قازاقستاننىڭ زۇڭتۇڭى توقايەۆ ۋاڭ يمەن كەزدەستى
2022.06.08 14:22 كەلۋ قاينارى : حالىق تورابى
شينحۋا اگەنتتىگىنىڭ 6 - ايدىڭ 7 - كۇنى نۇرسۇلتان قالاسىنان بەرگەن حابارى. 2022 ـ جىلى 6 - ايدىڭ 7 - كۇنى قازاقستاننىڭ زۇڭتۇڭى توقايەۆ نۇرسۇلتان قالاسىندا ساپارلاي كەلگەن مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ يمەن كەزدەستى.
ۋاڭ ي اۋەلى ءتوراعا شي جينپيڭنىڭ ىقىلاستى سالەمىن جەتكىزىپ، قازاقستاننىڭ نەگىزگى زاڭعا وزگەرىس ەنگىزۋ جوباسىنىڭ جالپى حالىقتىق داۋىسقا سالىنعاندىعىن قۇتتىقتادى. ۋاڭ ي بىلاي دەدى: بيىل جۇڭگو مەن قازاقستاننىڭ ديپلوماتيالىق قاتىناس ورناتقاندىعىنىڭ 30 جىلدىعى، بۇرىنعىعا مۇراگەر، كەيىنگىگە بۇيداگەر بولۋدىڭ ماڭىزدى ءمانى بار. ەكى ەل قاتىناسى دامىپ قازىرگە دەيىن كوپتەگەن زور تولقىندى باستان كەشىرىپ، وڭاي ـ وسپاق قولعا كەلمەگەن تابىستارعا قول جەتكىزىپ، سەكىرمەلى دامۋدى جۇزەگە اسىرىپ، قۇدىرەتتى ومىرشەڭدىك كۇشىن ايگىلەدى. دوس كورشى ەل جانە ماڭگىلىك جان ـ جاقتى ستراتەگيالىق سەرىك رەتىندە، جۇڭگو قازاقستاننىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، «جاڭا قازاقستاننىڭ» دامۋ ستراتەگياسىن اتقارۋدى قولدايدى، قازاقستاننىڭ باياندى بەيبىت گۇلدەنىپ ـ كوركەيۋىن جۇزەگە اسىرىپ، مەملەكەت دامۋىنىڭ نۇرلى بولاشاعىن اشاتىندىعىنا سەنەدى.
ۋاڭ ي بىلاي دەدى: مەملەكەت باسشىلارىنىڭ ستراتەگيالىق جەتەكشىلىگى ‐ جۇڭگو ـ قازاقستان قاتىناسىنىڭ ساياسي باسىمدىعى جانە ايقىن ەرەكشەلىگى. جۇڭگو قازاقستانمەن بىرگە ەكى ەل باسشىلارىنىڭ جەلىلەس ماڭىزدى ورتاق تانىمىن ويداعىداي تياناقتاندىرىپ، ۇرپاقتان ـ ۇرپاققا جالعاسقان دوستىق ۇستانىمىنان جازباي، ەكى ەل قاتىناسىن دەن قويا قورعاپ، ءار سالاداعى سەلبەستىكتى جەبەپ، جۇڭگو مەن قازاقستاننىڭ ماڭگىلىك، جان ـ جاقتى ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.
توقايەۆ بيىل 2 - ايدا ءتوراعا شي جينپيڭمەن ماڭىزدى، تابىستى كەڭەس وتكىزگەندىگىن ەسكە الىپ، ۋاڭ ي ارقىلى ءتوراعا شي جينپيڭگە دەگەن ىقىلاستى سالەمى مەن ىزگى تىلەگىن جەتكىزىپ، جۇڭگو كوممۋنيستىك پارتياسىنىڭ 20 - كەزەكتى مەملەكەتتىك ۋاكىلدەر قۇرىلتايىنىڭ تابىستى اشىلۋىن تىلەدى. توقايەۆ بىلاي دەدى: قازاقستان مەن جۇڭگو ديپلوماتيالىق قاتىناس ورناتقان 30 جىلدان بەرى، ەكى ەل قاتىناسى بەلسەندى دامۋ جاعدايىن ساقتادى، ءارقايسى تاراۋلار، ءار جىكتەگىلەردىڭ بارىس ـ كەلىسى جيىلەي ءتۇستى. جۇڭگونىڭ قولداۋى مەن سەلبەستىگى قازاقستاننىڭ ساياسي حاۋىپسىزدىگىن، مەملەكەتتىڭ ورنىقتىلىعىن، ەكونوميكانىڭ دامۋىن جۇزەگە اسىرۋدا توتەنشە ماڭىزدى. قازاقستان جۇڭگومەن بولعان قارىم ـ قاتىناسىن سىرتقى ساياساتتاعى ماڭداي الدى ورىنعا قويىپ، ەكى ەل قارىم ـ قاتىناسىنىڭ مازمۇنىن ۇزدىكسىز تولىقتىرۋعا كۇش سالادى، «ءبىر بەلدەۋ، ءبىر جولدى» بىرگە قۇرۋدى كۇشەيتىپ، ەكونوميكا ـ ساۋدا، قارجى قوسۋ دەڭگەيىن جوعارىلاتىپ، اۋىل شارۋاشىلىعى، قاتىناس، زات اينالىمى، ەنەرگيا، ساياحات، گۋمانيتارلىق سياقتى سالالارداعى سەلبەستىكتى كەڭەيتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدى قالايدى.
توقايەۆ بىلاي دەدى: قازاقستان مەن جۇڭگونىڭ كەلەلى حالىقارالىق كەڭەس تاقىرىپتارىندا ۇقساس مايدانى مەن ورتاق ءتىلى بار. قازاقستان جۇڭگونىڭ حالىقارالىق ىستەردەگى ماڭىزدى ىقپالى مەن سىندارلى رولىن جوعارى باعالايدى، ءتوراعا شي جينپيڭ العا قويعان الەمدىك دامۋ دارىپتەمەسىن، الەمدىك حاۋىپسىزدىك دارىپتەمەسىن بۇكىلدەي قۇپتايدى جانە قولدايدى. جوعارىداعى دارىپتەمەلەردىڭ دەر كەزىندە بولۋى دۇنيە ءجۇزىنىڭ بەيبىتشىلىك، جونگە سالۋ، سەنىمدىلىك، دامۋ قىزىل سيفرىنىڭ ورنىن تولتىرۋعا ءتيىمدى. قازاقستان جۇڭگو العا قويعان يسلام ەلدەرىمەن «ءتورت سەرىك» قۇرۋ دارىپتەمەسىن القايدى، بۇعان بەلسەنە ات سالىسۋدى قالايدى.
ۋاڭ ي بىلاي دەدى: جۇڭگو مەن قازاقستان بىرگە قۇرعان «ءبىر بەلدەۋ، ءبىر جول» دارىپتەمەسى الدىمەن جۇرگىزىلىپ، الدىمەن سىناق ەتىلىپ، سۇبەلى تابىستارعا قول جەتكىزدى. جۇڭگو قازاقستانمەن ستراتەگيالىق ۇشتاسۋدى كۇشەيتىپ، سەلبەستىك سالاسىن كەڭەيتىپ، ەكى ەل حالقىنا يگىلىك جەتكىزەتىن جاڭا ساپالى سەلبەستىك نىساندارىن قۇرۋدى قالايدى؛ ەكونوميكا ـ ساۋدا سەلبەستىگىنىڭ ورتا، ۇزاق مەرزىمدىك دامۋ جوباسى مەن جاڭا ۇلگىدەگى قارجى قوسۋدى قورعاۋ كەلىسىمىن اقىلداسىپ، شەكارا وتكەلدەرىنىڭ زات اينالىمىن كۇشەيتىپ، كوپ نەگىزدى تاسىمال جولىن كەڭەيتىپ، كاسپي تەڭىزى حالىقارالىق تاسىمال ءدالىزىنىڭ سەنىمدىلىگىن زەرتتەۋدى جەدەلدەتەدى؛ گۋمانيتارلىق اۋىس ـ كۇيىستى كۇشەيتىپ، ەكى ەل دوستىعىنىڭ حالىق تىلەگى مەن قوعامدىق نەگىزىن بەكەمدەيدى.
ەكى جاق ورتا ازيا، ازيا ءوزارا ىقپالداستىق جانە سەنىمدىلىك شارالارى ءماجىلىسى سەلبەستىگى جونىندە پىكىر اۋىستىردى. ۋاڭ ي قازاقستاننىڭ «جۇڭگو + ورتا ازياداعى بەس ەلدىڭ» 3 ـ رەتكى سىرتقى ىستەر مينيسترلەرى كەڭەسىنە دايىندالۋدا اتقارعان ماڭىزدى رولىن القاپ، وڭىرلىك سەلبەستىكتىڭ جوعارى ءونىمدى تۇعىرىن بىرگە قۇرىپ، جۇڭگونىڭ ورتا ازياداعى كورشى ەلدەرمەن ىنتىماعىن، سەلبەستىگىن كۇشەيتۋدى قالايتىندىعىن ءبىلدىردى. قازاقستان جاقتىڭ ازيا ءوزارا ىقپالداستىق جانە سەنىمدىلىك شارالارى ماجىلىسىنە ءتوراعا ەل بولۋ رولىن ساۋلەلەندىرىپ، ازيا ءوزارا ىقپالداستىق جانە سەنىمدىلىك شارالارى جونىندەگى كەڭەستىڭ 6 ـ رەتكى باسشىلار ءماجىلىسىن ويداعىداي وتكىزۋىن قولدايتىندىعىن ءبىلدىردى.
ەكى جاق ۋكراينا داعدارىسى الا كەلگەن اۋىر ۇنامسىز سىرتقى ىقپالدان قاتتى الاڭدادى. ۋاڭ ي بىلاي دەپ باسا دارىپتەدى: جۇڭگو تاتۋلاسۋعا ناسيحاتتاۋدا، كەلىسسوزدى جەبەۋدە سىندارلى رول اتقارۋدا. قازىرگى جاعدايدا، شەكارا سىرتىنداعى كۇشتەردىڭ وڭىردەگى ەلدەردى ءىرى ەلدەر قاقتىعىسىنا يتەرمەلەۋىنەن قىراعى بولىپ، ءار ەلدى «ءبىر جاققا قوسىلۋعا» ماجبۇرلەۋىنەن ساقتانۋ كەرەك. جۇڭگو ورتا ازيا ەلدەرىنىڭ تۇراقتىلىقتى ساقتاپ، كەدەرگىلەردى الاستاپ، سايكەسۋدى كۇشەيتىپ، شىنايى سەلبەسىپ، ءوڭىردىڭ بەيبىتشىلىگى مەن ورنىقتىلىعىن ويداعىداي قورعاۋىن ءۇمىت ەتەدى. جۇڭگو ەجەلدەن ورتا ازيادا وڭىرلىك ساياسي مۇددەگە بوي ۇرمايدى، ءبىز شەكارا سىرتىنداعى كۇشتەردىڭ بۇل ءوڭىردى بىلىقتىرۋىنا دا استە جول بەرمەيمىز. توقايەۆ جۇڭگونىڭ ءادىل تۇرعىدا تۇرعاندىعىن القادى، تىعىز، دەر كەزىندە پىكىرلەسۋدى ساقتاپ، تالاس ـ تارتىستى بەيبىت تاسىلمەن شەشۋگە تاباندى بولۋدى قالايتىندىعىن ءبىلدىردى.
ۋاڭ ي سول كۇنى قازاقستاننىڭ ورىنباسار زۇڭليى، سىرتقى ىستەر مينيسترى تىلەۋبەرديەۆپەن كەڭەس وتكىزدى ءارى تىلشىلەرمەن كەزدەستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
