لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.06.02 16:39 كەلۋ قاينارى : حالىق تورابى
ەكونوميكالىق جاقتاعى ءبىرقىدىرۋ ساياساتتىق شارالاردىڭ تياناقتانىپ، كۇشكە يە بولۋىن جەدەلدەتىپ، بازار تۇلعالارى مەن حالىق بۇقاراسىنىڭ بىلۋگە ءتيىستىنى مۇمكىندىگىنشە بىلۋىنە، يگىلىكتەنتۋگە تيىستىدەن مۇمكىندىگىنشە يگىلىكتەنۋىنە مۇمكىندىك جاساۋدى ورنالاستىردى؛ قيىنشىلىعى بار بۇقاراعا كومەكتەسۋ، سۇيەمەلدەۋ تەبىنىن ونان ارى ارتتىرىپ، نەگىزگى حالىق تۇرمىسىنىڭ تومەنگى شەگىن مىقتى يگەرۋدى ورنالاستىردى
شينحۋا اگەنتتىگى، 6 - ايدىڭ 1 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 6 - ايدىڭ 1 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ەكونوميكالىق جاقتاعى ءبىرقىدىرۋ ساياساتتىق شارالاردىڭ تياناقتانىپ، كۇشكە يە بولۋىن جەدەلدەتىپ، بازار تۇلعالارى مەن حالىق بۇقاراسىنىڭ بىلۋگە ءتيىستىنى مۇمكىندىگىنشە بىلۋىنە، يگىلىكتەنتۋگە تيىستىدەن مۇمكىندىگىنشە يگىلىكتەنۋىنە مۇمكىندىك جاساۋدى ورنالاستىردى؛ قيىنشىلىعى بار بۇقاراعا كومەكتەسۋ، سۇيەمەلدەۋ تەبىنىن ونان ارى ارتتىرىپ، نەگىزگى حالىق تۇرمىسىنىڭ تومەنگى شەگىن مىقتى يگەرۋدى ورنالاستىردى.
ءماجىلىس بىلاي دەپ اتاپ كورسەتتى: ورتالىقتىڭ ەكونوميكالىق قىزمەت ءماجىلىسى مەن «ۇكىمەت قىزمەتىنەن باياندامانىڭ» جالپى وي جەلىسى، ساياساتتىق بەتالىسى بويىنشا ەكونوميكانى ورنىقتىرۋدىڭ ءبىرقىدىرۋ ساياساتتىق شارالارىن العا قويۋداعى باستى ماقسات، ساياساتتى اتقارۋدىڭ قارقىنىن تەزدەتىپ، ونىمدىلىگىن ارتتىرۋ بولىپ تابىلادى. بۇل ساياساتتاردىڭ اتقارىلۋ تەبىنىن ارتتىرۋ، قارقىنىن تەزدەتۋدە بەينەلەنەدى ءارى ەكونوميكانىڭ جالپى جاعدايىن ورنىقتىرۋدىڭ ماڭىزدى شاراسى، سونداي - اق بازار تۇلعالارىن ارقاۋ ەتە وتىرىپ ماكرولىق ساياساتتى اتقارۋدا تاباندى بولىپ، دالمە ـ ءدال تىزگىندەپ، ونىمدىلىكتى جوعارىلاتىپ، بولاشاققا جول اشۋ بولىپ تابىلادى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرۋدا تاراۋلار جەدەل ارەكەتتەنىپ، 6 جاقتاعى 33 ءتۇرلى ساياساتتىق شارانى اتقارۋ ەرەجەسىن جاساۋدا بەلسەندى ىلگەرىلەۋشىلىككە قول جەتكىزدى. كەلەسى قادامدا بىرىنشىدەن، ساياساتتى تاعى دا جاپپاي تەكسەرىپ، اشالاپ، ناقتىلاندىرىپ، بازار تۇلعاسى مەن حالىق بۇقاراسىنىڭ بىلۋگە ءتيىستىنى مۇمكىندىگىنشە بىلۋىنە، يگىلىكتەنتۋگە تيىستىدەن مۇمكىندىگىنشە يگىلىكتەنۋىنە مۇمكىندىك جاساۋ كەرەك. جاڭادان 140 ميلليارد يۋاننان استام اقشانى ورايلاستىرۋعا قالدىرىپ، 7 - ايدا نەگىزىنەن قايتارۋ كەرەك. فينانس ارقىلى نەگىزدىك قۇرىلعىلار قۇرىلىسىنا قولداۋ كورسەتۋدە ساياساتتىق بانكەلەردىڭ 800 ميلليارد يۋان امانات - قارىز سوماسىن ارتتىرۋ ءارى ءتۇيىندى نىساندار تىزىمدىگىن ۇشتاستىرۋ مەحانيزمىن ورناتۋ كەرەك. شارتقا ۇيلەسەتىن جۇمىسسىز قالعان شارۋا جۇمىسكەرلەرگە قاراتا كاسىپسىزدىك قامسىزداندىرۋىنا قاتىناسقان – قاتىناسپاعان بولسىن، ۋاقىتتىق كومەك قاراجات نەمەسە جاردەماقى بەرىلەدى ءارى تاراتۋ تۇلعاسى ايقىن كورسەتىلەدى. اۆتوموبيل ورتالىق كاسىپورىندارى تاراتقان 90 ميلليارد يۋان ساۋدالىق جۇك اۆتوموبيلدەرىنە بەرىلەتىن قارىز اقشانى وسىمىمەن كەشىكتىرىپ قايتارۋ ءۇشىن، كاسىپورىنداردى توراپتا حابارلاندىرۋ، قول تەلەفون كەلتە حاتى سياقتى حابارلاۋ، ءبىر جاقتى ەتۋ تاسىلدەرىن قولدانۋعا جەتەكتەۋ كەرەك. باسقا ساياساتتاردى مەڭگەرۋگە، تياناقتاندىرۋعا دەيىن ناقتىلاندىرۋ كەرەك. ساياساتتىڭ اتقارىلۋ جاعدايىنا قاداعالاي نازار اۋدارىپ، كەمەلدەندىرۋگە تيىستىلەرىن دەر كەزىندە كەمەلدەندىرۋ كەرەك. ەكىنشى، رەفورما شارالارىمەن، بازارلاندىرۋ ادىسىمەن قيىن ماسەلەلەردى شەشۋدە تاباندى بولىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋ كەرەك. ساياساتتان «ءوتىنىش ەتپەي - اق يگىلىكتەنۋ»، توراپتا ءبىتىرۋ كۇش سالا ىلگەرىلەتىلەدى. زات اينالىمىنىڭ ۇلكەن ارناسى مەن ميكرو اينالىمىن ىركىلىسسىزدەندىرىپ، جۇمىستى قالپىنا كەلتىرىپ، ءوندىرىستى ۇلعايتۋدى ىلگەرىلەتۋدە كەپتەلىس تۇيىندەرىن ءدال تاۋىپ، شارالاردى كەمەلدەندىرىپ، ءتۇيىندى كاسىپورىندارعا «تۇيىندەر ارا» كومەكتەسۋدى كۇشەيتۋ كەرەك. قارجى قوسۋ نىساندارى جونىندە جەر - جەر، قاتىستى تاراۋلار اشىق ەسەپ ورناتىپ، تەكسەرىپ بەكىتۋدى ساپالىلاندىرۋ، جەردەن پايدالانۋدى كۇشەيتۋ سياقتى قامتاماسىز ەتۋ ارقىلى تەز ارادا جۇمىس باستاۋدى ىلگەرىلەتۋ كەرەك. جازعى جيىن - تەرىندە اۋىل شارۋاشىلىق ماشينالارىنىڭ اقىسىز، ىركىلىسسىز قاتىناۋىنا كەپىلدىك ەتۋ كەرەك. تۇعىر كاسىپورىندارىنىڭ ەل ءىشى - سىرتىندا زاڭدى، ۇيلەسىمدى بازارعا شىعۋىنا قولداۋ كورسەتۋ، اۆتوكولىكتى شەكتى ساتىپ الۋدى كەڭەيتۋ سياقتى شارالاردى تياناقتاندىرۋ كەرەك. ءۇشىنشى، ساياساتتى تياناقتاندىرۋدى، قۋزاۋدى كۇشەيتۋ كەرەك. مەملەكەتتىك كەڭەس 12 ولكەگە جىبەرگەن باقىلاۋ - تەكسەرۋ گرۋپپاسى ناق مايداندا باقىلاۋ - تەكسەرۋ نەگىزىندە تەز ارادا بايانداما ازىرلەپ، ساياساتتى تياناقتاندىرۋ بارىسىنداعى كورنەكتى ماسەلەلەردى حابارلاندىرۋى كەرەك. جەر - جەردىڭ 2 - توقسانداعى وڭىرلىك ءوندىرىس جالپى ءونىم قۇنى، قالا - قالاشىقتارداعى جۇمىسسىزدىق مولشەرىن تەكسەرۋ، دولايلاستىرىلعان سالىق فاكتورىن شىعارىپ تاستاعاننان كەيىنگى قازىنالىق كىرىس، زات باعاسى سياقتى باستى كورسەتكىشتەردى ساناق تاراۋلارى قازىنا، ادام كۇشى بايلىعى جانە قوعامدىق قامتاماسىزداندىرۋ، سالىق سياقتى تاراۋلارمەن بىرگە زاڭ - ەرەجە بويىنشا شىندىقتى ءىس جۇزىنەن ىزدەي وتىرىپ ولكە بويىنشا جاريالاۋ كەرەك.
ءماجىلىس مىنالاردى اتاپ كورسەتتى: قازىر ءىشىنارا بۇقارانىڭ جۇمىستانۋى مەن كىرىسى ىقپالعا ۇشىراپ، نەگىزگى تۇرمىسى قيىنشىلىققا تاپ بولىپ وتىر. ساياساتتىق سۇيەمەلدەۋدى باعىتتامالى تۇردە كۇشەيتىپ، نەگىزگى حالىق تۇرمىسىنىڭ تومەنگى شەگىن مىقتى يگەرۋ كەرەك. ءبىرىنشى، زەينەتاقىنىڭ ۋاعىندا، تولىعىمەن تاراتىلۋىنا كەپىلدىك ەتۋ كەرەك، بيىل ولشەمدى جوعارىلاتىلعاننان كەيىن تاراتىلاتىن زەينەتكەرلەردىڭ نەگىزگى زەينەتاقىسىن 7 - ايدىڭ سوڭىنان بۇرىن تاراتىپ، قالا - اۋىل تۇرعىندارىنىڭ نەگىزدىك زەينەتاقىسىنىڭ ەڭ تومەنگى ولشەمىن جوعارىلاتۋ كەرەك. ەكىنشى، ەڭ تومەنگى تۇرمىستى قامتاماسىزداندىرۋ سياقتى قۇتقارۋ تەبىنىن ارتتىرۋ كەرەك. اۋقىمدىق باقىلاۋ - تەكسەرۋدى كۇشەيتىپ، جۇمىسسىز قالعاندار پەن يكەمدى جۇمىستانۋشىلار، قايتا كەدەيلەنۋ مۇمكىنشىلىگى بارلار مەن ەڭ تومەنگى تۇرمىسى قامتاماسىزداندىرىلاتىندارعا قاراتىلعان باقىلاۋدى كۇشەيتىپ، قيىنشىلىعى بار ادامداردى دەر كەزىندە قۇتقارۋ نەمەسە ەڭ تومەنگى تۇرمىستى قامتاماسىزداندىرۋ كولەمىنە ەنگىزۋ كەرەك. جەر – جەردىڭ جەرگىلىكتى جاعدايعا قاراي ىستەپ، ەڭ تومەنگى تۇرمىسى قامتاماتسىزداندىرىلاتىن وبيەكتىلەرگە، ەرەكشە قيىنشىلىعى بارلارعا تۇرمىستىق قوسىمشا قاراجاتتى ءبىر جولدا كوبەيتۋىنە بولادى. ءۇشىنشى، ەمدەۋ قامسىزداندىرۋىنىڭ ەسەپتەن كوتەرۋ سالىستىرماسى مەن ءدارى - دارمەك ءتۇرىنىڭ ورنىقتىلىعىن ساقتاپ، نەگىزگى ەمدەۋ قامسىزداندىرۋى، سالماقتى ناۋقاس قامسىزداندىرۋى، ەمدەۋ - قۇتقارۋ سىندى ءۇش ءتۇرلى جالپىلىق قامتاماسىزداندىرۋدىڭ رولىن ويداعىداي ساۋلەلەندىرىپ، شارتقا ۇيلەسەتىن ۋاقىتتىق قيىنشىلىعى بارلارعا نەگىزگى ەمدەلۋ قامسىزداندىرۋ قاراجاتىن تاپسىرۋ مۇمكىن بولماعان جاعدايدا ۋاقىتتىق قامسىزداندىرۋعا قاتىناستىرىپ، قارجىلاي كومەك بەرۋ كەرەك. ءتورتىنشى، حالىق تۇرمىسىن قامتاماسىز ەتۋگە قىزمەت وتەۋدى ولكە اتتاپ ءبىر تۇتاس ءبىتىرۋدى، قولايلى ءبىر جاقتى ەتۋدى ىلگەرىلەتۋ كەرەك. بەسىنشى، حالىق تۇرمىسىن قامتاماسىزداندىرۋ قارجىسىن باقىلاۋ - باسقارۋدى كۇشەيتىپ، ۇستاپ قالۋ، يەمدەنىپ الۋ، جالعان مالىمدەۋ، الداپ الۋ سياقتى ارەكەتتەردى قاتاڭ تەكسەرىپ ءبىر جاقتى ەتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
