شينجياڭنىڭ رايونىمىزدىڭ لاستانۋدان ساقتانۋ جانە ونى جونگە سالۋدان قامال الۋ شايقاسى ىشكەرىلەي ىلگەرىلەدى
2022.06.06 15:58 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي شيڭ 6 - ايدىڭ 4 - كۇنى ۇرىمجىدەن حابارلايدى. بيىل رايونىمىز شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، لاستانۋدى دالمە - ءدال، عىلمي، زاڭ بويىنشا جونگە سالۋدى كورنەكتىلەندىرىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن ىشكەرىلەي ىلگەرىلەتتى.
ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنىڭ 2 - كەزەك 6 - توپتاعى ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ بويىنشا جايعاسۋ كەزەڭىندەگى قىزمەتتەرى ورىندالدى. 5 - ايدىڭ 20 - كۇنىنە دەيىن ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسى بىتىرۋگە وتكىزگەن بۇقارانىڭ 2064 ارىز - ارمان ءىسى نەگىزىنەن ءبىتىرىلىپ بولدى نەمەسە كەزەڭدىك سيپاتتا ءبىتىرىلىپ بولدى.
تۇنىق سۋدى قورعاۋ شايقاسىن ويداعىداي جۇرگىزدى. سۋ بايلىعىن، سۋ ورتاسىن، سۋ ەكولوگياسىن ءبىر تۇتاس جونگە سالۋدى كۇشەيتىپ، وتتەگىنىڭ حيميالىق قاجەتتى شاماسى مەن اممياكتى ازوت سەكىلدى سۋدى لاستاۋشى باستى شىعارىندىلاردىڭ جالپى شاماسىن ۇزدىكسىز ازايتتى. اۋىز سۋ قاينارى الاپتارىن قورعاۋدى ۇزدىكسىز كۇشەيتتى. اۆتونوميالى رايوندىق ەكولوگيالىق ورتا مەڭگەرمەسى اۆتونوميالى رايوندىق سۋ يگىلىگى مەڭگەرمەسى، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى سياقتى قاتىستى تاراۋلارمەن بىرلەسىپ سۋ قاينارى الاپتارىن قورعاۋ جونىندەگى باياندامانى جاساپ، سۋ قاينارى الاپتارىن باقىلاۋ - باسقارۋدىڭ ونىمدىلىگىن جوعارىلاتتى. ايماق دارەجەلى قالالارداعى قارا قوشقىل، ساسىق سۋلاردى رەتتەۋ - جونگە سالۋدىڭ جەتىستىكتەرىن ۇزدىكسىز بەكەمدەپ، اۋدان دارەجەلى قالالارداعى قارا قوشقىل، ساسىق سۋلاردى اداقتاپ تەكسەرۋ، رەتتەۋ - جونگە سالۋ قىزمەتىن جاپپاي ىلگەرىلەتتى.
اتموسفەرانىڭ اۋىر لاستانۋىنا بەلسەنە توتەپ بەردى. ”ءۇرىمجى − سانجى − شىحىزى“، ”كۇيتۇن − مايتاۋ − ءۇرىمجى“ سىندى ءتۇيىندى وڭىرلەردەگى اتموسفەرانىڭ لاستانۋىنان ساقتانۋ جانە ونى جونگە سالۋ سەرپىنىن ۇزدىكسىز ارتتىرىپ، اۋىل - قىستاقتارداعى بىتىراندى كومىرلەردى جونگە سالۋدى كۇشەيتىپ، اۋىر لاستانعان اۋا رايىن جويۋ، وزوننىڭ لاستانۋىن جونگە سالۋ، ديزەلمەن جۇرەتىن جۇك اۆتوموبيلدەرىنىڭ لاستاۋىن جونگە سالۋ سىندى 3 ۇلكەن نىشاندىق قامال الۋ شايقاسىن كۇش سالا ويداعىداي جۇرگىزدى. تيانشاننىڭ سولتۇستىك باۋرايى وڭىرىندەگى ەكولوگيالىق ورتانى قورعاۋ شارالارىن زەرتتەۋ نىسانىن جاپپاي ىسكە قوسىپ، ”ءۇرىمجى − سانجى − شىحىزى“ اۋماعىنداعى ۇساق توزاڭداردان جانە وزوننىڭ لاستانۋىنان سايكەسىمدى ساقتانۋ - تىزگىندەۋ اياسىندا ”ءبىر قالاعا ءبىر شارا“ بويىنشا تۇيىندە تۇرىپ قاداعالاپ زەرتتەۋ جۇرگىزىپ، ىلە وزەنى اڭعارى اۋماعىنداعى اتموسفەرانىڭ لاستانۋ قاينارىن تالداۋ مەن لاستانۋدان ساقتانۋ جانە ونى جونگە سالۋ شارالارىن زەرتتەۋدى نەگىزىنەن ورىندادى.
توپىراقتىڭ لاستانۋىنان ساقتانۋ جانە ونى جونگە سالۋ ارەكەتىن ۇزدىكسىز ىشكەرىلەي اتقارىپ، اۋىر مەتالدان لاستانۋ بويىنشا شىعارىندىلاردى ازايتۋدى جانە جونگە سالۋدى ىلگەرىلەتىپ، ونەركاسىپتىك قاتتى قالدىقتاردى كەشەندى پايدالانۋدى تەرەڭدەتىپ، ”قالدىقسىز قالا“ قۇرىلىسىن ىلگەرىلەتتى. اۋىل شارۋاشىلىعى ونىمدەرىن وندىرەتىن جەرلەردىڭ توپىراق ورتاسىنىڭ حاۋىپسىزدىگىن قامتاماسىز ەتۋدى نىسانا ەتىپ، اۋىل شارۋاشىلىعى ماقساتىنداعى جەرلەردەگى توپىراقتىڭ كەدەمي قاتارلى اۋىر مەتالداردان لاستانۋىن قاينار كوزىنەن ساقتانۋ جانە جونگە سالۋ ارەكەتىن باستادى. اۋىر مەتال سالاسىنا ساياتىن كاسىپورىنداردىڭ توپىراقتىڭ لاستانۋىنان ساقتانۋ جانە ونى جونگە سالۋ جاعىنداعى تۇلعالىق جاۋاپكەرشىلىگىن كۇشەيتىپ، جاسىل باعىتتا ولشەمدى جوعارىلاتىپ وزگەرتۋ جۇمىسىن ورىستەتىپ، رايونىمىزداعى ءتۇيىندى 3 كاسىپورىندى مەملەكەتتىڭ اۋىر مەتال سالاسىنا ساياتىن كاسىپورىنداردى جاسىل باعىتتا ولشەمدى جوعارىلاتىپ وزگەرتۋ نىسانى تىزىمىنە ەنگىزدى. توپىراقتى، جەر استى سۋلارىن، اۋىل شارۋاشىلىعى، اۋىل - قىستاق ەكولوگيالىق ورتاسىن باقىلاۋ - باسقارۋ تۇعىرى قۇرىلىسىن ىلگەرىلەتتى.
ەكولوگيالىق ورتانى قورعاۋعا قاتىستى زاڭ اتقارۋدى كۇشەيتىپ، زاڭ بويىنشا اكىمشىلىك جۇرگىزۋگە تاباندى بولىپ، شارۋاشىلىق - ساۋدا ورتاسىن ساپالىلاندىردى. بيىل ءبىرىنشى ماۋسىمدا بۇكىل رايونداعى ءار دارەجەلى ەكولوگيالىق ورتا بويىنشا زاڭ اتقارۋ تاراۋلارى ۇنامدى ءتىزىم ىشىندەگى 534 كاسىپورىنعا قورشاعان ورتا بويىنشا 706 رەت زاڭ اتقارۋ ورىستەتتى، مۇنىڭ ىشىندە باسى - قاسىندا ەمەس تاسىلمەن ورىستەتىلگەن زاڭ اتقارۋ، تەكسەرۋ 575 رەت بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
