شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى
2022.06.16 16:45 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 15 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 15 - كۇنى تۇستەن كەيىن رەسەيدىڭ زۇڭتۇڭى پۋتينمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بيىل جىل باسىنان بەرى دۇنيە جۇزىلىك اۋمالى - توكپەلى وزگەرىستەر الدىندا، جۇڭگو مەن رەسەي قاتىناسى تاماشا دامۋ جاعدايىن ساقتادى. ەكى ەلدىڭ ەكونوميكا - ساۋدا سەلبەستىگى ورنىقتى ىلگەرىلەپ، حەيحى - بلاگوۆەششەنسكي تاس جول كوپىرىندە كولىك قاتىناپ، ەكى ەلدىڭ ۇلاستىرۋ - تۇتاستىرۋداعى جاڭا ارناسى اشىلدى. جۇڭگو رەسەيمەن ەكى جاقتى ناقتى سەلبەستىكتىڭ ورنىقتى، باياندى دامۋىن ىلگەرىلەتۋدى قالايدى. جۇڭگو رەسەيمەن يەلىك ۇقىق، حاۋىپسىزدىك سياقتى وزەكتى مۇددە جانە نازار اۋدارىپ وتىرعان كەلەلى ماسەلەلەردە ءوزارا قولداۋ كورسەتىپ، ەكى ەلدىڭ ستراتەگيالىق سەلبەستىگىن جيىلەتىپ، بىرلەسكەن مەملەكەتتەر ۇيىمى، بريكس ەلدەرى، شاڭحاي سەلبەستىك ۇيىمى سياقتى ماڭىزدى حالىقارالىق جانە وڭىرلىك ۇيىمداردا پىكىرلەسۋدى، سايكەسۋدى كۇشەيتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماعىن، سەلبەستىگىن جەبەپ، حالىقارالىق ءتارتىپ پەن دۇنيە ءجۇزىن جونگە سالۋدىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋدى قالايدى.
پۋتين مىنانى ءبىلدىردى: ءتوراعا شي جينپيڭنىڭ پارمەندى باسشىلىعىندا، جۇڭگو كورنەكتى دامۋ جەتىستىكتەرىنە قول جەتكىزدى، رەسەي مۇنى شىن جۇرەكتەن قۇتتىقتايدى. بيىل جىل باسىنان بەرى رەسەي مەن جۇڭگونىڭ ناقتى سەلبەستىگى ورنىقتى دامىدى. رەسەي جۇڭگو العا قويعان دۇنيە جۇزىلىك حاۋىپسىزدىك باستاماسىن قولدايدى، ءارقانداي كۇشتىڭ اتالمىش شينجياڭ، شياڭگاڭ، تايۋان سياقتى ماسەلەلەردى سىلتاۋ ەتىپ جۇڭگونىڭ ىشكى ىستەرىنە كيلىگۋىنە قارسى تۇرادى، جۇڭگومەن كوپ جاقتى سەلبەستىكتى كۇشەيتىپ، دۇنيە ءجۇزىنىڭ كوپ ۇيەكتەنۋىن ىلگەرىلەتۋ جانە اناعۇرلىم ءادىل، ۇيلەسىمدى حالىقارالىق ءتارتىپ ورناتۋ جولىندا سىندارلى قۇلشىنىستار جاساۋدى قالايدى.
ەكى ەلدىڭ مەملەكەت باسشىلارى ۋكراينا ماسەلەسى جونىندە پىكىر الماستىردى. شي جينپيڭ مىنانى دارىپتەدى: جۇڭگو جاق باستان - اياق ۋكراينا ماسەلەسىنىڭ تاريحي ارقاۋى مەن وزىندىك دۇرىس - بۇرىستىعىن، ءجوندى – جونسىزدىگىن شىعار ءتۇيىن ەتىپ، دەربەس، ءوز - وزىنە قوجا بولا وتىرىپ تۇجىرىم جاساپ، دۇنيە ءجۇزىنىڭ بەيبىتشىلىگىن بەلسەنە جەبەپ، دۇنيە ءجۇزىنىڭ ەكونوميكالىق ءتارتىبىنىڭ ورنىقتىلىعىن جەبەيدى. ءارقايسى جاق ۋكراينا داعدارىسىنىڭ ۇيلەسىمدى شەشىلۋىن جاۋاپكەرلىك تاسىلىمەن ىلگەرىلەتۋى كەرەك. جۇڭگو وسى ءۇشىن ۇزدىكسىز ءتيىستى رولىن ساۋلەلەندىرۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
