«مۇزداتىلعان ۇلتتىق مال – مۇلىكتى بوساتۋ» دەگەن اتپەن ون مىڭنان استام ادامنىڭ اقشاسىن الداپ العان
7 ميلليون 560 مىڭ يۋاننان استام قاراجاتتى الداپ العان 15 ايىپكەرگە شيامىن ورتا دارەجەلى سوتى قىلمىستىق ىستەر بويىنشا ۇكىم شىعاردى
2022.06.02 15:57 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ان حايتاۋ، ەرىكتى ءتىلشى حۇڭ ۋەي حابارلايدى. جۋىردا فۋجيان ولكەسى شيامىن قالالىق ورتا دارەجەلى حالىق سوتى «مۇزداتىلعان ۇلتتىق مال – مۇلىكتى بوساتۋ» دەگەندى جەلەۋ ەتكەن الدامكوستىك دەلوسىنا ءبىرىنشى سوتتا ۇكىم جاريالاپ، جىڭ X، حۋا X، ياۋ X قاتارلى 15 ايىپكەردى الدامكوستىك قىلمىسى بويىنشا جەكە – جەكە ءبىر جىل ءبىر ايدان بەس جىل التى ايعا دەيىنگى ارالىقتا مەرزىمدى قاماق جازاسىنا ۇكىم ەتتى ءارى ولارعا قىلمىستىق ىستەر بويىنشا اقشالاي ايىپ سالدى.
سوت مەكەمەسى تەرگەۋ ارقىلى مىنانى انىقتادى: 2016 – جىلدان بەرى، ايىپكەر جىڭ X، حۋا X، ياۋ X قاتارلىلار لەي X (باسقا دەلو بويىنشا ءبىرجاقتى ەتىلگەن) قاتارلىلاردىڭ جول كورسەتۋىندە، «سۇن لي نىسانى» جانە «جاڭا حۋاڭشى جۇڭسۇن حۋانيۇي نىسانى» قاتارلى اتالمىش «مۇزداتىلعان ۇلتتىق مال – مۇلىكتى بوساتۋ» تەكتەس نىسانداردىڭ جالعان نىساندار ەكەنىن بىلە تۇرا، لەي X قاتارلىلاردىڭ نۇسقاۋىن قابىلداپ، نىساندى ۇگىتتەۋگە اتسالىسقان ءارى تىرەكتى ۋاكىلدىك قىزمەتكەر بولعان، ۋيچاتتا ءبىر – بىرلەپ توپقا تارتۋ ءتاسىلى بويىنشا مۇشە توپتاپ، از مولشەردە قارجى قوسۋ ارقىلى قوماقتى قارىمجىعا يە بولۋعا بولادى دەگەندى شىرعا ەتىپ، مۇشە تارتۋعا جانە ولاردى باسقارۋعا، اقشا جيناۋعا، باسقالاردىڭ مال – مۇلكىن الداپ الۋعا جاۋاپتى بولعان.
ايىپكەر جىڭ X، حۋا X، ياۋ X قاتارلىلار قوماقتى سوماداعى ۇلتتىق مال – مۇلىك شەتەلدە مۇزداتىلدى، جۇرتتان قارجى توپتاۋ ارقىلى مۇزداتىلعان مال – مۇلىكتى بوساتىپ شىعۋ قاجەت، مۇشەلەردىڭ ءاربىرى بىرنەشە يۋان، بىرنەشە ون يۋان مۇشەلىك قاراجات تاپسىرسا، ۇلتتىق مال – مۇلىك مۇزداتۋدان بوساتىلعان سوڭ، مۇشەلەر ميلليون يۋاننان استام جوعارى سوماداعى قارىمجىعا يە بولادى دەگەن وتىرىكتى قۇراستىرعان. مۇشەلەر ۋيچاتتا اقشا جولداۋ ءتاسىلى ارقىلى اقشانى توپقا جولداعان، ايىپكەرلەر اقشانى جيناپ العان سوڭ، جوعارعى جاق بەكىتكەن بانكە نومىرىنە جوتكەپ وتىرعان.
وسى ارالىقتا، ايىپكەر جىڭ X قاتارلىلار قوعام حاۋىپسىزدىگى ورگاندارىنىڭ تەكسەرۋىنە قارسىلىق كورسەتۋ ماقساتىنداعى اتالمىش قۇپيالىق شارتىن ۋيچات توبىنا جولداپ، مۇشەلەردەن قوعام حاۋىپسىزدىگى ورگاندارى نىساندى تەكسەرسە، «ەشتەڭە بىلمەيمىز دەۋدى» تالاپ ەتكەن. تەكسەرۋگە قاراعاندا، الدانعان ادام ون مىڭنان اسقان، ولار ۋيچات توبى ارقىلى مۇشەلىك اقى تاپسىرعان، ايىپكەرلەر الداپ العان اقشانىڭ سوماسى 7 ميلليون 560 مىڭ يۋاننان اسقان.
2020 – جىلى 6 – ايدا ايىپكەر جىڭ X قاتارلىلاردى قوعام حاۋىپسىزدىگى ورگاندارى ىلگەرىندى – كەيىندى تۇتقىنداعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
