لي جانشۋ كوللەكتيۆ حاۋىپسىزدىك شارتى ۇيىمى پارلامەنت جينالىسىنىڭ جالپى جيىنىندا بەينە ەكران ءسوزىن سويلەدى
2022.06.07 16:50 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 6 - كۇنى، بەيجيڭ. كوللەكتيۆ حاۋىپسىزدىك شارتى ۇيىمى پارلامەنت جينالىسىنىڭ ءتوراعاسى، رەسەي مەملەكەتتىك دۋماسىنىڭ ءتوراعاسى ۆولوكيننىڭ ۇسىنىسى بويىنشا، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 6 - كۇنى كوللەكتيۆ حاۋىپسىزدىك شارتى ۇيىمى پارلامەنت جينالىسىنىڭ جالپى ماجىلىسىندە بەينە ەكران ءسوزىن سويلەدى.
لي جانشۋ مىنانى ءبىلدىردى: بيىل − كوللەكتيۆ حاۋىپسىزدىك شارتىنا قول قويىلعانىنىڭ 30 جىلدىعى جانە كوللەكتيۆ حاۋىپسىزدىك شارتى ۇيىمى قۇرىلعانىنىڭ 20 جىلدىعى. قۇرىلعاننان بەرى كوللەكتيۆ حاۋىپسىزدىك شارتى ۇيىمى مۇشە ەلدەردىڭ تاۋەلسىزدىگىن، يەلىك ۇقىعىن جانە حاۋىپسىزدىگىن قورعاۋ، ءوڭىردىڭ بەيبىتشىلىگى مەن ورنىقتىلىعىن جەبەۋ، وڭىرلىك حاۋىپسىزدىكتىڭ جاڭا حاۋىپ - قاتەرىنەن ساقتانۋ جانە وعان توتەپ بەرۋ سياقتى جاقتاردا ماڭىزدى رول اتقارىپ، ماڭىزدى ىقپالعا يە وڭىرلىك حالىقارالىق حاۋىپسىزدىك ۇيىمىنا اينالدى.
لي جانشۋ بىلاي دەدى: قازىر دۇنيە جۇزىندە ءجۇز جىلدان بەرى بولماعان زور وزگەرىس جەدەل قۇبىلىپ، جاڭا تيپتى ايدارشا ۆيرۋس وكپە قابىنۋ ىندەتى ءۇرتىس قايتالانىپ، ءتۇرلى ءداستۇرلى جانە بەي ءداستۇرلى حاۋىپسىزدىك قاتەرى تولاسسىز تۋىلىپ، سىڭار جاقتىلىق، زورەكەرلىك، وكتەمدىك ساياسي حاۋىپ - قاتەر كۇشەيىپ، ادامزات ءدوپ كەلىپ وتىرعان حاۋىپسىزدىك سىنى بارعان سايىن كورنەكتىلەنە ءتۇستى.
لي جانشۋ بىلاي دەپ اتاپ كورسەتتى: تاياۋدا ءتوراعا شي جينپيڭ بو – اۋ ازيا تالقى مىنبەرىنىڭ جىلدىق ءماجىلىسىنىڭ اشىلۋ سالتىندا دۇنيە جۇزىلىك حاۋىپسىزدىك باستاماسىن ورتاعا قويىپ، جۇڭگو جاقتىڭ دۇنيە ءجۇزىنىڭ اماندىعىن جەبەۋ، دۇنيە ءجۇزىنىڭ بەيبىتشىلىگىن، تىنىشتىعىن قورعاۋ تۇرعىسىن، دارىپتەمەسىن جۇيەلى پايىمداپ، ادامزاتتىڭ بولىنبەس حاۋىپسىزدىك ورتاق تۇلعاسى ەكەنىن دارىپتەدى. جۇڭگو جاق ورتاق، كەشەندى، سەلبەسكەن، باياندى حاۋىپسىزدىك كوزقاراسىن جەتەكشى ۇستانىم ەتىپ، ءوزارا قۇرمەت ەتۋدى نەگىزگى ولشەم، حاۋىپسىزدىكتىڭ بولىنبەۋىن ماڭىزدى پرينسيپ، حاۋىپسىزدىك ورتاق تۇلعاسىن قۇرۋدى ۇزاق بولاشاقتىق نىسانا ەتىپ، قارسىلاسپاۋ، سەرىكتەسۋ، وداقتاسپاۋ، تەڭ يگىلىككە كەنەلۋ سىندى جاڭاشا حاۋىپسىزدىك جولىمەن ءجۇرۋدى دارىپتەيدى. جۇڭگو جاقتىڭ دۇنيە جۇزىلىك حاۋىپسىزدىك باستاماسىن العا قويۋداعى ماقساتى حالىقارالىق قوعامنىڭ دۇنيە ءجۇزىنىڭ بەيبىتشىلىگىن قورعاۋداعى، قاقتىعىستان، سوعىستان ساقتانۋداعى كوكەي تەستى قاجەتىنە جاۋاپ قايتارىپ، حالىقارالىق قاقتىعىستىڭ قاينارىن جويۋدى، حالىقارالىق حاۋىپسىزدىك سىن - سايىسىنا توتەپ بەرۋدى، دۇنيە ءجۇزىنىڭ بەيبىت دامۋىن جۇزەگە اسىرۋدى جاڭا بەتالىسپەن قامداۋ ءۇشىن بولىپ وتىر، كوللەكتيۆ حاۋىپسىزدىك شارتى ۇيىمىنا مۇشە ەلدەردى قامتىعان حالىقارالىق قوعامنىڭ جاپپاي بىرگە ات سالىسۋىن قارسى الامىز.لي جانشۋ مىنانى ءبىلدىردى: جۇڭگو مەن كوللەكتيۆ حاۋىپسىزدىك شارتى ۇيىمىنا مۇشە ەلدەر ءوڭىردىڭ بەيبىتشىلىگى مەن ورنىقتىلىعىن قورعاۋ سياقتى ماسەلەلەردە كەڭ كولەمدى ورتاق مۇددەگە يە. كۇردەلى دە اۋىر حالىقارالىق جانە وڭىرلىك حاۋىپسىزدىك جاعدايى الدىندا، جۇڭگو كوللەكتيۆ حاۋىپسىزدىك شارتى ۇيىمىنا مۇشە ەلدەرمەن اۋىس - كۇيىستى، سەلبەستىكتى كۇشەيتىپ، پارمەندى شارالار قولدانىپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋعا پەيىل.لي جانشۋ مىنالاردى دارىپتەدى: جۇڭگو مەملەكەتتىك حالىق قۇرىلتايى كوللەكتيۆ حاۋىپسىزدىك شارتى ۇيىمىنا مۇشە ەلدەردىڭ زاڭ شىعارۋ قۇرىلىمىمەن بىرگە اۋىس - كۇيىستى، ءوزارا ۇلگى الۋدى كۇشەيتىپ، ءوزارا ءتيىمدى سەلبەستىكتى تەرەڭدەتىپ، زاڭ شىعارۋ قۇرىلىمدارىنىڭ وزگەشە رولىن ساۋلەلەندىرىپ، كوللەكتيۆ حاۋىپسىزدىك شارتى ۇيىمى مەن شاڭحاي سەلبەستىك ۇيىمى سياقتى وڭىرلىك حاۋىپسىزدىك ۇيىمدارىنىڭ جانە مەحانيزمىنىڭ كومەسكى كۇشىن تولىق اشىپ، ءوز رايونى مەن بۇكىل دۇنيە ءجۇزىنىڭ اناعۇرلىم بەيبىت، اناعۇرلىم حاۋىپسىز بولۋىنا، اناعۇرلىم گۇلدەنىپ - كوركەيۋىنە مۇمكىندىك جاساۋعا پەيىل.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
