«توعىز تيىم» شىعارىلدى! مەملەكەتتىك دەنساۋلىق ساقتاۋ – سالاماتتىق كوميتەتى ايقىن ۇقتىرۋ شىعاردى
2022.06.06 15:35 كەلۋ قاينارى : حالىق تورابى
مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى 6 – ايدىڭ 5 – كۇنى اقپار جاريالاۋ ءماجىلىسىن اشىپ، ەلىمىز بويىنشا جوعارى مەكتەپ وقۋشىلارىن مەكتەپتەن اۋىلدارىنا اتتاندىرۋ قىزمەتىن ويداعىداي ىستەۋ جونىندەگى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
ماجىلىستە مەملەكەتتىك دەنساۋلىق ساقتاۋ – سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى، ءبىرىنشى دارەجەلى شارلاۋشىسى لەي جىڭلۇڭ مىنانى اتاپ كورسەتتى: «ىندەتتىڭ شەتەلدەن كەلۋىنەن، ەل ىشىندە قايتا تارالۋىنان ساقتانۋ» سىندى باس ستراتەگيادا جانە «بايقالعان سايىن الاستاپ وتىرۋ» باس باعدارىندا بۇلجىماستان تاباندى بولىپ، جەر – جەر ىندەتتەن ساقتانۋ – تىزگىندەۋ مەن ەكونوميكانىڭ، قوعامنىڭ دامۋىن اناعۇرلىم جوعارى ونىمدىلىكپەن ءبىرتۇتاس جوسپارلاۋى، ىندەتتەن ساقتانۋ – تىزگىندەۋ شارالارىنىڭ عىلىميلىعىن، دالمە – دالدىگىن، باعىتتامالىلىعىن اناعۇرلىم جوعارىلاتۋى، تۇرپايىلاندىرۋ، بارلىعىن ءبىر تاياقپەن ايداۋ جانە شارالاردى ساتى سايىن ۇستەمەلەۋ قاتارلى جاعدايلاردان باتىل ساقتانىپ، «توعىز تيىمدى» قاتاڭ ورىنداۋ كەرەك:
1. ءجۇرىس – تۇرىسقا شەكتەۋ قويىلاتىن اۋماقتى ىندەتكە قاتىستى حاۋىپ – قاتەر دارەجەسى ورتاشا، جوعارى اۋماقتان باسقا جەرلەرگە قاراي الباتى كەڭەيتۋگە بولمايدى.
2. ىندەتكە قاتىستى حاۋىپ – قاتەر دارەجەسى تومەن وڭىرلەردەن كەلگەندەردى ءناسيحاتتاۋ ارقىلى ءماجبۇرلى تۇردە كەلگەن جەرىنە قايتارۋ، اۋاشالاۋ قاتارلى شەكتەۋ شارالارىن قولدانۋعا بولمايدى.
3. ىندەتكە قاتىستى حاۋىپ – قاتەر دارەجەسى ورتاشا، جوعارى وڭىرلەر مەن تۇيىقتالاتىن، مەڭگەرىلەتىن وڭىرلەردى مەڭگەرۋ ۋاقىتىن الباتى ۇزارتۋعا بولمايدى.
4. ىندەت حاۋپىنە بايلانىستى اۋاشالاۋ، مەڭگەرۋ شارالارى اتقارىلاتىن ادامداردىڭ كولەمىن الباتى كەڭەيتۋگە بولمايدى.
5. ىندەت حاۋپىنە بايلانىستى ادامداردى اۋاشالاۋ مەن ولاردىڭ دەنساۋلىعىن تەكسەرۋ ۋاقىتىن الباتى ۇزارتۋعا بولمايدى.
6. ىندەتتەن ساقتانۋدى جەلەۋ ەتىپ، شۇعىل، قاتەرلى، حال ۇستىندە جاتقان جانە بەلگىلى زاڭدىلىق بويىنشا ەمدەۋدى قاجەت ەتەتىن ناۋقاستار قاتارلىلارعا مەديتسينالىق قىزمەت وتەۋدەن الباتى باس تارتۋعا بولمايدى.
7. مەكتەپتەن اتتانىپ، اۋىلىنا قايتقان جوعارى مەكتەپ وقۋشىلارى شارتقا ۇيلەسەتىن بولسا، ولاردى اۋاشالاۋ قاتارلى شارالاردى اتقارۋعا بولمايدى.
8. كارانتيندەۋ پۋنكتتەرىن الباتى ورنالاستىرىپ، شارتقا ساي كەلەتىن جولاۋشىلاردىڭ، جۇك اۆتوموبيلدەرىنىڭ شوفەرلەرىنىڭ قاتىناۋىن شەكتەۋگە بولمايدى.
9. ىندەتكە قاتىستى حاۋىپ – قاتەر دارەجەسى تومەن وڭىرلەردە قالىپتى تۇرمىس پەن ءوندىرىستى قامتاماسىزداندىراتىن ورىنداردى الباتى جابۋعا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
