دەلو تۋىلعانعا دەيىن، قاتىستى ونىمدەردى ەلىمىزدىڭ جەر - جەرىنە جەدەل جولدامامەن جولداۋعا قاتىستى ينفورماتسيالاردىڭ سانىنىڭ 21 مىڭعا جەتكەنىن بايقاعان. چۇڭچيڭ ساقشى جاعىنىڭ بارلاۋشىلار باس اترەتى مەن فۋليڭ رايوندىق قوعام حاۋىپسىزدىگى مەكەمەسى بىرلەسكەن ارناۋلى دەلو گرۋپپاسىن قۇرىپ، ەگجەي - تەگجەيلى بارلاۋ ارقىلى، كاسىپورىن سياقتى باسقارىلاتىن، تولىق تىزبەكتى، ءبىرشاما زور كولەمدەگى الدامكوستىك توبىن بايقاعان.
ارناۋلى گرۋپپا تەكسەرۋ بارىسىندا مىنانى بايقاعان: اتالعان الدامكوستىك توپتىڭ مۇشەلەرى جارناما تاراتۋ، تەلەفون ارقىلى ساۋدالاۋ قاتارلى تاسىلدەردەن پايدالانىپ، ارىقتاۋدى قالايتىن تۇتىنۋشىلاردى قارماققا ىلىنۋگە باۋراعان، سوڭىنان قىزمەتكەرلەرى تۇتىنۋشىلاردى «دەنساۋلىق باسقارۋشىنىڭ» ۋيچات ءنومىرىن قوسۋعا شىرعالاپ، ءونىمنىڭ رولىن اسىرەلەپ، ءساتتى ارىقتاعاندارعا قاتىستى مىسالداردى وتىرىكتەن قيىستىرۋ قاتارلى تاسىلدەر ارقىلى الارمانداردىڭ سەنىمىنە يە بولىپ، الارمانداردى باعاسى ءجۇز يۋاننان ون مىڭ يۋانعا دەيىن باراتىن ونىمدەردى ساتىپ الىپ تۇتىنۋعا جەتەلەگەن ءارى بۇل ءونىمدى جوسپار بويىنشا تۇتىنباسا، دەنەنىڭ زاقىمدالۋىن تۋدىرادى دەپ الداۋ ارقىلى الارمانداردىڭ مال - مۇلكىن ۇزدىكسىز الداپ العان. دەلونى ارناۋلى تەكسەرۋ گرۋپپاسىنداعى حالىق ساقشىسى: «بۇل ارىقتاتۋ ونىمدەرى، ءىس جۇزىندە، جاي عانا ارزان باعاداعى ازىق - تۇلىك، قورەكتىك تالقان، قاتتى كۇيدەگى سۋسىندىق سياقتىلاردان قوسىپ جاسالعان ونىمدەر»، — دەپ تانىستىردى، اتالعان الدامكوستىك توپ ونىمدەردىڭ ءوز قۇنىنان 10 ەسە، ءتىپتى 30 ەسە جوعارى زاڭسىز پايداعا كەنەلگەن.
6 - ايدىڭ 10 - كۇنى ارناۋلى دەلو ءبىتىرۋ گرۋپپاسى ساقشى كۇشىنەن 300 نەشە ادامدى شوعىرلاندىرىپ، كوپ جەردەگى ساقشى كۇشتەرىنىڭ قولداۋى مەن سايكەسۋىندە، كوپ جەردە قادامداس تور جيناۋ ارەكەتىن ۇيىمداستىرىپ، حى X، گۇي X قاتارلىلار باس بولعان توپتىڭ تىرەكتىلەرى مەن مۇشەلەرىنەن 339 ادامدى تۇتقىنداپ، دەلوعا قاتىستى قولدانعان قولفون مەن كومپيۋتەردەن 1150 دەن استامىن، سونداي - اق، كوپ مولشەردەگى الدامكوستىك بارىسىندا قولداناتىن سويلەسۋ تاسىلدەرى جازىلعان كىتاپشا قاتارلىلاردى قولعا تۇسىرگەن. سۇراققا تارتۋ بارىسىندا، حى X، گۇي X قاتارلى قىلمىس كۇماندىلارى وزدەرىنىڭ قىلمىس وتكىزگەن بارىستارىن بايانداعان. قازىر فۋليڭ رايوندىق قوعام حاۋىپسىزدىگى مەكەمەسى 218 قىلمىس كۇماندىسىنا زاڭ - تۇزىمگە ساي قىلمىستىق ىستەر بويىنشا ماجبۇرلەۋ شاراسىن اتقارعان، دەلو قازىر ىشكەرىلەي تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
