اۋىل - قىستاققا تامىر تارتىپ، بۇقارانىڭ اماندىعىن قورعادى
− مەملەكەتتىك ەرەكشە دارەجەلى تاڭداۋلى حالىق ساقشىسى وسمان گۇلي جونىندە
□ انار بۇلت \ شينجياڭ گازەتىنىڭ ءتىلشىسى ۋاڭ نا
2022.06.07 16:34 كەلۋ قاينارى : شينجياڭ گازەتى
5 - ايدىڭ 28 - كۇنى ءپىشان اۋدانى ءپىشان قالاشىعىندا ەڭ جوعارى تەمپەراتۋرا 38 سەلتسي گرادۋسقا جەتتى، شىلىڭگىر ىستىققا قاراماي نەشە ونداعان تۇرعىننىڭ ۇيىنە بارعان وسمان گۇليدىڭ التى ايىرىعىنان تەر اقتى.
ءپىشان اۋداندىق قوعام حاۋىپسىزدىگى مەكەمەسى ءپىشان ساقشى بولىمشەسىنىڭ باستىعى بولىپ اۋىسىپ كەلگەن ءبىر ايدان استام ۋاقىتتان بەرى، وسمان جارعاق قۇلاعى جاستىققا تيمەي ارالاپ بۇقارانىڭ احۋالىن ۇعىسىپ، قاراستىلىعىنداعى ءوڭىردىڭ جاعدايىنا تەزىرەك قانىق بولعىسى كەلدى. ساقشى بولعان 14 جىلدان بەرى وسمان جۇمىستى جانىن سالا ىستەپ كەلدى، جوعارى كۇشەمەلىلىكتەگى قىزمەت 39 جاستاعى ونىڭ شاشىنا قىلاۋ ءتۇسىردى.
وسمان ىلگەرىندى - كەيىندى ءپىشان اۋدانىنداعى كوپتەگەن اۋىل - قىستاق ساقشى بولىمشەسىندە قىزمەت ىستەدى، اسىرەسە، ءپىشان اۋداندىق قوعام حاۋىپسىزدىگى مەكەمەسى دىعار ساقشى بولىمشەسىندە 7 جىل ىستەدى، تاباندى قىزمەت ستيلىمەن، تىڭعىلىقتى قىزمەت ناتيجەسىمەن، بۇقاراعا ىقىلاستى قىزمەت وتەۋ پوزيتسياسىمەن قاراستىلىعىنداعى وڭىردەگى اماندىق، قىلمىستىق ىستەر دەلولارى ءۇرتىس 5 جىل زور مولشەردە ازايىپ، ورنىقتى دا جاراسىمدى قالاشىققا اينالدى.
2015 - جىلى وسمان العاش دىعار ساقشى بولىمشەسىنىڭ باستىعى بولعاندا، دىعار قالاشىعىنىڭ اماندىق جاعدايى تۇرعىنداردى الاڭداتىپ كەلگەن ەدى. تۇتاس قالاشىقتىڭ قوعام اماندىعىن، ورنىقتىلىعىن قورعاۋ ءۇشىن وسمان ءار كۇنى ىشكەرىلەي ارالاپ، ءبىر - بىردەن تەكسەرىپ، تۇرعىندارمەن اۋىس - كۇيىس جاساسىپ، بۇرىنعى جىلداردا قاراستىلىعىنداعى وڭىردە تۋىلعان دەلولاردىڭ دەرەگىن رەتتەپ، كارتا سىزىپ شايقاس جاساۋ، دەرەكتەردى ىشكەرىلەي ىزدەستىرۋ ارقىلى كوپتەگەن دەلونى ءساتتى تۇردە اشكەرەلەپ، بۇقارانىڭ زىعىردانىن قايناتقان ءبىر توپ قىلمىس كۇماندىسىن تۇتقىندادى.
دىعار قالاشىعىنىڭ قاراستىلىعىندا كەن كوپ، تۇتاس قالاشىقتا كاسىپورىن كوپ، جىلجىمالى جان سانى كوپ، ءتۇرلى ۇرلاپ قازۋ، ۇرلاپ اشۋ كوپ بولىپ، ەڭبەكاقى داۋ - شارى كوپ تۋىلىپ تۇراتىن. وسمان ۇنەمى اترەت باستاپ زاۆود، كەن، كاسىپورىندارعا بارىپ، ءوندىرىس، تيجارات جاعدايىن ۇعىسىپ، كاسىپورىن جاۋاپتىلارىنا جانە قىزمەتكەرلەرگە زاڭ، ەڭبەك، الدامكوستىكتەن ساقتانۋ، ۇرلىقتان ساقتانۋ بىلىمدەرىن ۇگىتتەپ، ەڭبەكشىلەردىڭ زاڭدىق تانىمى مەن حاۋىپسىزدىك، ساقتىق تانىمىن جوعارىلاتىپ، زاڭعا قايشى قىلمىستاردان جانە قايشىلىق، جاڭجالداردان تۋ باستان ساقتاندى.
2021 - جىلى 10 - ايدا ءبىر كەن كاسىپورنىنىڭ 2 سەرىكتەسۋشىسىنىڭ اراسىندا قايشىلىق تۋىلىپ، بەت - بەتىنە كەتپەك بولادى. سەرىكتەسۋشى جاڭ XX زاۆودقا ادام جىبەرىپ، ءبىر توپ جابدىقتى زورلىقپەن كوشىرىپ اكەتپەك بولادى، سەرىكتەسۋشى مو XX بۇعان مۇلدە قوسىلمايدى، ەكى جاق كەلىسە الماي ساقشىعا مالىمدەيدى.
وسمان وسى سەرىكتەسۋ كەلىسىمى داۋ - شارى دەلوسى ساياتىن نىسانالىق سوما قوماقتى ەكەندىگىن ۇعىسقاننان كەيىن، كاسىپورىننىڭ ىندەت ىقپالىندا باياندى دامي الۋى وڭاي ەمەس، ەكى جاقتاعى داۋگەردىڭ قىزمەتىن، ءسوز جوق، ويداعىداي ىستەپ، ەكى جاقتى مۇمكىندىكتىڭ بارىنشا كەلىستىرۋ كەرەك دەپ قارادى.
وسمان سىرتتا تۇراتىن جاڭ XXپەن جانە موXXپەن جەكە - جەكە تەلەفوندا سويلەسىپ، ەكەۋىنىڭ كاسىپورىننىڭ مال - مۇلكىن ءبىر جايلى ەتۋدى ۋاقىتشا توقتاتىپ، ۋادەلى ۋاقىتتا دىعار ساقشى بولىمشەسىنە كەلىپ، بەتپە - بەت كەلىسۋگە شاقىردى. كەلىستىرۋدەن ىلگەرى وسمان كاسىپورىنعا قايتا - قايتا بارىپ جاعداي ۇعىسىپ، ەكى جاق مۇددەسىنىڭ سايكەسۋ ءتۇيىنى مەن تەڭ يگىلىكتەنۋ ءتۇيىنىن ۇزدىكسىز ىزدەستىرىپ، ەگجەي - تەگجەيلى كەلىستىرۋ جوباسىن جاسادى. شىن ىقىلاسىمەن اڭگىمەلەسۋ جانە سابىرلىلىقپەن ەگجەي - تەگجەيلى كەلىستىرۋ ارقىلى ەكى سەرىكتەسۋشى تاتۋلاستى.
اۋىل شارۋاشىلىق قوسىمشا ونىمدەرىن ۇرلاۋ دەلولارىنىڭ تۋىلۋىنان ساقتانۋ ءۇشىن، وسمان ۇنەمى تۇندە جانە تاڭعا جۋىق دەلو ءجيى تۋىلاتىن ۋاقىتتا اترەت باستاپ كوشەلەردى ىشكەرىلەي ارالاپ، شارلاۋ جۇرگىزىپ، كاسىپورىندار مەن بۇقارانى ساقتىق قىزمەتىن جاقسى ىستەۋگە قۋزايدى.
2021 - جىلى 4 - ايدا تۇرعىن يە X ءوزىنىڭ اسىل تۇقىمدى 2 قويىنىڭ ۇرلانعاندىعىن، زيان قۇنىنىڭ 25 مىڭ يۋاننان استام ەكەندىگىن ساقشىعا مالىمدەيدى. وسمان دەرەۋ حالىق ساقشىلارىن ۇيىمداستىرىپ تۇندەلەتىپ تەكسەرۋ قىزمەتىن ورىستەتىپ، دەلو تۋىلعان 4 - كۇنى قىلمىس كۇماندىسىن قولعا ءتۇسىردى ءارى سوڭىنا ءتۇسىپ 3 ىلىكتى ۇرلىق دەلوسىن تەكسەرىپ اشكەرەلەدى.
وسماننىڭ باسشىلىعىندا دىعار ساقشى بولىمشەسىندەگى حالىق ساقشىلارى حالىق جاعدايىن بەلسەنە ۇعىسىپ، ەل رايىن تەكسەرىپ، جۇرتتى مەيىرگە بولەپ، بۇقارانىڭ اڭىسى كورنەكتى بولعان قولامتالى، قيىن ماسەلەلەردى ءبىر جايلى ەتتى، 2021 - جىلى ساقشى بولىمشەسى بۇقارا ءۇشىن جيىنى 54 ناقتى ءىس، جاقسى ءىس ىستەپ، بۇقارانىڭ قيىنشىلىق تالابىنان 80 نەشەسىن ءبىر جايلى ەتىپ، اۋىلداستاردىڭ جاقسى باعاسىنا يە بولدى.
قازىر وسمان ساقشى بولعان 14 جىلدان بەرگى تاجىريبەلەرىن ءپىشان قالاشىعىنا اكەلىپ، جاڭا جۇمىس ورنىندا جالعاستى كۇرەس جۇرگىزۋدە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
