جەر قۇنارلىلىعىن قورعاۋ قوسىمشا قاراجاتىن الۋعا بىلاي ءوتىنىش بەرەسىز
ءبىر بولەك جەرگە جىلىنا ءبىر رەت قوسىمشا قاراجات بەرىلەدى، ەگىلۋ ۇستىندەگى داقىلدار ەڭ الدىمەن قوسىمشا قاراجات بەرۋ وبيەكتىسى ەتىلەدى
2022.06.01 16:20 كەلۋ قاينارى : حالىق تورابى
[شارۋالارعا قىزمەت وتەۋ . ساياساتتى ءتۇسىندىرۋ]
«2022- جىلى شينجياڭ ۇيعۇر اۆتونوميالى رايونىنىڭ ەگىستىك جەردىڭ قۇنارلىلىعىن ساقتاۋ قوسىمشا قاراجاتىن بەرۋدە اتقارىلاتىن جوباسى» (تومەندە قىسقارتىلىپ «اتقارىلاتىن جوبا» دەپ اتالادى) بيىل 3 – ايدا بەكىتىلىپ اتقارىلدى، شينجياڭ اۋىل شارۋاشىلىعى عىلىم اكادەمياسى توپىراقتى تىڭايتقىشتار مەن اۋىل شارۋاشىلىعىندا سۋدى ۇنەمدەۋدى زەرتتەۋ باسقارماسىنىڭ باستىعى، زەرتتەرمەن شۇي ۋانلي مىنانى ەسكەرتەدى: قوسىمشا قاراجات الۋعا ءوتىنىش بەرگەن كەزدە، شارۋا دوستار قوسىمشا قاراجات بەرۋ وبيەكتىسى، قوسىمشا قاراجات بەرۋ العى شارتى، قوسىمشا قاراجات ولشەمى قاتارلى مازمۇندارعا نازار اۋدارۋى، ءوتىنىش بەرگەن كەزدە كولەمىن دۇرىس ولشەۋى، بەلگىلەمە بويىنشا ءوتىنىش بەرۋى كەرەك.
«ەگىستىك جەردىڭ قۇنارلىلىعىن ساقتاۋعا قوسىمشا قاراجات بەرۋ ساياساتى اتقارىلعالى كوپ جىل بولدى، مۇنداعى ماقسات — كوپشىلىكتى ەگىستىك جەردىڭ قۇنارلىلىعىن سانالىلىقپەن جوعارىلاتۋعا جەتەلەۋ»، — دەدى شۇي ۋانلي، بيىل ەگىستىك جەردىڭ قۇنارلىلىعىن قورعاۋ ساياساتىن اتقارۋ بارىسىندا، استىق ءوندىرىسى قۋاتىن ورنىقتى جوعارىلاتۋعا ۇزدىكسىز ءمان بەرىپ، ەگىن شارۋاشىلىعىنىڭ قۇرىلىمىن ۇيلەسىمدى رەتتەۋدى ىلگەرىلەتۋ ءارى استىق حاۋىپسىزدىگىن قورعاۋ مەن شارۋالاردىڭ كىرىسىنە كەپىلدىك ەتۋدى سايكەستىرۋ، ءبىرتۇلعالاندىرۋدى ويداعىداي ىستەۋ كەرەك.
تيانشان تورابى – شينجياڭ گازەتىنىڭ ءتىلشىسى حى جياڭ، ۋەي يۇڭگۇي
قوسىمشا قاراجات وبيەكتىلەرى قالاي بەلگىلەنەدى
«جوبادا» اتاپ كورسەتىلۋىنشە، ءىس جۇزىندە زاڭدى تۇردە اۋىل شارۋاشىلىعى داقىلدارىن ەگۋشىلەردىڭ (اۋىل شارۋاشىلىعى الاڭىنىڭ جۇمىسشى – قىزمەتكەرلەرىن قامتيدى) بارلىعىنىڭ قوسىمشا قاراجات الۋعا ءوتىنىش بەرۋىنە بولادى.
قوسىمشا قاراجات بەرۋ العى شارتى قايسىلار؟
«جوبادا» ايقىندالۋىنشا، زاڭ – تۇزىمدەر بويىنشا ەگىستىك جەردى كوتەرمەگە الۋ ۇقىعىنا ناق يەلىك ەتۋشىلەر ەگىستىك جەردى ءبيداي، جۇگەرى، سۇرلەمگە ىستەتىلەتىن ءشوپ، جوڭىشقا قاتارلى بەلگىلەنگەن داقىلداردى ەگۋگە پايدالانۋى كەرەك؛ قوسىمشا قاراجات بەرىلەتىن ەگىستىك جەردە ساباندى جان – جاقتى پايدالانۋ، جەردى تەرەڭ بوساتىپ تەگىستەۋ قاتارلى ەگىستىك جەردىڭ قۇنارلىلىعىن قورعاپ، ەگىستىك جەردىڭ ساپاسىن جوعارىلاتاتىن ناقتى شارالاردى بەلسەندى ورىستەتۋ قاجەت؛ ءبىر بولەك جەرگە جىلىنا ءبىر رەت قوسىمشا قاراجات بەرىلەدى، ەگىلۋ ۇستىندەگى داقىلدار الدىمەن قوسىمشا قاراجات بەرۋ وبيەكتىسى ەتىلەدى، قايتالاي ەگىلگەن بورمي، جوڭىشقا قاتارلىلار قوسىمشا قاراجات بەرۋ وبيەكتىسى ەتىلمەيدى؛ قوسىمشا قاراجات بەرىلەتىن داقىلدار كۇزدىك ءبيداي، جازدىق ءبيداي، ەگىلۋ ۇستىندەگى ءداندى جۇگەرى، سۇرلەمگە ىستەتىلەتىن ءشوپ، جوڭىشقا جانە ەرەكشەلىككە يە ەكونوميكالىق داقىلدارعا ىلگەرىندى – كەيىندى رەتى بويىنشا قوسىمشا قاراجات بەرىلەدى؛ جەمىس پەن استىق ارالاس ەگىلگەن اتىزعا عىلىمي تۇردە تۇراقتاندىرىلعان استىق ەگىلگەن كولەمىنە قاراي وتىرىپ، اداقتاۋ قوسىمشا قاراجاتى بەرىلەدى.
قوسىمشا قاراجات ولشەمى قانشا؟
«جوبادا» بەلگىلەنۋىنشە، كۇزدىك ءبيداي ەگىلگەن جەردىڭ ءار مۋىنا 220 يۋان؛ جازدىق ءبيداي ەگىلگەن جەردىڭ ءار مۋىنا 115 يۋان؛ سۇرلەمگە ىستەتىلەتىن ءشوپ ەگىلگەن ەگىستىك جەردىڭ ءار مۋىنا 120 يۋان؛ جوڭىشقا ەگىلگەن جەردىڭ ءار مۋىنا 100 يۋان؛ جۇگەرى (قايتالاي ەگىلگەن جۇگەرى قامتىلمايدى) جانە ەرەكشەلىككە يە ەكونوميكالىق داقىلدار ەگىلگەن جەردىڭ ءار مۋىنا 18 يۋان قوسىمشا قاراجات بەرىلەدى. سۇرلەمگە ىستەتىلەتىن جۇگەرىنىڭ ءار مۋىنا 120 يۋاندىق ولشەم بويىنشا قوسىمشا قاراجات بەرىلەدى، ءدانىن الۋعا ىستەتىلەتىن جەردىڭ ءار مۋىنا 18 يۋاندىق ولشەم بويىنشا قوسىمشا قاراجات بەرىلەدى؛ ايماق، اۋداندار جەرگىلىكتى ورىنداعى كاسىپ سالاسىنىڭ دامۋىنىڭ ءىس جۇزىندىك جاعدايى جانە قۇرىلىمىنا قاراي ەرەكشەلىككە يە اۋىل شارۋاشىلىعى داقىلدارىنا قوسىمشا قاراجات بەرۋ كولەمىن رەتتەۋىنە بولادى (ماقتا، جەمىس ورمانى، كوكونىس قامتىلمايدى).
اۆتونوميالى رايوننىڭ ەگىستىك جەردىڭ قۇنارلىلىعىن قورعاۋ قوسىمشا قاراجاتىن بەرۋ كولەمىنە قامتىلمايتىن جەرلەر:
1. مال باعىمشىلىق الاڭى رەتىندە پايدالانعان ەگىستىك جەرلەر، ورماندى جەرلەر، تۇتاسىمەن قۇرىلعىلى اۋىل شارۋاشىلىعىنا پايدالاناتىن جەرگە وزگەرتىلگەن ەگىستىك جەرلەر، اۋىل شارۋاشىلىعىنا جاتپايتىن جۇمىسقا وتكىزىپ (يەلەپ) الىنعان ەگىستىك جەرلەر قاتارلى پايدالانۋ رولى وزگەرتىلگەن ەگىستىك جەرلەر.
2. جىل بويى ەگىن ەگىلمەي اق جاتقان جەرلەر، يەلەپ الۋ مەن تولىقتاپ بەرۋدى تەڭگەرۋ بارىسىندا «تولىقتاپ» بەرگەن كولەم، ساپاسى ەگىستىك جەر ولشەمىنە تولمايتىن ەگىستىك جەرلەر.
3. اۆتونوميالى رايوننىڭ ەگىستىك جەردى ورماندىق جەرگە، جايىلىمدىق جەرگە اينالدىرۋ (تابيعي ورمان، جايىلىم) جانە سۋارىلاتىن جەردى ازايتۋ كولەمىنە جاتاتىن ەگىستىك جەرلەر.
4. زاڭسىز تۇردە تىڭنان يگەرىلگەن نەمەسە استىق وندىرىسىنە ۇيلەسەتىن اۋماق كولەمىنە ەنگىزىلمەگەن ەگىستىك جەرلەر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
