ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى ءتورت تاراۋ:
قوعامدىق قامسىزداندىرۋ قاراجاتىن كەزەڭگە ءبولىپ كەشەۋىلدەتىپ تاپسىرۋدى اتقارۋ كولەمى كەڭەيتىلەدى
2022.06.06 15:00 كەلۋ قاينارى : حالىق تورابى
حالىق گازەتىنىڭ ءتىلشىسى يە زى 6 – ايدىڭ 5 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى ءتورت تاراۋ جۋىردا «قوعامدىق قامسىزداندىرۋ قاراجاتىن كەزەڭگە ءبولىپ كەشەۋىلدەتىپ تاپسىرۋدى اتقارۋ كولەمىن كەڭەيتۋ قاتارلى ماسەلەلەر جونىندەگى ۇقتىرۋدى» جاريالادى، الدا زەينەتكەرلىك قامسىزداندىرۋى، كاسىپسىز قالۋدان قامسىزداندىرۋ، جۇمىس ۇستىندە جارالانۋدان قامسىزداندىرۋ قاراجاتتارىن كەزەڭگە ءبولىپ كەشەۋىلدەتىپ تاپسىرۋدى اتقارۋ كولەمىن اس – سۋ، بولشەك ساتۋ، ساياحات، حالىقتىق اۆياتسيا، تاس جول، سۋ جولى، تەمىر جول تاسىمالى قاتارلى ەرەكشە قيىنشىلىققا جولىققان 5 ءتۇرلى كاسىپ سالاسى نەگىزىندە، اۆتوموبيل جاساۋ كاسىبى، جالپىلىق اسپاپتاردى جاساۋ كاسىبى قاتارلى قيىنشىلىعى بار باسقا 17 كاسىپ سالاسىنا دەيىن كەڭەيتەدى.
ۇقتىرۋدا مىنالار ايقىندالعان: كەشەۋىلدەتىپ تاپسىرۋعا قاتىستى كەڭەيتىلگەن كولەمدەگى كاسىپ سالاسىنا جاتاتىن قيىنشىلىعى بار كاسىپورىندار ءۇش ءتۇرلى قوعامدىق قامسىزداندىرۋ قاراجاتىنىڭ مەكەمە ورىن تاپسىراتىن بولەگىن كەشەۋىلدەتىپ تاپسىرۋعا ءوتىنىش بەرسە بولادى. مۇندا، زەينەتكەرلىك قامسىزداندىرۋى قاراجاتىن كەشەۋىلدەتىپ تاپسىرۋدى اتقارۋدىڭ شەكتى مەرزىمى 2022 – جىلدىڭ سوڭىنا دەيىن، جۇمىس ۇستىندە جارالانۋدان قامسىزداندىرۋ، كاسىپسىز قالۋدان قامسىزداندىرۋ قاراجاتتارىن كەشەۋىلدەتىپ تاپسىرۋدىڭ شەكتى مەرزىمى ءبىر جىلدان اسپاۋى كەرەك. ءاسىلى ايقىن بەلگىلەنگەن ەرەكشە قيىنشىلىعى بار 5 ءتۇرلى كاسىپتەگى كاسىپورىنداردىڭ زەينەتكەرلىك قامسىزداندىرۋ قاراجاتىن كەشەۋىلدەتىپ تاپسىراتىن شەكتى مەرزىمىن سايكەستى تۇردە جىل سوڭىنا دەيىن ۇزارتۋ كەرەك. مۇنان سىرت، ىندەتتىڭ ىقپالى اۋىر بولعان وڭىرلەردەگى ءوندىرىس پەن تيجارات جاعىندا قيىنشىلىققا ۇشىراعان ورتاشا، شاعىن، ۇساق كاسىپورىندار جانە مەكەمە ورىن فورماسىندا قامسىزداندىرۋعا قاتىناسقان جەكەشە ونەركاسىپشىلەر مەن تيجاراتشىلاردىڭ ءۇش ءتۇرلى قوعامدىق قامسىزداندىرۋ قاراجاتىنىڭ مەكەمە ورىن تاپسىراتىن بولەگىن كەزەڭگە ءبولىپ كەشەۋىلدەتىپ تاپسىرۋىنا قاراتىلعان شەكتى مەرزىم 2022 – جىلدىڭ سوڭىنا دەيىن بولادى.
ۇقتىرۋدا مىنالار اتاپ كورسەتىلگەن: كاسىپسىز قالۋدان قامسىزداندىرۋ قاراجاتىنىڭ جۇمىس ورنىن ورنىقتىرۋداعى رولىن اناعۇرلىم ساۋلەلەندىرۋ كەرەك. جۇمىس ورنىن ورنىقتىرىپ، قايتا جۇمىسقا شىعۋعا قولداۋ كورسەتۋ تەبىنىن ارتتىرىپ، ءىرى تيپتەگى كاسىپورىنداردا جۇمىس ورنىن ورنىقتىرىپ، قايتا جۇمىسقا شىعۋ سالىستىرماسىن %30 تەن %50 كە جوعارىلاتۋ كەرەك. جۇمىسشىنى ورنىندا قالدىرۋ ءۇشىن كۋرسقا قاتىناستىرۋعا بەرىلەتىن ءبىر رەتتىك قوسىمشا قاراجاتتان يگىلىكتەنۋ كولەمى ىندەتتىڭ حاۋىپ – قاتەر دارەجەسى جوعارى، ورتاشا وڭىرلەردەگى ورتاشا، شاعىن، ۇساق كاسىپورىنداردان، سول وڭىردەگى ءىرى كاسىپورىندارعا دەيىن كەڭەيتىلەدى، شارت – جاعدايى بار ولكەلەر ىندەتتىڭ حاۋىپ – قاتەر دارەجەسى ورتاشا، جوعارى دەڭگەيگە جەتپەگەن وڭىرلەردەگى اس – سۋ سالاسى قاتارلى ەرەكشە قيىنشىلىعى بار 5 ءتۇرلى كاسىپ سالاسىنداعى كاسىپورىندارعا قاراي كولەمىن اناعۇرلىم كەڭەيتسە بولادى. كاسىپورىندار وقۋ تاۋىساتىن جىلدىقتاعى وقۋشىلاردى قىزمەتكە قابىلداپ، ەڭبەك توقتامىن جاساسا نەمەسە كاسىپسىز قالۋدان قامسىزداندىرۋعا قاتىناستىرسا، ءاربىر ادامعا 1500 يۋاننان اسپايتىن ولشەم بويىنشا ەسەپتەپ، كاسپورىنعا جۇمىس ورنىن ورنىقتىرۋعا قاتىستى ءبىر رەتتىك قوسىمشا قاراجات بەرۋگە بولادى، اتقارۋدىڭ شەكتى مەرزىمى 2022 – جىلدىڭ سوڭىنا دەيىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
