2022 – جىلعى مەملەكەتتىك ءبىرتۇتاس زاڭ كاسىپتىك تولىمدىلىق ەمتيحانىنا 6 – ايدىڭ 16 – كۇنىنەن باستاپ تىزىمدەلۋگە بولادى
2022.06.03 13:17 كەلۋ قاينارى : حالىق تورابى
جۇڭگو اقپارات تورابى، 6 - ايدىڭ 1 - كۇنى، بەيجيڭ. ءادىليا مينيسترلىگى تورابىنىڭ حابارىنا قاراعاندا، ءادىليا مينيسترلىگى 2022 – جىلعى مەملەكەتتىك ءبىرتۇتاس زاڭ كاسىپتىك تولىمدىلىق ەمتيحانى حابارلاندىرۋىن جاريالاپ، وبيەكتيۆ سۇراۋلار ەمتيحانىنا توراپتا تىزىمدەلۋ ۋاقىتى 6 - ايدىڭ 16 - كۇنىنەن 30 - كۇنىنە دەيىن، ەمتيحان ۋاقىتى 9 - ايدىڭ 17 - كۇنى، 18 - كۇنى؛ سۋبيەكتيۆ سۇراۋلار ەمتيحان ۋاقىتى 10 - ايدىڭ 16 - كۇنى دەپ اشىق بەلگىلەدى.
حابارلاندىرۋدا مىنالار ايقىن بەلگىلەندى: 2022 – جىلعى زاڭدىق كاسىپتىك تولىمدىلىق ەمتيحانىنا تىزىمدەلۋ شارتى، ەمتيحان ءتاسىلى جانە قاتىستى ساياساتتار جالپى جاقتان ورنىقتى بولىپ، زاڭدىق كاسىپتىك تولىمدىلىق ەمتيحانىن كەڭەيتۋ ساياساتى جالعاستى اتقارىلادى، ەمتيحان بەرۋ شارتىنا ۇيلەسەتىن ادەتتەگى جوعارى مەكتەپتەردىڭ، اسكەري مەكتەپتەردىڭ 2023 – جىلى تولىق كۇندىك تولىق كۋرس بىتىرەتىن وقۋشىلار مەن ۇقساس دارەجەدەگى وقۋ كۇشىمەن ەمتيحانعا قاتىناساتىن ماگيستر تۇلەكتەرىنىڭ ەمتيحانعا تىزىمدەلۋىنە جالعاستى جول بەرىلەدى. سونىمەن بىرگە، حابارلاندىرۋدا «مەملەكەتتىك ءبىرتۇتاس زاڭ كاسىپتىك تولىمدىلىق ەمتيحانىن اتقارۋ ءادىسى» اتقارىلعاننان بەرگى «جاڭا ادامدار» مەن «بۇرىنعى قاتىناسىپ كورگەندەردىڭ» كاسىپتىك وقۋ تاريحى، عىلىمي اتاق شارت – جاعدايى جونىندەگى تالابى قايتالاي دارىپتەلدى ءارى ايقىندالدى. ەمتيحان بەرۋشىلەر حانزۋ تىلىندەگى ەمتيحان قاعازىن تاڭداپ ەمتيحانعا قاتىناسۋى كەرەك، سونىمەن بىرگە ەمتيحان بەرۋشىلەر موڭعۇل، زاڭزۋ ، ۇيعۇر، قازاق، چاۋشيان سياقتى بەس ءتۇرلى از ۇلت ءتىل - جازۋىنداعى ەمتيحان قاعازىن تاڭداپ ەمتيحانعا قاتىناسۋىنا دا بولادى.
حابارلاندىرۋدا مىنالار ايقىن بەلگىلەندى: تىزىمدەلۋشىلەردىڭ ءارقايسى ولكە (اۆتونوميالى رايون، توتە قاراستى قالا)، شينجياڭ ءوندىرىس ـ قۇرىلىس بيڭتۋانىنىڭ ءادىليا اكىمشىلىك ورگاندارى قۇرعان ەمتيحان رايونىنا تىزىمدەلۋىنە بولادى. ىندەتتەن ساقتانۋ - تىزگىندەۋ قىزمەتىن ويداعىداي ىستەپ، ادامداردىڭ ءوڭىر اتتاپ اعىلۋىن ازايتۋ ءۇشىن، ەمتيحانعا قاتىناسۋشىلاردىڭ قىزمەت، تۇرمىس ورنى قۇرعان ەمتيحان رايونىندا ەمتيحانعا قاتىناسۋعا تىزىمدەلۋىن ۇسىنىس ەتەمىز.
حابارلاندىرۋدا سونىمەن بىرگە بىلاي دەپ ايقىن بەلگىلەندى: 2022 – جىلى مەملەكەتتىك ءبىرتۇتاس زاڭ كاسىپتىك تولىمدىلىق ەمتيحانىن كومپيۋتەر ارقىلى بەرۋ جالعاستى اتقارىلادى، وبيەكتيۆ ەمتيحان توپقا ءبولىنىپ، جابىق تۇردەگى ەمتيحان فورماسىندا الىنادى؛ سۋبيەكتيۆ ەمتيحان كومپيۋتەرلىك ەمتيحان رەتىندە الىنادى. ەمتيحانعا قاتىناسۋشىلاردىڭ دەنساۋلىعى، جاسى سياقتى سەبەپتەردەن كومپيۋتەر ەمتيحانىن پايدالانۋى شىنىندا قيىن بولسا، سۋبيەكتيۆ سۇراۋلار ەمتيحانىنا قاتىناسۋعا تىزىمدەلگەندە جازباشا جاۋاپ قايتارۋ ءتاسىلىن قولدانۋدى ءوتىنىش ەتۋىنە بولادى. از ۇلت ءتىل - جازۋىندا ەمتيحان قاعازىن ىستەتكەندەردىڭ سۋبيەكتيۆ سۇراۋلارىنا جازباشا جاۋاپ قايتارۋ ءتاسىلى قولدانىلادى.
جەر - جەردە تىزىمدەلگەن ناقتى ىستەر جونىندە، تىزىمدەلگەن جەردەگى ءادىليا اكىمشىلىك ورگانى تىزىمدەلۋدەن بۇرىن قوعامعا قۇلاقتاندىرۋ شىعارادى. 2022 – جىلعى مەملەكەتتىك ءبىرتۇتاس زاڭ كاسىپتىك تولىمدىلىق ەمتيحانىنىڭ باسقا دا ىستەرى جونىندە ەمتيحانعا قاتىناسۋشىلاردىڭ ءادىليا مينيسترلىگىنىڭ رەسمي تورابىنا شىعىپ ەمتيحان حابارلاندىرۋىن كورۋىنە نەمەسە تىزىمدەلگەن جەردەگى ءادىليا اكىمشىلىك ورگاندارىنان اقىل – كەڭەس سۇراۋىنا بولادى. ەمتيحانعا قاتىناسۋشىلار ەمتيحانعا قاتىناسقاندا، ەمتيحانعا قاتىناساتىن جەرىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى بەلگىلەمەلەرىنە بويسۇنىپ، ىندەتتەن ساقتانۋ - تىزگىندەۋ قىزمەتىنە سانالىقپەن سايكەسۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
