مۋ زۇڭباۋ:
جەمىستى سيرەتكەندە عانا المانىڭ ساپاسى جاقسارادى
□ انار بۇلت \ شينجياڭ گازەتىنىڭ ءتىلشىسى جاڭ جىلي
2022.06.06 16:00 كەلۋ قاينارى : شينجياڭ گازەتى
كەيىپكەر ارحيۆى: مۋ زۇڭباۋ، 58 جاستا، بەيجيڭ اۋىل شارۋاشىلىق شۋەيۋانىنان وقۋ تاۋىسقان، اقسۋ الما عىلىم - تەحنيكا اۋلاسىنىڭ جاۋاپتى تەحنيكا مامانى. 1986 - جىلى كوكياردى جاسىلداندىرۋ ينجەنەرياسى باستالعاندا، شاندۇڭنىڭ رىجاۋىندا الما ەگىمشىلىگىمەن شۇعىلدانىپ جۇرگەن مۋ زۇڭباۋ اقسۋ ايماعىنا كەلىپ، كوشەت جەتىلدىرىپ، اعاش ءوسىردى. كوكيارمەن بىرگە ەسەيگەن 30 نەشە جىلدا، مۋ زۇڭباۋ جەمىس اعاشىن باپتاۋ جاعىندا مول تەحنيكا جيناقتادى ءارى ءوز اقشاسىمەن تالاي مەملەكەتكە بارىپ ۇيرەنىپ، باعبانشىلىق، باپتاۋ ورەسىن جوعارىلاتتى. جاقىنداعى جىلداردان بەرى مۋ زۇڭباۋ كوپتەگەن شارۋالاردى الما اعاشىن ءوسىرۋ ارقىلى كىرىستەرىن ارتتىرىپ بايۋعا جەتەكتەدى.
قازىر اقسۋ بيڭتاڭشين الماسىنىڭ اۋەلگى وندىرىلەتىن جەرى اقسۋ ايماعى حۇڭچيپو ەگىس الاڭى الما جەمىسىن سيرەتۋ مەزگىلىنە ءدوپ كەلدى. تۇتاسىپ كەتكەن الما باقتارىندا ءار جەمىس اعاشىنىڭ بۇتاقتارىنا تاسقاياقتىڭ ۇلكەندىگىندەي جەمىستەر ۇيىسا ءوسىپ كەلەدى. بۇل جەمىستەردىڭ قانشالىعىن الىپ قالىپ، قانشالىعىن ءۇزىپ تاستاۋ كەرەك، قايسىلارىن قالدىرىپ، قايسىلارىن ءۇزۋ كەرەك دەگەن ماسەلەلەرگە ۇيگە كەلىپ تەحنيكا ۇيرەتەتىن مۋ زۇڭباۋ ۇلگى كورسەتە تۇرىپ جاۋاپ بەردى.
باعبان: الما اعاشىن باپتاۋداعى جەمىسىن سيرەتۋدە قانداي پرينيسپتەرگە بويسۇنۋ كەرەك؟
مۋ زۇڭباۋ: ءالسىز اعاشتا كوپ سيرەتۋ، ءالسىز بۇتاقتا كوپ سيرەتۋ، جاقسى وسكەن اعاشتا از سيرەتۋ، جاقسى وسكەن بۇتاقتا از سيرەتۋ كەرەك. بۇرىن كوپتەگەن ادامدار الما اعاشىنىڭ جەمىسى قانشا كوپ بولسا، ءتۇسىمى سونشا جوعارى، سونشا جاقسى بولادى دەپ قارايتىن. ناعىندا، تەك جەمىس ءتۇسىمىنىڭ كوپ - ازدىعىنا ەمەس، جەمىستىڭ تاۋارلانۋ مولشەرىنە قاراۋ كەرەك. جەمىستەر ۇلكەن، بىركەلكى، سىرتقى ءپىشىنى جاقسى، ءدامدى بولسا، تۇتىنۋشىلار ۇناتاتىن تاۋار جەمىس بولعانى. بىلتىرعى بازار جاعدايىن الىپ ايتساق، تاۋار جەمىستىڭ ىشىندەگى ءبىرىنشى دارەجەلى جەمىستەردىڭ كيلوگرامى 6 − 7 يۋانعا ساتىلدى، ەرەكشە دارەجەلى جەمىستىڭ كيلوگرامى 8 − 9 يۋانعا ساتىلدى، ادەتتەگى جەمىستىڭ كيلوگرامى ارەڭ 5. 2 يۋانعا ساتىلدى.
باعبان: جەمىس قاۋىرت وسكەن مەزگىلدە الما اعاشتاعى ءبىر شوعىر جەمىستەن قانشاۋىن قالدىرۋ كەرەك؟
مۋ زۇڭباۋ: الما اعاشىنىڭ گۇلى ءتۇسىپ جەمىسى شىققاندا، ءار شوعىردا 5 − 6 نەمەسە 7 − 8دەن جەمىس وسەدى. جەمىس قاۋىرت وسكەن مەزگىلدەگى اعاش جونىنەن ايتقاندا، ءبىر شوعىردا مەيلى نەشە جەمىس بولسىن، تەك ەڭ ۇلكەن، ەڭ جاقسى بىرەۋىن عانا قالدىرۋ كەرەك. قازىر جەمىس ورمانىن باپتاۋ ورەسى جوعارىلادى، ءبىر شوعىرداعى جەمىستەردىڭ ۇلكەن - كىشىلىگى قارايلاس بولادى، جەمىس سيرەتكەندە باسقا ورىنداعى قالدىرىلعان جەمىسپەن ارالىعىن ويلاستىرىپ، مۇمكىندىكتىڭ بارىنشا جەل، كۇن نۇرى وتەتىن ەتۋ كەرەك. جاسىراق الما اعاشتارىنىڭ جەمىسىن سيرەتكەندە، الدىمەن ەكى جەمىسىن قالدىرىپ، بوراندى اۋا رايىندا زيانعا ۇشىراۋ مولشەرىن تومەندەتۋ كەرەك.
باعبان: جەمىسىن سيرەتكەننەن كەيىن، الما اعاشىن جىنتىكتەپ باپتاۋدا تاعى نەلەردى ىستەۋ كەرەك؟
مۋ زۇڭباۋ: جەمىس سيرەتۋ جالاڭ ەگىس جۇمىسى قيمىلى ەمەس، جەمىس سيرەتكەننەن كەيىن ىلە - شالا ەگىس تىڭايتقىشىن تولىقتاپ بەرۋ، زياندى جاندىكتەردىڭ زيانداۋىنىڭ الدىن الۋ جانە تىزگىندەۋ، بىتىك بۇتاقتاردى شىرپۋ سياقتى ەگىس جۇمىستارى ىستەلەدى. جەمىستى سيرەتە ءجۇرىپ الما اعاشىنىڭ ءوسۋ جاعدايىن باقىلاۋ كەرەك. ءار بۇتاقتان ءوسىپ شىققان جىڭىشكە جاڭا بۇتاقشالاردىڭ السىزدەرىن كەسىپ تاستاۋ، قاۋلاي وسكەندەرىن ءيىپ، ءوسۋىن شەكتەۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
